Прэзідэнт Беларусі Аляксандр Лукашэнка з рабочым візітам у Брэсце

Лукашэнка пра Брэст-юбіляр: зусім іншы горад

22
(абноўлена 13:09 06.09.2019)
Беларусы павінны, на думку кіраўніка дзяржавы, усё рабіць самі, а калі не хапае навыкаў і ўменняў, авалодваць імі.

БРЭСТ, 6 вер - Sputnik. Брэст папрыгажэў і прыкметна змяніўся, заявіў прэзідэнт Беларусі Аляксандр Лукашэнка ў час сустрэчы з працоўнымі калектывамі будаўнічых арганізацый, якія ўдзельнічалі ва ўзвядзенні Заходняга абходу.

Лукашэнка адкрыў у Брэсце Заходні абход
© Photo : Пресс-служба Президента РБ

Лукашэнка нагадаў, што ў сярэдзіне 70-х гадоў служыў у Брэсце ў пагранічных войсках, быў інструктарам палітаддзела вайсковай часткі Заходняй пагранічнай акругі.

"Ён змяніўся. Брэст стаў сучасным. Зусім іншы горад, нават мяжа, дзе я служыў, зусім іншая стала - дагледжаная, прыгожая", - цытуе кіраўніка дзяржавы яго прэс-служба.

За савецкім часам, па словах прэзідэнта, горадам можна было назваць толькі яго цэнтр і некаторыя раёны.

Беларускі лідар таксама параіў будаўнікам быць больш мабільнымі, асвойваць новыя тэхналогіі, у выпадку адсутнасці працы па асноўнай спецыяльнасці быць гатовымі асвойваць сумежныя.

"Мы павінны ўсё рабіць самі. І нават калі чагосьці калісьці не рабілі - трэба навучыцца, тэхналогій дастаткова. Таму паціху будзем падштурхоўваць вас да таго, каб вы асвойвалі новыя тэхналогіі", - сказаў Лукашэнка.

Ён нагадаў, што канкурэнцыя ў будаўнічай сферы ў цяперашні час сур'ёзная, профільным арганізацыям прыходзіцца няпроста. І ў краіне не заўсёды хапае сродкаў, каб заняць ўсіх будаўнікоў. Але губляць спецыялістаў і калектывы Лукашэнка не гатовы.

"Я вас проста агітую на тое, каб мы захавалі будаўнічыя калектывы. І калі не такімі аб'ектамі загрузіць, ня жыллём, то дзесьці, напэўна, трошкі і перапрафілявацца, каб блізкія працы выконваць. Але абавязкова захаваць працоўныя калектывы", - падкрэсліў ён .

"Абсалютна ўсё змянілася" - Лукашэнка параўнаў сучасны Брэст з горадам часоў сваёй маладосці.

22
Тэги:
Аляксандр Лукашэнка, Брэст

Лукашэнка аб мітынгах апанентаў, каронавірусе і адносінах з Расіяй

5
(абноўлена 17:20 09.08.2020)
Прэзідэнт запэўнівае, што не можа назваць гэтую кампанію самай складанай - і нагадвае, што ў 2010 годзе таксама было нялёгка.

Прэзідэнт Беларусі Аляксандр Лукашэнка пагутарыў з прэсай на выбарчым участку. Кіраўнік дзяржавы пракаменціраваў дзеянні альтэрнатыўных кандыдатаў, іх праграму, а таксама мітынгі. Закрануў і акцыю Святланы Ціханоўскай у парку Дружбы народаў.

Журналісты ў размове з Лукашэнкам распыталі яго і пра каронавірус і ён прызнаў, што хвароба гэтая непрыемная.

Тэма беларуска-расійскіх адносінаў таксама была ў парадку дня.

"На усходзе ў нас вельмі моцныя дзве дзяржавы. Хочам мы, ці не хочам, мы з Расіяй заўсёды будзем супрацоўнічаць, будзем заўсёды разам, у залежнасці ад таго, наколькі Расія здольная на больш цеснае або менш цеснае супрацоўніцтва", – адзначыў прэзідэнт.

Лукашэнка падкрэсліў, што расійскі прэзідэнт Уладзімір Пуцін запэўніў яго ў намерах будаваць братэрскія адносіны. Кароткую версію размовы прэзідэнта з журналістамі глядзіце на відэа.

5
Тэги:
Аляксандр Лукашэнка, Выбары, Беларусь
Тэмы:
Выбары прэзідэнта Беларусі - 2020
Пенсіянеры галасуюць

Яўка на выбарах па дадзеных на 16 гадзін склала 73,4%

6
(абноўлена 17:11 09.08.2020)
Найбольш актыўна галасуюць жыхары Гомельскай і Магілёўскай абласцей, тут яўка склала адпаведна 81,87% і 80,29%.

МІНСК, 9 жні - Sputnik. Яўка выбаршчыкаў на прэзідэнцкіх выбарах у Беларусі па стане на 16 гадзін склала 73,4%, паведамілі ў Цэнтрвыбаркаме.
Найбольш актыўна галасуюць жыхары Гомельскай і Магілёўскай абласцей, тут да скрыняў прыйшлі ўжо 81,87% і 80,29% выбаршчыкаў.

На трэцім месцы - Гродзенская вобласць, дзе прагаласавалі 75,66% выбаршчыкаў. У Брэсцкай вобласці яўка склала 75,11%, у Віцебскай - 75,05%, у Мінскай - 72,3%, паведаміў у ЦВК у нядзелю. Яўка на прэзідэнцкіх выбарах у Мінску на 16 гадзін склала 58,79%.

Днём у сталіцы і шэрагу рэгіёнаў сталі з'яўляцца чэргі з жадаючых прагаласаваць. Чэргі стаяць і да дыпмісій Беларусі ў шэрагу краін, дзе арганізаваны ўчасткі.

9 жніўня - асноўны дзень галасавання на выбарах Прэзідэнта Беларусі. З аўторка ў краіне ішло датэрміновае галасаванне. Паводле афіцыйных дадзеных, яўка на датэрміновым галасаванні склала 41,7%. На пасаду прэзідэнта краіны прэтэндуюць пяць чалавек: Андрэй Дзмітрыеў, Ганна Канапацкая, Аляксандр Лукашэнка, Святлана Ціханоўская і Сяргей Чарачэнь. Адзначым, што ўсе кандыдаты ўжо пабывалі на выбарчых участках і прагаласавалі.

6
Тэги:
ЦВК Рэспублікі Беларусь, Выбары, Беларусь
Тэмы:
Выбары прэзідэнта Беларусі - 2020