Прэзідэнты Беларусі і Расіі Аляксандр Лукашэнка і Уладзімір Пуцін праводзяць сустрэчу ў сочынскай Чырвонай Паляне ў доме прыёмаў афіцыйных дэлегацый Лаура

Лукашэнка і Пуцін абмеркавалі ўсё "да сівых часоў" і адправіліся на хакей

62
(абноўлена 17:59 07.02.2020)
Прэзідэнты Беларусі і Расіі працягнулі весці перамовы ў адсутнасці часткі расійскай дэлегацыі, якая з-за непагадзі пакуль не змагла аператыўна прыбыць у Сочы.

МІНСК, 7 лют - Sputnik. Прэзідэнт Беларусі расказаў, што падчас перамоваў у вузкім складзе са сваім расійскім калегам абмеркаваў гістарычныя пытанні, звязаныя з іншымі постсавецкімі дзяржавамі.

"Мы сапраўды шмат аб чым пагаварылі, дайшлі да глыбіні сівых часоў нашага сумеснага жыцця ў адной дзяржаве, абмеркавалі шмат гістарычных дат і момантаў, яны вядомыя", - сказаў Аляксандр Лукашэнка ў пачатку перамоваў у пашыраным складзе.

Ад сівых часоў да сучаснасці

Паводле яго слоў, у ходзе размовы тэт-а-тэт абмяркоўваліся пытанні, якія не толькі прадстаўляюць агульны інтарэс, але і якія тычацца "нашых суседзяў, краін былога Савецкага Саюза".

У прыватнасці, прэзідэнты дзвюх краін закранулі аспекты палітыкі, "якая зараз праводзіцца намі, імі".

"Увогуле, пра многае пагаварылі, ну і дайшлі да сучаснасці і вырашылі ўжо не адзін на адзін, а з людзьмі, якія ўцягнутыя ў гэты працэс, працягнуць нашу размову", - растлумачыў прэзідэнт Беларусі.

Пасля чаго дадаў, што будзе зроблена невялікая паўза ў перагаворным працэсе, да прыбыцця часткі расійскай дэлегацыі, якая не змаглі прыляцець у Сочы.

"Неба нібыта ўжо праяснілася, таму тады мы і працягнем нашу гутарку, а наогул ёсць, пра што гаварыць, ёсць над чым працаваць", - падкрэсліў беларускі лідар.

Будзе другі раўнд

У сваю чаргу Уладзімір Пуцін выказаў надзею, што члены расійскай дэлегацыі змогуць далучыцца пазней, а пакуль ёсць магчымасць абмеркаваць бягучыя справы і актуальныя пытанні.

"У нас пытанняў шмат, мы з Аляксандрам Рыгоравічам амаль гадзіну ці паўтары (гутарылі тэт-а-тэт - Sputnik), закранулі шмат пытанняў, якія прадстаўляюць узаемную цікавасць", - удакладніў расійскі лідар.

Паводле яго слоў, перамовы могуць ісці і ў больш шырокім складзе, пасля чаго да яго далучацца і тыя, хто спазняецца і тады можна будзе перайсці да другога раунда.

"Думаю, сённяшні дзень, безумоўна, будзе карысным", - рэзюмаваў Уладзімір Пуцін.

Мір, дружба, хакей

"План работы ў Сочы такі: пасля перамоваў прэзідэнты сумесна пераязджаюць у спарткомплекс "Галактыка". Там гуляюць у хакей. Матч - таварыскі", - піша тэлеграм-канал "Пул Першага".

Паводле інфармацыі канала, пакуль у Сочы ляціць расійская дэлегацыя, перамовы прэзідэнтаў дзвюх краін працягваюцца.

62
Тэги:
Расія, Беларусь, Уладзімір Пуцін, Аляксандр Лукашэнка
(56:39 / 717.13Mb / просмотров видео: 18)

Брыфінг афіцыйнага прадстаўніка МЗС РФ Марыі Захаравай - відэа

13
(абноўлена 09:02 24.06.2021)
Актуальныя навіны тыдня, у тым ліку і новыя санкцыі ЕС, ЗША, Канады і Вялікабрытаніі супраць Беларусі, пракаменціравала Марыя Захарава.

Афіцыйны прадстаўнік МЗС Расіі Марыя Захарава напярэдадні выступіла на брыфінгу для журналістаў – глядзіце выступленне ў відэазапісу Sputnik Беларусь.

Раней яна анансавала ў сваім Telegram-канале, што патлумачыць пазіцыю Масквы з нагоды новых санкцый ЕС, ЗША, Канады і Вялікабрытаніі супраць Беларусі.

Новыя санкцыі Еўрапейскага саюза па Беларусі ўступілі ў сілу 21 чэрвеня. Яны прадугледжваюць абмежаванні ў дачыненні да 78 беларусаў. Іх актывы падлягаюць замарожванню, а грамадзянам і кампаніям ЕС забаронена даваць сродкі занесеным у гэты спіс. Таксама фізічным асобам забароняць уезд або транзіт праз тэрыторыю ЕС.

Чытайце таксама:

13
Тэги:
Беларусь, Вялікабрытанія, Канада, ЗША, ЕС, санкцыі, відэа, Марыя Захарава, МЗС РФ, брыфінг
Беспілотны лятальны апарат (БПЛА) Арыён-Э

Беларусь можа набыць у Расіі цяжкія беспілотнікі "Арыён"

9
(абноўлена 09:07 24.06.2021)
Разведвальна-ўдарны апарат упершыню дэманструецца ў Беларусі на зброевай выставе MILEX-2021, дрон здольны выконваць не толькі здымку мясцовасці, але і баявыя задачы.

МІНСК, 24 чэр – Sputnik. Беларусь зацікаўлена ў набыцці расійскіх цяжкіх ударных беспілотнікаў, у тым ліку комплексаў "Арыён", сказаў напярэдадні падчас збройнага салона MILEX-2021 дзяржсакратар Савета бяспекі рэспублікі Аляксандр Вальфовіч.

Ён падкрэсліў, што цяжкі беспілотнік - гэта ўсё ж такі сродак наступальнага характару. Паводле яго слоў, Беларусь вядзе хутчэй абаронную палітыку, таму акцэнт робіцца на малых лятальных апаратах, якія вядуць разведку і радыёэлектронную барацьбу.

"Тым не менш, натуральна, мы разглядаем і цяжкія ўдарныя беспілотнікі Кітайскай Народнай Рэспублікі, Расійскай Федэрацыі. Да прыкладу, беспілотнікі лінейкі "Арыён" вельмі добра сябе паказваюць, таму праца ў гэтым плане таксама вядзецца", - растлумачыў Вальфовіч.

У сваю чаргу прэм'ер краіны Раман Галоўчанка сказаў, што беларуская абаронная прамысловасць зрабіла стаўку на распрацоўку тактычных беспілотнікаў з далёкасцю палёту да 80 кіламетраў. Ён дадаў, што не мае такой авіяцыйнай прамысловасці, як у РФ, каб вырабляць цяжкія беспілотнікі.

"Тактычныя беспілотнікі з далёкасцю палёту да 70-80 кіламетраў падыходзяць для нашага тэатра ваенных дзеянняў", - адзначыў кіраўнік беларускага ўрада.

Беспілотнікі "Арыён" - першы ў Расіі комплекс паветранай разведкі з беспілотным лятальным апаратам вялікай працягласці палёту. Ён выконвае паветраную разведку і патруляванне, вызначае каардынаты наземных і надводных аб'ектаў, вядзе тапаграфічную здымку мясцовасці. Дрон можа таксама выконваць баявыя задачы.

Чытайце таксама:

9
Тэги:
дрон, MILEX-2021, выстава, Беспілотнікі, Расія, Беларусь
Выканаўчы дырэктар МІА Расія сёння Кірыл Вышынскі

SputnikPro: Вышынскі пра сувязь якаснай публіцыстыкі і пазіцыі аўтара

10
(абноўлена 15:57 24.06.2021)
Майстар-клас вядомага расійскага журналіста Кірыла Вышынскага адначасова прайшоў адразу на двух медыйных пляцоўках: у мультымедыйным прэс-цэнтры Sputnik Беларусь і ў анлайн фармаце на платформе рэспубліканскага форуму.

Новы модуль навучальнай праграмы SputnikPro на тэму: "Публіцыстыка ў традыцыйных і новых медыя" у мультымедыйным прэс-цэнтры Sputnik Беларусь прайшоў пры поўным аншлагу. Майстар-клас правёў выканаўчы дырэктар МІА "Расія сёння" Кірыл Вышынскі.

Візіт вядомага расійскага журналіста стаў сапраўднай падзеяй для медыйнай супольнасці Беларусі. Майстар-клас прайшоў адначасова на дзвюх пляцоўках: у мультымедыйным прэс-цэнтры Sputnik Беларусь, дзе сабраліся вядучыя журналісты цэнтральных беларускіх СМІ, і ў анлайн фармаце на платформе рэспубліканскага форуму, які сабраў больш за 100 даследчыкаў і журналістаў рэгіянальных і раённых рэдакцый Беларусі. Спектр тэм шырокі - ад лакальнай праблематыкі да інфармацыйнай бяспекі дзяржавы.

Аб "крызіснай" журналістыцы

"Журналістыка - адна з самых складаных сучасных прафесій, таму што журналіст нясе велізарную адказнасць за інфармаванне грамадства ў крызіснай сітуацыі", - адзначыў Вышынскі.

На думку спікера, ва ўмовах крызісу, калі з-за наплыву разнастайнай, супярэчлівай інфармацыі людзям складана разабрацца ў працэсах, што адбываюцца, асаблівую каштоўнасць набывае моцная, якасная публіцыстыка.

"Публіцыстыка - гэта ў першую чаргу пазіцыя. Калі ёсць пазіцыя, і гэта пазіцыя аргументавана даказваецца, тады да вас прыслухаюцца", - растлумачыў Вышынскі.

Представители госСМИ на семинаре SputnikPro
© Sputnik
Прадстаўнікі розных СМІ на семінары SputnikPro

Аб публіцыстыцы і ўнутранай пазіцыі

Менавіта публіцыстыка дапаможа сфарміраваць грамадскую думку, уплываць на працэсы, якія адбываюцца. Па словах Вышынскага, нельга проста сесці і напісаць публіцыстычны матэрыял. Патрэбна цвёрдая ўнутраная пазіцыя.

"Пазіцыя фарміруецца падчас спрэчкі і ўнутранага дыялогу аўтара. Гэта адказы на пытанні. Калі вы заяўляеце сваю пазіцыю, то вы заўсёды павінны заявіць гэты дыялог, інакш кажучы паказаць унутраны канфлікт", - адкрыў прафесійны прыём знакаміты журналіст.

У якасці прыкладу ён прывёў тэму абавязковай вакцынацыі. Унутраная дылема: прышчапляцца ці не? З аднаго боку, ёсць рызыка няхай не сур'ёзна, але захварэць самому пасля прышчэпкі. З іншага боку, існуе рызыка стаць пераносчыкам інфекцыі і няхай не наўмысна, але стаць вінаватым у хваробе іншага чалавека, магчыма, са смяротным зыходам. Вышынскі упэўнены: перш чым садзіцца за такі матэрыял, аўтар павінен сам знайсці адказ на складанае пытанне.

"Калі збіраецеся публіцыстычны матэрыял пісаць, вы павінны быць абсалютна ўпэўненыя да чаго прыйдзеце, загадзя ведаць, што скажаце ў канцы. Аргументаваць, з важкімі бясспрэчнымі фактамі, без штампаў і заклікаў. Гэта пазіцыя аўтара, да якой прыслухаюцца", - сказаў Вышынскі.

Сцісласць - сястра таленту

На майстар-класе спікер выказаўся пра класічную публіцыстыку. Напрыклад, у савецкія часы такім матэрыялам прысвячалі цэлыя газетныя развароты.

"Сёння вялікіх тэкстаў ніхто чытаць не стане. Ён павінен быць сціснутым, спрасаваным, як булённы кубік. У гэтым і крыецца талент журналіста, каб змясціць у кароткім тэксце сутнасць пытання, паказаць унутраны канфлікт і аргументавана прыйсці да рашэння - высновы", - адзначыў спікер .

Блогераў на майстар-класе цікавіла, якія інтэрнэт-тэхналогіі трэба ўжываць, каб атрымаць шматтысячную аўдыторыю, стаць лідэрам меркавання.

"На мой погляд, папулярнасць блога ў першую чаргу вызначае кантэнт. Калі ён ёсць, то рана ці позна да яго прыйдзе свой сталы чытач нават ва ўмовах жорсткай канкурэнцыі", - рэзюмаваў Вышынскі.

Што такое SputnikPro

SputnikPro - праект міжнароднага інфармацыйнага агенцтва і радыё Sputnik для журналістаў, студэнтаў профільных ВНУ, супрацоўнікаў прэс-служб і медыяменеджэраў, накіраваны на абмен вопытам і развіццё прафесійных сувязяў з замежнымі калегамі. Вядучымі модуляў праекта выступаюць як медыяменеджэры Sputnik, так і іншыя вядомыя расійскія эксперты.

10
Тэги:
форум, Анлайн-праекты, майстар-клас, Кірыл Вышынскі