Намеснік кіраўніка адміністрацыі прэзідэнта - прэс-сакратар прэзідэнта РФ Дзмітрый Пяскоў

Крэмль пракаментаваў заяву Лукашэнкі на "Мінскім дыялогу"

30
(абноўлена 13:18 08.10.2019)
Прэс-сакратар расійскага прэзідэнта адзначыў, што ідэі падлучэння ЗША да "нармандскага фармата" не знаходзяць падтрымкі.

МІНСК, 8 кас - Sputnik. Расія не ніколі не была і не будзе ўдзельніцай канфлікту ў Данбасе, заявіў прэс-сакратар прэзідэнта РФ Дзмітрый Пяскоў. Такую заяву ён зрабіў, каментуючы выказванне прэзідэнта Беларусі Аляксандра Лукашэнкі на форуме "Мінскі дыялог".

Пра бакі канфлікту

Аляксандр Лукашэнка падчас выступу на "Мінскім дыялогу" сказаў: "не трэба казаць, што гэта не канфлікт Расіі і Украіны".

Дзмітрый Пяскоў, каментуючы гэтую заяву, адзначыў, што з такой ацэнкай "можна толькі не пагадзіцца". Ён падкрэсліў, што канфлікт у Данбасе - унутрыўкраінскі, і РФ "ніякім чынам не з'яўлялася, не з'яўляецца і не будзе з'яўляцца бокам гэтага канфлікту". Пры гэтым ён звярнуў увагу, што ў дадзенай сітуацыі "няважна, хто каго кім лічыць", значэнне мае, "хто гатовы выконваць узятыя на сябе абавязацельствы, а хто не гатовы".

Пра "нармандскі фармат"

Прэс-сакратар расійскага лідара звярнуў увагу, што альтэрнатывы "нармандскаму фармату", з агульнага пункту гледжання яго ўдзельнікаў, няма. Ён адзначыў, што Расія зацікаўлена ў правядзенні новага саміту "нармандскай чацвёркі" на вышэйшым узроўні, і абверг інфармацыю аб тым, што Масква нібыта шукае нагоду, каб такую сустрэчу не праводзіць.

"Як і ўсе краіны-ўдзельніцы фармату, Крэмль зацікаўлены ў адраджэнні, у рэанімацыі гэтага працэсу, у правядзенні новай сустрэчы ў вярхах", - падкрэсліў Дзмітрый Пяскоў, адзначыўшы пры гэтым, што такую сустрэчу трэба добра падрыхтаваць, каб яна прынесла вынік.

Пра ўдзел ЗША

Дзмітрый Пяскоў таксама заявіў, што ідэі падлучэння ЗША да "нармандскага фармату" не знаходзяць падтрымкі ў яго ўдзельнікаў.

Аляксандр Лукашэнка, выступаючы на "Мінскім дыялогу", у чарговы раз акрэсліў сваю пазіцыю: без удзелу ў перамовах ЗША вырашыць сітуацыю па Данбасу не атрымаецца.

"Я свайго меркавання не хаваю. Без удзелу ЗША канфлікт ва Украіне ўрэгуляваць не атрымаецца", - падкрэсліў прэзідэнт Беларусі.

30
Тэги:
Аляксандр Лукашэнка, Расія, Беларусь, Дзмітрый Пяскоў
Прэзідэнт РФ У. Пуцін і прэзідэнт Беларусі А. Лукашэнка

Макей пра сустрэчу Лукашэнкі і Пуціна: кантакты працягнуцца

0
(абноўлена 15:23 02.07.2020)
Лідары Беларусі і Расіі прынялі ўдзел у адкрыцці манумента савецкім салдатам, якія загінулі ў баях пад Ржэвам у гады Вялікай Айчыннай вайны, а затым правялі двухбаковыя перамовы.

МІНСК, 2 ліп - Sputnik. МЗС не ведае дэталі перамоваў прэзідэнтаў Беларусі і Расіі, заявіў у чацьвер міністар замежных спраў Уладзімір Макей, перадае карэспандэнт Sputnik.

Раней вынікі перамоваў лідараў дзвюх краін пракаментавала прэс-сакратар прэзідэнта Беларусі Наталля Эйсмант.
"Улічваючы сітуацыю, прэзідэнты ў рабочым парадку абмеркавалі ўсе пытанні, якія трэба было абмеркаваць", - канстатавала яна.

Адказваючы на пытанне, якія вынікі сустрэчы на вышэйшым узроўні, кіраўнік МЗС адзначыў, што "ў любым выпадку сустрэча адбылася".

"Нейкія рэчы ў любым выпадку абмяркоўваліся. Далей будуць кантакты на ўзроўні прэм'ераў", - анансаваў перамовы міністр замежных спраў.

Уладзімір Макей падкрэсліў, што кантакты будуць працягнутыя. Пра дэталі (перамоў прэзідэнтаў Лукашэнкі і Пуціна - Sputnik) мяне не праінфармавалі".

У мінулы аўторак Лукашэнка наведваў Ржэў, дзе з расійскім калегам прыняў удзел ва ўрачыстай цырымоніі адкрыцця мемарыяла Савецкаму салдату. Кіраўнікі дзяржаў пагутарылі з ветэранамі Вялікай Айчыннай вайны, ўсклалі кветкі да падножжа помніка і высадзілі елі ў памяць аб загінуўшых у Вялікай Айчыннай вайны.

0
Тэги:
Уладзімір Макей, Аляксандр Лукашэнка, Уладзімір Пуцін
Аляксандр Лукашэнка

Дакументы для рэгістрацыі Лукашэнкі кандыдатам у прэзідэнты паступілі ў ЦВК

1
(абноўлена 15:16 02.07.2020)
Такім чынам, на сённяшні дзень у Цэнтрвыбаркам свае дакументы падалі ўсе патэнцыйныя кандыдаты ў прэзідэнты.

МІНСК, 2 ліп - Sputnik. Дакументы для рэгістрацыі дзеючага кіраўніка дзяржавы Аляксандра Лукашэнкі кандыдатам у прэзідэнты паступілі ў Цэнтрвыбаркам, паведамілі Sputnik у ЦВК.

Патэнцыйныя кандыдаты ў прэзідэнты павінны былі падаць дакументы для рэгістрацыі не пазней за 4 ліпеня. Да раніцы чацвярга ў ЦВК звярнуліся прадстаўнікі шасці прэтэндэнтаў - не было заяўкі толькі ад дзейнага прэзідэнта.

Удзень у чацвер дакументы для рэгістрацыі Лукашэнкі кандыдатам былі пададзены ў ЦВК. Прынёс іх кіраўнік ініцыятыўнай групы дзеючага прэзідэнта - кіраўнік ФПБ Міхаіл Орда.

Згодна з заканадаўствам, для рэгістрацыі кандыдатам неабходна сабраць не менш за 100 тысяч подпісаў, гэты план Лукашэнка перавыканаў ў 19 разоў. Таксама падаюцца ў ЦВК заяву на згоду ва ўдзеле ў выбарах, аўтабіяграфія і дэкларацыях за папярэдні год.

Раней дакументы для рэгістрацыі падалі прадстаўнікі штаба Віктара Бабарыкі, а таксама Валерый Цапкала, Андрэй Дзмітрыеў, Сяргей Чарэчань, Ганна Канапацкая і Святлана Ціханоўская. Зрэшты, у далейшай гонцы Цапкала не зможа ўдзельнічаць: яму "залічылі" усяго 75 тысяч подпісаў.

Для дзейнага прэзідэнта гэтыя выбары стануць шостымі па ліку: упершыню ён заняў пост у 1994-м годзе.

Рэгістрацыя кандыдатаў адбудзецца да 14 ліпеня. Выбары прэзідэнта прызначаны на 9 жніўня.

1
Тэги:
Выбары, Аляксандр Лукашэнка, ЦВК Рэспублікі Беларусь
Тэмы:
Выбары прэзідэнта Беларусі - 2020