Адзінага кандыдата ад апазіцыі будуць выбіраць праз праймерыз
(абноўлена 14:36 27.01.2020)
Прэтэндэнты павінны будуць унесці па 500 еўра на "тэхнічныя выдаткі", прозвішча адзінага кандыдата будзе агучана ў маі 2020 года.МІНСК, 27 сту - Sputnik. Прадстаўнікі шэрагу беларускіх апазіцыйных дэмакратычных партый прынялі рашэнне, што будуць падтрымліваць адзінага кандыдата на выбарах прэзідэнта Беларусі.
Сёння лідары пяці апазыцыйных партыйных структур правялі прэс-канферэнцыю, на якой было заяўлена пра тое, што ўпершыню за 15 гадоў частцы апазіцыі ўдалося дамовіцца аб тым, што яны не будуць вылучаць альтэрнатыўных кандыдатаў на прэзідэнцкіх выбарах. У спісе прэтэндэнтаў на статус адзінага кандыдата ад апазіцыі сем прозвішчаў, якія трымаюцца ў сакрэце.
"Упершыню з 2005 года прайшло шырокае аб'яднанне апазіцыі адносна ўдзелу ў прэзідэнцкіх выбарах і падтрымана ідэя аб вылучэнні адзінага кандыдата ад апазіцыі", - заявіў на прэс-канферэнцыі ў панядзелак у Мінску лідар партыі "Рух за свабоду" Ігар Губарэвіч.
Паводле яго слоў, пяць апазіцыйных партый прынялі рашэнне аб тым, што хто б ні быў абраны адзіным кандыдатам ад апазіцыі, яны будуць яго падтрымліваць і не вылучаць альтэрнатыўных кандыдатаў, як гэта было раней.
Старшыня Аб'яднанай грамадзянскай партыі (АГП) Міхаіл Казлоў паведаміў, што прынята рашэнне аб тым, каб адзінага кандыдата ад апазіцыі выбіралі шляхам праймерыз. Паводле яго слоў, абранне будзе праводзіцца ў чатыры этапы. На першым этапе пройдзе анлайн-галасаванне на інтэрнэт-пляцоўцы, дзе будуць апублікаваныя біяграфіі прэтэндэнтаў на статус "адзінага" ад апазіцыі.
На наступным этапе прадстаўнікі апазіцыі паедуць па рэгіёнах, дзе будзе праводзіцца галасаванне за адзінага кандыдата.
"Мы плануем наведаць да 80 гарадоў Беларусі", - сказаў палітык.
У сваю чаргу лідар Беларускай сацыял-дэмакратычнай партыі "Грамада" Ігар Барысаў паведаміў, што ў спісе прэтэндэнтаў на адзінага ад апазіцыі кандыдата на прэзідэнцкую кампанію сем кандыдатур. Прозвішчы трымаюцца ў сакрэце і стануць вядомыя 16 лютага ў 23:59.
Паводле яго слоў, каб прыняць удзел у конкурсе на адзінага кандыдата, трэба ўнесці 500 еўра - грошы пойдуць на "тэхнічныя патрэбы і правядзеньне Кангрэсу дэмакратычных сіл", які і зацвердзіць персаналію адзінага кандыдата.
Зблытаў карты
У сваю чаргу лідар БНФ Рыгор Кастусёў прапанаваў адмовіцца ад "складанай працэдуры" выбараў кандыдата. Паводле яго слоў, адзіным кандыдатам трэба выбраць вядомага апазіцыйнага палітыка і "лідара пратэстнага руху" Паўла Севярынца, аднак дадзеная ініцыятыва не была падтрымана.
На прэс-канферэнцыі было заяўлена, што прозвішча адзінага кандыдата ад апазіцыі будзе агучана ў сярэдзіне мая 2020 года.
Удзельнікі прэс-канферэнцыі, адказваючы на пытанні журналістаў, прызналі, што не з'яўляюцца адзінымі прадстаўнікамі апазіцыйных партыйных структур у краіне. Было заяўлена, што іх "кааліцыя адкрыта" для ўсіх апазіцыйных партый і арганізацый, якія гатовыя падтрымліваць адзінага кандыдата.
Тэги:
Беларуськалій пайшоў на саступкі, каб захаваць нарвежскага партнёра
(абноўлена 14:59 21.01.2021)
Раней адзін з найбуйнейшых у свеце пастаўшчыкоў мінеральных угнаенняў, які закупляе беларускі калій у вялікіх аб'ёмах, заявіў, што незадаволены сітуацыяй на прадпрыемстве ў Салігорску.МІНСК, 21 сту – Sputnik. "Беларуськалій" гатовы вярнуць на прадпрыемства звольненых за ўдзел у забастоўках работнікаў.
Гендырэктар кампаніі буйнога партнёра беларускай арганізацыі - нарвежскай Yara - асабіста наведваў Салігорск у верасні, каб выказаць пазіцыю наконт звальненняў супрацоўнікаў калійнага гіганта, якія выказвалі свае дэмакратычныя правы. У снежні ён заявіў аб тым, што сітуацыя на "Беларуськаліі" яго не задавальняе, бо ён не ўбачыў паляпшэнняў у становішчы працаўнікоў прадпрыемства.
Па выніках "рэгулярнага дыялогу" паміж кампаніямі, "Беларуськалій" заявіў аб тым, што гатовы вярнуць звольненых супрацоўнікаў, калі яны пададуць адпаведныя заявы, і зняць "дысцыплінарныя спагнанні" з працаўнікоў прадпрыемства. Акрамя таго, беларускі калійны гігант паведаміў, што гатовы прыняць спецыялістаў Yara "для маніторынгу вытворчых працэсаў".
"Мы знаходзімся ў пастаянным кантакце і працягнем у далейшым супрацоўніцтва з кампаніяй Yara ў пытаннях забеспячэння бяспекі ўмоў працы, паляпшэння здароўя і павышэння сацыяльнага ўзроўню нашых работнікаў", - гаворыцца ў прэс-рэлізе, размешчаным на сайце кампаніі.
Беларуская калійная кампанія працуе з Yara па пяцігадовым кантрактам. Паводле афіцыйнай інфармацыі, на працягу 2011-2015 гадоў беларускі бок пастаўляў нарвежскай кампаніі больш аднаго мільёна тон калію ў год.
Забастоўкі на "Беларуськаліі"
Пасля прэзідэнцкіх выбараў у Беларусі, на прадпрыемстве быў створаны стачачны камітэт, які выказваў нязгоду з іх вынікамі.
Забастоўкі на "Беларуськаліі" праходзілі 17 і 18 жніўня 2020 года: у тыя дні супрацоўнікі адмовіліся выходзіць на працу.
Вярхоўны суд прызнаў забастоўку на прадпрыемстве незаконнай.
Чытайце таксама:
- Чаму Беларусі выгадна экспартаваць угнаенні праз Расію?
- Урад Беларусі: прамысловыя гіганты працуюць у штатным рэжыме
- На "Беларуськаліі" за ўдзел у мітынгу затрыманыя 22 чалавекі
Тэги:
Новы прэзідэнт: некалькі фактаў пра Джо Байдэна
(абноўлена 21:15 20.01.2021)
Джо Байдэну 78 гадоў. Але ён быў нашмат маладзейшы, калі ўпершыню паспрабаваў заняць прэзідэнцкі пост. У кароткім аглядзе Sputnik - некаторыя вехі палітычнай кар'еры Байдэна.Джо Байдэн ужо спрабаваў стаць прэзідэнтам - ён спадзяваўся прадставіць дэмакратаў у 1987 годзе і ў 2007 гадах. Але тады вылучыцца ад партыі не ўдалося, і тым не менш, кар'ера Байдэна была яркай.
З 2009 па 2017 гады ён быў віцэ-прэзідэнтам ва ўрадзе Барака Абамы. Абама ўзнагародзіў яго Прэзідэнцкім медалём свабоды. Сам Байдэн Абаму называў "братам".
У асабістым жыцці Байдэна было нямала цяжкіх момантаў. Яго першая жонка Нэлія, якая была школьнай любоўю Байдэна, і іх дачка Наомі загінулі ў аўтакатастрофе. Там жа, у машыне, знаходзіліся сыны - Бо і Хантэр. Хлопчыкі атрымалі сур'ёзныя траўмы, але выжылі.
Вярнула Джо Байдэну цікавасць да жыцця і палітыкі яго другая жонка - Джыл. Дарэчы, яна стане адной з самых адукаваных першых лэдзі ЗША за ўсю гісторыю - у Джыл Байдэн доктарская ступень і яшчэ дзве магістарскіх! І яна не збіраецца кідаць працу выкладчыка і плануе заставацца пры справе нават стаўшы першай лэдзі.
Сам Байдэн таксама выдатны выкладчык. На яго семінары часта збіралася чарга. Дарэчы, Байдэн не ўжывае алкаголь. І яшчэ ён другі пасля Кэнэдзі амерыканскі прэзідэнт-каталік.
У 1974 годзе часопіс Time уключыў Байдэна у лік "200 асоб будучага, якія будуць тварыць гісторыю". Зусім хутка зможам даведацца, якой Байдэн бачыць гісторыю ЗША.
Тэги:
Куды накіруюць інвестыцыі беларускія ўлады ў 2021 годзе?
(абноўлена 15:49 21.01.2021)
Беларускі лідэр пасля разгляду дзяржаўнай інвестыцыйнай праграмы на бягучы год даў даручэнне дапрацаваць дакумент і ацаніць рэальную аддачу праектаў.МІНСК, 21 сту – Sputnik. Міністэрства эканомікі ўнясе дапрацоўкі ў дзяржаўную праграму інвестыцый з пункту гледжання эфектыўнасці праектаў, пасля чаго яна будзе ўнесена на разгляд кіраўніка дзяржавы, заявіў міністр эканомікі Аляксандр Чарвякоў пасля нарады ў Палацы Незалежнасці.
Пресс-служба президента Республики Беларусь
Паводле яго слоў, фінансаванне будзе сканцэнтравана на сферах, якія носяць на сённяшні дзень актуальны характар. Пасля чаго прывёў у прыклад медыцыну, транспартную інфраструктуру, энергетыку і меліярацыю.
Міністр запэўніў, што ў інвестыцыйнай праграме будуць адлюстраваны толькі тыя праекты, якія абяцаюць аддачу ў бліжэйшы час і паспрыяюць стварэнню рабочых месцаў і паступленню падаткаў.
"Яна павінна стаць эфектыўнай з пункту гледжання ўкладвання дзяржаўных рэсурсаў", - адзначыў Чарвякоў.
Патэнцыйнае развіццё
Інвестыцыйная праграма ўлады будзе падтрымліваць сацыяльную і інжынерную інфраструктуру з мэтай развіцця чалавечага капіталу і бізнесу.
"Мы працягнем фінансаванне тых аб'ектаў, якія ўжо пачатыя (каля 70%)", - сказаў міністр эканомікі.
Па падліках профільнага ведамства, унутраны валавы прадукт рэспублікі недаатрымлівае каля 12% з-за шэрага бізнесу. Міжнародныя эксперты называюць лічбу ў 18%.
Закранаючы пытанні далейшага развіцця аграэкатурызму, Чарвякоў звярнуў увагу, што гэта патэнцыял, які трэба ўжываць.
"Мы павінны карыстацца нашымі прыроднымі багаццямі і магчымасцю нашых людзей выкарыстоўваць іх і ствараць працоўныя месцы там, дзе не заўсёды можна паставіць буйное прадпрыемства", - рэзюмаваў ён.
Чытайце таксама:
- Лукашэнка нагадаў аб сваіх падыходах да эканомікі
- Галоўчанка заклікаў Расію аб'яднаць патэнцыялы ў прамысловасці
- Аднавілі згубленае: Лукашэнка ацаніў стан лясной гаспадаркі
Тэги: