Нурсултан Назарбаеў

Назарбаеў прапанаваў Пуціну і Зяленскаму правесці перамовы ў Казахстане

8
(абноўлена 13:10 12.11.2019)
Экс-прэзідэнт Казахстана адзначыў, што прэзідэнт Уладзімір Зяленскі ўжо пагадзіўся на гэтую сустрэчу.

МІНСК, 12 ліс - Sputnik. Былы прэзідэнт Казахстана Нурсултан Назарбаеў заявіў пра гатоўнасць арганізаваць сустрэчу расійскага і ўкраінскага лідараў Уладзіміра Пуціна і Уладзіміра Зяленскага тэт-а-тэт, паведамляе Sputnik Казахстан. У якасці нейтральнай пляцоўкі правядзення перамоў двух прэзідэнтаў Назарбаеў прапанаваў Казахстан.

"Я сустрэўся са спадаром Зяленскім, паслухаў яго. Літаральна ўчора гаварыў з Уладзімірам Пуціным на тэму, як далей вырашаць гэтую праблему... Я лічу, што патрэбна асобная асабістая сустрэча прэзідэнтаў Расіі і Украіны", - заявіў Назарбаеў у аўторак падчас паседжання дыскусійнай пляцоўкі "Астана клуб".

Назарбаеў адзначыў, што Зяленскі ўжо пагадзіўся на перамовы з Пуціным у Казахстане.

"Я ўжо атрымаў згоду Зяленскага на тэт-а-тэт, пра гэта паведаміў прэзідэнту Расіі. Цяпер паглядзім. Калі нейтральная пляцоўка патрэбна, я прапанаваў Казахстан", - дадаў Назарбаеў.

Былы палітык таксама адзначыў, што Расія і Украіна - блізкія краіны, таму маюць патрэбу ў наладжванні дыялогу.

"Я Украіну добра ведаю, Расію - тым больш. З першых дзён спрабую іх звесці. Вынікам маёй першай працы была мінская сустрэча. Спачатку я аб'ездзіў еўрапейскія краіны, потым прыехаў у Кіеў, з Парашэнкам сустрэўся, потым прыехаў у Маскву. Прэзідэнт Францыі быў у Казахстане, я яго па шляху папрасіў сустрэцца з Пуціным у Маскве. У выніку гэтага ўсяго мы змаглі сабрацца ў Мінску і вырашыць тагачасныя пытанні. Усё ішло ў нармальным рэчышчы", - растлумачыў Назарбаеў.

Пратакол, які закліканы вырашыць канфлікт на паўднёвым усходзе Украіны, быў падпісаны ў Мінску 5 верасня 2014 года пры пасярэдніцтве Расіі і АБСЕ.

8
Тэги:
Уладзімір Зяленскі, Уладзімір Пуцін, Нурсултан Назарбаеў

Палітыка