Аляксандр Лукашэнка на прыёме ў пярэдадне старога Новага года

Лукашэнка параўнаў Беларусь з моцным караблём падчас шторму

38
(абноўлена 21:31 11.01.2020)
Беларускі прэзідэнт адзначыў: "Нас шмат, але Беларусь у нас адна. Галоўнае - не змяншаць хуткасць і не адхіляцца ад абранага намі шляху".

МІНСК, 12 сту - Sputnik. Беларускі прэзідэнт Аляксандр Лукашэнка заклікаў беларусаў не адхіляцца ад абранага шляху развіцця, паведаміла прэс-служба кіраўніка дзяржавы.

У суботу Лукашэнка правёў прыём напярэдадні старога Новага года. Выступаючы перад гасцямі, ён адзначыў, што галоўнае - не змяншаць хуткасць і не адхіляцца ад абранага шляху.

"Нас шмат, але Беларусь у нас адна. І гэтая простая ісціна ляжыць у аснове дзяржаўнага суверэнітэту і незалежнасці краіны", - падкрэсліў ён.

Прэзідэнт параўнаў Беларусь з невялікім, але трывалым караблём, што знаходзіцца ў свеце, які ў апошнія гады штарміць.

"Трэба толькі, як і раней, шанаваць і берагчы тое, што маем, захоўваць і развіваць лепшае, распрацоўваць і ствараць самае перадавое. У адваротным выпадку адстанем", - дадаў ён.

На прыём былі запрошаны настаўнікі і ўрачы, дзеячы культуры і мастацтва, навукоўцы і дзяржаўныя служачыя, прадстаўнікі сілавога блока і грамадскіх арганізацый, журналісты, спартсмены. Падводзячы вынікі мінулага года, прэзідэнт уручыў ім дзяржузнагароды.

38
Тэги:
Беларусь, Аляксандр Лукашэнка

Палітыка