Старшыня ЦВК Лідзія Ярмошына

ЦВК працягвае рэгістрацыю ініцыятыўных груп

15
(абноўлена 13:18 19.05.2020)
На пасяджэнні ў аўторак Цэнтрвыбаркам разгледзеў некалькі дзясяткаў заяў на рэгістрацыю ініцыятыўных груп.

МІНСК, 19 мая - Sputnik. Пасяджэнне Цэнтрвыбаркама Беларусі па рэгістрацыі ініцыятыўных груп па вылучэнні кандыдатаў у прэзідэнты прайшло у аўторак, паведамляе Sputnik.

Прэтэндэнты ў прэзідэнты Беларусі павінны былі не пазней за вечар пятніцы падаць у ЦВК заяву на рэгістрацыю ініцыятыўнай групы. Частку заявак, якія паступілі да мінулага чацвярга, у выбаркаме ўжо разгледзелі - былі зарэгістраваны першыя групы, таксама былі і першыя адмовы.

На пасяджэнні ў аўторак ЦВК разгледзела 23 пытанні. Яшчэ 15 заяў будуць разгледжаны ў сераду.

Першыя тры пытанні тычыліся рэгістрацыі груп Алены Ашыхмінай, Наталлі Кісель і Жанны Раманоўскай. Ва ўсіх былі выяўленыя парушэнні ў дакументах, з-за чаго ЦВК быў вымушаны адмовіць заяўнікам.

"Такіх не ведаю"

Запар Цэнтрвыбаркам разгледзеў сёння рэгістрацыю прэтэндэнтаў, якія планавалі вылучацца разам з апазіцыйным палітыкам Мікалаем Статкевічам - так званых "кандыдатаў пратэсту". Як і на папярэднім пасяджэнні, у выніку праверкі пададзеных імі дакументаў былі выяўлены парушэнні: у прыватнасці, многія са спісу ініцыятыўных груп нават не ведалі пра тых, каго яны "падтрымліваюць".
"Казалі: я не ведаю такога, я ведаю Статкевіча Мікалая Віктаравіча", - распавяла аб частым адказе грамадзян у ходзе абтэлефаноўкі кіраўнік ЦВК Лідзія Ярмошына.

Кіраўнік Цэнтрвыбаркама адзначыла, што ва ўсіх такіх прэтэндэнтаў ёсць праблемы з фарміраваннем ініцыятыўных груп.

"Згоду (на ўступленне ў ініцыятыўную групу - Sputnik) можна атрымаць і на аўтавакзале, галоўнае - каб чалавек ведаў, каго ён будзе падтрымліваць", - патлумачыла Ярмошына.

ЦВК ужо адмовіў шэрагу такіх прэтэндэнтаў, сярод якіх Мікалай Кудравец, Пётр Карабанаў, Тамара Патоцкая, Мікалай Салянік, Уладзімір Неўмяржыцкі.

"Заўтра запрошаны адэкватныя людзі"

Адмову ў рэгістрацыі атрымала і жонка Статкевіча - Марына Адамовіч, таксама з-за парушэнняў у спісе сяброў ініцыятыўнай групы.

Як выказалася пасля разгляду заявы Адамовіч кіраўнік ЦВК, гэтая група заяўнікаў "прымала ўсе меры, каб укінуць у калапс працу камісіі". Тэхналогія, па словах Ярмошынай, маніпуляцыі у ўсёй групы заяўнікаў аднолькавая.

"Заўтра, на шчасце, запрошаны адэкватныя людзі", - сказала яна.

Распавяла кіраўнік ЦВК і пра тое, што ў аднаго з "кандыдатаў пратэсту" выяўлены каронавірус - пры гэтым чалавек прыходзіў у прыёмную, па здагадцы Ярмошынай, адмыслова. Кіраўнік Цэнтрвыбаркама не выключыла, што зроблена гэта для таго, каб паралізаваць працу камісіі, у якой, уключаючы саму Ярмошыну, працуе ўсяго дзевяць чалавек.

"Ёй хацелася плюнуць у маю прыёмную, каб ужо заразіць назаўсёды", - канстатавала яна.

Адмоўлена завочна

Астатнім прэтэндэнтам адмовілі "завочна": яны не з'явіліся на пасяджэнне. Гэта Рэгіна Беркус, Аляксандр Якушкаў, Алена Давыдава, Аляксей Зуевіч, Аляксандр Школьнікаў. Адмовілі і самому Статкевічу - за непагашаную судзімасць.

Таксама адмовілі Уладзіміру Кійко, Юрыю Новікаву, Юрыю Чудзіновічу, Сяргею Статкевічу, Віктару Шорцу, Юрыю Касачову, Аляксандру Абрамовічу, Наталлі Стрэльчанка.

У цэлым пасяджэнне Цэнтрвыбаркама сёння працягвалася дзве гадзіны. Завершыцца рэгістрацыя ініцыятыўных груп у сераду, пачатак чарговага пасяджэння таксама запланаваны на 11:00. Sputnik будзе весці тэкставую анлайн-трансляцыю сустрэчы.

15
Тэги:
ЦВК Рэспублікі Беларусь, Выбары, Беларусь
Тэмы:
Выбары прэзідэнта Беларусі - 2020 (222)
Пасол Расіі ў Беларусі Яўген Лук'янаў

Пасол Лук'янаў: Беларусь і Расія павінны абараняць свае гістарычныя перамогі

4
(абноўлена 13:38 12.06.2021)
Кіраўнік расійскай дыпмісіі прыняў удзел у цырымоніі размяшчэння ў крыпце Усіхсвяцкага храма ў Мінску капсулы з зямлёй з месцаў гібелі беларусаў у Крымскай вайне.

МІНСК, 12 чэр – Sputnik. Надзвычайны і паўнамоцны пасол Расіі ў Беларусі Яўген Лук'янаў заявіў пра важнасць захавання гістарычнай праўды.

"Мы павінны ведаць і памятаць нашу гісторыю, і да таго часу, пакуль мы яе памятаем, у нас ёсць будучыня", - падкрэсліў пасол на цырымоніі ва Усіхсвяцкім храме ў Мінску.

Кіраўнік расійскай дыпмісіі ў Мінску сёння прыняў удзел у цырымоніі размяшчэння ў крыпце Усіхсвяцкага храма капсулы з зямлёй беларусаў, якія загінулі ў час Крымскай вайны 1853-1856 гадоў.

"Тое, што гэта падзея супала з Днём Расіі, лішні раз пацвярджае пераемнасць гісторыі", - сказаў ён.

Расійскі дыпламат таксама адзначыў, што дзве краіны - Беларусь і Расія - павінны ўмець абараняць гістарычную памяць.

"Мы павінны абараняць нашу гістарычную памяць, нашу праўду, не замоўчваць нашы паражэнні, выпраўляць іх і нікому не дазваляць запляміць або замараць, або так скажам, "зафоташопіць" нашы перамогі", - падкрэсліў пасол.

Сцяг над Рэйхстагам быў чырвонага колеру, і толькі палітычныя дальтонікі не могуць гэта разглядзець, падкрэсліў дыпламат. "Мы, і расіяне, і беларусы, ад гэтага захворвання не пакутуем", сказаў пасол.

Падалтарная Крыпта, у якой знаходзяцца астанкі воінаў, беларусаў, якія загінулі ў бітвах трох войнаў - Айчыннай 1812, Першай сусветнай і Вялікай Айчыннай вайны 1941-1945 гадоў, не мае аналагаў у свеце. Першыя астанкі воінаў былі пахаваны тут у 2010 годзе. З сённяшняга дня ў ёй будзе знаходзіцца зямля з Севастопаля, дзе ў 1853-1856 годзе загінулі беларусы, якія ваявалі ў тых бітвах. Напярэдадні яе даставілі з гэтага гераічнага горада. Як растлумачылі Sputnik ва Усіхсвяцкім храме, цяпер царква будзе маліцца за гэтых воінаў "вякі вечныя".

У мерапрыемстве, акрамя прадстаўнікоў расійскага пасольства, прынялі ўдзел ветэраны, а таксама беларусы Крыма.

Чытайце таксама:

4
Тэги:
Крымская вайна, беларусы, Мінск, Усіхсвяцкі храм, дыпмісія, кіраўнік, перамога, Расія, Беларусь, Яўген Лук'янаў, пасол
Тэмы:
Саюзная дзяржава Беларусі і Расіі
Прэзідэнты Аляксандр Лукашэнка і Уладзімір Пуцін

Загартаваныя адносіны: Лукашэнка павіншаваў Пуціна і расіян з Днём Расіі

26
(абноўлена 10:48 12.06.2021)
Беларускі лідэр перакананы, што ў адносінах дзвюх краін будуць адкрывацца новыя перспектыўныя напрамкі супрацоўніцтва з улікам узаемных інтарэсаў.

МІНСК, 12 чэр – Sputnik. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў прэзідэнта Расіі Уладзіміра Пуціна і ўсіх расіян з Днём Расіі, цытуе дзяржагенства БЕЛТА прэс-службу беларускага лідэра.

У сваім віншаванні беларускі лідэр назваў Расійскую Федэрацыю "вялікай краінай з унікальнай гісторыяй і бясцэннай культурнай спадчынай".

"Эканамічны патэнцыял, які расце, прарыўныя ідэі ў навукова-тэхнічнай сферы, маштабныя сацыяльныя праекты якасна пераўтвараюць цяперашняе аблічча Расіі, умацоўваючы яе аўтарытэт на міжнароднай арэне", - сказана ў віншаванні.

Прэзідэнт Беларусі таксама выказаў упэўненасць, што беларуска-расійскія адносіны, "загартаваныя ў супрацьстаянні сучасным пагрозам", будуць прырастаць новымі перспектыўнымі напрамкамі супрацоўніцтва ў інтарэсах абедзвюх краін і народаў.

Віншаванні ад прэзідэнта Беларусі накіраваны таксама прэм'ер-міністру Расіі Міхаілу Мішусціну, старшыні Савета Федэрацыі Валянціне Мацвіенка, старшыні Дзярждумы Вячаславу Валодзіну.

Дзень Расіі - гісторыя свята

Дэкларацыя аб дзяржаўным суверэнітэце Расіі, у якой было абвешчана вяршэнства Канстытуцыі Расіі і яе законаў, была прынята 12 чэрвеня 1990 года.

11 чэрвеня 1992 года Вярхоўны савет РФ выдаў пастанову аб прысваенні даце 12 чэрвеня статусу святочнага непрацоўнага дня, у Кодэкс законаў аб працы РФ былі ўнесены адпаведныя змены.

Указам прэзідэнта Расіі Барыса Ельцына ад 2 чэрвеня 1994 года Дзень прыняцця Дэкларацыі аб дзяржаўным суверэнітэце РСФСР быў абвешчаны дзяржаўным святам.

Афіцыйная назва "Дзень Расіі" замацавалася за святам ў 2002 годзе, калі ў сілу ўступіў новы Працоўны кодэкс РФ, у якім былі прапісаны новыя святочныя і выхадныя дні.

Чытайце таксама:

26
Тэги:
інтарэс, супрацоўніцтва, Дзень Расіі, расіяне, Уладзімір Пуцін, Аляксандр Лукашэнка, Адносіны
Тэмы:
Саюзная дзяржава Беларусі і Расіі