Лідзія Ярмошына

ЦВК разгледзеў першую скаргу і зарэгістраваў 4 ініцыятыўныя групы

11
(абноўлена 13:25 15.05.2020)
Першым пытаннем з 15 запланаваных Цэнтрвыбаркам разгледзеў скаргу на абмежаванні прысутнасці назіральнікаў у выбаркамах, уведзеныя з-за эпідэміялагічнага становішча.

МІНСК, 15 мая - Sputnik. Цэнтральная выбарчая камісія Беларусі правяла сёння пасяджэнне, у парадку дня было 15 пытанняў.

На традыцыйным пятніцкім пасяджэнні ЦВК адсутнічаў Ігар Плышэўскі, аднак кворум склаўся.

Першая скарга

Першым пытаннем ЦВК разгледзеў скаргу лідара руха "За свабоду" Юрыя Губарэвіча, які не пагадзіўся з тым, што з-за эпідэміялагічнага становішча абмежаваная магчымасць прысутнасці назіральнікаў і іншых старонніх асоб на пасяджэннях выбарчых камісій.

Як адзначыла сакратар камісіі Алена Дмухайла, дзеючым заканадаўствам прадастаўлена права прысутнічаць, а не ўдзельнічаць у працы выбаркамаў. Аднак цяпер ЦВК рыхтуе змены ў апошнюю пастанову і плануе некалькі змяніць абмежаванне.

"Гэта значыць з улікам таго эпідэміялагічнага становішча, якое будзе складацца ў тым рэгіёне пазней, выканаўчыя мясцовыя ўлады будуць самі прымаць рашэнні, які спосаб пасяджэння будзе больш бяспечным", - патлумачыла Ярмошына.

Паводле яе слоў, такім чынам можна будзе казаць аб частковым задавальненні прапановы Губарэвіча.

Блогера ў кандыдатах не будзе

Затым ЦВК разглядаў пытанне падачы дакументаў на рэгістрацыю ініцыятыўнай групы блогера Сяргея Ціханоўскага.

Як патлумачыла загадчыца аддзела прававой, аналітычнай і метадычнай работы ЦВК Галіна Мкртычан, дакументы былі пададзеныя яго жонкай, якая мае даверанасць.

Гомельский видеоблогер Сергей Тихановский
© Photo : БелаПАН
Гомельскі відэаблогер Сяргей Ціханоўскі

"Аднак ёсць (у заканадаўстве - Sputnik) права прадстаўніка асобы, якая мае намер вылучыцца, толькі падаць дакументы на рэгістрацыю ініцыятыўнай групы. Права подпіса ў выбарчым кодэксе не паказваецца", - патлумачыла прадстаўнік ЦВК.

Пасля пярэчанняў жонкі Ціханоўскага прадстаўнік ЦВК патлумачыла: норма гучыць так, што прадстаўнік не можа падпісваць дакументы. Прыклад - заявы на рэгістрацыю шлюбу або іншыя, дзе патрабуецца асабістая прысутнасць.
У выніку Ціханоўскаму ў рэгістрацыі было адмоўлена.

У Лукашэнкі - гурт №1

Трэцім пытаннем ЦВК разгледзеў заяву на рэгістрацыю ініцыятыўнай групы Аляксандра Лукашэнкі. У адрозненне ад Ціханоўскага, дадала Ярмошына, ён асабіста падпісваў усе дакументы, хоць іх у ЦВК падаваў і кіраўнік яго групы - Міхаіл Орда.

Ярмошына адзначыла, што ўсе патрабаванні да ініцыятыўнай групы і дакументаў выкананыя, адпавядае прэтэндэнт на вышэйшую пасаду і патрабаванні Канстытуцыі.

"Цалкам Аляксандр Рыгоравіч адпавядае гэтым патрабаванням (да кандыдатаў - Sputnik)", - дадала яна.
Па выніках галасавання ініцыятыўная група Лукашэнкі зарэгістраваная пад нумарам адзін.

Гайдукевіч і іншыя

Пасля рэгістрацыі групы Лукашэнкі сябры выбаркама прыступілі да разгляду заявы лідара ЛПДБ Алега Гайдукевіча.

"Пісалі па-старому Гайдукевіч С.В., а гэта - А.С.", - пасмяялася Ярмошына, маючы на ўвазе, што раней у выбарах удзельнічаў бацька палітыка, Сяргей Гайдукевіч.

У групу Гайдукевіча ўвайшлі крыху больш за чатыры тысячы чалавек, аднак пры праверцы высветлілася "пэўная некрытычная колькасць грамадзян, якія не валодаюць выбарчым правам", сказала Ярмошына і пералічыла некалькі непаўналетніх грамадзян.

ЦИК зарегистрировал инициативную группу Олега Гайдукевича по выдвижению на выборы президента
ЦВК зарэгістраваў ініцыятыўную групу Алега Гайдукевіча па вылучэнні на выбары прэзідэнта

Аднак, нягледзячы на невялікія недакладнасці, групу Гайдукевіча зарэгістравалі.

Разглядаючы пытанне аб рэгістрацыі групы аднаго з самых незвычайных прэтэндэнтаў - фермера Юрыя Ганцавіча, у ЦВК таксама адзначылі, што ёсць некалькі членаў групы, якія не адпавядаюць патрабаванням, аднак у цэлым праблем няма. Ён таксама быў зарэгістраваны з групай памерам каля 170 чалавек.

Таксама сёння ЦВК зарэгістраваў гомельскага пенсіянера Уладзіміра Няпомняшчых, у якога каля 120 чалавек у ініцыятыўнай групе - зрэшты, усе яны з Гомеля, што, на думку Ярмошынай, можа даставіць прэтэндэнту складанасці.

А вось "суроваму турысту" Віталю Зялкоўскаму ў рэгістрацыі ініцыятыўнай групы адмовілі: ён падаў заяву на электронную пошту і не ўказаў у дакументах нікога, акрамя сябе.

Знайдзі 10 адрозненняў

Разгледзелі сёння ў ЦВК і пытанне рэгістрацыі ініцыятыўных груп часткі заяўнікаў, якія падаваліся пад "куратарствам" палітыка Мікалая Статкевіча: Жалезняковай, Мішчанкі, Грэчышнікава, Нікалайчыка, Хаценкі, Кляшчука, Фралова і Вішняковай.

"Гаворка ідзе амаль пра адну групу, бо ўдзельнікі ініцыятыўнай групы ва ўсiх супадаюць амаль на 70%", - канстатавала Ярмошына.

Па словах кіраўніка ЦВК, убачыўшы гэта, у камісіі сталі пытацца названых асоб, ці давалі яны згоду збіраць подпісы за такую колькасць грамадзян. Удзел у некалькіх групах не забаронены, аднак выбаркам вырашыў пераправерыць - у тым ліку пры дапамозе праваахоўнікаў і выканкамаў.

Высветлілася, што частка "удзельнікаў" ініцыятыўных групаў не давала згоды на ўдзел у іх і нават былі здзіўлены фактам запісу.

Гэтыя прэтэндэнты паспрачаліся з Ярмошынай: казалі як аб немагчымасці праверкі ўсіх членаў групы, так і аб няправільнасці герба ў памяшканні, дзе засядала камісія. Некаторыя вырашылі націснуць на ЦВК і прыгразілі "прывесці не менш за сто чалавек" да будынка камісіі. Ярмошына перапыніла гэтыя спробы і нагадала аб магчымай адказнасці.

У выніку ўсіх гэтых прэтэндэнтам у рэгістрацыі было адмоўлена. Абскардзіць такое рашэнне можна ў Вярхоўным судзе на працягу трох дзён.

Астатнія прэтэндэнты на ўдзел у выбарчай кампаніі могуць падаць дакументы на рэгістрацыю да канца працоўнага дня. Іх заяўкі ЦВК можа разгледзець на пасяджэнні 19 мая.

11
Тэги:
Выбары, ЦВК Рэспублікі Беларусь
Тэмы:
Выбары прэзідэнта Беларусі - 2020 (30)
Аляксандр Лукашэнка на парадзе ў гонар 75-годдзя Перамогі

Лукашэнка аб адстаўцы пасла Славакіі пасля параду ў Мінску: гэта скандал

9
(абноўлена 15:09 28.05.2020)
У Беларусі становіцца ўсё больш сапраўдных сяброў сярод прадстаўнікоў дыпламатычнага корпуса, заявіў прэзідэнт і ўспомніў пра ўчынак славацкага пасла Ёзэфа Мігаша, які наведаў парад 9 мая.

МІНСК, 28 мая - Sputnik. Прэзідэнт Беларусі Аляксандр Лукашэнка заявіў, што яму не зусім зразумелая пазіцыя афіцыйнага кіраўніцтва Славакіі, якое асудзіла рашэнне свайго пасла Ёзэфа Мигаша наведаць ваенны парад у Мінску 9 мая.

Такую заяву зрабіў падчас сустрэчы з паслом Сербіі ў Мінску Велька Кавачэвічам.

"Вы, напэўна, ведаеце пра ўчынак пасла Славакіі. Гэта быў сапраўды годны ўчынак. Мне, шчыра кажучы, не зусім зразумелая пазіцыя афіцыйнага славацкага кіраўніцтва, якое нібыта асудзіла гэты ўчынак, больш за тое, адправілі або разглядаюць пытанне адпраўкі ў адстаўку", - сказаў Лукашэнка, звяртаючыся да сербскага дыпламата.

Пасля чаго нагадаў, што славацкі пасол вырас у сям'і патрыёта, які ў свой час змагаўся з нацызмам, таму да яго нельга прад'яўляць прэтэнзіі.

"Слухайце, ну калі ўжо так адбылося, трэба проста прамаўчаць. За такія рэчы караць чалавека наогул непрымальна, тым больш Славакіі", - лічыць беларускі прэзідэнт.

Нагадаем, што пасол Славакіі ў Беларусі Ёзэф Мігаш па просьбе МЗС сваёй краіны падаў у адстаўку пасля ўдзелу ў парадзе на 9 мая ў Мінску.

Сваё рашэнне прыйсці ў Мінску на парад на фоне эпідэміі каронавіруса патлумачыў значнасцю даты. У МЗС Славакіі такі крок пасла расцанілі як парушэнне прынцыпаў камунікацыі са штаб-кватэрай: ён не паведаміў міністэрству пра свае планы паўдзельнічаць у парадзе 9 мая ў Мінску.

9
Тэги:
Славакія, Беларусь, Аляксандр Лукашэнка
Тысяча беларускіх рублёў

Ад 0 да 155 тысячаў: колькі ўжо ёсць на рахунках прэтэндэнтаў у прэзідэнты

8
Згодна з дзейным заканадаўствам, памер выбарчага фонду не можа перавышаць дзевяці тысяч базавых велічынь, гэта значыць 243 тысяч рублёў.

МІНСК, 28 мая - Sputnik. Цэнтрвыбаркам апублікаваў дадзеныя аб першых паступленнях на выбарчыя рахункі прэтэндэнтаў у прэзідэнты Беларусі.

Прэтэндэнты ў прэзідэнты адкрываюць спецыяльныя выбарчыя рахункі, з якіх яны і фінансуюць дзейнасць у рамках перадвыбарнай гонкі.

Праз тыдзень пасля старту збору подпісаў выбарчыя рахункі адкрыла палова прэтэндэнтаў. Так, на сёння яны ёсць у Віктара Бабарыкі, Святланы Ціханоўскай, Андрэя Дзмітрыева, Валерыя Цапкалы, Аляксандра Таболіча, Ганны Канапацкай і Сяргея Чэрачэня.

Больш за ўсё сродкаў паступіла на рахунак Віктара Бабарыка: 154,9 тысячы рублёў, ужо выдаткавана крыху больш за 23,4 тысяч. На рахунку Валерыя Цапкалы - 29,2 тысячы рублёў (выдаткавана 1285,57), Ганны Канапацкай - 3 тысячы рублёў (выдаткавана - 2,4 тысячы).

Нарэшце, у Андрэя Дзмітрыева на рахунак пакуль паступіла толькі два рублі, а астатнім заяўнікам - нічога.

Прэтэндэнты ў прэзідэнты магу адкрыць рахунак на працягу ўсёй кампаніі. Разліковыя рахункі для выбаршчыкаў апублікаваныя на сайце ЦВК.

Нагадаем, фізічныя асобы могуць ахвяраваць не больш за 20 базавых велічынь, юрыдычныя - не больш за 50 базавых велічынь. Пры гэтым прэтэндэнты могуць цалкам сфарміраваць фонд за свой кошт.

8
Тэги:
Беларусь, Выбары
Тэмы:
Выбары прэзідэнта Беларусі - 2020 (30)
Расія прапанавала СААЗ восем вакцын ад COVID-19

Расія прапанавала СААЗ восем вакцын ад COVID-19

0
(абноўлена 16:37 28.05.2020)
Прадстаўнік СААЗ у Расіі адзначыла, што тыдзень таму было зарэгістравана 124 патэнцыйныя вакцыны ва ўсім свеце.

МІНСК, 28 мая - Sputnik. Расія прапанавала Сусветнай арганізацыі аховы здароўя (СААЗ) восем вакцын-кандыдатаў ад каронавіруса, заявіла прадстаўнік СААЗ у РФ Меліта Вуйновіч.

"Уклад Расіі вельмі вялікі. Мы маем рэгістрацыю васьмі вакцын-кандыдатаў з розных інстытутаў РФ", - сказала Вуйновіч падчас анлайн-сходу навуковага савета РАН "Навукі аб жыцці" на тэму "Вакцыны да COVID-19: прагнозы і рэальнасць", арганізаванага МІА "Россия сегодня".

Паводле яе слоў, па стане на 22 мая ёсць 124 патэнцыйныя вакцыны-кандыдаты ад вытворцаў, якія апавясцілі СААЗ. Вуйновіч выказала здагадку, што на сённяшні дзень іх можа быць больш. "Але гэта тыя, якія далі нам інфармацыю і прайшлі праз крытэрыі ацэнкі. З іх дзесяць знаходзяцца на стадыі клінічнай ацэнкі, а 114 - на даклінічнай стадыі", - патлумачыла прадстаўнік СААЗ.

Напярэдадні стала вядома, што дзяржаўны навуковы цэнтр вірусалогіі і біятэхналогіі "Вектар" Расспажыўнагляда з 29 чэрвеня прыступіць да клінічных выпрабаванняў вакцыны ад COVID-19.

0
Тэги:
каронавірус, СААЗ, Расія
Тэмы:
Каронавірус COVID-19