Будынак МЗС Беларусі

Нягледзячы на крытыку: Мінск працягне абмяркоўваць з Захадам правы чалавека

24
(абноўлена 11:08 22.11.2019)
Пасля парламенцкіх выбараў у Беларусі прысутныя там назіральнікі місіі АБСЕ заявілі аб тым, што выбары не адпавядалі міжнародным стандартам.

МІНСК, 22 ліс - Sputnik. Беларусь працягне дыялог з Захадам па пытанні аб правах чалавека ў рэспубліцы, нягледзячы на негатыўныя ацэнкі, якія былі дадзены парламенцкім выбарам, заявіў у пятніцу журналістам намеснік кіраўніка МЗС рэспублікі Алег Краўчанка.

"Гэта не значыць, што наш дыялог па гэтых пытаннях спынены. Мы будзем размаўляць, будзем спрабаваць зблізіць пазіцыі... Мы не згодныя з такой ацэнкай", - сказаў ён у кулуарах адной з дыскусійных пляцовак у Вашынгтоне.

Дыпламат адзначыў, што Беларусь, як і іншыя заходнія краіны, імкнецца да поўнага захавання правоў чалавека і дэмакратычных прынцыпаў. Ён акцэнтаваў, што рознагалоссі існуюць у хуткасці правядзення неабходных рэформаў.

"Мы лічым, што ўсё гэта павінна адбывацца эвалюцыйным, а не рэвалюцыйным шляхам, змены павінны мець ўстойлівы характар", - адзначыў дыпламат.

Намеснік кіраўніка МЗС адзначыў, што дыялог па гэтых пытаннях вядзецца.

"Правы чалавека - гэта не толькі грамадзянскія і палітычныя правы, гэта таксама сацыяльна-эканамічныя, культурныя правы чалавека. Яны раўнапраўныя. Мы зыходзім з школы думкі, якая лічыць прыярытэтнымі сацыяльна-культурныя правы чалавека", - дадаў ён.

Краўчанка адзначыў, што ў гэтай частцы правоў дасягненні Беларусі можна назваць "дастаткова ўражальнымі", і заходнія краіны таксама павінны прыйсці да прызнання правоў раўназначнымі.

Выбары і меркаванне назіральнікаў

Выбары ў беларускі парламент прайшлі 17 лістапада. На іх прысутнічалі як нацыянальныя назіральнікі, так і міжнародныя - у тым ліку ад АБСЕ і ПАСЕ.

Кіраўнік місіі АБСЕ Маргарэт Седэрфельт прызнала, што выбары прайшлі ў спакойнай абстаноўцы, аднак заявіла, што яны "не адпавядалі важным міжнародным стандартам дэмакратычных выбараў". Яна адзначыла, што "наяўнасць прававой базы не гарантуе адпаведнасці выбараў дэмакратычным абавязацельствам краіны" і выказала шэраг прэтэнзій да выбараў. Сярод іх, на яе думку, правядзенне выбараў на год раней заканчэння тэрміну паўнамоцтваў дзеючага парламента, адхіленне апазіцыйных кандыдатаў ад удзелу ў выбарах і шэраг іншых.

Да процілеглых высноў прыйшла місія назіральнікаў ад СНД. Прадстаўнік місіі Сяргей Лебедзеў адзначыў, што недахопы, адзначаныя місіяй, насілі тэхнічны характар. Пасля таго як назіральнікі звярталі ўвагу на недахопы, іх стараліся ліквідаваць.

Сярод парушэнняў фіксавалі, у прыватнасці, што падчас галасавання сямейныя пары заходзілі ў кабінку для галасавання разам, хоць гэта забаронена. У місіі адзначылі, што гэтая праблема частая і тычыцца не толькі Беларусі.

Пазіцыя ЗША

Раней намеснік дзяржсакратара ЗША Дэвід Хейлі заявіў, што Вашынгтон гатовы на далейшыя крокі па паслабленні санкцыяў у дачыненні да Мінску і паглыбленні адносін, але чакае прагрэсу ў частцы правоў чалавека і дэмакратыі. Па словах Хейла, ЗША разлічваюць, што парламенцкія і прэзідэнцкія выбары ліквідуюць занепакоенасць па гэтых пытаннях.

Дзярждэпартамэнт ЗША прызнаў, што парламенцкія выбары ў Беларусі прайшлі мірна і на іх прысутнічала вялікая колькасць назіральнікаў, аднак заявіў, што ў рэспубліцы не адбылося ніякіх істотных змен у выбарчым працэсе і заклікаў улады Беларусі рэфармаваць заканадаўства ў гэтай сферы.

24
Тэги:
ПА АБСЕ, ЗША, Парламенцкія выбары, МЗС Беларусі
Дзяржаўны сакратар Саюзнай дзяржавы Рыгор Рапота

Рапота: падатковы манеўр стаў асноўнай праблемай у адносінах Масквы і Мінска

1
(абноўлена 17:07 08.07.2020)
Расія звязала кампенсацыю страт ад падатковага манеўру для Беларусі, па словах Рапоты, з пытаннем інтэграцыі, а кампраміс знойдзены не быў.

МІНСК, 8 ліп - Sputnik. Адсутнасць дамоўленасці аб кампенсацыі за падатковы манеўр, уведзены ў расійскай нафтавай сферы, стаў асноўнай праблемай у беларуска-расійскіх адносінах, лічыць дзяржаўны сакратар Саюзнай дзяржавы Рыгор Рапота. Такое меркаванне ён выказаў у час online-лекцыі, прысвечанай актуальным пытанням развіцця Саюзнай дзяржавы.

Ён нагадаў, што ўведзены Расіяй падатковы манеўр адбіўся на кошце ўсіх энерганосьбітаў.

"Натуральна, беларускі бок паставіў пытанне аб тым, што, паколькі вы прынялі такі закон, мы нясем страты. Іх можна не лічыць стратамі, але ва ўсякім разе тым планам на фарміраванне бюджэту, якія ў нас (у беларускага боку. - Sputnik) былі , зараз не наканавана спраўдзіцца", - цытуе Рапоту агенцтва БелТА.

Паводле слоў дзяржсакратара, у адказ расійскі бок выставіў ўмову: Масква гатовая перагледзець існуючыя становішча спраў, калі Беларусь і Расія вызначацца з далейшым развіццём адносін.

"Былі створаны рабочыя групы па 31-й дарожнай карце, якія па ідэі павінны былі адказаць на гэтае пытанне. На гэтае пытанне канчатковага адказу пакуль няма, а цэнаўтварэнне пакуль застаецца прадметам абмеркавання", - растлумачыў дзяржсакратар Саюзнай дзяржавы.

Паводле яго слоў, наступствы падатковага манеўру сталі асноўнай праблемай, якая паўстала ў эканамічных адносінах Масквы і Мінска, "і, напэўна, неяк адбіваецца і на палітычных", падкрэсліў Рапота.

Што за падатковы манеўр?

З 2019 года Расія пачала рэалізацыю падатковага манеўру, які мае на ўвазе паступовае абнуленне да 2024 года вывазных пошлін. Замест іх паступова будзе павышацца падатак на здабычу карысных выкапняў.

Раней Беларусь купляла расійскую нафту без выплаты пошлін у бюджэт Расіі. Чорнае золата з "Дружбы" перапрацоўвалася ў нафтапрадукты, якія Беларусь выкарыстоўвала як для ўласных патрэб, так і адпраўляла за мяжу, у тым ліку ў Расію. Пошліны за гэтыя нафтапрадукты Беларусь пакідала ў сваім бюджэце. Такім чынам краіна атрымлівала схаваную субсідыю.

Страты ад падатковага манеўру ў галіне ў 2019-2024 гадах афіцыйны Меінск ацэньваў у 10,5-11 мільярдаў долараў.
Як заяўляў раней прэс-сакратар кіраўніка ўрада Расіі Алег Осіпаў, страты бюджэту Беларусі з-за падатковага манеўру не адносяцца да абавязацельстваў РФ перад Мінскам.

Пасол Беларусі ў Расіі Уладзімір Сямашка адзначаў, што ў рамках праведзеных на пачатку снежня перамоваў лідараў Беларусі і Расіі бакі знайшлі падыходы да вырашэння пытання аб кампенсацыі, ён можа быць вырашана з 1 студзеня 2022 года.

1
Тэги:
Саюзная дзяржава, Рыгор Рапота
Сцягі АБСЕ

БДІПЧ АБСЕ чакае запрашэння назіраць за выбарамі прэзідэнта Беларусі

6
(абноўлена 11:52 08.07.2020)
Ад АБСЕ назіраць на выбарах традыцыйна накіроўваюцца дзве місіі - БДІПЧ і Парламенцкай асамблеі. Апошнія ўжо заявілі аб тым, што не прыедуць у Беларусь.

МІНСК, 8 ліп - Sputnik. Бюро па дэмакратычных інстытутах і правах чалавека (БДІПЧ) АБСЕ усё яшчэ чакае запрашэння назіраць за выбарамі прэзідэнта Беларусі, пра гэта паведаміла афіцыйны прадстаўнік БДІПЧ Каця Андруш.

Кіраўнік парламенцкай камісіі па міжнародных справах Андрэй Савіных напярэдадні заявіў аб тым, што Парламенцкая асамблея АБСЕ не будзе назіраць за выбарамі ў Беларусі з-за эпідэміялагічнага становішча.

Ад АБСЕ традыцыйна накіроўваюцца дзве місіі - не толькі Парламенцкай асамблеі, але і ад Бюро па дэмакратычных інстытутах і правах чалавека.

"БДІПЧ ўсё яшчэ чакае запрашэння ад уладаў назіраць за прэзідэнцкімі выбарамі ў Беларусі", - паведаміла РІА "Новости" Андруш.

Раней у ЦВК Беларусі заяўлялі пра тое, што запрашэнні міжнародным назіральнікам будуць накіраваныя пасля рэгістрацыі кандыдатаў у прэзідэнты, гэта значыць пасля 14 ліпеня.

Пра гатоўнасць назіраць за выбарамі раней заяўлялі і ў СНД, пры гэтым канстатаваўшы магчымыя складанасці, таксама выкліканыя пандэміяй.

Выбары прэзідэнта Беларусі пройдуць 9 жніўня.

6
Тэги:
Выбары, Беларусь, АБСЕ
Тэмы:
Выбары прэзідэнта Беларусі - 2020