Кіраўнік МУС Шуневіч сышоў у адстаўку

© Photo : Пресс-служба президента РБСустрэча прэзідэнта Беларусі Аляксандра Лукашэнкі і кіраўніка МУС Ігара Шуневіча
Сустрэча прэзідэнта Беларусі Аляксандра Лукашэнкі і кіраўніка МУС Ігара Шуневіча - Sputnik Беларусь
Падпісацца
Міністр унутраных спраў сам звярнуўся да кіраўніка дзяржавы з рапартам аб адстаўцы.

МІНСК, 10 чэр - Sputnik. Прэзідэнт Беларусі Аляксандр Лукашэнка прыняў рапарт аб адстаўцы міністра ўнутраных спраў Ігара Шуневіча.

Встреча президента Беларуси Александра Лукашенко с руководителями конституционных судов зарубежных государств - Sputnik Беларусь
Лукашэнку насцярожылі "не тое "канцлагеры", не тое "гета" ў Беларусі

Раніцай у панядзелак у прэзідэнта і Шуневіча адбылася рабочая сустрэча, падчас якой кіраўнік дзяржавы выказаў крытыку ў адрас міліцыі за "празмернасці" ў забеспячэнні бяспекі на Еўрапейскіх гульнях, а таксама за гульню ХК "Дынама-Мінск". Як стала вядома пазней, гэта была апошняя сустрэча Шуневіча з прэзідэнтам у статусе міністра ўнутраных спраў.

"Сёння я звярнуўся да кіраўніка дзяржавы з рапартам аб адстаўцы, і ён гэтую адстаўку прыняў", - паведаміў журналістам Шуневіч, яго словы прывяла БелТА.

Рашэнне аб сыходзе з пасады, па словах Шуневіча, з'яўляецца "вывераным, правільным і своечасовым".

"Вока замылілася"

"Пройдзены вельмі доўгі і складаны шлях працы ў міністэрстве. Шмат што зроблена. У нейкі момант я пачаў разумець, што трэба забяспечваць пераемнасць, дынаміку, хуткасць і эфектыўнасць прыняцця рашэнняў. І гэта досыць складана - быць актуальным. Па-першае, патрэбен свежы погляд на працу міністэрства. Па-другое, думаючы і пра сваю эфектыўнасць, лічу, што прыйшоў час змяніць род дзейнасці. Дастаткова доўга я знаходжуся на пасадзе міністра. Можа, вока замылілася. Можа, трэба паспрабаваць нешта іншае. Гэта адзіная матывацыя, я яе прывёў кіраўніку дзяржавы, ён з гэтым пагадзіўся", - растлумачыў Шуневіч.

© Photo : пресс-служба МВД БеларусиМіністр унутраных спраў Ігар Шуневіч бяліл дрэвы на тэрыторыі шпіталя МУС
Кіраўнік МУС Шуневіч сышоў у адстаўку - Sputnik Беларусь
Міністр унутраных спраў Ігар Шуневіч бяліл дрэвы на тэрыторыі шпіталя МУС

Канкрэтныя прапановы па новым месцы працы Шуневічу пакуль не паступалі, аднак ён спадзяецца прынесці карысць краіне на іншай пасадзе. Як падкрэсліў сам экс-міністр, жыццё працягваецца, а жаданне і магчымасць працаваць ёсць.

"У сітуацыі, якая склалася, я не бачу абсалютна нічога экстраардынарнага. Усе развіваецца па спіралі. Сядзець склаўшы рукі я дакладна не буду. Спадзяюся быць карысным дзяржаве на любой пасадзе", - дадаў ён.

© Sputnik / Виктор ТолочкоНа чале калоны - міністр унутраных спраў Беларусі Ігар Шуневіч
Кіраўнік МУС Шуневіч сышоў у адстаўку - Sputnik Беларусь
На чале калоны - міністр унутраных спраў Беларусі Ігар Шуневіч

Шуневіч займаў мост кіраўніка МУС з мая 2012 года, раней ён быў першым намеснікам міністра - начальнікам крымінальнай міліцыі. Таксама працаваў у КДБ Беларусі - узначальваў там следчае ўпраўленьне, галоўнае ўпраўленне па контрразведвальным забеспячэнні праваахоўных і кантралюючых органаў, барацьбе з карупцыяй і арганізаванай злачыннасцю.

Стужка навiн
0