Прэзідэнт РФ Уладзімір Пуцін

Пуцін паедзе на цырымонію развітання з Шыракам у Францыю

11
(абноўлена 16:42 28.09.2019)
У панядзелак у краіне аб'яўлены дзень нацыянальнай жалобы па Шыраку: у царкве Сэн-Сюльпіс у Парыжы пройдзе служба, якую наведаюць прэзідэнт Францыі Эммануэль Макрон і лідары іншых дзяржаў.

МІНСК, 28 вер - Sputnik. Прэзідэнт Расіі Уладзімір Пуцін паедзе ў Парыж на цырымонію развітання з экс-прэзідэнтам Францыі Жакам Шыракам, гэтую інфармацыю пацвердзіў прэс-сакратар расійскага лідара Дзмітрый Пяскоў.

Экс-прэзідэнт Францыі Жак Шырак памёр на 87-м годзе жыцця, пра гэта 26 верасня распавялі члены яго сям'і. Вядома, што ў 2005 годзе Шырак перажыў інсульт, з таго моманту яго неаднаразова шпіталізавалі.

Як стала вядома пазней, у Елісейскім палацы паведамілі, што чакаюць прэзідэнта Расіі ў панядзелак на развітанні з Жакам Шыракам у Парыжы.

"Так", - адказаў Пяскоў на пытанне аб тым, ці ёсць у планах у Пуціна паездка на цырымонію ў Парыж, яго цытуе агенцтва РІА "Новости".

Цырымонія нацыянальнага развітання з Шыракам у Доме інвалідаў адбудзецца ў нядзелю. У панядзелак, 30 верасня, у краіне аб'яўлены дзень нацыянальнай жалобы па Шыраку. У царкве Сэн-Сюльпіс ў Парыжы пройдзе служба, якую наведаюць прэзідэнт Францыі Эммануэль Макрон, а таксама лідары іншых дзяржаў.

Прэзідэнт Беларусі Аляксандр Лукашэнка ад імя беларускага народа і сябе асабіста накіраваў спачуванні сям'і палітыка, а таксама прэзідэнту Францыі Эмануэлю Макрон.

11
Тэги:
Дзмітрый Пяскоў, Уладзімір Пуцін, Францыя, Расія

Палітыка