Кіраўнік "Раскосмаса" падараваў Лукашэнку пальчатку касманаўта

Падпісацца
На сустрэчы ў аўторак абмяркоўвалася рэалізацыя сумесных беларуска-расійскіх праектаў у касмічнай сферы.

МІНСК, 21 сту - Sputnik. Прэзідэнт Беларусі Аляксандр Лукашэнка атрымаў у падарунак пальчатку ад касмічнага скафандра, пра гэта паведамляе прэс-служба кіраўніка дзяржавы.

Генеральны дырэктар дзяржкарпарацыі Раскосмас Дзмітрый Рагозін - Sputnik Беларусь
Лукашэнка абмеркаваў супрацоўніцтва з кіраўніком "Раскосмаса"

Сустрэча беларускага лідара з генеральным дырэктарам дзяржкарпарацыі "Раскосмас" Дзмітрыем Рагозіным прайшла ў Палацы Незалежнасці ў аўторак.

Паведамляецца, што Лукашэнка атрымаў ад Рагозіна ў падарунак пальчатку касманаўта, які нядаўна пабываў у космасе, аднак імя ўладальніка рэчы публічна агучана не было.

"Потым па сакрэце скажу, якога касманаўта, каб іншыя не зайздросцілі", - сказаў пры ўручэнні Рагозін.

На сустрэчы бакі абмеркавалі рэалізацыю сумесных беларуска-расійскіх праектаў у касмічнай сферы. Беларускі лідар, у прыватнасці, прапанаваў разгледзець розныя напрамкі супрацоўніцтва, у тым ліку ў кантэксце нацыянальных праграм.

Нагадаем, у 2018 годзе Беларусь і Расія пачалі праектаваць сумесную касмічную сістэму, у складзе якой мяркуецца стварыць расійска-беларускі касмічны апарат (РБКА), аб далейшым узаемадзеянні па яго праектаванні бакі дамовіліся ў мінулым красавіку. Тады кіраўніцтвам "Раскосмаса" і НАН Беларусі быў падпісаны пратакол сумеснай нарады, які з'яўляецца дарожнай картай далейшага ўзаемадзеяння па праектаванні РБКА для дыстанцыйнага зандзіравання Зямлі.

Стужка навiн
0