Надзвычайны і паўнамоцны пасол Беларусі Уладзімір Сямашка

Пасол Беларусі ў РФ: на практыцы мы працягваем сутыкацца з бар'ерамі

10
(абноўлена 13:16 04.06.2020)
Добрым прыкладам супрацоўніцтва краін у экстрэмальных сітуацыях з'яўляецца ўзаемная дапамога ў эвакуацыі грамадзян на радзіму ва ўмовах пандэміі каронавіруса.

МІНСК, 4 чэр - Sputnik. Эканамічныя адносіны Беларусі і Расіі маюць вялікі патэнцыял росту, заявіў беларускі пасол Уладзімір Сямашка, перадае карэспандэнт Sputnik.

Паводле яго слоў, добрым прыкладам узгодненых дзеянняў з'яўляецца сумесная эвакуацыя беларусаў і расіян на радзіму, калі ва ўмовах пандэміі каронавіруса былі спынена міжнародныя авіязносіны.

Пасля чаго дадаў, што ёсць вядомы пастулат пра тое, што палітыка з'яўляецца канцэнтраваным выразам эканомікі, таму ў адносінах дзвюх краін эканамічныя адносіны надзвычай адчувальныя.

Уладзімір Сямашка выказаў меркаванне, што менавіта эканоміка мае галоўны патэнцыял развіцця адносін Беларусі і Расіі, што пры вырашэнні праблем дазволіла б падняць іх на больш высокі ўзровень.

"Нягледзячы на шэраг прынятых на сябе абавязкаў па забеспячэнні роўных умоў і гарантый для дзейнасці гаспадарчых суб'ектаў у Беларусі і Расіі, на практыцы мы працягваем сутыкацца з бар'ерамі і абмежаваннямі", - канстатаваў ён.

Пры гэтым ён адзначыў, што менавіта тут хаваецца галоўны рэзерв для развіцця ўзаемных адносін. Напрыклад, расійскі бок аказвае вялікую падтрымку пры рэалізацыі праграмы імпартазамяшчэння, але гэтая падтрымка не распаўсюджваецца на сумесныя беларуска-расійскія прадпрыемствы.

"Гэта такія ж расійскія суб'екты гаспадарання, там працуюць расейцы, падаткі плацяцца ў бюджэт Расіі. У іх стварэнне і развіццё Беларусь уклала немалыя сродкі. Больш за тое машынакамплекты, прывезеныя для зборкі з Беларусі, складаюцца больш чым на 50% з расійскіх матэрыялаў і камплектуючых" , - распавёў кіраўнік беларускай дыпмісіі.

Уладзімір Сямашка нагадаў, што Беларусь амаль 100% нафты, газу і іншай сыравіны імпартуе. Зараз ідзе перамоўны працэс па формуле цаны на расийскі газ для Мінска.

"Сітуацыя з падатковым манеўрам істотна змяніла ўмовы працы для беларускай нафтахіміі і ўсяго комплексу", - падкрэсліў дыпламат.

Прычым ён звярнуў увагу, што нядаўна Расия ўвяла забарону на імпарт аўтамабільнага паліва, што ў тым ліку закранае і беларускі бок.

Пасол таксама нагадаў, што акрамя абмежаванняў да ўдзелу ў дзяржаўных закупках, беларускія прадпрыемствы перыядычна сутыкаюцца з мяснымі, малочнымі і агародніннымі "войнамі" на расійскім рынку.

"Узнікае пытанне, а ў чым тады заключаецца інтэграцыя? Мы асноўную мэту інтэграцыі бачылі і бачым у стварэнні роўных умоў вядзення гаспадарчай дзейнасці", - канстатаваў Уладзімір Сямашка.

Пасля гэтага беларускі дыпламат акцэнтаваў увагу, што ў Мінску не просяць для сябе прэферэнцый на рынку, а настойваюць на стварэнні роўных умоў.

"Нас адкрыта абражаюць фэйкавыя заявы, што мы з'яўляемся нахлебнікамі, што нас кормяць бясплатна, дапамагаюць ва ўсім і так далей. Гэта абсалютна ілжывыя прадстаўленні", - упэўнены ён.

На яго думку, калі "Гомсельмаш" будзе нароўні працаваць з "Рассельмашам", ад гэтага толькі ўсё выйграюць. Кіраўнікі ўрадаў парафіравалі праграмы дзеянняў дзвюх краін па рэалізацыі дагавора Саюзнай дзяржавы.

Уладзімір Сямашка сказаў, што з 30 дарожных карт па далейшай інтэграцыі 28 узгоднены цалкам, адна - напалову. Адна карта, якая тычыцца адзінага рынку газу і кампенсацыі падатковага манеўру "засталася яшчэ адкрытай".

"Прыняцце і рэалізацыя гэтых карт магла б стаць істотным крокам наперад па ўсіх напрамках інтэграцыі. Аднак да моманту завяршэння працы над дарожнымі картамі не была выканана адна з асноўных умоў беларускага боку - рэгуляванне праблемных і актуальных пытанняў двухбаковага супрацоўніцтва", - нагадаў дыпламат.

Пасля чаго прывёў у прыклад словы прэзідэнта Беларусі, які настойваў на пакетным прыняцці дарожных карт. Аднак адсутнасць рэальнага руху па энергетычнай тэматыцы, ліквідацыя бар'ераў і стварэнне роўных умоў не дазволілі выйсці на падпісанне падрыхтаванага пакета дакументаў.

Уладзімір Сямашка запэўніў, што Мінск гатовы ў любы момант сесці за стол перамоваў па дадзеных дакументах. Прыдатным будзе верасень-кастрычнік, калі трэба будзе вярнуцца да перамоўнага працэсу.

10
Тэги:
Расія, Беларусь, Уладзімір Сямашка
Сцяг ЕС каля будынка прадстаўніцтва Еўрапейскага Саюза ў Маскве

Сектаральныя санкцыі супраць Беларусі пачнуць дзейнічаць 24 чэрвеня ТБ

9
(абноўлена 16:04 23.06.2021)
Чарговы пакет рэстрыкцыяў ў дачыненні да беларускіх уладаў выкліканы інцыдэнтам з самалётам авіякампаніі Ryanair, які быў вымушаны сесці ў аэрапорце беларускай сталіцы.

МІНСК, 23 чэр - Sputnik. Прадстаўнікі Еўрасаюза ў сераду ўзгаднілі эканамічныя санкцыі супраць беларускіх уладаў, паведаміў тэлеканал Euronews.

"Паслы ЕС толькі што ўхвалілі сектаральныя санкцыі ў дачыненні да фінансавага, нафтавага, тытунёвага і калійнага сектараў Беларусі", - напісала ў Twitter журналіст Euronews Эфі Каўтсакоста.

Па словах палітычнага аглядальніка канала, еўрапейскія сектаральныя эканамічныя санкцыі пачнуць дзейнічаць у чацвер 24 чэрвеня.

Новыя санкцыі супраць Мінска

ЕС уводзіць санкцыі супраць цэлых сектараў беларускай эканомікі пасля інцыдэнту з прызямленнем у Мінску самалёта авіякампаніі Ryanair.

Пасажырскі лайнер накіроўваўся па маршруце Афіны - Вільнюс, але пасля паведамлення ад беларускіх уладаў аб атрыманні пагрозы выбуху самалёта быў вымушаны здзейсніць пасадку. Пасля праверкі дакументаў у аэрапорце беларускай сталіцы затрымалі беларускага грамадзяніна Рамана Пратасевіча і грамадзянку РФ Сафію Сапегу.

У пачатку гэтага тыдня міністры замежных спраў ЕС у Брусэлі ўхвалілі пакет санкцый супраць беларускіх уладаў. У чацвер санкцыі будуць абмяркоўвацца на пасяджэнні Еўрапейскага Савета.

Еўрапейскія ўлады на гэтым тыдні ўключылі ў беларускі санкцыйных спіс 78 фізічных асоб і восем арганізацый. Зараз пад абмежавальныя меры ў сукупнасці патрапілі 166 фізічных асоб і 15 арганізацый з Беларусі.

У сваю чаргу ЗША ўвялі санкцыі ў дачыненні да 16 фізічных і 5 юрыдычных асоб. Санкцыйныя спісы ўслед за ЕС і ЗША пашырылі таксама Вялікабрытанія і Канада.

Чытайце таксама:

9
Тэги:
сталіца, Аэрапорт, Ryanair, самалёт, улада, Беларусь, санкцыі
Канстытуцыя Рэспублікі Беларусь

Галоўчанка прадставіць канстытуцыйны законапраект у парламенце ў пятніцу

16
(абноўлена 14:48 23.06.2021)
Палата прадстаўнікоў у дзень закрыцця вясновай сесіі 25 чэрвеня разгледзіць папраўкі ў Канстытуцыю ў першым чытанні. Нарматыўны акт прадугледжвае ўвядзенне адзінага дня галасавання. У выпадку яго прыняцця выбары дэпутатаў усіх узроўняў і сенатараў будуць сумешчаны.

МІНСК, 23 чэр – Sputnik. Дэпутаты плануюць прыняць у пятніцу ў першым чытанні праект закона аб змене Канстытуцыі Беларусі. Прадставіць дакумент у Авальнай зале прэм'ер-міністр рэспублікі Раман Галоўчанка, паведамілі карэспандэнту Sputnik у прэс-службе Палаты прадстаўнікоў.

Для распрацоўкі канстытуцыйных паправак у ніжняй палаце парламента была створана часовая спецыяльная камісія, удакладнілі ў прэс-службе. Туды ўвайшлі дэпутаты, якія працуюць у Канстытуцыйнай камісіі, што рыхтуе асноўны блок змяненняў у галоўны закон краіны для прыняцця на рэспубліканскім рэферэндуме.

У гэты ж дзень у Авальнай зале адбудзецца закрыццё вясновай парламенцкай сесіі, а таксама прагучаць адказы ўрада на пытанні дэпутатаў і сенатараў.

Абмяркоўвацца будуць праблемы транспартнай галіны, будаўнічага комплексу і жыллёва-камунальнай гаспадаркі. Плануецца, што з асноўным дакладам выступіць віцэ-прэм'ер Анатоль Сівак.

Аб адзіным дне галасавання

У выпадку прыняцця канстытуцыйных паправак выбары ў мясцовыя саветы дэпутатаў, якія павінны прайсці не пазней за 18 студзеня наступнага года, будуць перанесены на 2023 год і сумешчаны з парламенцкімі. Прычым у адзін дзень будуць абірацца як дэпутаты Палаты прадстаўнікоў, так і члены Савета Рэспублікі.

Нагадаем, што сенатараў у Беларусі выбіраюць дэпутаты мясцовага ўзроўню на пасяджэннях.

Як паведаміла раней Sputnik старшыня Цэнтрвыбаркама Лідзія Ярмошына, арганізаваць усё гэта тэхнічна нескладана. Справа ў тым, што склад верхняй палаты парламента фарміруюць дэпутаты мясцовых саветаў адыходзячага склікання.

У адзіны дзень галасавання іх паўнамоцтвы яшчэ захоўваюцца - яны застаюцца да правядзення першай установачнай сесіі. Таму ўсё адбудзецца ў адну нядзелю, канстатавала Ярмошына.

Асноўны блок паправак у Канстытуцыю

Праект новага Асноўнага закона будзе вынесены на рэспубліканскі рэферэндум у лютым 2022 года. Над ім зараз працуе Канстытуцыйная камісія, у склад якой уваходзяць 36 чалавек.

Чарговае яе пасяджэнне адбудзецца 24 чэрвеня. Пра гэта паведаміў карэспандэнту Sputnik у сераду член камісіі, кіраўнік "Круглага стала дэмакратычных сіл" Юрый Васкрасенскі.

"Спецыялісты на гэты раз будуць разглядаць прэамбулу і першы раздзел галоўнага закона краіны - "Асновы канстытуцыйнага ладу", - распавёў Васкрасенскі.

У ім ідзе гаворка пра правы, свабоды і гарантыі грамадзян, асновы дэмакратыі, ролю палітычных партый і аб'яднанняў, віды ўласнасці, рэлігіі, дзяржаўныя сімвалы і мовы.

Чакаецца, што ў цэлым Канстытуцыя зведае істотныя змены. Плануецца пашырыць ролю парламента і абмежаваць заканадаўчую функцыю прэзідэнта.

Акрамя таго, частка адказнасці кіраўніка дзяржавы можа перайсці да ўрада. Напрыклад, прапануецца пашырыць паўнамоцтвы прэм'ер-міністра, узмацніўшы яго ролю ў фарміраванні Саўміна.

Усебеларускі народны сход можа атрымаць канстытуцыйны статус. Ён стане вышэйшым прадстаўнічым органам народаўладдзя, а выбіраць яго дэлегатаў будуць па такім жа механізме, як дэпутатаў парламента.

Канстытуцыйная камісія павінна падрыхтаваць усе папраўкі да першага жніўня гэтага года. Затым праект будзе вынесены на грамадскае абмеркаванне і апублікаваны ў сродках масавай інфармацыі.

У выбарчых бюлетэнях на рэспубліканскім рэферэндуме ўвесь блок карэкціровак будзе пазначаны ў адным пытанні.

Чытайце таксама:

16
Тэги:
Беларусь, Выбары, Галасаванне, Палата прадстаўнікоў Нацыянальнага Схода РБ, Парламент, Канстытуцыя, законапраект, Раман Галоўчанка
Адпачынак на рацэ Прыпяць

За ўсю гісторыю метэаназіранняў: тэмпературны рэкорд чэрвеня пабіты ў Беларусі

8
(абноўлена 17:10 23.06.2021)
Тэмпературныя рэкорды сіноптыкі звычайна фіксуюць у ліпені і жніўні, але ў 2021-м годзе першы летні месяц здзівіў усіх.

МІНСК, 23 чэр - Sputnik. У аўторак у Беларусі быў зафіксаваны тэмпературны рэкорд 35,9 градусы, паведаміў начальнік службы метэаралагічных прагнозаў Белгідрамета Аляксандр Бяганскі.

Тэмпературныя рэкорды месяца былі ўсталяваны ў аўторак на шэрагу станцый па ўсходзе Беларусі: на большай частцы Гомельскай, Магілёўскай і па ўсходзе Віцебскай і Мінскай абласцей.

"Учора максімум быў зафіксаваны 35,9 градусы на метэастанцыі "Кастрычнік" (Гомельская вобласць). Гэта была самая высокая тэмпература па краіне за ўсю гісторыю назіранняў у чэрвені - парадку 120-130 гадоў", - сказаў Sputnik Бяганскі.

Ён удакладніў, што гаворка ідзе пра самы гарачы чэрвень, абсалютныя гадавыя рэкорды не перавышаны, так як яны значна вышэй. "Мы пакуль на іх не прэтэндуем. Максімумы характэрны звычайна для ліпеня і жніўня, усе рэкорды звычайна прыпадаюць на гэтыя перыяды", - дадаў начальнік службы.

З 23 па 25 чэрвеня з-за спякоты беларускія сіноптыкі ўсталявалі чырвоны ўзровень небяспекі. У большасці рэгіёнаў слупок тэрмометра падбіраецца да адзнакі +34 градусы.

Белгідрамет прагназуе, што спёка ў Беларусі захаваецца да канца тыдня, але дададуцца дажджы з навальніцамі. У апошнія выхадныя чэрвеня тэмпература пачне зніжацца.

Чытайце таксама:

8
Тэги:
Лета, сіноптыкі, Беларусь, тэмпературны рэкорд, Гідраметэацэнтр Рэспублікі Беларусь