Стадыён Дынама

Стала вядома, якія замежныя лідары прыедуць на адкрыццё Еўрапейскіх гульняў

39
(абноўлена 13:31 19.06.2019)
Сярод першых асоб, якія наведаюць цырымонію, - прэзідэнты Азербайджана, Грузіі, Малдовы і прэм'ер-міністр Расіі.

МІНСК, 19 чэр - Sputnik. Першыя асобы шэрагу дзяржаў наведаюць урачыстую цырымонію адкрыцця Еўрапейскіх гульняў у Мінску, паведаміў журналістам у сераду афіцыйны прадстаўнік МЗС Беларусі Анатоль Глаз.

Урачыстая цырымонія адкрыцця II Еўрапейскіх гульняў адбудзецца ў Мінску ў пятніцу, 21 чэрвеня.

"Гэта мерапрыемства не толькі беспрэцэдэнтна і вельмі важна для краіны, але з'яўляецца і адным з найбуйнейшых мультыспартыўных форумаў на еўрапейскім кантыненце", - падкрэсліў Глаз.

Як дадаў прадстаўнік МЗС, для рэспублікі вялікі гонар тое, што шэраг замежных дэлегацый плануе ўдзел у цырымоніі на вышэйшым узроўні.

Сярод тых, каго чакаюць на адкрыцці Еўрапейскіх гульняў, - прэзідэнт Азербайджана Ільхам Аліеў, прэзідэнт Грузіі Саломэ Зурабішвілі, прэзідэнт Малдовы Ігар Додон, прэзідэнт Сербіі Аляксандр Вучыч, старшыня прэзідыума Босніі і Герцагавіны Міларад Додзік.

Наведаюць цырымонію таксама прэм'ер-міністр Расіі Дзмітрый Мядзведзеў і кіраўнік Чачні Рамзан Кадыраў.

Акрамя таго, прыедуць прадстаўнікі кіраўніцтва міжнародных і рэгіянальных арганізацый, уключаючы генеральнага сакратара Цэнтральна-еўрапейкай ініцыятывы Раберта Антаніёні, старшыню калегіі Еўразійскай эканамічнай камісіі Тыграна Саркісяна, дзяржсакратара Саюзнай дзяржавы Рыгора Рапоту.

Некаторыя краіны будуць прадстаўлены міністрамі, у тым ліку Вялікабрытанія і Венгрыя.

39
Тэги:
Еўрапейскія гульні-2019, Мінск
Тэмы:
Еўрапейскія гульні - 2019 (192)
Міністр замежных спраў Уладзімір Макей

Беларусь у адказ на санкцыі прыме меры ў адносінах да замежных СМІ

38
Міністэрства замежных спраў у выпадку, калі заходнія краіны ўвядуць рэстрыкцыі, гатова пайсці на крокі ў адказ у дачыненні да функцыянавання акрэдытаваных у рэспубліцы СМІ.

МІНСК, 18 вер - Sputnik. Беларускі бок у выпадку санкцый з боку Еўрасаюза, прыме адпаведныя крокі ў адказ, заявіў у эфіры тэлеканала СТБ міністр замежных спраў Уладзімір Макей.

Паводле яго слоў, у МЗС Беларусі ведаюць, што 21 верасня міністры замежных спраў краін ЕС будуць абмяркоўваць пытанне аб санкцыях, аб персанальных санкцыях у дачыненні да беларускіх афіцыйных асоб.

"Мы гатовыя да гэтага, мы ніколі не будзем ініцыяваць нейкія дзеянні, накіраваныя на пагаршэнне стасункаў з нашым важным партнёрам - Еўрапейскім саюзам і асобнымі краінамі-членамі", - запэўніў кіраўнік знешнепалітычнага ведамства.

Пры гэтым ён зрабіў акцэнт, што Мінск знаходзіцца ў стане поўнай гатоўнасці, каб "даць адэкватны адказ на падобнага роду разбуральныя дзеянні".

Макей запэўніў, што ў выпадку ўвядзення абмежавальных мер у дачыненні да беларускіх уладаў, афіцыйны Мінск будзе вымушаны прыняць "адпаведныя крокі, звязаныя з ўнутрыпалітычным функцыянаваннем дзяржаў".

"Гэта можа тычыцца і палітычнай сістэмы, і функцыянавання замежных СМІ, акрэдытаваных у Беларусі, і шэрагу іншых крокаў", - растлумачыў кіраўнік МЗС рэспублікі.

38
Тэги:
МЗС Беларусі, Уладзімір Макей, Беларусь
Валадарка - СІЗА №1 Мінска

Паслы ЕС у Мінску заклікалі вызваліць зняволеных па палітычных матывах

6
(абноўлена 17:12 18.09.2020)
Дыпламаты абяцаюць прыносіць на кожную сустрэчу з беларускімі чыноўнікамі спіс грамадзян, якіх яны лічаць палітычнымі вязьнямі.

МІНСК, 18 вер - Sputnik. Еўрапейскія паслы заклікалі ўлады Беларусі вызваліць усіх, хто знаходзіцца пад вартай па палітычных матывах, пра гэта гаворыцца ў паведамленні на афіцыйнай старонцы прадстаўніцтва ЕС у Facebook.

"Мы, кіраўнікі дыпламатычных місій, якія працуюць у Мінску, краін Еўрапейскага саюза, заклікаем улады Беларусі дзейнічаць у адпаведнасці са сваімі міжнароднымі абавязацельствамі і вызваліць усіх, хто знаходзіцца пад вартай па палітычных матывах на працягу апошніх некалькіх месяцаў", - звярнуліся еўрапейскія дыпламаты да беларускіх уладаў.

Пры гэтым яны выказалі салідарнасць з усімі беларускімі палітвязнямі, а менавіта некалькімі дзесяткамі мужчын і жанчын, якія апынуліся пад вартай несправядліва за тое, што адстойвалі дэмакратычныя свабоды.

"З гэтага дня кожны з нас будзе прыносіць копію спісу палітвязняў у Беларусі на кожную сустрэчу з беларускімі чыноўнікамі", - паведамілі дыпламаты.
У прадстаўніцтве Еўрасаюза падкрэслілі, што да мірнага ўрэгулявання крызісу ў рэспубліцы можа прывесці толькі ўсёабдымны нацыянальны дыялог.

Пры гэтым павінны выконвацца асноўныя правы і свабоды беларускага народа, а таксама забяспечвацца дэмакратычныя працэдуры.

6
Тэги:
Мінск, Еўрасаюз
Акадэмік Расійскай акадэміі навук Вадзім Пакроўскі

"Гэта вельмі рэдкія выпадкі": акадэмік РАН пра пагрозу COVID на працягу 90 дзён

0
(абноўлена 09:18 18.09.2020)
Інфармацыю пра тое, што чалавек, які перахварэў на каронавірус, вылучае каронавірус яшчэ 90 дзён, пракаментаваў акадэмік РАН, загадчык аддзела НДІ эпідэміялогіі Расспажыўнагляду Вадзім Пакроўскі.
"Это очень редкие случаи": академик РАН об угрозе COVID в течение 90 дней

Часцей за ўсё чалавек, які перахварэў на каронавірус, перастае вылучаць вірус ужо праз 10-15 дзён пасля праявы сімптомаў, але тэрмін можа павялічвацца аж 90 дзён. Пра гэта распавяла кіраўнік Расспажыўнагляду Ганна Папова на прэзідыуме Расійскай акадэміі навук. Зрэшты, для большасці людзей сур'ёзнай пагрозы на самай справе няма, а пасля вакцынацыі чалавек бяспечны для навакольных, заявіў акадэмік РАН, загадчык аддзела НДІ эпідэміялогіі Расспажыўнагляду Вадзім Пакроўскі ў эфіры радыё Sputnik.

"У страха вочы вялікія, усе сталі думаць, што кожны вылучае вірус 90 дзён. Не, гаворка ідзе пра некалькі выпадкаў падазроных. Таму іх спецыяльна апісваюць як вельмі цікавыя", - сказаў ён.

Паводле яго слоў, у выступе Паповай не было ўпэўненасці, што гаворка ідзе менавіта аб выдзяленні віруса, а не толькі яго генаў.

"У некаторых вакцынах яшчэ выкарыстоўваецца аслаблены жывы вірус, але, па-мойму, такіх вакцын ад каронавіруса няма. Таму той, хто атрымаў вакцыну, абсалютна бяспечны", - дадаў Пакроўскі.

Нагадаем, раней у Міністэрстве аховы здароўя РФ паведамілі, што на рэгістрацыі цяпер знаходзяцца пяць вакцын ад COVID. Вытворчасць прэпарата будзе паступова нарошчвацца, масавую вакцынацыю плануецца пачаць ужо ў снежні.

Каментар акадэміка РАН, загадчыка аддзела НДІ эпідэміялогіі Расспажыўнагляду Вадзіма Пакроўскага слухайце ў аўдыёзапісы на радыё Sputnik Беларусь.

0
Тэги:
каронавірус, Распажыўнагляд
Тэмы:
Каронавірус COVID-19