Лукашэнка і Такаеў абмеркавалі еўразійскую інтэграцыю і каронавірус
(абноўлена 13:53 04.05.2020)
Прэзідэнты Казахстана і Беларусі таксама абмяняліся віншаваннямі напярэдадні святкавання 75-годдзя перамогі ў Вялікай Айчыннай вайне.МІНСК, 4 мая - Sputnik. Па ініцыятыве казахстанскага боку сёння адбылася тэлефонная размова прэзідэнта Беларусі і прэзідэнта Казахстана, паведамілі ў прэс-службе кіраўніка дзяржавы.
©
Sputnik / Виктор Толочко
Касым-Жамарт Такаеў павіншаваў Аляксандра Лукашэнку з 75-годдзем перамогі ў Вялікай Айчыннай вайне. Пры гэтым ён павіншаваў і беларусаў ад імя казахстанскага народа.
Па словах казахстанскага лідара, паўтара мільёна жыхароў сярэднеазіяцкай рэспублікі былі ўдзельнікамі вайны, і палова з іх не вярнуліся дадому.
"Свайго казахстанскага калегу з гэтым вялікім святам павіншаваў і Аляксандр Лукашэнка, перадаўшы самыя цёплыя пажаданні ўсім жыхарам Казахстана", - адзначылі ў прэс-службе.
Прэзідэнты Казахстана і Беларусі абмеркавалі падрыхтоўку пасяджэння Вышэйшага Еўразійскага эканамічнага савета. Касым-Жамарт Такаеў і Аляксандр Лукашэнка асобна спыніліся на пытаннях, якія тычацца яго арганізацыі.
Такім чынам, лідары дзвюх краін надалі ўвагу часу і фармату чарговага пасяджэння і дакументам, якія будуць на яго вынесеныя.
"Кансультацыі па гэтых пытаннях працягнуцца, фармат і тэрміны, паводле дамоўленасцяў, будуць вызначаны ў бліжэйшы час", - удакладнілі ў прэс-службе кіраўніка беларускай дзяржавы.
Касым-Жамарт Такаеў праінфармаваў Аляксандра Лукашэнку, што Казахстан змякчае каранцінныя меры і паступова здымае абмежаванні, уведзеныя раней у сувязі з распаўсюджваннем віруса.
Пасля гэтага лідары дзвюх краін абмяняліся падрабязнай інфармацыяй, якая тычыцца стратэгіі і тактыкі лячэння ад каронавіруснай інфекцыі ў двух краінах.
У сваю чаргу казахстанскі прэзідэнт выказаў удзячнасць беларускаму калегу за дапамогу ў вяртанні на радзіму жыхароў Казахстана. Аляксандр Лукашэнка адказаў словамі падзякі за аналагічнае садзейнічанне.
"Таксама прэзідэнт Беларусі папрасіў перадаць прывітанне, цёплыя пажаданні і віншаванне з 75-годдзем Перамогі ганароваму старшыні Еўразійскага эканамічнага савета Нурсултану Назарбаеву", - гаворыцца ў паведамленні.
Тэги:
Беларускія нафтапрадукты пачалі пастаўляць у парты Расіі
(абноўлена 19:37 06.03.2021)
У першай партыі для перавалкі цераз порт Усць-Луга некалькімі саставамі адпраўлены больш за пяць тысяч тон беларускага бензіну, груз прыбудзе ў тэрмінал "Портэнерго" 9 сакавіка.МІНСК, 7 сак – Sputnik. Першыя партыі былі адпраўлены ў Расію 5 сакавіка, паведаміў Мінтранс РФ.
"Другая адпраўка з "Мазырскага НПЗ" адбылася 6 сакавіка - адгружана партыя мазуту агульным аб'ёмам 3,6 тысячы тон. Груз будзе перавалены ў марскі порт Санкт-Пецярбурга", - гаворыцца ў паведамленні.
Беларусь і Расія заключылі міжурадавае пагадненне аб перавалцы беларускіх нафтапрадуктаў на экспарт праз марскія парты РФ 19 лютага.
Дакумент прадугледжвае перавалку беларускімі прадпрыемствамі амаль 10 мільёнаў тон грузаў у марскіх партах Расіі на Балтыцы ў 2021-2023 гадах. На 2021-ы запланавана перавалка да 3,5 мільёна тон, на 2022-і - да 3,2 мільёна тон, на 2023-і - да 3,1 мільёна тон. Гаворка пра такія грузы, як бензін, мазут і алей.
Беларускія грузы праз парты Расіі
У жніўні Аляксандр Лукашэнка паабяцаў адказаць на санкцыі еўрапейскіх краін. Беларускі лідэр даручыў ураду ўнесці прапанову аб пераарыентацыі гандлёвых патокаў з партоў Літвы на іншыя маршруты.
Аб'ём нафтапрадуктаў, якія будуць перанакіраваны ў расійскія парты, можа скласці да 4-6 мільёнаў тон. Гаворка ў першую чаргу пра паўночна-заходнія гавані – Усць-Лугу, Прыморск, Высоцкі і Санкт-Пецярбург.
Таксама Лукашэнка заяўляў, што Мінск гатовы разгледзець магчымасць будаўніцтва тэрмінала ў Ленінградскай вобласці за кошт зэканомленых сродкаў расійскага крэдыту на ўзвядзенне БелАЭС.
Хто будзе экспартаваць грузы праз парты РФ
У рэалізацыі праекта зацікаўлены "Беларуская нафтавая кампанія", "Новая нафтавая кампанія", "Мазырскі НПЗ" і "Нафтан".
Як тлумачыў на цырымоніі падпісання пагаднення міністр транспарту РФ, цана для беларускіх пастаўшчыкоў нафтапрадуктаў будзе ніжэй, чым была пры перавалцы праз прыбалтыйскія парты.
"Усе нашы стывідоры, трэйдары і ўдзельнікі ад РЧ - мы ўсе пайшлі на істотныя зніжкі, зыходзячы з тых аб'ёмаў, якія прапанаваў беларускі бок", - казаў Віталій Савельеў.
У перавалцы беларускіх нафтапрадуктаў задзейнічаны парты Санкт-Пецярбурга і Ленінградскай вобласці - Усць-Луга (150 км ад Санкт-Пецярбурга), порт Прыморск (5 км ад горада Прыморска, канчатковая кропка Балтыйскай трубаправоднай сістэмы) і "Марскі порт Санкт-Пецярбург".
Не выключана, што ў бліжэйшыя гады будуць пераарыентаваны не толькі нафтавыя беларускія патокі, але і пачнецца адгрузка калійных удабрэнняў.
Чытайце таксама:
- Пецярбургскі тэрмінал назваў аб'ём перавалкі беларускіх нафтапрадуктаў
- БНК размясціла прапанову аб пастаўцы бензіну з Усць-Луга
- Нафтапрадукты і ўдабрэнне з Беларусі пойдуць праз парты Ленвобласці
Тэги:
Вышынскі будзе адказваць за міжнароднае супрацоўніцтва ў СПЧ
(абноўлена 17:34 05.03.2021)
Савет пры прэзідэнце РФ па правах чалавека змяніў сваю структуру, таксама былі абраны новыя кіраўнікі профільных камісій.МІНСК, 5 сак – Sputnik. Выканаўчы дырэктар МІА "Россия сегодня" Кірыл Вышынскі ўзначаліў Камісію па міжнародным супрацоўніцтве Савета па правах чалавека (СПЧ), паведамляецца на сайце Савета.
СПЧ скараціў колькасць пастаянных рабочых камісій з 20 да 11 і пераабраў іх старшынь. Вышынскі на пасадзе кіраўніка Камісіі па міжнароднаму супрацоўніцтву ў галіне правоў чалавека змяніў Аляксандра Брода.
"Сёння мы ўсё часцей сутыкаемся з агрэсіўнымі спробамі некаторых еўрапейскіх краін задушыць свабоду слова. У сувязі з гэтым абарона правоў журналістаў за мяжой можа стаць адным з вядучых напрамкаў дзейнасці камісіі, якую я ўзначальваю", - распавёў Вышынскі.
Нагадаем, Вышынскі, які ўзначальваў партал "РИА Новости Украина", больш за год правёў пад вартай на Украіне па абвінавачванні ў дзяржздрадзе і падтрымцы самаабвешчаных рэспублік Данбаса. У канцы жніўня 2019 года яго вызвалілі з-пад арышту, а ў пачатку верасня ён вярнуўся ў Расію.
Чытайце таксама:
- Вышынскі: пасля пандэміі рэпрэсіі ў дачыненні да медыя будуць паглыбляцца
- Кісялёў заклікаў улады Латвіі спыніць пераслед аўтараў Sputnik
- Вышынскі распавёў, чым зоймецца ў Савеце па правах чалавека
Тэги:
Які сёння дзень: 8 сакавіка 2021 года
(абноўлена 17:18 06.03.2021)
Гэты дзень з'яўляецца шэсцьдзясят сёмым па грыгарыянскім календары, да канца года засталося 298 дзён.Сёння адзначаецца Міжнародны жаночы дзень. Якія яшчэ падзеі адбыліся 8 сакавіка і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 8 сакавіка
- У 1911 годзе адбылося першае святкаванне Міжнароднага жаночага дня.
Хто нарадзіўся 8 сакавіка
- 1910 год: Пётр Васілевіч Конюх, беларускі оперны спявак.
- 1917 год: Сяргей Іванавіч Селіханаў, беларускі скульптар.
- 1931 год: Сямён Падокшын, беларускі філосаф і гісторык-медыявіст, даследчык культуры Адраджэння і Рэфармацыі.
- 1952 год: Аляксандр Аляксандравіч Козак, беларускі акцёр, тэатральны дзеяч.
- 1962 год: Славамір Адамовіч, беларускі паэт, грамадскі дзеяч.
Таксама сёння нарадзіўся савецкі і расійскі акцёр тэатра і кіно Андрэй Міронаў.
8 сакавіка ў народным календары
Сёння пачынаецца Масленіца - старадаўняе народнае свята, якое адзначаецца на працягу сямі дзён перад пачаткам Вялікага посту. Масленіца спакон вякоў азначае праводзіны зімы і сустрэчу вясны - прадвесніцу цяпла і абнаўлення прыроды і чалавека.
Кожны дзень Масленічнага тыдня мае сваё імя. Дарэчы, панядзелак - "Сустрэча". У гэты дзень гаспадыні распачыналі пячы бліны, першы з якіх трэба было аддаць жабраку для ўшанавання памяці памерлых. Гаспадыні абавязкова частавалі блінамі гасцей і запрашалі да хаты сваякоў.
Таксама сёння праваслаўныя вернікі шануюць памяць святапакутніка Палікарпа.
У гэты дзень назіралі за птушкамі: калі яны хаваюцца, будзе завіруха. Калі ж вераб'і ўжо в'юць гнёзды, будзе цяпло. Гнёзды гракоў з паўднёвага боку – лета будзе халодным.
Калі 8 сакавіка на рэках і азёрах яшчэ трымаецца лёд, рыбалка будзе дрэнная.