МІНСК, 28 чэр - Sputnik. Пакуль Савет Еўропы не гатовы да супрацоўніцтва з Мінскам, заявіў міністр замежных спраў Беларусі Уладзімір Макей, перадае карэспандэнт Sputnik.
Напярэдадні Расія аднавіла сваю паўнавартасную працу ў ПАСЕ. У адказ на пытанне, калі Мінск таксама пачне паўнавартасна ўдзельнічаць у працы міжнароднага органа, Уладзімір Макей адказаў, што "мы працягваем супрацоўніцтва з Радай Еўропы. Падрыхтавана чарговая праграма на наступныя некалькі гадоў".
"Будзем спакойна працаваць над тым, каб ліквідаваць спрэчныя моманты, што засталіся", - запэўніў ён.
Адказваючы на пытанне, ці датычыцца гэта пытання аб смяротнай кары, беларускі міністр пераадрасаваў яго да Савета Еўропы.
"Мы гатовыя працаваць з Саветам Еўропы па ўсіх напрамках. Чаму Савет Еўропы не гатовы да поўнамаштабнага супрацоўніцтва з Беларуссю (гэта пытанне да іх - Sputnik)", - падкрэсліў ён.
