Прыёмнае аддзяленне 6-й гарадской бальніцы Мінска

Лукашэнка: мы павінны мець на ўвазе другую хвалю каронавіруса

14
(абноўлена 14:01 25.05.2020)
Паводле слоў беларускага лідара, калі сітуацыя і далей будзе такая, як цяпер, то можна будзе казаць, што ў рэспубліцы справіліся з COVID-19.

МІНСК, 25 мая - Sputnik. Прэзідэнт Беларусі Аляксандр Лукашэнка адзначае паступовае паляпшэнне эпідэміялагічнай сітуацыі ў Беларусі, аднак заклікае не расслабляцца.

Тэму каронавіруса Лукашэнка закрануў сёння на нарадзе па актуальных сацыяльна-эканамічных і палітычных пытаннях.

"Калі, я часта кажу гэта апошні месяц, і далей так пойдзе, то будзем лічыць, што мы справіліся з божай дапамогай з гэтым захворваннем. Пачалося гэта з Віцебска. Віцебск ужо канстатуе факт, што яны ўнізе па захворванні. Сведчаннем таму з'яўляецца, што мы бальніцы пачалі зачышчаць, вымываць - тыя, якія рыхтавалі як рэзерв для каронавіруса", - заявіў Лукашэнка.

Паводле слоў прэзідэнта, такая ж сітуацыя назіраецца і ў Мінску. Ён прывёў словы ўрачоў, якія кажуць, што па захворванні назіраецца выхад на плато.

"Я, праўда, не так аптымістычны ў сілу сваіх забабонаў", - прызнаўся ён.

Пры гэтым ужо і ў Мінску плануюць вяртаць да звычайнай працы шэраг устаноў аховы здароўя, у тым ліку анкалагічнага і гінекалагічнага профілю, а таксама БХМД.

"У прынцыпе, мы адчуваем, што нам ужо не спатрэбяцца гэтыя бальніцы ў Мінску (для хворых з каронавірусам - Sputnik)", - адзначыў Лукашэнка.

Стабілізацыя захворвання і нават некаторае зніжэнне назіраюцца ў Мінскай вобласці, нядрэнная сітуацыя і на Магілёўшчыне.

"Калі так, то ў нас застануцца толькі дзве вобласці - Брэсцкая і Гомельская, - якія мы павінны кантраляваць. Яны пазней за ўсіх увайшлі ў гэты працэс, і адмыслоўцы кажуць аб тым, што яны пазней за ўсіх і выйдуць, на тыдзень дзесьці", - выказаўся кіраўнік дзяржавы.

Як распавёў прэзідэнт, ён кожны дзень раніцай і ўвечары цікавіцца гэтымі пытаннямі і праблемамі.

"Ложкаў дастаткова. Цяжкіх менш стала. Мабыць, вірус усё ж аслабеў ужо, вірулентнасць яго ўжо не тая. Дай бог, каб не тая. Але пры гэтым мы павінны мець на ўвазе другую хвалю. Ніхто не даказаў, што яна будзе, але мы павінны да гэтага рыхтавацца. І ніхто не ведае, калі яна прыйдзе. Калі зімой і восенню, то дай бог, каб мы сур'ёзна змаглі падрыхтавацца да гэтага. А, можа быць, гэтая бяда нас міне. Тым не менш, расслабляцца нельга", - падкрэсліў Лукашэнка, яго словы прывяла БелТА.

Таксама на прыкладзе Мінска кіраўнік дзяржавы адзначыў добрую арганізацыю кантролю за развіццём сітуацыі - аб гэтым прэзідэнт папрасіў распавесці кіраўніка Савета Рэспублікі Наталлю Качанаву, якая курыруе сталіцу.

Па дадзеных Міністэрства аховы здароўя Беларусі на нядзелю, у рэспубліцы зарэгістравана больш за 36 тысяч выпадкаў каронавіруса. Статыстыкі па рэгіёнах ведамства не дае.

14
Тэги:
Беларусь, каронавірус, Аляксандр Лукашэнка
Тэмы:
Каронавірус COVID-19 (638)

Пульс гонкі: галоўнае пра выбарчую кампанію да гэтай гадзіны

10
(абноўлена 14:53 06.07.2020)
Працэдура рэгістрацыі кандыдатаў пачалася 5 ліпеня. Хто трапіць у выбарчыя бюлетэні - даведаемся дакладна да 14 ліпеня. Трымаем руку на пульсе выбарчай кампаніі разам са Sputnik.

Працэдура рэгістрацыі кандыдатаў у прэзідэнты Беларусі пачалася 5 ліпеня. Дакументы ў ЦВК падалі сямёра прэтэндэнтаў на прэзідэнцкую пасаду.

На гэтым этапе гонкі з яе выбыў экс-кіраўнік ПВТ Валерый Цапкала. ЦВК "адбракаващ" вялікую частку пададзеных за яго подпісаў.

Таксама не прайшлі праверку каля 200 тысяч подпісаў, сабраных у падтрымку былога банкіра Віктара Бабарыкі. Аднак тых, што засталіся, хапіла яму для рэгістрацыі кандыдатам.

Некаторыя грамадзяне спрабуюць "адстаяць" свае подпісы ў падтрымку альтэрнатыўных кандыдатаў. Яны звяртаюцца ў мясцовыя выбаркамы з просьбай паведаміць пра лёс свайго подпісу.

ЦВК праводзіць такія "праверкі" не згаджаецца.

"Выбарчае заканадаўства не прадугледжвае працэдуры пераправеркі подпісу выбаршчыка па яго патрабаванню, прадастаўлення яму копій матэрыялаў па праверцы подпісаў і індывідуальнага або групавога абскарджвання выбаршчыкамі вынікаў праверак у судовым парадку. На практыцы гэта не можа быць рэалізавана з-за шматтысячнай колькасці падпісных лістоў і подпісаў у іх", - паведамілі ў Цэнтрвыбаркаме.

Чые прозвішчы ў выніку апынуцца ў бюлетэні для галасавання - ЦВК павінен паведаміць да 14 ліпеня. Да гэтага дня завершыцца рэгістрацыя кандыдатаў на прэзідэнцкі пост.

Пакуль што ў гонцы працягваюць удзел шасцёра прэтэндэнтаў: Віктар Бабарыка, Андрэй Дзмітрыеў, Ганна Канапацкая, Аляксандр Лукашэнка, Святлана Ціханоўская, Сяргей Чарэчань.

10
Тэги:
Выбары, Беларусь
Тэмы:
Выбары прэзідэнта Беларусі - 2020
Кіраўнік ЦВК Беларусі Лідзія Ярмошына

Кіраўнік ЦВК Ярмошына прызнаная пацярпелай па справе Ціханоўскага

12
(абноўлена 14:33 06.07.2020)
Блогер Ціханоўскі знаходзіцца ў СІЗА і праходзіць па крымінальнай справе аб гвалце ў дачыненні да супрацоўнікаў міліцыі і падрыхтоўцы дзеянняў, што груба парушаюць грамадскі парадак.

МІНСК, 6 ліп - Sputnik. Следчы камітэт прызнаў старшыню Цэнтрвыбаркама Беларусі Лідзію Ярмошыну пацярпелай па крымінальнай справе блогера Сяргея Ціханоўскага, паведаміла кіраўнік ЦВК.

На пачатку чэрвеня Ярмошына на пасяджэнні ЦВК заявіла, што некаторыя ўдзельнікі выбарчай кампаніі выступілі з пагрозамі ў яе адрас і яна мае намер напісаць заяву ў СК.

"Яны (СК Беларусі - Sputnik) выклікалі мяне да сябе для дачы паказанняў і прынялі пастанову прызнаць мяне пацярпелай па справе ў дачыненні да спадара Ціханоўскага", - паведаміла Ярмошына Sputnik ў панядзелак.

Паводле яе слоў, яна ўпершыню ў жыцці праходзіць па крымінальнай справе ў якасці пацярпелай. "Справу вядзе звычайны следчы, створана отельная следчая брыгада, якая займаецца расследаваннем (справы Ціханоўскага - Sputnik) па ўсіх эпізодах. Вось адзін са следчых, а гэта жанчына, яна і дапытвала мяне", - удакладніла кіраўніца ЦВК.

Як раней паведамляла агенцтва, Ярмошына на пасяджэнні ЦВК заявіла, што расцэньвае расцяжкі на пікеце як пагрозу.

"Што азначае надпіс на пікеце спадарыні Ціханоўскай са словамі "прыстукнуць ", ну і далей гэтую мянушку мяне? "Прыстукнуць"- гэта слова-сінонім "забіць, знішчыць". Гэта пагроза, прамая пагроза, якая ўжо напісаная на пікеце па зборы подпісаў. Гэта мірны пікет", - заявіла тады кіраўнік ЦВК.

Як раней паведамлялася, 29 мая ў час пікету па зборы подпісаў за Святлану Ціханоўскую адбыўся інцыдэнт, у выніку якога пацярпеў супрацоўнік міліцыі. На пікеце затрымалі дзесяць чалавек, сярод іх - блогер і муж прэтэндэнта ў кандыдаты ў прэзідэнты Сяргей Ціханоўскі.

Ціханоўскі планаваў і сам прымаць удзел у прэзыдэнцкай гонцы, аднак ён не змог зарэгістраваць сваю ініцыятыўную групу, бо на той момант адбываў адміністрацыйны арышт. У выніку групу зарэгістравала яго жонка.

Ціханоўскаму прад'яўлена абвінавачанне ў рамках расследавання крымінальнай справы аб гвалце ў дачыненні да супрацоўнікаў органаў унутраных спраў. Акрамя таго, яму і яшчэ шэрагу затрыманых абвінавачанне выстаўлена на падставе часткі 1 артыкула 342 ( "Арганізацыя і падрыхтоўка дзеяньняў, што груба парушаюць грамадзкі парадак") Крымінальнага кодэкса Беларусі.

12
Тэги:
ЦВК Рэспублікі Беларусь, Лідзія Ярмошына
Тэмы:
Выбары прэзідэнта Беларусі - 2020
Які сёння дзень: 7 ліпеня 2020 года

Які сёння дзень: 7 ліпеня 2020 года

0
(абноўлена 07:39 06.07.2020)
Гэты дзень з'яўляецца сто восемдзесят дзявятым па грыгарыянскім календары, да канца года засталося 177 дзён.

У гэты дзень святкуецца Купалле. Якія яшчэ падзеі адбыліся 7 ліпеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 7 ліпеня

  • У 1864 годзе была адкрыта Маладзечанская настаўніцкая семінарыя.
  • У 1992 годзе Беларусь усталявала дыпламатычныя адносіны з Уругваем.
  • У 2007 годзе была афіцыйна зарэгістравана Віцебская аматарская астранамічная абсерваторыя.

Хто нарадзіўся 7 ліпеня

  • 1796: Ян Чачот, беларускі і польскі паэт.
  • 1882: Янка Купала, класік беларускай літаратуры.

Таксама сёння нарадзіліся аўстрыйскі дырыжор і кампазітар Густаў Малер і французскі мадэльер П'ер Кардэн.

7 ліпеня ў народным календары

Сёння праваслаўныя вернікі святкуюць дзень нараджэянна Іаана Хрысціцеля. У народным календары гэты дзень вядомы як Іван Купала – працягваецца святкаванне Купалля, якое пачалося ў ноч з 6 на 7 ліпеня.

Раніцай 7 ліпеня дзяўчыны хадзілі ўмывацца расой, таму што лічылася, што так атрымаецца захаваць прыгажосць. Таксама купаліся ў рацэ, каб змыць усё дрэннае і пазбавіцца ад нядугаў.

Калі на Івана Купалу шоў дождж, гэта значыла, што праз тыдзень настане цёплае і яснае надвор'е. Калі на небе шмат зорак, будзе добры ўраджай грыбоў, а вось навальніца сведчыла пра дрэнны ўраджай лясных арэхаў.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей