Сцягі з сімволікай Еўрасаюза

Кіраўнік прадстаўніцтва ЕС не ведае, калі візы для беларусаў патаннеюць

17
(абноўлена 21:58 22.09.2019)
Прэзідэнт Беларусі Аляксандр Лукашэнка ў пятніцу падпісаў пагадненне аб спрашчэнні візавага рэжыму і рэадмісіі з Еўрапейскім саюзам.

МІНСК, 23 вер - Sputnik. Візы для беларусаў патаннеюць з 60 еўра да 35 еўра у хуткім часе, сказаў кіраўнік прадстаўніцтва ЕС у Беларусі Дырк Шубель у эфіры АНТ.

Паводле яго слоў, візы для беларусаў у краіны Еўрапейскага саюза стануць танней. Перамовы аб спрашчэнні візавага рэжыму і рэадмісіі завершаны.

"Гэтыя пагадненні заўсёды ідуць рука аб руку, калі мы падпісваем іх з трэцімі краінамі. Перамовы завяршыліся раней у гэтым годзе, а цяпер абодва бакі ажыццяўляюць унутраныя працэдуры, якія дазволяць нам падпісаць гэтыя два пагадненні, якія ўступяць у сілу праз два месяцы пасля заключэння", - адзначыў еўрапейскі дыпламат.

Пасля чаго удакладніў, што еўрапейскаму боку спатрэбіцца некаторая колькасць часу. У ЕС 28 краін (Вялікабрытанія яшчэ не пакінула Саюз - Sputnik), але нават калі б было 27 - гэта доўгі працэс. Таксама трэба будзе атрымаць згоду Еўрапарламента на падпісанне пагаднення.

"Я настроены аптымістычна на тое, што гэта хутка адбудзецца. Сапраўды, з уступленнем у сілу абодвух пагадненняў візавы збор з цяперашніх 60 еўра да 35 еўра", - нагадаў Дырк Шубель.

Пры гэтым дыпламат адмовіўся называць канкрэтную дату, але запэўніў, што вядзецца праца, каб гэта здарылася. "У гэтым працэсе ўдзельнічае мноства бакоў, але я ўпэўнены, што вельмі хутка так і будзе, і мы зможам гэта хутка адсвяткаваць", - сказаў кіраўнік прадстаўніцтва ЕС.

"Я не хацеў бы называць дату, каб у наступным інтэрв'ю ў вас не было падставы наракаць на мяне за няпраўду. Мы працуем над гэтым вельмі ўпарта. Да часу наступнага інтэрв'ю мы прасунемся значна далей", - запэўніў Дырк Шубель.

17
Тэги:
Беларусь, Візы, Еўрасаюз
Сустрэча Пасла Беларусі са Старшынёй Народнай скупшчыны Сербіі

Кіраўніцтва Нацыянальнага сходу Беларусі запрасілі ў Сербію

14
(абноўлена 13:59 12.05.2021)
Плануецца, што запрашэнне кіраўнікоў Нацсходу з нашай краіны дапаможа развіццю міжпарламенцкаму дыялога дзвюх краін.

МІНСК, 12 тра - Sputnik. Кіраўніцтва Нацыянальнага сходу Беларусі запрасіў да сябе ў краіну старшыня Народнай скупшчыны (парламент у Сербіі - Sputnik) Івіца Дачыч, паведаміла прэс-служба МЗС Беларусі.

Надзвычайны і Паўнамоцны пасол Беларусі ў Сербіі Валерый Брылёў сустрэўся са старшынёй Народнай скупшчыны Івіцай Дачычам у аўторак.

Бакі абмяркоўвалі перспектывы паглыблення гандлёва-эканамічнага супрацоўніцтва і сумесныя праекты. Таксама былі закрануты іншыя пытанні двухбаковага ўзаемадзеяння, у тым ліку, гаворка ішла і аб узаемнай падтрымцы ў рамках міжнародных арганізацый.

Брылёў і Дачыч адзначылі высокі ўзровень беларуска-сербскіх адносін і пацвердзілі прыхільнасць дзвюх краін да далейшага ўмацавання дружалюбных сувязяў і ўзаемавыгаднага супрацоўніцтва.

Прадстаўнікі Беларусі і Сербіі зацікаўлены ў актывізацыі міждзяржаўных кантактаў. Таму для развіцця міжпарламенцкага дыялогу Дачыч пацвердзіў запрашэнне кіраўніцтва Нацсходу рэспублікі наведаць Сербію з візітам.

Чытайце таксама:

14
Тэги:
краіна, Сербія, Беларусь, Нацыянальны сход РБ, кіраўніцтва

Энергетычная бяспека: што ў Беларусі лічаць альтэрнатывай расійскаму газу?

10
(абноўлена 13:50 12.05.2021)
У сераду, 12 траўня, у мультымедыйным прэс-цэнтры Sputnik Беларусь прайшоў круглы стол на тэму: "Павышэнне энергаэфектыўнасці эканомікі за кошт выкарыстання аднаўляльных крыніц энергіі".

Рэспубліка Беларусь - раўнінная краіна, дзе адсутнічаюць буйныя перапады рэльефу, спрыяльныя для будаўніцтва буйных ГЭС, на яе тэрыторыі не дзьмуць моцныя вятры, каб выкарыстоўваць іх энергію ў прамысловых маштабах, няма выйсця да мораў і акіянаў. Дзяржаўная праграма "Энергазберажэнне" на 2021-2025 гады прадугледжвае дасягненне долі аднаўляльных крыніц энергіі ў валавым спажыванні паліўна-энергетычных рэсурсаў на ўзроўні 8% і зніжэнне энергаёмістасці ВУП на 7% да ўзроўню 2020 года. Як у краіне будзе рэалізоўвацца праграма, і чым плануюць часткова замяніць спажыванне прыроднага газу?

Удзельнікі круглага стала:

  • начальнік упраўлення вытворчасці і рэалізацыі прадукцыі Міністэрства лясной гаспадаркі Рэспублікі Беларусь Андрэй Мацкевіч;
  • намеснік дырэктара Дэпартамента па энергаэфектыўнасці Дзяржаўнага камітэта па стандартызацыі Рэспублікі Беларусь Леанід Паляшчук;
  • прадстаўнікі Міністэрства прыродных рэсурсаў і аховы навакольнага асяроддзя Рэспублікі Беларусь.

Глядзіце таксама:

10
Тэги:
Эканоміка, круглы стол, газ, Расія, альтэрнатыва, Беларусь, Бяспека, Энергетыка
Які сёння дзень: 13 траўня

Які сёння дзень: 13 траўня 2021 года

0
(абноўлена 17:24 12.05.2021)
Гэты дзень з'яўляецца сто трыццаць чацвёртым па грыгарыянскім календары, да канца года засталося 232 дні.

Якія падзеі адбыліся 13 траўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 13 траўня

  • У 1986 годзе адкрыўся V з'езд Саюза кінематаграфістаў СССР, на якім першым сакратаром быў абраны рэжысёр Элем Клімаў. З "паліцы" былі знятыя раней забароненыя цэнзурай фільмы.

Хто нарадзіўся 13 траўня

  • 1879 год: Іван Серада, беларускі палітык і навуковец, першы старшыня Рады Беларускай Народнай Рэспублікі.
  • 1905 год: Стэфанія Станюта, беларуская актрыса.
  • 1933 год: Аляксандр Кішчанка, мастак, аўтар вядомага "Габелену стагоддзя".
  • 1949 год: Сяргей Краўчанка, беларускі акцёр.

Таксама сёння нарадзіліся амерыканскі пісьменнік-фантаст Роджэр Жалязны і французскі спявак Грэгары Лемаршаль.

13 траўня ў народным календары

Сёння праваслаўныя вернікі шануюць памяць апостала Іакава Завядзеева - аднаго з дванаццаці апосталаў, бліжэйшага вучня Ісуса Хрыста. У народзе яго называлі Якаў Цёплы, таму што да гэтага дня ўжо ўсталёўвалася добрае надвор'е. Жанчыны верылі, што дождж на Якава прадвяшчае шмат вяселляў увосень. 

13 траўня імкнуліся пазбягаць далёкіх вандровак. Лічылася, што ў гэты час вандруюць па свеце апошнія ліхаманкі, і каб зберагчы здароў'е, лепей было застацца дома.

Калі неба на захадзе яснае, лета будзе пагодлівае, калі ж сонейка сядае ў аблокі, будуць дажджы.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей