Пратэстоўцы і ваенная паліцыя на вуліцы Вашынгтона

Захарава адказала генпракурору ЗША наконт "замежнага ўмяшальніцтва"

8
(абноўлена 08:10 05.06.2020)
У расійскім МЗС заявілі, што Штаты ў чарговы раз спрабуюць растлумачыць унутраныя праблемы знешнімі фактарамі.

МІНСК, 5 чэр - Sputnik. Афіцыйны прадстаўнік МЗС Расіі Марыя Захарава адказала генеральнаму пракурору ЗША Уільяму Бару, які заявіў пра "замежнае ўмяшанне" ў пратэсты, паведамляе РІА "Новости".

У чацвер Барр заявіў аб "замежным ўмяшанні" ў пратэсты ў ЗША. Праўда, генпракурор не ўдакладніў, якія менавіта краіны ён абвінавачвае.

Каментуючы выказванне Барра, Захарава паказала, што, "па-першае, (гэта) чарговая спроба растлумачыць унутраныя праблемы знешнімі фактарамі".

"Па-другое, - непавагу да грамадзян ЗША, чые праблемы без якой-небудзь доказнай базы спісваюць на "замежнае ўмяшанне", - сказала Захарава.

Нагадаем, раней пасол у ЗША Анатоль Антонаў адхіліў абвінавачванні ў адрас Расіі, якая нібыта стаіць за пратэстамі ў амэрыканскіх гарадах.

Па гарадах ЗША пракацілася хваля пратэстаў і беспарадкаў пасля гібелі ў Мінеапалісе ад рук паліцыі афраамерыканца Джорджа Флойда. У інтэрнэце з'явіліся відэа, на якіх паліцыя апранула на Флойда кайданкі, павалілі яго і наваліліся на яго ўтрох, прычым адзін з іх наступіў яму каленам на шыю. Флойд на відэа некалькі разоў кажа, што не можа дыхаць, потым заціхае. Ён памёр у рэанімацыі. Пасля пачатку беспарадкаў звольнілі чатырох паліцэйскіх, а аднаго з іх абвінавацілі ў забойстве.

8
Тэги:
Марыя Захарава, Расія, ЗША
Штандар прэзідэнта РФ на купале будынка Сената Маскоўскага Крамля

Галоўчанка і Мішусцін сустрэнуцца заўтра ў Маскве

7
(абноўлена 16:43 13.07.2020)
Гэтая сустрэча з расійскім прэм'ер-міністрам будзе першай для Галоўчанкі ў ролі кіраўніка беларускага ўрада.

МІНСК, 13 ліп - Sputnik. Прэм'ер-міністры Беларусі і Расіі Раман Галоўчанка і Міхаіл Мішусцін правядуць у аўторак у Маскве сустрэчу, паведамілі Sputnik дзве незвязаныя паміж сабой крыніцы.

Інфармацыю аб будучай сустрэчы пацвердзілі ў прэс-службе расійскага Кабінета міністраў.

Мяркуецца, што кіраўнікі ўрадаў абмяркуюць шырокае кола актуальных "пытанняў расійска-беларускіх адносін і інтэграцыі ў рамках Саюзнай дзяржавы", - паведамілі ва ўрадзе Расіі.

Асаблівая ўвага, як дадалі ў Кабінеце, будзе нададзена "тэматыцы ўзаемадзеяння ў гандлёва-эканамічнай сферы, рэалізацыі буйных сумесных праектаў".

Як удакладнілі ў прэс-службе беларускага ўрада, сустрэча пройдзе ў пашыраным складзе.

Гэтая сустрэча з Мішусціным стане першай для Рамана Галоўчанкі ў якасці прэм'ер-міністра, да гэтага моманту кіраўнікі ўрадаў дзвюх краін двойчы размаўлялі па тэлефоне.

7
Тэги:
Міхаіл Мішусцін, Раман Галоўчанка
Мусульмане каля Святой Сафіі

Пуцін абмеркаваў з Эрдаганам сітуацыю вакол Святой Сафіі

4
(абноўлена 16:07 13.07.2020)
Прэзідэнт Турцыі запэўніў прэзідэнта Расіі, што будуць гарантаваныя доступ для ўсіх жадаючых да гэтага помніка культуры і захаванасць хрысціянскіх святынь.

МІНСК, 13 ліп - Sputnik. Прэзідэнт РФ Уладзімір Пуцін абмеркаваў са сваім турэцкім калегам Рэджэпам Таіпам Эрдаганам сітуацыю вакол Святой Сафіі, паведамілі ў прэс-службе Крамля.

У паведамленні адзначаецца, што прэзідэнт Турцыі даў тлумачэнні адносна дадзенай сітуацыі і запэўніў Уладзіміра Пуціна, "што доступ да гэтага ўнікальнага помніка сусветнай цывілізацыі будзе гарантаваны для ўсіх жадаючых, уключаючы замежных грамадзян", а таксама паабяцаў, што захаванасць хрысціянскіх святынь, якія там знаходзяцца, будзе забяспечана.

Нагадаем, 10 лiпеня Дзяржсавет Турцыі - вышэйшы адміністрацыйны суд краіны - ануляваў рашэнне ад 1934 года, згодна з якім сабор Святой Сафіі ператварылі ў музей. Адразу пасля гэтага Рэджэп Таіп Эрдаган паведаміў аб падпісанні ўказа, паводле якога сабор ператвораць у мячэць і пачнуць там мусульманскія набажэнствы. Першыя службы пройдуць там 24 ліпеня.

4
Тэги:
Турцыя, Расія
Абітурыенты здаюць ЦТ

Сталі вядомыя вынікі ЦТ па біялогіі

0
(абноўлена 17:26 13.07.2020)
У цэлым абітурыенты здалі тэсціраванне па біялогіі лепш, чым у мінулым годзе - максімальны бал атрымалі 55 чалавек.

МІНСК, 13 ліп - Sputnik. Вынікі цэнтралізаванага тэсціравання (ЦТ) па біялогіі сталі вядомыя ў панядзелак.

Вынікі цэнтралізаванага тэсціравання пачалі з'явіцца на мінулым тыдні. На сёння вядомыя балы па рускай і беларускай мовах, грамадазнаўстве і матэматыцы.

У панядзелак сталі вядомыя і вынікі ЦТ па біялогіі. Першымі свае балы даведаліся абітурыенты, падпісаныя на смс-рассылку, затым дадзеныя загружаюцца на сайт Рэспубліканскага інстытута кантролю ведаў (РІКВ).

Па дадзеных РІКВ, максімальны бал на біялогіі ў гэтым годзе набралі 55 абітурыентаў - больш, чым у 2019-м. Ніводнага бала не атрымалі трое ўдзельнікаў тэсціравання.

З зарэгістраваных 20,8 тысяч абітурыентаў на тэсціраванне з'явіліся каля 19,4 тысяч чалавек.

У бліжэйшыя дні, як чакаецца, стануць вядомыя вынікі ЦТ па замежных мовах.

0
Тэги:
ЦТ, Уступная кампанія, Беларусь