Цэнтрвыбаркам Беларусі

Выбарчыя камісіі: большасць - жанчыны, маладых - усяго 3,6%

18
(абноўлена 11:12 04.09.2019)
Пераважная большасць членаў выбарчых камісій - ад грамадскіх аб'яднанняў.

МІНСК, 4 вер - Sputnik. Больш за 60% сяброў акруговых выбарчых камісій на будучых парламенцкіх выбарах складаюць жанчыны, такія дадзеныя  апублікаваў Цэнтрвыбаркам Беларусі.

Парламенцкія выбары пройдуць у Беларусі 7 і 17 лістапада: у гадавіну Кастрычніцкай рэвалюцыі будуць абраныя члены Савета Рэспублікі, а 17-га адбудзецца галасаванне за кандыдатаў у дэпутаты Палаты прадстаўнікоў.

Акруговыя выбарчыя камісіі сфарміраваны ў Беларусі да 2 верасня. Цэнтрвыбаркам апублікаваў асноўныя звесткі аб іх складах.

Жанчын шмат, моладзі мала

Усяго ў Беларусі сфарміравана 110 акруговых выбарчых камісій, у якіх будуць складацца 1430 чалавек. Больш за ўсё акруговых камісій (20) сфармавана ў Мінску, а менш за ўсё (па 13) - у Гродзенскай і Магілёўскай абласцях.

Дзяржаўныя служачыя складаюць 15,7% ад складу акруговых выбарчых камісій. Цікава, што больш за ўсё чыноўнікаў у камісіях Міншчыны - 22,6% ад агульнай колькасці, а менш за ўсё - у Мінску (6,2%).

Аснову акруговых камісій па-ранейшаму складаюць жанчыны: іх 61% ад агульнай колькасці. А вось моладзі няшмат: усяго 3,6% сябраў камісій маладзейшыя за 30 гадоў.

Пайшлі ад аб'яднанняў

Сярод членаў камісій 34,5% тых, хто ўвайшоў шляхам падачы заяў. Працоўныя калектывы прадстаўлены 4,1% ад агульнага складу.

Пераважная большасць (72,8% сябраў камісій) вылучаны грамадскімі аб'яднаннямі, уключаючы 14% прадстаўнікоў партый.

Большасць партыйных членаў камісій - прадстаўнікі Рэспубліканскай партыі працы і справядлівасці і Камуністычнай партыі. Таксама ў склады ўвайшлі прадстаўнікі "Справядлівага свету" (23 чалавекі), Беларускай аграрнай партыі (14), Беларускай сацыяльна-спартыўнай партыі (15).

Ад Ліберальна-дэмакратычнай партыі ў камісіях будуць працаваць 11 чалавек, ад Сацыял-дэмакратычнай партыі Народнай Згоды - восем, ад Беларускай сацыял-дэмакратычнай партыі "Грамада" - чатыры, ад БНФ трое, а ад Беларускай патрыятычнай і Аб'яднанай грамадзянскай партый - па чалавеку.

Па графе "ад іншых грамадскіх аб'яднанняў" ідуць 58,8% сябраў усіх камісій. У асноўным яны прадстаўлены прафсаюзамі (18,9%), "Белай Руссю" (7,6%), Саюзам жанчын (7,1%), БРСМ (6,5%). Таксама будуць у камісіях працаваць прадстаўнікі аб'яднання ветэранаў і фонду міру і іншых грамадскіх арганізацый.

18
Тэги:
Выбарчая сістэма, Парламенцкія выбары, Беларусь
Тэмы:
Парламенцкія выбары - 2019 (97)
Мабільны тэлефон у руках, архіўнае фота

Ці можна фатаграфаваць бюлетэнь? Што сказана ў метадычцы ад ЦВК

8
(абноўлена 16:29 07.08.2020)
На думку Цэнтрвыбаркама, волевыяўленне чалавека да моманту падліку галасоў павінна заставацца таямніцай.

МІНСК, 9 жні - Sputnik. Цэнтрвыбаркам Беларусі ў сваіх метадычных рэкамендацыях разабраў сітуацыю, у якой выбаршчык хоча зрабіць фатаграфію на ўчастку.

Прэзідэнцкія выбары – 2020 у Беларусі: каляндар выбарчай кампаніі | Інфаграфіка sputnik.by
© Sputnik Беларусь / Інфаграфіка

Участковыя камісіі дзейнічаюць на выбарах у адпаведнасці з метадычнымі рэкамендацыямі ЦВК: у іх прыводзіцца тое, як павінны працаваць члены камісій, што павінна быць на участках, а таксама разбіраюцца магчымыя спрэчныя сітуацыі.

Адзін з разбораў магчымых сітуацый тычыцца фатаграфавання на ўчастку. Паводле легенды, мужчына прыходзіць галасаваць з сям'ёй і хоча зрабіць калектыўнае фота на фоне кабінкі на памяць.

"Выбарчае заканадаўства не рэгулюе дадзеныя пытанні. Разам з тым, улічваючы жаданне пакінуць памяць аб удзеле ў выбарах у выглядзе фатаграфіі захапленне шырокага кола грамадзян сэлф-фатаграфіяй, старшыні камісіі не варта забараняць зрабіць пару фатаграфій", - гаворыцца ў метадычных рэкамендацыях ЦВК.

Аднак у рэкамендацыях таксама паказана, што "выбаршчыку трэба ўстрымацца ад фатаграфавання свайго запоўненага бюлетэня, так як яго волевыяўленне да моманту падліку галасоў павінна заставацца таямніцай".
"Акрамя таго, нельга фатаграфаваць спісы выбаршчыкаў, іншых удзельнікаў выбарчага працэсу без іх згоды", - гаворыцца ў дакуменце.

Фатаграфаваць запоўнены бюлетэнь грамадзян заклікаюць стваральнікі платформы "Голас", на якой ужо зарэгістравана больш за 700 тысяч чалавек. Прыхільнікі ініцыятывы паказваюць, што Выбарчым кодэксам фатаграфаванне бюлетэня не забаронена і, калі здымак не будзе апублікаваны да закрыцця участкаў, гэта не будзе лічыцца парушэннем і незаконнай агітацыяй.

8
Тэги:
ЦВК Рэспублікі Беларусь, Выбары, Беларусь
Тэмы:
Выбары прэзідэнта Беларусі - 2020
Палац  рэспублікі перад выбарамі прэзідэнта

Выбары прэзідэнта праходзяць сёння ў Беларусі

7
(абноўлена 08:59 09.08.2020)
У выбарчым бюлетэні - імёны пяцёх кандыдатаў: Святланы Ціханоўскай, Андрэя Дзмітрыева, Сяргей Чарэчня, Ганны Канапацкай і Аляксандра Лукашэнкі.

МІНСК, 9 жні - Sputnik. Выбары прэзідэнта пройдуць сёння ў Беларусі, паведамляе Sputnik.

Генеральная пракуратура Рэспублікі Беларусь
© Photo : Генеральная прокуратура Республики Беларусь

Шостыя ў гісторыі незалежнай Беларусі прэзідэнцкія выбары былі прызначаныя на 9 жніўня. Пры гэтым з 4 жніўня ў краіне працягвалася датэрміновае галасаванне.

Традыцыйна большасць выбаршчыкаў вырашаюць аддаць свой голас у асноўны дзень галасавання.

Выбарчыя ўчасткі адкрываюцца ў 8:00 і будуць працаваць да 20:00, пасля чаго пачнецца падлік галасоў.

Цэнтрвыбаркам абяцае абвясціць папярэднія вынікі выбараў раніцай у панядзелак.

У выбарчым бюлетэні - імёны пяцёх кандыдатаў: Святланы Ціханоўскай, Андрэй Дзмітрыева, Сяргей Чарэчня, Ганны Канапацкай і Аляксандра Лукашэнкі.

Для ўдзелу ў галасаванні неабходна з'явіцца на ўчастак па пастаянным месцы жыхарства з пашпартам, альбо iншым дакументам, па якім можна галасаваць: ваенным білетам, вадзіцельскім пасведчаннем, альбо даведкай з міліцыі аб страце пашпарта.

Прэзідэнт Беларусі абіраецца тэрмінам на пяць гадоў. Такім чынам, наступныя выбары кіраўніка дзяржавы павінны будуць адбыцца не пазней за 2025 год.

7
Тэги:
Беларусь, Выбары
Тэмы:
Выбары прэзідэнта Беларусі - 2020