Сустрэча прэзідэнта Аляксандра Лукашэнкі з прэм'ер-міністрам Грузіі Мамука Бахтадзе

Лукашэнка: мы не дзелім постсавецкія рэспублікі на дрэнныя і добрыя

23
(абноўлена 14:06 23.08.2019)
Народы Беларусі і Грузіі аб'ядноўвае сяброўства і асаблівыя адносіны, лічыць беларускі лідар.

МІНСК, 23 жні - Sputnik. Аляксандр Лукашэнка гатовы настойліва развіваць адносіны з афіцыйным Тбілісі, пра што ён заявіў на сустрэчы з грузінскім прэм'ерам Мамукай Бахтадзэ.

"Мы вельмі цесна супрацоўнічаем з усімі постсавецкімі рэспублікамі, не дзелім іх на дрэнныя і добрыя", - цытуе кіраўніка дзяржавы яго прэс-служба.

Пры гэтым беларускі лідар адзначыў, што, калі ў працы з партнёрамі будуць знойдзеныя праблемы ці недахопы, іх трэба будзе пераадолець са спакоем і цярпеннем.

Прэзідэнт Беларусі запэўніў Мамуку Бахтадзэ, што Беларусь менавіта такім чынам і паступае з іншымі дзяржавамі постсавецкай прасторы.

"Вы ў гэтым плане можаце разлічваць, што мы настойліва, цярпліва (хоць мы гэты перыяд ужо прайшлі) будзем развіваць нашы адносіны на карысць беларускага і грузінскага народаў", - падкрэсліў Аляксандр Лукашэнка.

На яго думку, два народы аб'ядноўвае сяброўства і асаблівыя адносіны. У Беларусі пры гэтым жыве шмат грузінаў, чые святы "ведаюць у кожнай вёсачцы".

У сваю чаргу Мамука Бахтадзэ нагадаў, што на пачатку сваёй кар'еры працаваў як у прыватным сектары, так і кіраваў чыгункай у Грузіі. Таму па абавязку службы неаднаразова бываў у Беларусі.

"Вы ўзгадалі лічбу нашага гандлю. Так, мы пачыналі з нуля. Але я ўпэўнены, што мы зможам падвоіць яе: наша міжурадкамісія працуе вельмі эфектыўна", - лічыць грузінскі палітык.

Паводле яго слоў, візіт беларускага лідара ў Грузію ў 2015 годзе надаў імпульс для развіцця адносінаў паміж дзвюма дзяржавамі.

Падзякаваў Мамука Бахтадзэ прэзідэнту Беларусі за падтрымку ў пытанні тэрытарыяльнай цэласнасці і незалежнасці Грузіі.

"Грузінскі народ гэтага ніколі не забудзе", - запэўніў грузінскі прэм'ер.

Аляксандр Лукашэнка ў адказ на гэта адзначыў, што такую палітыку Беларусь прынцыпова вядзе ў дачыненнi да любой краіны.

"З любой дзяржавай гэта можа адбыцца, і гэта недапушчальна", - падкрэсліў ён.

23
Тэги:
Аляксандр Лукашэнка, Беларусь, Грузія
Сустрэча Пасла Беларусі са Старшынёй Народнай скупшчыны Сербіі

Кіраўніцтва Нацыянальнага сходу Беларусі запрасілі ў Сербію

14
(абноўлена 13:59 12.05.2021)
Плануецца, што запрашэнне кіраўнікоў Нацсходу з нашай краіны дапаможа развіццю міжпарламенцкаму дыялога дзвюх краін.

МІНСК, 12 тра - Sputnik. Кіраўніцтва Нацыянальнага сходу Беларусі запрасіў да сябе ў краіну старшыня Народнай скупшчыны (парламент у Сербіі - Sputnik) Івіца Дачыч, паведаміла прэс-служба МЗС Беларусі.

Надзвычайны і Паўнамоцны пасол Беларусі ў Сербіі Валерый Брылёў сустрэўся са старшынёй Народнай скупшчыны Івіцай Дачычам у аўторак.

Бакі абмяркоўвалі перспектывы паглыблення гандлёва-эканамічнага супрацоўніцтва і сумесныя праекты. Таксама былі закрануты іншыя пытанні двухбаковага ўзаемадзеяння, у тым ліку, гаворка ішла і аб узаемнай падтрымцы ў рамках міжнародных арганізацый.

Брылёў і Дачыч адзначылі высокі ўзровень беларуска-сербскіх адносін і пацвердзілі прыхільнасць дзвюх краін да далейшага ўмацавання дружалюбных сувязяў і ўзаемавыгаднага супрацоўніцтва.

Прадстаўнікі Беларусі і Сербіі зацікаўлены ў актывізацыі міждзяржаўных кантактаў. Таму для развіцця міжпарламенцкага дыялогу Дачыч пацвердзіў запрашэнне кіраўніцтва Нацсходу рэспублікі наведаць Сербію з візітам.

Чытайце таксама:

14
Тэги:
краіна, Сербія, Беларусь, Нацыянальны сход РБ, кіраўніцтва

Энергетычная бяспека: што ў Беларусі лічаць альтэрнатывай расійскаму газу?

10
(абноўлена 13:50 12.05.2021)
У сераду, 12 траўня, у мультымедыйным прэс-цэнтры Sputnik Беларусь прайшоў круглы стол на тэму: "Павышэнне энергаэфектыўнасці эканомікі за кошт выкарыстання аднаўляльных крыніц энергіі".

Рэспубліка Беларусь - раўнінная краіна, дзе адсутнічаюць буйныя перапады рэльефу, спрыяльныя для будаўніцтва буйных ГЭС, на яе тэрыторыі не дзьмуць моцныя вятры, каб выкарыстоўваць іх энергію ў прамысловых маштабах, няма выйсця да мораў і акіянаў. Дзяржаўная праграма "Энергазберажэнне" на 2021-2025 гады прадугледжвае дасягненне долі аднаўляльных крыніц энергіі ў валавым спажыванні паліўна-энергетычных рэсурсаў на ўзроўні 8% і зніжэнне энергаёмістасці ВУП на 7% да ўзроўню 2020 года. Як у краіне будзе рэалізоўвацца праграма, і чым плануюць часткова замяніць спажыванне прыроднага газу?

Удзельнікі круглага стала:

  • начальнік упраўлення вытворчасці і рэалізацыі прадукцыі Міністэрства лясной гаспадаркі Рэспублікі Беларусь Андрэй Мацкевіч;
  • намеснік дырэктара Дэпартамента па энергаэфектыўнасці Дзяржаўнага камітэта па стандартызацыі Рэспублікі Беларусь Леанід Паляшчук;
  • прадстаўнікі Міністэрства прыродных рэсурсаў і аховы навакольнага асяроддзя Рэспублікі Беларусь.

Глядзіце таксама:

10
Тэги:
Эканоміка, круглы стол, газ, Расія, альтэрнатыва, Беларусь, Бяспека, Энергетыка
Прадстаўлены медалі чэмпіянату свету па хакеі ў Рызе

Прадстаўлены медалі чэмпіянату свету па хакеі ў Рызе

0
(абноўлена 16:01 12.05.2021)
Узнагароды сусветнага хакейнага форуму чаканіліся на манетным двары ў Нарвегіі, дзе быў выраблены і медаль Нобелеўскай прэміі міру.

МІНСК, 12 траўня - Sputnik. Аргкамітэт чэмпіянату свету па хакеі-2021 у Рызе прадставіў дызайн медалёў, імі будуць узнагароджваць пераможцаў і прызёраў турніру, паведаміла прэс-служба Міжнароднай федэрацыі хакея (IIHF).

На ўзнагародах намаляваны лагатып сусветнага форуму - хакеіст на фоне стылізаванай хакейнай пляцоўкі. Па краях медалёў нанесена назва і месца правядзення чэмпіянату. Вага адной адзінкі - звыш 400 грамаў, дыяметр складае 10 сантыметраў.

Дызайн распрацавала IIHF разам з Латвійскім манетным дваром за два тыдні. Цікава, што чаканіліся ўзнагароды на манетным двары ў Нарвегіі. Дарэчы, там жа быў выраблены медаль Нобелеўскай прэміі міру.

Па словах кіраўніка аргкамітэта чэмпіянату Эдгарса Бунціса, ажыццёўлена задума - выкарыстоўваць моцны і выразны хакейны знак у дызайне.

"Не забыліся і пра нацыянальны сімвал Латвіі, які будзе прадстаўлены на стужках. Цырымонія ўручэння медалёў і атрыманне трафея - адзін з самых эмацыйных момантаў на кожным спартыўным турніры. Праз 64 матчы мы даведаемся, якія каманды прывязуць гэтыя медалі дадому", - дадаў ён.

Медалі чэмпіянату свету будуць разыграны 6 чэрвеня, калі лепшыя каманды згуляюць у матчах за залатыя і бронзавыя ўзнагароды.

Сусветнае хакейнае першынства ў Рызе пройдзе з 21 траўня па 6 чэрвеня. Беларусь і Расія згуляюць у групе А. Апроч беларусаў і расіян, у групе яшчэ Швецыя, Чэхія, Швейцарыя, Славакія, Данія і Вялікабрытанія. У групе В - Канада, Фінляндыя, ЗША, Германія, Латвія, Нарвегія, Італія і Казахстан. Турнір пройдзе без гледачоў.

Чытайце таксама:

0
Тэги:
Нобелеўская прэмія міру, Нарвегія, Узнагароды, Рыга, Хакей, чэмпіянат, медалі