МЗС Беларусі

МЗС Беларусі пракаментаваў выхад ЗША з Дамовы па адкрытым небе

27
Назіральныя палёты ў рамках дамовы - а іх было здзейснена больш за 1500 - з'яўляюцца наглядным прыкладам яе жыццяздольнасці, падкрэслілі ў знешнепалітычным ведамстве.

МІНСК, 23 мая - Sputnik. Беларусь са шкадаваннем успрыняла выхад ЗША з Дамовы па адкрытым небе, адпаведны каментар размешчаны ў пятніцу на сайце МЗС Беларусі.

Прэзідэнт ЗША Дональд Трамп напярэдадні абвясціў, што Вашынгтон выходзіць з дамовы, пакуль Расія "не будзе выконваць свае абавязацельствы". Расія ў сваю чаргу неаднаразова адхіляла абвінавачванні ЗША ў парушэнні дамовы, удзельнікам якой з'яўляецца і Беларусь.

"Дамова мае асаблівае значэнне для нашай краіны. Яна стала адным з першых міжнародна-прававых інструментаў з удзелам Беларусі пасля набыцця ёю незалежнасці", - заявіў начальнік упраўлення інфармацыі і лічбавай дыпламатыі МЗС рэспублікі Андрэй Шупляк.

Ён адзначыў, што дамова з'яўляецца адным з самых значных і эфектыўных ваенна-палітычных інструментаў у свеце і робіць вялікі ўнёсак ва ўмацаванне даверу паміж краінамі-ўдзельніцамі. А больш за 1500 палётаў, выкананых у рамках дамовы, з'яўляюцца прамым доказам яе запатрабаванасці і жыццяздольнасці.

"ЗША з'яўляюцца важным удзельнікам дамовы і робяць істотны ўнёсак у яе паспяховае ажыццяўленне. Перакананыя: ні адна краіна не зацікаўленая ў далейшым зніжэнні даверу і росце ваенна-палітычнай напружанасці ў свеце, нанясенні сур'ёзнага ўрону архітэктуры агульнаеўрапейскай бяспекі і кантролю над узбраеннямі", - сказаў Шупляк.

Дыпламат заўважыў, што ўсе рознагалоссі можна і трэба вырашаць з дапамогай дыялогу ў рамках Кансультатыўнай камісіі, якая была створана спецыяльна для разгляду розных пытанняў, звязаных з палажэннямі дакумента. Шупляк падкрэсліў, што Беларусь гатова да ўзаемадзеяння з усімі краінамі-удзельніцамі дамовы па яе ўмацаванні і павышэнні эфектыўнасці.

27
Тэги:
Расія, ЗША, МЗС Беларусі
Сабор Успення Дзевы Марыі

Перадаць касцёл: біскуп Велікаселец правёў сустрэчу з губернатарам Зайцам

21
(абноўлена 19:46 26.02.2021)
Беларускія каталікі просяць улады перадаць у бязвыплатнае карыстанне шэраг культавых будынкаў у Магілёўскай вобласці.

МІНСК, 28 лют – Sputnik. Перадачу магілёўскага кафедральнага касцёла вернікам у бязвыплатнае карыстанне абмеркавалі на сустрэчы старшыня Магілёўскага аблвыканкама Леанід Заяц і апостальскі адміністратар Мінска-Магілёўскай архідыяцэзіі біскуп Казімір Велікаселец, паведамілі ў аблвыканкаме.

Гэта адна з першых сустрэч біскупа Велікасельца з беларускімі чыноўнікамі ў новым статусе. Як раней паведамлялася, пантыфік 3 студзеня прыняў адстаўку арцыбіскупа Мінскага Тадэвуша Кандрусевіча і прызначыў генеральнага вікарыя Пінскай рымска-каталіцкай епархіі, біскупа Казіміра Велікасельца апостальскім адміністратарам Мінска-Магілёўскай архідыяцэзіі. Яшчэ ў траўні 2020 года яму споўнілася 75 гадоў, але Папа Рымскі дазволіў яму працягваць выконваць свае функцыі наступныя два гады.

"Падчас сустрэчы дэталёва абмяркоўвалася тэма статусу магілёўскага кафедральнага касцёла ў кантэксце перадачы яго прыхаджанам ў бязвыплатнае карыстанне", - паведамілі Sputnik у Магілёўскім абласным выканаўчым камітэце.

Там таксама адзначылі, што губернатар Заяц і біскуп Велікаселец сярод іншых абмеркавалі пытанне далейшага лёсу прыбудовы да касцёла Беззаганнага Зачацця Найсвяцейшай Панны Марыі ў Бабруйску.

На сустрэчы Заяц падкрэсліў, што ў рэгіёне няма рознагалоссяў на міжрэлігійнай глебе. Бакі таксама адзначылі, што асноўная місія канфесій і ўлады - "гэта служэнне народу".

Пасля сустрэчы з губернатарам Казімір Велікаселец пагутарыў з прэсай, на якой заявіў, што працуе ў Беларусі даўно і заўсёды знаходзіў агульную мову з выканаўчай уладай.

Сабор Успення Дзевы Марыі, кафедральны касцёл у Магілёве з'яўляецца помнікам архітэктуры ў стылі барока, пабудаваны ў 1738-1752 гадах. Сабор стаіць на месцы былога кляштара кармелітаў. У 1956 годзе сабор быў зачынены, у ім размясціўся Цэнтральны гістарычны архіў БССР. У пачатку 1990-х гадоў будынак сабора быў вернуты вернікам, рэстаўрацыя ішла аж да 1994 года.

Чытайце таксама:

21
Тэги:
Леанід Заяц, Губернатар, Казімір Велікаселец, касцёл
Міністэрства фінансаў Рэспублікі Беларусь

Пытанне прыцягнення новага крэдыту прапрацоўваецца - Мінфін

12
(абноўлена 17:37 26.02.2021)
Міністэрства фінансаў Беларусі разлічвае ў I паўгоддзі атрымаць другі транш расійскага крэдыту.

МІНСК, 26 лют – Sputnik. Пытанне прыцягнення крэдытных рэсурсаў, у тым ліку ў Расіі, прапрацоўваецца, заявіў міністр фінансаў Юрый Селіверстаў.

На дадзены момант рэспубліка чакае другі транш расійскага крэдыту - 500 мільёнаў долараў. Беларусь разлічвае атрымаць яго ў I паўгоддзі і, па словах міністра, "няма якіх-небудзь перадумоў да таго, што гэта будзе не так".

"Пытанні прыцягнення крэдытных рэсурсаў, у тым ліку ў Расіі на рэалізацыю сумесных праектаў, уключаючы інфраструктурныя, стаялі заўсёды. Зараз такія пытанні таксама прапрацоўваюцца. Інфраструктуру трэба развіваць", - цытуе кіраўніка ведамства БелТА.

Объем экономической поддержки Беларуси со стороны России 2009–2019
© Sputnik
Аб"ём эканамічнай падтрымкі Беларусі з боку Расіі 2009-2019

Селіверстаў адзначыў, што на Усебеларускім народным сходзе была пастаўлена задача: палепшыць якасць жыцця ў краіне. "Таму прыцягненне для гэтага дадатковых рэсурсаў - таксама адна з асноўных задач", - сказаў ён.

Расійскі крэдыт

Урады дзвюх краін падпісалі пагадненне аб прадастаўленні Беларусі дзяржаўнага фінансавага крэдыту 21 снежня 2020 года. Памер пазыкі - адзін мільярд долараў. Згодна з падпісаным дакументам, адзін транш быў пералічаны ў 2020 годзе, другі плануецца атрымаць ў 2021-м.

У кастрычніку 2020 года Беларусь таксама атрымала крэдыт паўмільярда долараў са сродкаў Еўразійскай фонду стабілізацыі і развіцця (ЕФСР). Прэзідэнт рэспублікі Аляксандр Лукашэнка паведамляў, што крэдыт быў выдаткаваны на выплату доўгу за расійскі газ і на барацьбу з COVID-19.

Аб прадастаўленні Беларусі дзяржаўнага крэдыту ў памеры 1,5 мільярда долараў прэзідэнты дзвюх краін Уладзімір Пуцін і Аляксандр Лукашэнка дамовіліся падчас вераснёўскіх перамоваў у Сочы.

Напярэдадні новай сустрэчы прэзідэнтаў Беларусі і Расіі ў шэрагу СМІ з'явіліся паведамленні аб тым, што кіраўнікі дзяржаў абмяркуюць новы крэдыт у памеры 3 мільярдаў долараў, аднак гэтая інфармацыя не пацвердзілася.

Падчас перамоваў у Сочы ў панядзелак, 22 лютага, Аляксандр Лукашэнка падзякаваў расійскага лідэра за дапамогу эканоміцы рэспублікі і заявіў, што грошы "не выкінуты на вецер".

Чытайце таксама:

12
Тэги:
Расія, Беларусь, Міністэрства фінансаў, крэдыт, Мінфін РБ
Тэмы:
Саюзная дзяржава Беларусі і Расіі
Прычал на беразе часткова замерзлага Балтыйскага мора ў Піянерскім (Калінінградская вобласць)

Рэдкая з'ява: Балтыйскае мора замерзла ўпершыню за шмат гадоў

15
(абноўлена 19:53 26.02.2021)
Прыбярэжны лёд у раёне Калінінграда назіралі толькі ў мінулым стагоддзі, кажуць метэаролагі, - тады зімы былі халадней.

МІНСК, 28 лют – Sputnik. Балтыйскае мора замерзла ўпершыню за шмат гадоў, сведкамі такога відовішча сталі жыхары расійскага Калінінграда, а таксама польскага горада Мендзыздрое.

Цяпер мора ў некаторых месцах пакрыта тоўстым пластом лёду. Лядовыя палі дасягаюць сотняў метраў у шырыню. На Куршскай касе яно распасціраецца далёка за гарызонт.

Гэта рэдкая з'ява для дадзенага рэгіёна, які характарызуецца мяккім кліматам. Як паведамляюць метэаролагі, прыбярэжны лёд у раёне Калінінграда назіралі больш за 20 гадоў таму, калі зімы былі халадней.

Для калінінградскага рэгіёна і польскай тэрыторыі гэта хутчэй экзотыка. Звычайна так званы лядовы прыпай утвараецца ў паўночных раёнах Балтыйскага мора - ля ўзбярэжжа Швецыі і Фінляндыі.

Анамальныя халады ў Еўропе

"Сібірскія маразы" ударылі па Грэцыі. Тэмпература паветра там апусцілася да –20℃. Выпала анамальна вялікая колькасць снегу. Улады звярнуліся да грамадзян з заклікам па магчымасці заставацца дома. З-за снегападу некаторыя буйныя трасы былі зачыненыя.

Люди стоят на берегу частично замерзшего Балтийского моря в Пионерском (Калининградская область)
© REUTERS / VITALY NEVAR
Людзі стаяць на беразе часткова замерзлага Балтыйскага мора ў Піянерскім (Калінінградская вобласць)

Вялікі снег выпаў і ў Турцыі, у тым ліку ў раёне праліва Басфор. У Стамбуле Сабор Святой Сафіі і Блакітная мячэць таксама апынуліся ў снезе.

Снегапады прайшлі і ў Крыме, на паўвостраве зараз халадней, чым звычайна на 10 градусаў.

Чытайце таксама:

15
Тэги:
зіма, лёд, Калінінград, Балтыйскае мора