Будынак пасольства ЗША ў Мінску

Пасол ЗША прыбудзе ў Мінск улетку

20
(абноўлена 14:27 03.06.2020)
Беларусь і Злучаныя Штаты раней выказалі намер вярнуць высокі ўзровень дыпламатычнага прадстаўніцтва паміж краінамі.

МІНСК, 3 чэр - Sputnik. Прыбыццё ў Мінск пасла ЗША ў Беларусі чакаецца щлетку гэтага года, паведаміла часовы павераны ў справах ЗША Джэніфер Мур.

Амерыканскі дыпламат прыняла сёння ўдзел у мемарыяльным мерапрыемстве на месцы пахавання аднаго з удзельнікаў знакамітай сустрэчы саюзнікаў на Эльбе Аляксандра Сільвашкі. Фотаздымак, на якім ён вітае поціскам рукі амерыканскага лейтэнанта Уільяма Робертсана, вядомы ва ўсім свеце і сімвалізуе сустрэчу саюзнікаў па антыгітлераўскай кааліцыі.

"Я рада знаходзіцца тут у той момант, калі нашы двухбаковыя адносіны паляпшаюцца, калі ўжо гэтым летам у Беларусь прыедзе наш амерыканскі пасол і нашы народы выявяць, што ў нас ёсць больш агульнага, чым рознага", - цытуе Джэніфер Мур БелТА.

Нагадаем, што двухбаковыя адносіны паміж краінамі абвастрыліся ў 2008 годзе. Пасля пашырэння санкцый у дачыненні да Беларусі з Вашынгтона быў адкліканы беларускі пасол Міхаіл Хвастоў. Амерыканскі пасол Карэн Сцюарт таксама была вымушаная ў адказ пакінуць Мінск. З таго часу пасольствы узначальвалі часовыя павераныя ў справах.

Пасля таго як у 2015 годзе большасць абмежаванняў у дачыненні да Беларусі былі замарожаныя Белым домам, пачалося паступовае наладжванне адносін. Апошнія некалькі гадоў ішла гаворка аб магчымым вяртанні паслоў.

Кандыдатура Фішар не стала нечаканай. Пра тое, што Вашынгтон мае намер прызначыць новага пасла ў Мінск у самы бліжэйшы час, паведаміў кіраўнік Дзярждэпартамента Майкл Пампеа падчас сустрэчы з прэзідэнтам Беларусі Аляксандрам Лукашэнкам, якая прайшла ў лютым бягучага года ў беларускай сталіцы. Тады ж стала вядома, што дыппрадстаўніцтва можа ўзначаліць Джулі Фішар.

У цяперашні час Фішар працуе ў бюро дзярждэпартамэнту па справах Еўропы і Еўразіі. Раней яна працавала намеснікам пастаяннага прадстаўніка ЗША пры НАТА, была часовым павераным у справах амбасады ЗША ў Расіі. Таксама ў яе ёсць досвед працы ў амерыканскіх пасольствах у Тбілісі і Кіеве. Акрамя англійскай, яна кажа на рускай, грузінскай і французскай мовах.

20
Тэги:
Дыпламатыя, Беларусь, ЗША
Будынак Капітолія

Рэжым НС адмянілі ў Вашынгтоне, павышаныя меры бяспекі захоўваюцца

7
(абноўлена 17:51 25.01.2021)
Частка кардонаў і блокпастоў знята, але тэрыторыя вакол Белага дома па-ранейшаму абгароджана двухмятровым плотам.

МІНСК, 25 сту – Sputnik. Рэжым надзвычайнай сітуацыі, які быў уведзены ў Вашынгтоне перад інаўгурацыяй прэзідэнта Джо Байдэна, адменены.

Раней на падыходах да ўрадавых устаноў была выбудавана сістэма блокпастоў з-за пагрозы паўтарэння масавых беспарадкаў у акрузе сталіцы. На цэнтральных вуліцах працавалі пункты надгляду ФБР, устаноўлены бетонныя загароды, некаторыя вуліцы былі перакрыты.

Цяпер жа дарогі ў цэнтры горада адкрылі для праезду, запрацаваў увесь грамадскі транспарт. Зноў усталявалі палаткі з фаст-фудам, а недалёка ад Белага дома пачаўся гандаль атрыбутыкай з вобразамі Джозэфа Байдэна і Камалы Харыс.

Частка байцоў Нацгвардыі ўжо пакінула горад. Як паведамілі сакрэтныя службы, якіх-небудзь сур'ёзных інцыдэнтаў у дні пасля інаўгурацыі не было.

Аднак тэрыторыя вакол самога Белага дома па-ранейшаму абгароджана высокім плотам. Ачэплены і будынак міністэрства фінансаў і Лафает-сквер.

Інаўгурацыя 46-га прэзідэнта ЗША

Цырымонія інаўгурацыі Джозэфа Байдэна прайшла ў Вашынгтоне 20 студзеня. Па традыцыі яе правялі на прыступках Капітолія.

У сталіцы ЗША ў гэты дзень былі прыняты беспрэцэдэнтныя меры бяспекі. Амаль увесь цэнтр горада быў перакрыты для руху транспарту. Улады асцерагаліся правакацый і аднаўлення мітынгаў прыхільнікамі Трампа.

Да забеспячэння бяспекі ў 30 амерыканскіх штатах былі прыцягнуты падраздзяленні Нацыянальнай гвардыі ЗША, толькі ў Вашынгтон і прыгарады перавялі больш за 25 тысяч байцоў.

Нагадаем, што 6 студзеня ў дзень афіцыйнага зацвярджэння вынікаў прэзідэнцкіх выбараў пасля закліку з боку Дональда Трампа яго прыхільнікі прарваліся ў будынак Капітолія. Падчас беспарадкаў у Вашынгтоне загінулі пяць чалавек, многія атрымалі траўмы. Пасля гэтага ў горадзе быў уведзены рэжым надзвычайнай сітуацыі.

Чытайце таксама:

7
Тэги:
ЗША, Джо Байдэн
Кіраўнік IIHF Рэнэ Фазель, архіўны фотаздымак

Мінск абмяркоўвае з IIHF памер кампенсацыі за адменены ЧС

10
(абноўлена 13:56 25.01.2021)
Сусветны хакейны форум павінен быў прайсці ў траўні-чэрвені 2021-га ў Мінску і Рызе, аднак савет Міжнароднай федэрацыі хакея (IIHF) вырашыў перанесці матчы чэмпіянату з беларускай сталіцы.

МІНСК, 25 сту – Sputnik. Вядуцца перамовы з IIHF па пытаннях кампенсацыі за адменены чэмпіянат свету ў Мінску, паведамілі ў прэс-службе Федэрацыі хакея Беларусі (ФХБ).

"Зараз вядуцца перамовы з удзелам двух бакоў па пытанні кампенсацыі за адменены чэмпіянат свету ў Мінску", - сказалі Sputnik у прэс-службе ФХБ. Там дадалі, што да завяршэння перамоў ніякіх падрабязнасцей паведамляцца не будзе.

Што адбылося?

На мінулым тыдні стала вядома, што з Мінску быў перанесены чэмпіянат свету па хакеі. Гэта першынство павінна было прайсці з 26 траўня па 6 чэрвеня 2021 года ў Беларусі і Латвіі. Раней у Рызе выступілі супраць сумеснага турніру з-за палітычнага становішча ў Беларусі. Дзе ў выніку пройдзе ЧС па хакеі таксама пакуль невядома.

Цяпер турнір пройдзе ў альтэрнатыўным месцы ў тыя ж даты. Аб'ява аб новым месцы будзе зроблена ў бліжэйшыя дні.

Старшыня ФХБ Дзмітрый Баскаў раней заявіў, што беларусы ў сусветным форуме ўдзельнічаць будуць. "Мы вельмі паважаем працу спартсменаў, умеем яе шанаваць. Таму, напэўна, не маем маральнага права дзейнічаць, як нашы апаненты, забіраючы ў спартсменаў мару, а ў балельшчыкаў любімую каманду", - сказаў ён.

Чытайце таксама:

10
Тэги:
Хакей, Мінск, Чэмпіянат свету па хакеі 2021 года