Кіраўнік МЗС Беларусі Уладзімір Макей

Макей абмеркаваў з Лаўровым па тэлефоне пытанні двухбаковых адносін

22
(абноўлена 15:50 29.04.2020)
Адной з актуальных тэм, якую каментавалі ў апошні час вышэйшыя асобы Беларусі і Расіі, была цана на газ.

МІНСК, 29 кра - Sputnik. Міністр замежных спраў Беларусі Уладзімір Макей абмеркаваў па тэлефоне са сваім расійскім калегам, кіраўніком МЗС РФ Сяргеем Лаўровым актуальныя пытанні беларуска-расійскіх адносін і інтэграцыйнага ўзаемадзеяння, паведамілі ў прэс-службе МЗС Беларусі.

Акрамя таго, Макей і Лаўроў ўзгаднілі графікі двухбаковых кантактаў на розных узроўнях.

Адной з актуальных тэм, якую ў апошнія тыдні актыўна каментуюць вышэйшыя асобы Беларусі і Расіі застаецца цана на газ. Беларускі бок мяркуе, што ў цяперашніх умовах Мінск можа разлічваць на больш даступныя цэны на блакітнае паліва. Прэзідэнт Беларусі Аляксандр Лукашэнка ў час рабочай сустрэчы членаў Вышэйшага Еўразійскага эканамічнага савета ў сярэдзіне красавіка казаў, што цана на газ павінна быць больш адаптыўнай пры бягучай рэзкай змене эканамічнай кан'юнктуры.

У сваю чаргу Сяргей Лаўроў, каментуючы гэтыя заявы, адзначыў, што саюзнікі Расіі павінны атрымліваць эканамічныя перавагі, але не варта забываць і пра кантрактныя абавязацельствы. Ён пацвердзіў, што прапановы да Расіі перагледзець кошты на газ паступілі. У сераду расійскі міністр энергетыкі Аляксандр Новак заявіў, што пераглядаць цану на газ для Беларусі ў 2020 годзе не плануецца.

Акрамя таго, у сераду стала вядома пра рашэнне ўрада Расіі падоўжыць забарону на ўезд замежнікаў да паляпшэння сітуацыі з каронавірусам. Такім чынам закрытай для перамяшчэння большасці грамадзян застаецца і беларуска-расійская мяжа.

Забарона на перасячэнне мяжы Расіі не распаўсюджваецца на дыпламатаў і членаў іх сем'яў, вадзіцеляў грузавікоў, асоб з прыватнымі візамі, выдадзенымі ў асаблівых выпадках па рашэнні МЗС РФ, членаў сем'яў грамадзян Расіі і асобных катэгорый грамадзян дзяржаў, з якімі падпісаны дагаворы аб бязвізавых паездках.

22
Тэги:
Беларусь, Расія, Сяргей Лаўроў, Уладзімір Макей
Прэзідэнт Расіі Уладзімір Пуцін

Папраўкі ў Канстытуцыю Расіі ўвойдуць у сілу 4 ліпеня

7
(абноўлена 17:29 03.07.2020)
Расійскі прэзідэнт заклікаў не страціць каштоўныя прапановы, якія не ўвайшлі ў Канстытуцыю.

МІНСК, 3 ліп - Sputnik. Канстытуцыя Расійскай Федэрацыі з унесенымі ў яе папраўкамі ўвойдзе ў сілу 4 ліпеня. Дату вызначыў прэзідэнт РФ Уладзімір Пуцін сваім указам, які быў апублікаваны ў пятніцу на афіцыйным партале прававой інфармацыі.

Галасаванне па папраўках (было прапанавана 206 паправак) да расійскай Канстытуцыі праходзіла з 25 чэрвеня па 1 ліпеня. Сёння кіраўнік ЦВК РФ Эла Памфілава абвясціла канчатковыя дадзеныя плебісцыту: 77,92% тых, хто прагаласаваў падтрымалі змены, супраць выказаліся 21,27%.

"Папраўкі ў Канстытуцыю Расійскай Федэрацыі (...) ўступаюць моц 4 ліпеня 2020 года", - гаворыцца ў тэксце ўказу.
Расійскі прэзідэнт у ходзе сустрэчы з рабочай групай па падрыхтоўцы паправак у Канстытуцыю падкрэсліў, што "людзі сэрцам адчулі, што тое, што было прапанавана самімі грамадзянамі Расіі, рабочай групай, дэпутатамі парламента, запатрабавана і трэба краіне".

Разам з тым ён звярнуў увагу, што ўсе "ўпакаваць" у канстытуцыю немагчыма, але іншыя каштоўныя прапановы ад людзей павінны быць рэалізаваныя.

"Усе спакаваць у канстытуцыю практычна не магчыма, нерэальна, ды і па сутнасьці не трэба, гэта не канстытуцыйны ўзровень. Але прапановы, якія паступілі ад людзей, якія мы не можам ўлічыць ў канстытуцыі і якія ўяўляюць з сябе безумоўную каштоўнасць для грамадства, гэтыя прапановы, без усялякіх сумневаў, павінны быць рэалізаваныя. альбо ў законах, альбо ў падзаконных актаў", - сказаў Пуцін.

"Галоўнае, каб нам нічога не страціць з таго, што людзі напрацавалі і прапанавалі карыснага для краіны", - дадаў прэзідэнт.

7
Тэги:
Канстытуцыя, Расія
Прэзідэнт РФ У. Пуцін і прэзідэнт Беларусі А. Лукашэнкі адкрылі Ржэўскі мемарыял Савецкаму салдату

Пяскоў распавёў, што абмяркоўвалі Пуцін і Лукашэнка ў Ржэве

7
(абноўлена 16:02 03.07.2020)
Раней інфармацыяй аб тэме размовы двух лідараў падзяліліся прэс-сакратар прэзідэнта Беларусі і міністр замежных спраў рэспублікі.

МІНСК, 3 ліп - Sputnik. Прэзідэнт Расіі Уладзімір Пуцін і яго беларускі калега Аляксандр Лукашэнка ў Ржэве мелі магчымасць абмяняцца думкамі па пытаннях двухбаковых адносін, інтэграцыі і міжнародных справах, заявіў прэс-сакратар расейскага лідэра Дзмітрый Пяскоў.

Пуцін і Лукашэнка 30 чэрвеня адкрылі мемарыял Савецкаму салдату пад Ржэвам, усклаўшы кветкі да помніка.
"Прэзідэнты ў Ржэве мелі магчымасць абмяняцца думкамі, сапраўды. Кароткаяе гутарка адбылася, абмеркавалі і двухбаковыя адносіны, і тэмы інтэграцыйныя, і ў цэлым абмяняліся думкамі аб міжнародных справах", - сказаў Пяскоў.
Ужо пасля сустрэчы ў Ржэве кіраўнікі дзвюх дзяржаў абмяняліся пасланнямі.

Аляксандр Лукашэнка павіншаваў свайго расійскага калегу Уладзіміра Пуціна з вынікамі галасавання па папраўках у Канстытуцыю РФ, якое прайшло ў сераду, 1 ліпеня.

"Вынікі рэферэндуму пераканаўча сведчаць аб прызнанні вашых заслуг і здольнасці кансалідаваць нацыю ў такій няпросты і адказны перыяд", - падкрэсліў прэзідэнт Беларусі.

Паводле яго слоў, Беларусь і Расія і далей застануцца стратэгічнымі саюзнікамі, працягнуўшы развіваць супрацоўніцтва па многіх напрамках у інтарэсах двух народаў абедзвюх краін.

А сёння Уладзімір Пуцін павіншаваў прэзідэнта Беларусі з Днём Незалежнасці краіны.

"Упэўнены, што разам мы зможам забяспечыць далейшае нарошчванне расійска-беларускіх сувязяў на ўсіх напрамках, а таксама канструктыўнага ўзаемадзеяння ў рамках Саюзнай дзяржавы, Еўразійскай эканамічнай саюза, АДКБ і СНД. Гэта, несумненна, адпавядае карэнным інтарэсам братніх народаў нашых краін", - прыводзіць прэс-служба словы Пуціна.

У віншаванні адзначаецца, што адносіны паміж Расіяй і Беларуссю развіваюцца ў духу сяброўства і саюзніцтва. Наладжана плённае двухбаковае супрацоўніцтва, каардынацыя намаганняў у знешняй палітыцы і абароне, рэалізуюцца маштабныя сумесныя праекты ў гандлёва-эканамічнай, гуманітарнай, навукова-тэхнічнай і іншых галінах.

7
Тэги:
Дзмітрый Пяскоў, Аляксандр Лукашэнка, Уладзімір Пуцін