Старшыня ўрада РФ Дзмітрый Мядзведзеў

Мядзведзеў прапануе састыкаваць праекты ЕАЭС, ШАС і АСЕАН

14
(абноўлена 16:04 03.11.2019)
Вялікае Еўразійскае партнёрства можа быць прывабным для далучэння ўсіх зацікаўленых у развіцці інфраструктуры дзяржаў.

МІНСК, 3 ліс - Sputnik. Расія выступае з ініцыятывай фарміравання Вялікага Еўразійскага партнёрства, заявіў падчас свайго выступу на дзелавым інвестыцыйным саміце АСЕАН прэм'ер-міністр Дзмітрый Мядзведзеў.

Паводле яго слоў, у Маскве вітаюць цікавасць АСЕАН да досведу розных інтэграцыйных аб'яднанняў. Прычым расійскі бок прапануе сфарміраваць Вялікае Еўразійскае партнёрства з удзелам дзяржаў-членаў ЕАЭС, АСЕАН і ШАС.

"У доўгатэрміновым плане гэтая ідэя дазволіць састыкаваць буйныя інтэграцыйныя і інфраструктурныя праекты. Пры гэтым мы зыходзім з таго, што такое партнёрства павінна выбудоўвацца на прынцыпах узаемнай павагі, агульнай выгады, быць адкрытым для далучэння ўсіх зацікаўленых дзяржаў", - заявіў расійскі прэм'ер.

У гэтым кірунку ўжо робяцца крокі. Еўразійская эканамічная камісія і АСЕАН падпісалі мемарандум аб узаемаразуменні ў галіне эканамічнага супрацоўніцтва. У цяперашні час бакі прыступілі да яго практычнай рэалізацыі, а ў кастрычніку была зацверджана праграма супрацоўніцтва.

Гандлёвая цікавасць

"Мы імкнемся стварыць на тэрыторыі Еўразійскага эканамічнага саюза максімальна спрыяльнае для бізнесу дзелавое асяроддзе, з выразнымі зразумелымі правіламі для бізнесу, і цікавасць да гандлі з саюзам расце", - канстатаваў Дзмітрый Мядзведзеў.

Пасля чаго дадаў, што ў 2015 годзе В'етнам стаў першым з краін, якія ўваходзяць у АСЕАН, хто падпісаў з ЕАЭС пагадненне аб свабодным гандлі краін.

"Нядаўна аналагічны дакумент быў падпісаны з Сінгапурам, вядзецца праца па гэтай тэме з іншымі партнёрамі з асацыяцыі. Еўразійская камісія падпісала дакументы аб супрацоўніцтве з Камбоджай, Тайландам, літаральна два тыдні таму - з Інданезіяй", - сказаў прэм'ер-міністр Расіі.

На яго думку, рэалізацыя гэтых дамоўленасцяў стане яшчэ адным стымулам і адкрые новыя магчымасці для сумеснай працы бізнесменаў.

14
Тэги:
Расія, Дзмітрый Мядзведзеў
На галасаванні па папраўках былі выяўлены лічаныя парушэнні - ЦВК РФ

На галасаванні па папраўках былі выяўлены лічаныя парушэнні - ЦВК РФ

0
(абноўлена 16:21 09.07.2020)
Паводле ацэнкі прэзідэнта Расіі Уладзіміра Пуціна, падчас галасавання па папраўках у Канстытуцыю Расіі былі забяспечаны дэмакратычныя працэдуры.

МІНСК, 9 ліп - Sputnik. Дэмакратычныя працэдуры падчас галасавання па папраўках у Канстытуцыю Расіі былі забяспечаны ў поўным аб'ёме, заявіў прэзідэнт РФ Уладзімір Пуцін падчас відэасустрэчы з кіраўніком расійскага Цэнтрвыбаркама Элай Памфілавай.

"Што тычыцца забеспячэння дэмакратычных працэдур - гэта было зроблена таксама на самым высокім узроўні. І я хачу таксама Вам за гэта падзякаваць, вялікі Вам дзякуй", - сказаў Пуцін Памфілавай.

Па ацэнцы Пуціна, галасаванне было арганізавана па-сучаснаму якасна і на высокім узроўні, у людзей была магчымасць адкрыта выказаць сваю пазіцыю па папраўках у канстытуцыю.

"І ў вышэйшай ступені дэмакратычна усё было арганізавана. Наколькі я разумею, з мінімальнай колькасцю парушэнняў", - адзначыў прэзідэнт.

Рэкордна нізкая колькасць парушэнняў

Кіраўнік расійскага ЦВК пацвердзіла, што парушэнняў, зафіксаваных падчас галасавання па папраўках у Канстытуцыю, было няшмат - крыху больш за 30, гэта стала адным з самых нізкіх паказчыкаў.

"Як вынік, у нас па выніках беспрэцэдэнтна нізкая, ніколі не было такой нізкай колькасці парушэнняў, 33 усяго парушэнні, якія мы лічым, мы іх выявілі і прадухілілі своечасова", - сказала Памфілава.

З больш за 600 тысяч зваротаў было адабрана ўсяго 120, якія можна было расцаніць як магчымае парушэнне, прымус да галасавання. Усе яны, паводле слоў кіраўніка ЦВК РФ, накіраваныя кіраўнікам рэгіёну або праваахоўнікам.

"Гэта такі вынік, за які, Уладзімір Уладзіміравіч, не сорамна", - сказала Памфілава.

Галасаванне ў 2-3 дні

На сустрэчы з Пуціным Памфілава таксама распавяла пра абмеркаванне, якое цяпер ідзе, на тэму магчымасці галасавання на выбарах на працягу 2-3 дзён.

Гэты варыянт прадумваецца з аглядкай на розную эпідэміялагічную сітуацыю ў розных рэгіёнах Расіі. Варыянт галасавання ў некалькі дзён мог бы забяспечыць бяспеку людзей у цяперашняй сітуацыі, лічаць у ЦВК.

"Мы таксама зараз абмяркоўваем, можа быць два ці тры дні, можа быць яшчэ нейкія меры, якія ў цяперашняй сітуацыі забяспечваюць поўную бяспеку і даюць дадатковыя магчымасці людзям прагаласаваць", - сказаў Памфілава.

13 верасня ў Расіі пройдзе адзіны дзень галасавання. Прэзідэнт РФ Уладзімір Пуцін і кіраўнік ЦВК Эла Памфілава дамовіліся быць "на сувязі" пры падрыхтоўцы правядзення гэтага адзінага дня.

На пытанне Пуціна ці патрэбна нейкая дапамога ў гэтай кампаніі, Памфілава сказала, што ЦВК пакуль спраўляецца.
Галасаванне па папраўках у Канстытуцыю прайшло ў Расіі з 25 па 1 ліпеня, па выніках апрацоўкі 100% пратаколаў за прыняцце змяненняў прагаласавалі 77,92% расіян, супраць - 21,27%. Яўка, згодна з прадстаўленым у інфармцэнтры ЦВК дадзеных, склала 67,97%.

0
Тэги:
Расія, Канстытуцыя
Вільнюс можа перагледзець адносіны з Мінскам

Вільнюс можа перагледзець адносіны з Мінскам

1
(абноўлена 15:21 09.07.2020)
Літва ўслед за ЕС і ЗША, па словах літоўскага прэзідэнта, актывізавала дыялог з Беларуссю, але ў гэтых адносінах і зараз застаюцца "чырвоныя лініі".

МІНСК, 9 ліп - Sputnik. Літва можа адмовіцца ад паглыбленага супрацоўніцтва з Беларуссю, калі вышэйшыя чыноўнікі ў Мінску паспрабуюць захаваць уладу, пераследуючы апанентаў, заявіў на штогадовай прэс-канферэнцыі прэзідэнт Літвы Гітанас Науседа.

Ён нагадаў, што Літва услед за ЗША і ЕС прыняла рашэнне актывізаваць дыялог з Беларуссю, хоць у літоўскай рэспублікі і застаюцца свае "чырвоныя лініі" ў адносінах з Мінскам - гэта БелАЭС і правы чалавека.

"Мы спрабуем дапамагчы Беларусі стварыць больш незалежнасці, свайго суверэнітэту, калі яны сапраўды шчыра імкнуцца да гэтага. Я думаю, што такая палітыка мае сэнс, але яна патрабуе аднаго - гэтыя чырвоныя лініі не павінны быць пяройдзены", - прыводзіць словы Науседы канал LRT.

Пры гэтым літоўскі прэзідэнт выказаўся і аб бягучай палітычнай сітуацыі ў Беларусі.

"Калі апынецца, што беларускія ўлады спрабуюць захаваць свой мандат любымі спосабамі, таксама з парушэннямі правоў чалавека, адкрыта пераследуючы палітычных праціўнікаў на розных падставах, то нам прыйдзецца заявіць пра сітуацыю, якая яна ёсць, сказаць, што яна для нас непрымальная і што паглыбляць супрацоўніцтва з такой дзяржавай у нас няма ні маральных, ні іншых правоў", - сказаў літоўскі прэзідэнт.

З пачаткам выбарчай кампаніі адразу некалькі чалавек, якія актыўна ўключылася ў працэс, апынуліся за кратамі. Затрыманы блогер Сяргей Ціханоўскі, які планаваў сам вылучацца ў кандыдаты, але ў выніку стаў кіраўніком ініцыятыўнай групы па вылучэнню ў кандыдаты ў прэзідэнты сваёй жонкі Святланы.

У СІЗА КДБ знаходзіцца і патэнцыйны кандыдат экс-кіраўнік Белгазпрамбанка Віктар Бабарыка і яго сын Эдуард. Былому банкіру прад'яўлена абвінавачанне па трох артыкулах КК: па ч.2 арт.243 (ухіленне ад выплаты падаткаў у асабліва буйным памеры), ч. 2 арт. 235 (адмыванне грошай у асабліва буйным памеры), а таксама ч.2 арт.431 (дача хабару паўторна альбо ў асабліва буйным памеры).

Каманды і Ціханоўскага, і Бабарыкі прадставілі ў Цэнтрвыбаркам неабходную для рэгістрацыі кандыдатам у прэзідэнты колькасць подпісаў. Мяркуецца, што 14 ліпеня Цэнтрвыбаркам прыме рашэнне аб рэгістрацыі кандыдатаў у прэзідэнты.

1
Тэги:
Беларусь, Літва