Кіраўнік МЗС Уладзімір Макей

Макей: большая ўвага да беларускай мовы не значыць выцясненне рускай

34
(абноўлена 11:39 08.10.2019)
Недастатковая папулярнасць беларускай мовы ў грамадстве патрабуе, на думку міністра замежных спраў Беларусі, увагі, калі дзяржава хоча захаваць нацыю і народ.

МІНСК, 8 кас - Sputnik. Пра неабходнасць папулярызаваць беларускую мову заявіў у аўторак міністр замежных спраў Беларусі Уладзімір Макей у кулуарах форуму "Мінскі дыялог".

Кіраўнік беларускага МЗС нагадаў, што ў Беларусі дзве мовы маюць статус дзяржаўнай, пры гэтым беларускай у штодзённых зносінах карыстаецца адчувальна меншая колькасць грамадзян.

"У Беларусі дзве дзяржаўныя мовы: руская і беларуская. Ні ў адной краіне свету, па-мойму, такога няма - руская мова другой дзяржаўнай нідзе, па-мойму, не з'яўляецца, і гэтым усё сказана. А тое, што сёння ў нас менш людзей размаўляе па-беларуску - гэтаму таксама трэба надаваць увагу, калі мы хочам захаваць нацыю, народ, дзяржаву - гэта само сабой зразумела", - сказаў Макей.

Увага да беларускай мовы не значыць, што руская мова будзе выцясняцца з нейкіх сфер і што Беларусь настроена супраць Расіі і рускага народа, заўважыў міністр.

Чытайце таксама:

34
Тэги:
Беларуская мова, Уладзімір Макей, Мінск, Беларусь
Авальная зала з электроннай сістэмай галасавання

Андрэйчанка: беларускі парламент чакае штогадовае пасланне прэзідэнта

12
(абноўлена 13:09 26.03.2020)
На вясновай сесіі дэпутаты і профільныя міністэрствы працягнуць працу над абнаўленнем падатковага заканадаўства і іншымі законапраектамі з улікам акцэнтаў, якія расставіць прэзідэнт падчас штогадовага паслання.

МІНСК, 26 сак - Sputnik. Беларускія парламентарыі чакаюць, што ў сваім штогадовым пасланні прэзідэнт Беларусі Аляксандр Лукашэнка расставіць акцэнты ва ўнутранай і знешняй палітыцы, заявіў кіраўнік ніжняй палаты беларускага парламента Уладзімір Адрэйчанка.

"Кіраўнік дзяржавы расставіць акцэнты ва ўнутранай і знешняй палітыцы нашай краіны, акрэсліць задачы, якія стаяць перад дзяржаўнымі органамі, уключаючы парламент", - адзначыў Андрэйчанка.

Сёння ў Мінску прайшло пасяджэнне Савета Палаты Прадстаўнікоў Нацыянальнага сходу. Беларускі парламент рыхтуецца да адкрыцця вясновай сесіі, якая пачнецца 2 красавіка.

Андрэйчанка таксама адзначыў, што ў цяперашні час амаль 40 законапраектаў ужо гатовы да разгляду і ўнесены ў парадак дня веснавой сесіі.

Варта надаць асаблівую ўвагу законапраектам, якія выклікаюць павышаную цікавасць у электарату, дзяржаўнага і прыватнага сектара, адзначыў Андрэйчанка. Паводле яго слоў, гэта праекты законаў па пытаннях гаспадарчых таварыстваў, гандлю і грамадскага харчавання, рэкламы, правоў інвалідаў і іх сацыяльнай інтэграцыі.

Таксама на вясенняй сесіі будзе разгледжаны блок праектаў законаў, якія тычацца сферы аховы здароўя: аб леках, аб ахове здароўя, аб аказанні псіхалагічнай дапамогі.

Плануецца, што ў першы ці другі дзень сесіі ў Авальнай зале будуць разглядаць пагадненне аб палягчэнні візавага рэжыму і рэадмісіі з ЕС.

12
Тэги:
Аляксандр Лукашэнка, Беларусь, Уладзімір Андрэйчанка
Цэнтральная частка горада Рыгі ў Латвіі

Лукашэнка перанёс свой візіт у Латвію

15
(абноўлена 13:58 24.03.2020)
Афіцыйны візіт беларускага прэзідэнта ў Рыгу павінен быў адбыцца яшчэ ў мінулым годзе, але быў перанесены з-за правядзення выбараў, цяпер прычынай стала пандэмія каронавіруса.

МІНСК, 24 сак - Sputnik. Прэзідэнт Беларусі Аляксандр Лукашэнка і яго латвійскі калега Эгілс Лявітс пагаварылі па тэлефоне ў аўторак, паведамляе Telegram-канал "Пул Першага".

"Вядома, абмеркавалі перанос і напаўненне візіту Лукашэнкі ў Рыгу. А таксама тэму вяртання дадому грамадзян ва ўмовах перакрыцця межаў", - гаворыцца ў паведамленне.

Таксама прадметам тэлефоннай размовы лідараў дзвюх краін стала палітыка і эканамічнае супрацоўніцтва паміж Беларуссю і Латвіяй.

Раней, 16 студзеня бягучага года латвійскі прэм'ер Крыш'яніс Карыньш падчас сустрэчы з беларускім прэзідэнтам заявіў, што Аляксандра Лукашэнку чакаюць у Рызе 3 красавіка з афіцыйным візітам.

"Калі, вядома, гэта зручна таксама і вашым боку, то мы будзем вельмі рады бачыць вас", - сказаў прэм'ер-міністр Латвіі.

Актыўная падрыхтоўка да візіту Лукашэнкі ў Латвію пачалася яшчэ ў 2018 годзе, а ўпершыню загаварылі пра яго ў 2017-м.

15
Тэги:
Латвія, Аляксандр Лукашэнка
Кліент у банку

Нацбанк заклікаў банкі не павялічваць працэнты па крэдытах

0
(абноўлена 17:09 30.03.2020)
Раней ва ўрадзе Беларусі анансавалі прыняцце пакета мер, накіраваных на падтрымку бізнесу, у тым ліку ўвядзенне для беларусаў "крэдытных канікул".

МІНСК, 30 сак - Sputnik. Нацыянальны банк Беларусі рэкамендаваў банкам рэспублікі не павялічваць працэнты па крэдытах пры рэструктурызацыі запазычанасцяў па крэдытах, паведамілі ў панядзелак у прэс-службе рэгулятара.

"У рамках прыняцця мер, накіраваных на аказанне фінансавай падтрымкі ва ўмовах павышанага ўплыву знешніх негатыўных фактараў, рэкамендуем банкам пры ажыццяўленні рэструктурызацыі запазычанасці па крэдытных дагаворах юрыдычных і фізічных асоб, у тым ліку шляхам прадастаўлення адтэрміновак (растэрміновак), не павялічваць памер працэнтаў за карыстанне крэдытам", - гаворыцца ў лісце.

Раней ва ўрадзе Беларусі анансавалі прыняцце пакета мер, накіраваных на падтрымку бізнесу, у тым ліку ўвядзенне для беларусаў "крэдытных канікул".

У сваю чаргу прадстаўнікі прадпрымальніцкай супольнасці прапанавалі Мінэканомікі распачаць шэраг крокаў для дапамогі бізнесменам у няпростай сітуацыі.

0
Тэги:
Беларусь, Нацбанк РБ