Блогер Віталь Зялкоўскі

Кандыдатам у прэзідэнты хоча стаць "суровы беларус"

24
(абноўлена 17:56 05.11.2019)
Блогер Віталь Зялкоўскі - не першы, хто заявіў аб жаданні ўдзельнічаць у прэзідэнцкіх выбарах Беларусі.

МІНСК, 5 ліс - Sputnik. Вядомы блогер Віталь Зялкоўскі, папулярны ў сацыяльных сетках як "суровы беларус", хоча стаць кандыдатам у прэзідэнты Беларусі, пра гэта ён паведаміў на сваёй старонцы ў сацсетцы "Укантакце".

Прэзідэнцкія выбары павінны прайсці ў Беларусі да 30 жніўня. Дата правядзення галасавання яшчэ не вызначана - як чакаецца, яе будзе прапаноўваць ужо наступны склад парламента, які абяруць 17 лістапада.

Пра жаданне балатавацца на пост ужо заявіў і "суровы беларус" - блогер Віталь Зялкоўскі, які атрымаў папулярнасць дзякуючы своеасаблівай манеры рабіць сэлфі.

"Дарагія сябры! Я прыняў рашэнне аб вылучэнні сваёй кандыдатуры на выбарах прэзідэнта РБ. Маёй мэтай з'яўляецца жаданне прымяніць веды, атрыманыя ў ЕС, для паляпшэння жыцця ў РБ. Маімі задачамі будуць мадэрнізацыя эканомікі, рэформы ў палітычнай сістэме і паляпшэнне працоўнага і сацыяльнага заканадаўства. больш падрабязная інфармацыя будзе з'яўляцца на маёй старонцы. Разлічваю на вашу падтрымку", - напісаў Зялкоўскі ў сацсетцы.

телеканал RT
"Суровы турыст" з Беларусі Віталь Зялкоўскі стаў тэлегероем

Да паста ён прымацаваў калаж, на якім таксама намаляваны прэзідэнт Украіны Уладзімір Зяленскі - такім чынам блогер абыграў падабенства прозвішчаў.

Раней пра сваё жаданне ўдзельнічаць у прэзідэнцкіх выбарах заяўлялі лідар Ліберальна-дэмакратычнай партыі Беларусі Алег Гайдукевіч, дэпутат Алена Анісім, а таксама дзеючы кіраўнік дзяржавы Аляксандр Лукашэнка.

24
Тэги:
блогер, Беларусь, Выбары
ААН выступіў з заявай па сітуацыі ў Беларусі

ААН выступіў з заявай па сітуацыі ў Беларусі

3
Дзявятага жніўня ў Беларусі адбыліся выбары прэзідэнта. Нязгодныя з ходам выбарчай кампаніі і вынікамі выбараў выйшлі на вуліцы гарадоў. Падчас акцый пратэсту затрымліваюць і журналістаў.

МІНСК, 12 жні - Sputnik. У журналістаў у Беларусі і ва ўсім свеце павінна быць магчымасць працаваць бесперашкодна, заявіў на брыфінгу афіцыйны прадстаўнік Генеральнага сакратара ААН Стэфан Дзюжарык.

"Надзвычай важна, каб журналістам у Беларусі, ды і ўсюды дазвалялі свабодна выконваць сваю працу", - сказаў Дзюжарык, адказваючы на просьбу пракаментаваць шэраг затрыманняў журналістаў падчас пратэстаў у Беларусі.

Раней паведамлялася аб затрыманні шэрагу расійскіх журналістаў пасля прэзідэнцкіх выбараў у Беларусі: супрацоўнікаў Daily Storm Антона Старкова і Дзмітрыя Ласенкі, журналіста "Медузы "Максіма Солапава, карэспандэнта RT Канстанціна Прыдыбайлы, журналіста Sputnik Беларусь Яўгена Алейніка, карэспандэнтаў тэлеканала "Дождь", трох стрынгераў RT, якія супрацоўнічаюць з відэаагенцтвам Ruptly, журналіста Сямёна Пегава і Уладзіслава Зіздака.

Акрамя таго, Sputnik Беларусь са спасылкай на крыніцу ў беларускім МУС перадаваў раней, што фотакарэспандэнт МІА "Россия сегодня" Ілля Піталёў, з якім рэдакцыя страціла сувязь у панядзелак увечары, знаходзіцца ў СІЗА "Жодзіна" ў Мінскай вобласці. Паводле звестак агенцтва, беларускі бок праінфармаваў пасольства РФ аб месцы знаходжання Піталёва, консулы вядуць працу па яго вызваленні. У аўторак супрацоўнікі Daily Storm Старкоў і Ласенка, журналіст Пегаў і яго аператар Зіздок перасеклі мяжу з Расіяй.

Галоўная рэдактарка RT і МІА "Россия сегодня" Маргарыта Сіманьян раней звярнулася да ўладаў Беларусі і асабіста да прэзідэнта Рэспублікі Аляксандра Лукашэнкі з заклікам вызваліць затрыманых прадстаўнікоў СМІ, падкрэсліўшы, што"затрымліваць - яшчэ і так жорстка - журналістаў, якія выконваюць сваю працу, у Беларусі не маюць права".

Дзявятага жніўня ў Беларусі адбыліся выбары прэзідэнта. Паводле ўдакладненых дадзеных ЦВК, дзеючы прэзідэнт Аляксандр Лукашэнка набірае 80,08% галасоў. Ён кіруе краінай больш за 26 гадоў.

Увечары ў той жа дзень у шэрагу беларускіх гарадоў пачаліся масавыя несанкцыянаваныя акцыі пратэсту. Мітынгоўцы ў цэнтры Мінска будавалі барыкады з смеццевых бакаў. Міліцыя ўжыла супраць іх слезацечны газ, вадамёты і светлашумавыя гранаты, а таксама выціснула пратэстоўцаў з цэнтру горада. У выніку акцыі апазіцыі былі затрыманыя 3 тысячы чалавек, паведамляла МУС Беларусі.

3
Тэги:
Беларусь, ААН
Тэмы:
Выбары прэзідэнта Беларусі - 2020
Марыя Калеснікава: я не збіраюся з'язджаць з Беларусі

Марыя Калеснікава: я не збіраюся з'язджаць з Беларусі

28
Калеснікава не выключае, што ўчорашнюю шматгадзінную гутарку Ціханоўскай і ЦВК можна расцэньваць як ціск на кандыдата.

МІНСК, 11 жні-Sputnik. Паплечніца кандыдата ў прэзідэнты Беларусі Святланы Ціханоўскай Марыя Калеснікава заявіла, што не збіраецца з'язджаць з Беларусі. Адпаведную заяву яна зрабіла на прэс-канферэнцыі ў аўторак, перадае карэспандэнт Sputnik.

Паплечніца Святланы Ціханоўскай таксама не выключае, што ўчорашнюю шматгадзінную гутарку Ціханоўскай і ЦВК можна расцэньваць як ціск на кандыдата.

Па словах Калеснікавай, гутарку ў кабінеце кіраўніка ЦВК са Святланай Ціханоўскай праводзілі "высокапастаўленыя прадстаўнікі сілавых структур".

Давераная асоба Ціханоўскай Вольга Кавалькова лічыць, што на кандыдата аказваўся ціск. Сама Ціханоўская не хацела пакідаць краіну да таго, як пайшла ў ЦВК.

Штаб Віктара Бабарыкі працягвае сваю працу, зараз там сканцэнтраваныя на падтрымцы ініцыятыў па кантролі за вынікамі выбараў, а таксама па падтрымцы беларусаў.

"Мы афіцыйна аб'яўляем набор валанцёраў для хуткай узаемадапамогі. Нам патрэбныя людзі", - сказала Калеснікава на прэс-канферэнцыі ў Мінску.

Як патлумачыла Калеснікава, дапамога будзе прадастаўляцца як пацярпелым членам выбарчых камісій, у тым ліку, у перанавучанні абароне правоў і пошуку новай працы, таксама штаб спадзяецца дапамагаць пацярпелым падчас пратэстаў у Мінску.

"Цяпер вельмі важная ўзаемападтрымка і ўзаемадапамога адзін аднаму", - лічыць Калеснікава.

Давераная асоба Святланы Ціханоўскай Вольга Кавалькова падкрэсліла, што штаб кандыдата таксама працягвае працу. Цяпер яны маюць намер апратэстоўваць вынікі выбараў. Пры гэтым Кавалькова падкрэслівае, што штаб заклікае адмовіцца ад гвалту як удзельнікаў пратэсту, так і ўлады. Развіццё сітуацыі Кавалькова бачыць у магчымасці перамоваў з уладамі па тэме спынення гвалту і пераглядзе вынікаў выбараў.

З чаго ўсё пачалося

Напярэдадні Цэнтрвыбаркам Беларусі агучыў папярэднія вынікі выбараў прэзідэнта. Паводле папярэдніх звестак, дзейны кіраўнік дзяржавы Аляксандр Лукашэнка набраў 80,08%, Святлана Ціханоўская апынулася на другім месцы з 10,09%.

Ціханоўская абвясціла, што не прызнае іх, паколькі агучаныя аб'яднаным штабам дадзеныя аб выніках галасавання на асобных участках казалі пра адваротнае - там Ціханоўская набірала істотна больш за 50%. Учора ўдзень кандыдат падала скаргу ў ЦВК.

Пазней у СМІ з'явілася інфармацыя аб тым, што Святлана Ціханоўская перастала выходзіць на сувязь. Пра тое, што яна пакінула Беларусь і цяпер знаходзіцца ў Літве, стала вядома раніцай у аўторак: у штабе паведамілі, што яе "вывезлі беларускія ўлады".

28
Тэги:
Беларусь, Выбары
Тэмы:
Выбары прэзідэнта Беларусі - 2020

Дзень трэці: акцыі пратэсту перамясціліся ў мікрараёны Мінска

0
На трэці дзень пасля прэзідэнцкіх выбараў пратэсты ў сталіцы працягнуліся ў спальных раёнах, сутыкненні з праваахоўнікамі насілі не такі масавы характар, як днём раней.

Несанкцыянаваныя акцыі пратэсту не суціхаюць у Мінску ўжо трэці дзень. Увечары ў аўторак, 11 жніўня, дэманстранты выходзілі ў розных раёнах сталіцы - Уручча, Серабранка, Каменная горка, Малінаўка і ст. м. "Пушкінская" - аднак усе яны заканчваліся хутка. Вартавыя парадку паспяхова спынялі спробы збору дэманстрантаў. Пры разгоне сілавікі выкарыстоўвалі дубінкі, шумавыя гранаты і гумовыя кулі.

Рух на частцы вуліц і праспектаў сталіцы быў перакрыты, установы грамадскага харчавання спынілі працаваць раней, чым звычайна.

Пацярпелі не толькі людзі, але і журналісты. Вядома, што фотакарэспандэнту Associated Press Сяргею Грыцу разбілі камеру, таксама паведамлялася аб затрыманні журналістаў шэрагу беларускіх выданняў.

Глядзіце на відэа, як праходзілі пратэсты ў спальных раёнах.

0
Тэги:
Беларусь
Тэмы:
Выбары прэзідэнта Беларусі - 2020