МІНСК, 8 мая - Sputnik. Пазбаўленне акрэдытацыі кіраўніка карпункта Першага канала ў Мінску Аляксея Кручыніна з'яўляецца празмернай рэакцыяй, такое меркаванне выказаў гендырэктар МІА "Россия сегодня" Дзмітрый Кісялёў.
Па рашэнні міністэрства замежных спраў, акрэдытацыі на працу ў Беларусі кіраўніка карэспандэнцкага пункта Першага канала ў Мінску Аляксея Кручыніна і яго аператара Сяргея Панасюка былі ануляваныя ў сераду.
"Пазбаўленне акрэдытацыі расійскага журналіста - прадстаўніка Першага канала ў Мінску - немагчымая, крайняя мера, відавочна празмерная рэакцыя", - напісаў сёння Кісялёў у сваім Telegram-канале.
Генеральны дырэктар агенцтва дадаў: "Так можна занадта далёка зайсці. Не трэба гэта цяпер".
"І я ніколі не падтрымліваў гэты крок Лукашэнкі. Калі хтосьці інтэрпрэтуе мае словы як падтрымку, то гэта прафесійна нядобрасумленна. Вось маё абвяржэнне", - дадаў Кісялёў.
Падставай для пазбаўлення Кручыніна акрэдытацыі стаў яго сюжэт пра сітуацыю з каронавірусам у беларускім горадзе Стоўбцы. Сам тэлеканал раней заяўляў пра тое, што лічыць такі крок "беспадстаўным".
Аляксей Кручынін, грамадзянін Расіі, узначальваў карэспандэнцкі пункт Першага канала з 2015 года.
