Пасяджэнне Палаты прадстаўнікоў

Праект закона аб амністыі дэпутаты разгледзяць адразу ў двух чытаннях

16
(абноўлена 11:10 04.05.2020)
На сесіі ў Палаце прадстаўнікоў Нацсходу таксама будуць ратыфікаваны шэраг міжнародных дагавораў.

МІНСК, 4 мая - Sputnik. Праект закона аб "Аб амністыі ў сувязі з 75-годдзем Перамогі ў Вялікай Айчыннай вайне 1941-1945 гадоў" вынесены на разгляд у Авальную залю, паведамілі Sputnik у прэс службе палаты прадстаўнікоў.

У аўторак, 5 мая 2020 года, адбудзецца пасяджэнне другой сесіі Палаты прадстаўнікоў Нацыянальнага сходу Рэспублікі Беларусь сёмага склікання.

"Гэты праект закона плануецца разгледзець адразу ў двух чытаннях", - паведамілі Sputnik у прэс-службе ніжняй палаты беларускага парламента.

У першым чытанні плануецца разгледзець праекты законаў "Аб змяненні Закона Рэспублікі Беларусь "Аб аператыўна-вышуковай дзейнасці", "Аб змяненні Закона Рэспублікі Беларусь "Аб парадку і ўмовах накіравання грамадзян у лячэбна-працоўныя прафілакторыі і ўмовах знаходжання ў іх".

Пералікам пытанняў прадугледжана таксама ратыфікацыя шэрагу міжнародных дагавораў.

Акрамя гэтага парламентарыі разгледзяць пытанне "Аб Дэкрэце Прэзідэнта Рэспублікі Беларусь ад 9 красавіка 2020 года №1 "Аб змяненні дэкрэтаў Прэзідэнта Рэспублікі Беларусь".

Амністыі ў Беларусі

Як паведамляў раней старшыня Вярхоўнага суда Валянцін Сукала, будучая амністыя па ахопе будзе прыкладна такая ж, як і праведзеная ў 2019 годзе. Тады яна была прымеркавана да 75-годдзя вызвалення рэспублікі ад нямецка-фашысцкіх захопнікаў і закранула яна каля 6,5 тысяч асуджаных, у тым ліку тых, хто адбывае пакаранне па "наркатычных" артыкулах.

Амністыя 2020 года прымеркавана да 75-годдзя перамогі ў Вялікай айчыннай вайне. Прэзідэнт Беларусі Аляксандр Лукашэнка заявіў, што амністыя закране непаўналетніх, асуджаных па 328-й наркатычнай артыкуле, і некаторых карупцыянераў. Ён растлумачыў, што гэтым катэгорыям грамадзян могуць скараціць тэрміны пры выкананні пэўных умоў.

16
Тэги:
Беларусь
Будынак Капітолія

Рэжым НС адмянілі ў Вашынгтоне, павышаныя меры бяспекі захоўваюцца

7
(абноўлена 17:51 25.01.2021)
Частка кардонаў і блокпастоў знята, але тэрыторыя вакол Белага дома па-ранейшаму абгароджана двухмятровым плотам.

МІНСК, 25 сту – Sputnik. Рэжым надзвычайнай сітуацыі, які быў уведзены ў Вашынгтоне перад інаўгурацыяй прэзідэнта Джо Байдэна, адменены.

Раней на падыходах да ўрадавых устаноў была выбудавана сістэма блокпастоў з-за пагрозы паўтарэння масавых беспарадкаў у акрузе сталіцы. На цэнтральных вуліцах працавалі пункты надгляду ФБР, устаноўлены бетонныя загароды, некаторыя вуліцы былі перакрыты.

Цяпер жа дарогі ў цэнтры горада адкрылі для праезду, запрацаваў увесь грамадскі транспарт. Зноў усталявалі палаткі з фаст-фудам, а недалёка ад Белага дома пачаўся гандаль атрыбутыкай з вобразамі Джозэфа Байдэна і Камалы Харыс.

Частка байцоў Нацгвардыі ўжо пакінула горад. Як паведамілі сакрэтныя службы, якіх-небудзь сур'ёзных інцыдэнтаў у дні пасля інаўгурацыі не было.

Аднак тэрыторыя вакол самога Белага дома па-ранейшаму абгароджана высокім плотам. Ачэплены і будынак міністэрства фінансаў і Лафает-сквер.

Інаўгурацыя 46-га прэзідэнта ЗША

Цырымонія інаўгурацыі Джозэфа Байдэна прайшла ў Вашынгтоне 20 студзеня. Па традыцыі яе правялі на прыступках Капітолія.

У сталіцы ЗША ў гэты дзень былі прыняты беспрэцэдэнтныя меры бяспекі. Амаль увесь цэнтр горада быў перакрыты для руху транспарту. Улады асцерагаліся правакацый і аднаўлення мітынгаў прыхільнікамі Трампа.

Да забеспячэння бяспекі ў 30 амерыканскіх штатах былі прыцягнуты падраздзяленні Нацыянальнай гвардыі ЗША, толькі ў Вашынгтон і прыгарады перавялі больш за 25 тысяч байцоў.

Нагадаем, што 6 студзеня ў дзень афіцыйнага зацвярджэння вынікаў прэзідэнцкіх выбараў пасля закліку з боку Дональда Трампа яго прыхільнікі прарваліся ў будынак Капітолія. Падчас беспарадкаў у Вашынгтоне загінулі пяць чалавек, многія атрымалі траўмы. Пасля гэтага ў горадзе быў уведзены рэжым надзвычайнай сітуацыі.

Чытайце таксама:

7
Тэги:
ЗША, Джо Байдэн
Кіраўнік IIHF Рэнэ Фазель, архіўны фотаздымак

Мінск абмяркоўвае з IIHF памер кампенсацыі за адменены ЧС

10
(абноўлена 13:56 25.01.2021)
Сусветны хакейны форум павінен быў прайсці ў траўні-чэрвені 2021-га ў Мінску і Рызе, аднак савет Міжнароднай федэрацыі хакея (IIHF) вырашыў перанесці матчы чэмпіянату з беларускай сталіцы.

МІНСК, 25 сту – Sputnik. Вядуцца перамовы з IIHF па пытаннях кампенсацыі за адменены чэмпіянат свету ў Мінску, паведамілі ў прэс-службе Федэрацыі хакея Беларусі (ФХБ).

"Зараз вядуцца перамовы з удзелам двух бакоў па пытанні кампенсацыі за адменены чэмпіянат свету ў Мінску", - сказалі Sputnik у прэс-службе ФХБ. Там дадалі, што да завяршэння перамоў ніякіх падрабязнасцей паведамляцца не будзе.

Што адбылося?

На мінулым тыдні стала вядома, што з Мінску быў перанесены чэмпіянат свету па хакеі. Гэта першынство павінна было прайсці з 26 траўня па 6 чэрвеня 2021 года ў Беларусі і Латвіі. Раней у Рызе выступілі супраць сумеснага турніру з-за палітычнага становішча ў Беларусі. Дзе ў выніку пройдзе ЧС па хакеі таксама пакуль невядома.

Цяпер турнір пройдзе ў альтэрнатыўным месцы ў тыя ж даты. Аб'ява аб новым месцы будзе зроблена ў бліжэйшыя дні.

Старшыня ФХБ Дзмітрый Баскаў раней заявіў, што беларусы ў сусветным форуме ўдзельнічаць будуць. "Мы вельмі паважаем працу спартсменаў, умеем яе шанаваць. Таму, напэўна, не маем маральнага права дзейнічаць, як нашы апаненты, забіраючы ў спартсменаў мару, а ў балельшчыкаў любімую каманду", - сказаў ён.

Чытайце таксама:

10
Тэги:
Хакей, Мінск, Чэмпіянат свету па хакеі 2021 года