Сваякі сустракалі вызваленых у аэрапорце Барыспаля

Прарыў у адносінах: рэакцыя на абмен паміж Масквой і Кіевам

26
(абноўлена 17:57 07.09.2019)
У Маскве станоўча ацэньваюць абмен, які адбыўся, аднак падкрэсліваюць: праца на гэтым не скончана - трэба дамагацца абмену "ўсіх на ўсіх".

МІНСК, 7 вер - Sputnik. Расіійскія палітыкі, праваабаронцы і парламентарыі вітаюць абмен затрыманымі асобамі, які адбыўся ў суботу паміж Масквой і Кіевам.

Масква і Кіеў у суботу правялі абмен затрыманых асоб па формуле "35 на 35". Борт з вызваленымі расіянамі днём прыбыў у аэрапорт "Унукава". Практычна адначасова самалёт з украінскімі грамадзянамі прыбыў у "Барыспаль".

Можна весці перамовы

Як заявіў расійскі сенатар Франц Клінцэвіч, абмен павінен быць працягнуты да рэалізацыі формулы "ўсіх на ўсіх".

Кажучы аб абмене, які адбыўся ў суботу, Клінцэвіч адзначыў, што ён бы не адбыўся без сустрэчнага руху украінскага боку. "Новая ўкраінская ўлада паказала, што з ёй можна весці перамовы і знаходзіць кампрамісныя рашэнні", - сказаў сенатар.

Абмен, на думку Клінцэвіча, трэба разглядаць, перш за ўсё, як буйную гуманітарную акцыю.

"Людзі уз'ядналіся са сваімі сем'ямі, і гэта галоўнае. Усё астатняе павінна адысці на задні план. Асабліва непрымальныя любыя спробы ўзважваць на вагах, хто ў выніку выйграў ці прайграў", - мяркуе ён.

Клінцэвіч таксама выказаў надзею на тое, што абмен, зняўшы сур'ёзную эмацыйную праблему ў адносінах Расіі і Украіны, "дасць станоўчы імпульс для пераходу да абмеркавання пытанняў стратэгічнага парадку".

"Думаю, што Украіна зацікаўленая ў гэтым не менш, чым Расія", - адзначыў ён.

Высока ацаніў абмен і член камітэта Савета Федэрацыі па міжнародных справах Алег Марозаў.

"Гэта, безумоўна, прарыў у адносінах і той пачатак, за якім можа быць працяг", - упэўнены сенатар.

Як адзначыў Марозаў, вызваленне стане тым гуманітарныхм аспектам у адносінах дзвюх краін, які можа паўплываць і на ўсё астатняе.

"Далей, вядома, павінна рушыць услед урэгуляванне на Данбасе", - выказаўся ён.

Крок па нармалізацыі адносін

Кіраўнік Савета па правах чалавека пры прэзідэнце РФ (СПЧ) Міхаіл Фядотаў таксама вітае абмен.

"Я вельмі рады, што гэты абмен адбыўся. Мы даўно яго чакалі. І вызваленне Кірыла Вышынскага было добрым прадвесцем", - адзначыў ён у каментары РІА "Новости".

Фядотаў дадаў, што чакае новых крокаў у гэтым кірунку, бо з 2014 года СПЧ выступае за вяртанне ўсіх затрыманых асоб.

"Гэтая праца вельмі важная, і яе трэба працягваць, - патлумачыў праваабаронца. - Я спадзяюся, што гэты крок пакажа вектар па нармалізацыі адносін паміж Расіяй і Украінай", - выказаўся ён.

Кіраўнік СПЧ таксама выказаўся пра тое, што хацеў бы павіншаваць упаўнаважанага па правах чалавека ў РФ Таццяну Маскалькову, "якая столькі сіл і часу выдаткавала на рашэнне гэтай вельмі цяжкай задачы".

Велізарная праца і радасць

Каментуючы абмен, амбудсмен Маскалькова адзначыла трохгадовую працу вялікай колькасці людзей - усіх тых, хто працаваў над тым, каб вызваленне адбылося.

"Пасля таго як адбылася размова паміж прэзідэнтам РФ Уладзімірам Уладзіміравічам Пуціным і Зяленскім Уладзімірам Аляксандравічам 11 ліпеня ўпершыню мы адчулі канструктыў і перамовы, двухбаковы дыялог стаў атрымліваць выразныя абрысы", - сказала Маскалькова ў эфіры "Расія 24".

Таксама ў суботу Маскалькова выказалася пра тое, што акцыю нельга лічыць зусім завершанай, "бо амаль цэлы шэраг людзей, можа быць нават 50%, у адносінах да якіх працягваюцца крымінальныя справы, працягваюцца расследаванні спраў, разгляды ў судах, і гэтыя людзі павінны даваць паказанні, удзельнічаць у працэсе".

Працэсуальныя формулы дзяржорганам будзе складана знайсці, канстатавала Моаскалькова. Паводле яе слоў, гэта будзе нейкай складанасцю для вядзення працэсаў. У будучыні, мяркуе яна, было б вельмі добра завяршыць і спыніць крымінальныя справы, аднак "гэта пытанні заўтрашняга дня".

Пры гэтым у цэлым адрэагавала на абмен яна вельмі станоўча.

"Асабліва хацела сказаць слова і радасці, і падтрымкі сем'ям 70 грамадзян і асабліва Кірылу Вышынскаму, які сёння вяртаецца дадому, які так шмат зрабіў для таго, каб падняць права на свабоду слова на п'едэстал і адстойваць яго да апошняга", - выказалася яна.

Цяпер можна ўздыхнуць спакойна

Асабліва ўсе чакалі вяртання ў Маскву Кірыла Вышынскага. Каментуючы яго прылёт у Расію, кіраўнік Саюза журналістаў Расіі Уладзімір Салаўёў адзначыў, што зараз можна ўздыхнуць спакойна.

"Ну, нарэшце можна ўздыхнуць спакойна. Нарэшце Кірыл Вышынскі ўжо дакладна вызвалены, завяршылася доўгая і вельмі няпростая праца абаронцаў, праваабаронцаў, журналісцкіх арганізацый", - выказаўся кіраўнік СЖР.

Салаўёў ад імя ўсяго Саюза журналістаў падзякаваў усім, хто працаваў над вызваленнем Вышынскага.

"Зараз з'явілася ўжо цалкам адчувальная надзея на паляпшэнне адносін паміж Расіяй і Украінай", - адзначыў Салаўёў.

Пасля таго, як прэзідэнт Украіны Уладзімір Зяленскі рэальна ўзяў уладу ў краіне, па словах Салаўёва, "стала зразумела, што ён сапраўды адрозніваецца ад свайго папярэдніка ... гэта дае надзею на тое, што сітуацыя будзе выпраўляцца".

Кіеў гатовы на саступкі

Дэпутат Дзярждумы ад Крыму Руслан Бальбек таксама станоўча ацэньвае абмен.

"Як будзе далей - я не ведаю. Але я хацеў бы верыць, што прэзідэнт Зяленскі запусціў сёння пробны шар, і такі ўчынак можа прынесці яму дывідэнды з абодвух бакоў: давер украінскага грамадства і гатоўнасць да перамоваў, хай і складаным, з боку Расіі" , - сказаў дэпутат у каментары РІА "Новости".

Бальбек адзначыў, што прэзідэнт Украіны адрозніваецца ад свайго папярэдніка тым, што гатовы на палітычныя ўчынкі, якія аднак могуць прывесці яго ў стан канфлікту з нацыяналістамі.

"Факт абмену адных грамадзян Украіны на іншых - гэта яскравы паказчык таго, што канфліктуюць паміж сабой і, будзем казаць прама, ваююць грамадзяне адной краіны", - адзначыў ён.

Зрэшты, парламентарый не хацеў бы рабіць падбадзёрвальных прагнозаў у дачыненні Зяленскага, так як на Украіне, на яго думку, расчараваныя першым этапам яго прэзідэнцтва, і яму цяпер трэба чымсьці "ўзбадзёрыць таварыства".

"Менавіта таму, на мой погляд, і адбываецца абмен палоннымі", - дадаў дэпутат Дзярждумы.

26
Тэги:
Украіна, Расія
Канстытуцыя Рэспублікі Беларусь

Канстытуцыйны суд могуць надзяліць правам правяраць законнасць выбараў

4
(абноўлена 12:05 16.06.2021)
Акрамя таго, прапануецца ўпаўнаважыць Канстытуцыйны суд РБ выносіць заключэнне аб легітымнасці працэсу імпічменту прэзідэнта.

МІНСК, 16 чэр – Sputnik. Канстытуцыйны суд Беларусі хочуць надзяліць правам праверкі законнасці вынікаў выбараў і працэсу імпічменту прэзідэнта, заявіла намеснік старшыні Канстытуцыйнага суда, член Канстытуцыйнай камісіі Наталля Карповіч.

"Ёсць канстытуцыйныя падставы і аб'ектыўная неабходнасць вызначыць ролю Канстытуцыйнага суда ў выбарчым працэсе як прэзідэнта, так і парламента", - заявіла Карповіч.

Паводле яе слоў, прапануецца надзяліць Канстытуцыйны суд паўнамоцтвам праверкі канстытуцыйнасці выбараў.

Карповіч таксама паведаміла, што прапануецца ўпаўнаважыць КС выносіць заключэнне аб канстытуцыйнасці працэсу імпічменту прэзідэнта.

Інстытут канстытуцыйнай скаргі

Акрамя таго, па словах Карповіч, прапануецца надзяліць грамадзян краіны правам звярнуцца ў Канстытуцыйны суд для праверкі выканання Канстытуцыі падчас судовага разбору.

"Прапануецца надзяліць Канстытуцыйны суд паўнамоцтвамі па скаргах грамадзян ажыццяўляць праверку канстытуцыйнасці норм законаў, ужытых у канкрэтнай судовай справе, калі вычарпаны ўсе іншыя сродкі судовай абароны", - сказала спікер.

Па словах Карповіч, увядзенне канстытуцыйнай скаргі ў Беларусі ўстанаўлівае прамы доступ грамадзян да канстытуцыйнага правасуддзя.

"Канстытуцыйная скарга з'яўляецца найбольш распаўсюджанай формай абароны канстытуцыйных праў і свабод грамадзян. Усе краіны постсавецкай прасторы і большасць еўрапейскіх дзяржаў маюць інстытут канстытуцыйнай скаргі грамадзян", - адзначыла Карповіч.

Наступнае пасяджэнне Канстытуцыйнай камісіі пройдзе 30 чэрвеня, так як прапановы грамадзян, звязаныя з увядзеннем інстытута прысяжных засядацеляў выклікалі шырокую дыскусію і маюць патрэбу ў дадатковай прапрацоўцы.

7 ліпеня пройдзе абмеркаванне выніковага тэксту змяненняў у Канстытуцыю, а заключнае пасяджэнне Канстытуцыйнай камісіі намечана на 21 ліпеня.

Чытайце таксама:

4
Тэги:
Канстытуцыя, прэзідэнт, легітымнасць, Выбары, законнасць, права, імпічмент, Канстытуцыйны суд РБ
Пісьмовы набор кіраўніка дзяржавы

Апублікаваны дакумент аб рабоце Савета бяспекі Беларусі

9
(абноўлена 10:50 16.06.2021)
Паўнамоцтвы органа ўлады сур'ёзна пашырыліся пасля рашэння кіраўніка дзяржавы надаць яму асаблівыя паўнамоцтвы ў выпадку экстранага здарэння.

МІНСК, 16 чэр – Sputnik. Тэкст указа прэзідэнта Беларусі аб удасканаленні дзейнасці Савета бяспекі рэспублікі апублікаваны на нацыянальным прававым партале ў сераду.

Раней 9 траўня Аляксандр Лукашэнка падпісаў дакумент, згодна з якім у выпадку гібелі прэзідэнта з прычыны замаху, здзяйснення акта тэрарызму, знешняй агрэсіі або іншых дзеянняў гвалтоўнага характару, уладныя паўнамоцтвы кіраўніка дзяржавы пераходзяць Савету бяспекі.

Пры гэтым дадзены орган улады павінен увесці надзвычайнае становішча, а ўсе астатнія міністэрствы і ведамствы павінны яму падпарадкоўвацца. Затым пры садзейнічанні старшынь аблвыканкамаў павінны быць прызначаны выбары прэзідэнта. Старшынёй Савета бяспекі становіцца прэм'ер-міністр, а рашэнні прымаюцца на аснове тайнага галасавання.

Чым будзе займацца Савет бяспекі

У тэксце апублікаванага ўказа гаворыцца, што задачамі Савета бяспекі з'яўляюцца падрыхтоўка прапаноў прэзідэнту па пытаннях унутранай і знешняй палітыкі, распрацоўка палітыкі ў сферы забеспячэння нацыянальнай бяспекі і іншыя задачы, вызначаныя прэзідэнтам і законамі.

Цяпер у функцыянал Савета бяспекі ўваходзіць разгляд пытанняў унутранай і знешняй палітыкі, якія закранаюць інтарэсы нацыянальнай бяспекі, прагназіраванне рызык і пагроз, папярэджанне і пераадоленне крызісных сітуацый.

Акрамя гэтага дадзены орган дзяржаўнай улады будзе разглядаць праекты заканадаўчых актаў у сферы бяспекі, а таксама вызначаць парогавыя значэнні індыкатараў стану нацыянальнай бяспекі.

У другой главе ўказа вызначаюцца функцыі і правы Дзяржаўнага сакратарыята Савета бяспекі, якія ў цэлым паўтараюць мэты і задачы дадзенага дзяржаўнага органа, але пункт 5.6 ідзе пад грыфам для службовага карыстання.

У раздзеле чацвёртым, прысвечаным дзейнасці дзяржаўнага сакратара Савета бяспекі, таксама пункт 13.8 ідзе пад грыфам для службовага карыстання.

Як выглядае склад Савета бяспекі

Старшынёй Савета бяспекі з'яўляецца прэзідэнт Беларусі, у лік пастаянных членаў уваходзяць:

  • Прэм'ер-міністр Рэспублікі Беларусь,
  • Старшыня Савета Рэспублікі,
  • Старшыня Палаты прадстаўнікоў,
  • Кіраўнік Адміністрацыі прэзідэнта,
  • Дзяржаўны сакратар Савета Бяспекі,
  • Старшыня Камітэта дзяржаўнага кантролю,
  • Генеральны пракурор,
  • Міністр унутраных спраў,
  • Міністр абароны,
  • Старшыня Камітэта дзяржаўнай бяспекі.

Членамі савета бяспекі з'яўляюцца наступныя чыноўнікі:

  • Старшыня Вярхоўнага Суда,
  • Старшыня праўлення Нацыянальнага банка,
  • Старшыня Следчага камітэта,
  • Міністр замежных спраў,
  • Міністр па надзвычайных сітуацыях,
  • Міністр фінансаў,
  • Старшыня Дзяржаўнага ваенна-прамысловага камітэта,
  • Старшыня Дзяржаўнага пагранічнага камітэта,
  • Начальнік Генеральнага штаба Узброеных Сіл - першы намеснік міністра абароны.

Чытайце таксама:

9
Тэги:
дзяржава, кіраўнік, рашэнне, улада, орган, паўнамоцтвы, Савет бяспекі Беларусі, работа, дакументы