Вышынскі не зможа прыняць удзел у пасяджэнні суда ў Кіеве

Вышынскі не зможа прыняць удзел у пасяджэнні суда ў Кіеве

25
(абноўлена 12:16 06.11.2019)
Як прызнаўся журналіст, самаадчуванне ў яго нармальнае, але пакуль ён знаходзіцца ў статусе "недаабследаванага".

МІНСК, 6 ліс - Sputnik. Выканаўчы дырэктар МІА "Россия сегодня" Кірыл Вышынскі па стане здароўя не зможа прысутнічаць на пасяджэнні суда ў Кіеве.

Вышынскага выпісалі са шпіталя ў сераду. Аднак прысутнічаць на разглядзе сваёй справы ён пакуль па аб'ектыўных прычынах не зможа.

"Сёння мой адвакат будзе падаваць хадайніцтва на гэтую тэму, ужо потым усё будзе вырашацца... Магчымая замена з вочнага ўдзелу на відэаканферэнцыю", - сказаў РІА "Новости" Вышынскі.

Самаадчуванне, прызнаўся Вышынскі, у яго пакуль нармальнае, "але, як кажуць урачы, няма абсалютна здаровых, ёсць недаабследаваныя".

"Вось я пакуль у статусе недаабследаванага. І шчыра скажу, што, як кожны мужчына пасля пяцідзесяці, тым больш, у маім прыватным статусе на працягу года не меў магчымасці сур'ёзна абследавацца, даведаюся вельмі шмат цікавых і не заўсёды прыемных для мяне навін аб маім здароўі. Будзем змагацца", - дадаў Вышынскі.

Абследаванні журналіста працягнуцца на наступным тыдні.

Падзяка калегам

Выступаючы сёння на сесіі па свабодзе СМІ на канферэнцыі АБСЕ, Вышынскі выказаў удзячнасць калегам за падтрымку ў часы свайго арышту.

"Я захоўваю ліст ад калег-журналістаў, якія падпісалі яго ў маю падтрымку. Калі мы гаворым аб карпаратыўнай салідарнасці, то пасля майго арышту, на Украіне пра мяне амаль і не казалі. Многія не разбіраліся ў сітуацыі", - канстатаваў ён.

Вышынскі, які ўзначальваў партал РІА "Новости Украина", быў затрыманы ў Кіеве 15 мая 2018 года па падазрэнні ў падтрымцы самаабвешчаных рэспублік Данбаса і дзяржздрадзе. Максімальнае пакаранне па гэтым артыкуле прадугледжвае да 15 гадоў пазбаўлення волі. Суд восем разоў падаўжаў яму меру стрымання ў выглядзе ўтрымання пад вартай. Прэзідэнт РФ Уладзімір Пуцін называў сітуацыю беспрэцэдэнтнай і заяўляў, што Вышынскага арыштавалі "за яго прамую прафесійную дзейнасць, за ажыццяўленне яго журналісцкай функцыі". Вышынскі быў вызвалены з-пад варты 28 жніўня гэтага года і 7 верасня вярнуўся ў Расію. 21 кастрычніка ўказам Пуціна ён быў прызначаны членам Савета па правах чалавека.

25
Тэги:
МІА "Россия сегодня", Кірыл Вышынскі

Лукашэнка аб мітынгах апанентаў, каронавірусе і адносінах з Расіяй

30
(абноўлена 17:20 09.08.2020)
Прэзідэнт запэўнівае, што не можа назваць гэтую кампанію самай складанай - і нагадвае, што ў 2010 годзе таксама было нялёгка.

Прэзідэнт Беларусі Аляксандр Лукашэнка пагутарыў з прэсай на выбарчым участку. Кіраўнік дзяржавы пракаменціраваў дзеянні альтэрнатыўных кандыдатаў, іх праграму, а таксама мітынгі. Закрануў і акцыю Святланы Ціханоўскай у парку Дружбы народаў.

Журналісты ў размове з Лукашэнкам распыталі яго і пра каронавірус і ён прызнаў, што хвароба гэтая непрыемная.

Тэма беларуска-расійскіх адносінаў таксама была ў парадку дня.

"На усходзе ў нас вельмі моцныя дзве дзяржавы. Хочам мы, ці не хочам, мы з Расіяй заўсёды будзем супрацоўнічаць, будзем заўсёды разам, у залежнасці ад таго, наколькі Расія здольная на больш цеснае або менш цеснае супрацоўніцтва", – адзначыў прэзідэнт.

Лукашэнка падкрэсліў, што расійскі прэзідэнт Уладзімір Пуцін запэўніў яго ў намерах будаваць братэрскія адносіны. Кароткую версію размовы прэзідэнта з журналістамі глядзіце на відэа.

30
Тэги:
Аляксандр Лукашэнка, Выбары, Беларусь
Тэмы:
Выбары прэзідэнта Беларусі - 2020
Пенсіянеры галасуюць

Яўка на выбарах па дадзеных на 16 гадзін склала 73,4%

77
(абноўлена 17:11 09.08.2020)
Найбольш актыўна галасуюць жыхары Гомельскай і Магілёўскай абласцей, тут яўка склала адпаведна 81,87% і 80,29%.

МІНСК, 9 жні - Sputnik. Яўка выбаршчыкаў на прэзідэнцкіх выбарах у Беларусі па стане на 16 гадзін склала 73,4%, паведамілі ў Цэнтрвыбаркаме.
Найбольш актыўна галасуюць жыхары Гомельскай і Магілёўскай абласцей, тут да скрыняў прыйшлі ўжо 81,87% і 80,29% выбаршчыкаў.

На трэцім месцы - Гродзенская вобласць, дзе прагаласавалі 75,66% выбаршчыкаў. У Брэсцкай вобласці яўка склала 75,11%, у Віцебскай - 75,05%, у Мінскай - 72,3%, паведаміў у ЦВК у нядзелю. Яўка на прэзідэнцкіх выбарах у Мінску на 16 гадзін склала 58,79%.

Днём у сталіцы і шэрагу рэгіёнаў сталі з'яўляцца чэргі з жадаючых прагаласаваць. Чэргі стаяць і да дыпмісій Беларусі ў шэрагу краін, дзе арганізаваны ўчасткі.

9 жніўня - асноўны дзень галасавання на выбарах Прэзідэнта Беларусі. З аўторка ў краіне ішло датэрміновае галасаванне. Паводле афіцыйных дадзеных, яўка на датэрміновым галасаванні склала 41,7%. На пасаду прэзідэнта краіны прэтэндуюць пяць чалавек: Андрэй Дзмітрыеў, Ганна Канапацкая, Аляксандр Лукашэнка, Святлана Ціханоўская і Сяргей Чарачэнь. Адзначым, што ўсе кандыдаты ўжо пабывалі на выбарчых участках і прагаласавалі.

77
Тэги:
ЦВК Рэспублікі Беларусь, Выбары, Беларусь
Тэмы:
Выбары прэзідэнта Беларусі - 2020
Які сёння дзень: 10 жніўня 2020 года

Які сёння дзень: 10 жніўня 2020 года

0
(абноўлена 10:48 30.07.2020)
Гэты дзень з'яўляецца дзвесце дваццаць трэцім па Грыгарыянскім календары, да канца года застаецца 143 дні.

Пяцьсот год таму беларускі друкар Францыск Скарына выдаў у Празе Кнігу Царстваў. Якія яшчэ падзеі адбыліся 10 жніўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 10 жніўня

  • У 1518 годзе Францыск Скарына выдаў у Празе Кнігу Царстваў.
  • У 1812 падчас вайны Расіі з Напалеонам адбылася бітва пад Пружанамі.
  • У 1919 годзе ў Мінску быў створаны Часовы беларускі нацыянальны камітэт.
  • У 1927 годзе ў Мінску адбыўся з’езд праваслаўных святароў і вернікаў, падчас якога была абвешчана Беларуская аўтакефальная царква.

Хто нарадзіўся 10 жніўня

  • 1788 год: Ігнат Даніловіч, беларускі гісторык і правазнаўца.
  • 1796 год: Ігнат Легатовіч, беларускі і польскі паэт.
  • 1878 год: Еўсцігней Міровіч, беларускі драматург і тэатральны рэжысёр.
  • 1898 год: Тадэвуш Даленга-Мастовіч, польскі і беларускі пісьменьнік.
  • 1923 год: Віктар Ялатаў, беларускі музыказнаўца-фалькларыст.
  • 1929 год: Алесь Ставер, беларускі паэт, драматург.
  • Таксама ў гэты дзень нарадзіліся рускі пісьменнік Міхаіл Зошчанка і іспанскі акцёр Антоніа Бандэрас. 

10 жніўня ў народным календары

Гэты дзень прысвечаны святым Прохару і Пармену – двум апосталам ад сямідзесяці. Лічылася, што 10 жніўня дрэнная прыкмета – абменівацца чымсьці. "На Прохары-Пармены не ладзь аніякія мены", — казалі ў народзе, бо "Хто абмяняе, дурня ў прыдачу атрымае" ды "Змяняй сто рублёў — ні капейкі не застанецца". Лічылася, што пры абмене лёгка быць ашуканым.

Прохар і Пармен – заступнікі кавалёў, таму ў гэты дзень да каваля неслі ўсялякія металічныя прылады, каб той іх паправіў і навастрыў. А калі хто нарадзіўся 10 жніўня, той зможа дасягнуць вяршынь у кавальскай справе.

Працягвалі ў гэты дзень капаць бульбу і збіраць іншую гародніну.

0
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей
По теме
Які сёння дзень: каляндар знакавых падзей