Прэм'ер-міністр Венгрыі Віктар Орбан падчас сустрэчы з беларускім прэзідэнтам Аляксандрам Лукашэнкам у Мінску

Лукашэнка: "нас нахіляюць" таму, што мы цярпліва да гэтага ставімся

17
(абноўлена 14:43 05.06.2020)
Некаторыя дзяржавы спрабуюць указваць іншым краінам, што ім рабіць толькі таму што, яны са свайго боку гэта церпяць.

МІНСК, 5 чэр - Sputnik. Пандэмія каронавіруса многае зменіць у свеце, сказаў прэзідэнт Беларусі Аляксандр Лукашэнка журналістам пасля сустрэчы з венгерскім прэм'ерам Віктарам Орбаном, перадае карэспандэнт Sputnik.

Паводле яго слоў, ён цалкам гатовы падтрымаць і падпісацца пад тым, што сказаў прэм'ер Венгрыі, таму што ведае яго пазіцыю па ўплыву, якія аказваюць заходнія краіны на астатнія дзяржавы.

"Мне вельмі спадабалася гэтая фраза, што "нас нахіляюць". Я па-свойму скажу, "нас нахіляюць" таму, што мы часам залішне цярпліва да гэтага ставімся, таму што мы церпім. Вось гэта ключавы тэзіс са сказанага прэм'ер-міністрам (Віктарам Орбаном - Sputnik)", - падкрэсліў кіраўнік беларускай дзяржавы.

На думку Лукашэнкі, пандэмія вельмі многае зменіць. Прэзідэнт нагадаў, што некалькі месяцаў таму, "калі толькі паўсталі гэтыя працэсы", ён сказаў, што "камусьці гэта трэба".

"Ясна, што нават, калі гэта нерукатоврнае стварэнне - гэты каронавірус, то многія краіны захочуць скарыстацца гэтым вірусам для таго, каб змяніць свет. Натуральна краіны, якія сябе лічаць найважнейшымі і якія сваю бачаць ролю ў свеце па яго перабудове. Таму пандэмія сапраўды шмат што зменіць", - лічыць ён.

Пасля чаго дадаў, што ціск не знікне, і мы павінны быць да гэтага гатовыя. Ціснуць будуць з усіх бакоў і вытрымаюць толькі моцныя.

"Моцныя не толькі ў эканамічным, ваенным, палітычным дачыненні, але перш за ўсё ў маральных адносінах", - звярнуў увагу беларускі прэзідэнт.

Лукашэнка расказаў, што падчас перамоваў, калі ў вузкім коле абмяркоўваліся многія пытанні, яму спадабалася тэма, якую ўздымаў прэм'ер-міністр у плане ідэнтычнасці.

"У добрым сэнсе такога нацыяналізму, патрыятызму, калі хочаце, народаў. Вось гэты момант, гэты фактар будзе гуляць немалаважную ролю пасля гэтай пандэмічнай гісторыі. Мы да гэтага гатовыя. Венгрыя тым больш, нягледзячы на тое, што яна знаходзіцца ў цесным Еўрапейскім саюзе. Мы гэта вітаем, і гэта адна з асноў нашага будучага супрацоўніцтва", - падсумаваў беларускі прэзідэнт.

17
Тэги:
Венгрыя, Беларусь
Штандар прэзідэнта РФ на купале будынка Сената Маскоўскага Крамля

Галоўчанка і Мішусцін сустрэнуцца заўтра ў Маскве

6
(абноўлена 16:43 13.07.2020)
Гэтая сустрэча з расійскім прэм'ер-міністрам будзе першай для Галоўчанкі ў ролі кіраўніка беларускага ўрада.

МІНСК, 13 ліп - Sputnik. Прэм'ер-міністры Беларусі і Расіі Раман Галоўчанка і Міхаіл Мішусцін правядуць у аўторак у Маскве сустрэчу, паведамілі Sputnik дзве незвязаныя паміж сабой крыніцы.

Інфармацыю аб будучай сустрэчы пацвердзілі ў прэс-службе расійскага Кабінета міністраў.

Мяркуецца, што кіраўнікі ўрадаў абмяркуюць шырокае кола актуальных "пытанняў расійска-беларускіх адносін і інтэграцыі ў рамках Саюзнай дзяржавы", - паведамілі ва ўрадзе Расіі.

Асаблівая ўвага, як дадалі ў Кабінеце, будзе нададзена "тэматыцы ўзаемадзеяння ў гандлёва-эканамічнай сферы, рэалізацыі буйных сумесных праектаў".

Як удакладнілі ў прэс-службе беларускага ўрада, сустрэча пройдзе ў пашыраным складзе.

Гэтая сустрэча з Мішусціным стане першай для Рамана Галоўчанкі ў якасці прэм'ер-міністра, да гэтага моманту кіраўнікі ўрадаў дзвюх краін двойчы размаўлялі па тэлефоне.

6
Тэги:
Міхаіл Мішусцін, Раман Галоўчанка
Мусульмане каля Святой Сафіі

Пуцін абмеркаваў з Эрдаганам сітуацыю вакол Святой Сафіі

3
(абноўлена 16:07 13.07.2020)
Прэзідэнт Турцыі запэўніў прэзідэнта Расіі, што будуць гарантаваныя доступ для ўсіх жадаючых да гэтага помніка культуры і захаванасць хрысціянскіх святынь.

МІНСК, 13 ліп - Sputnik. Прэзідэнт РФ Уладзімір Пуцін абмеркаваў са сваім турэцкім калегам Рэджэпам Таіпам Эрдаганам сітуацыю вакол Святой Сафіі, паведамілі ў прэс-службе Крамля.

У паведамленні адзначаецца, што прэзідэнт Турцыі даў тлумачэнні адносна дадзенай сітуацыі і запэўніў Уладзіміра Пуціна, "што доступ да гэтага ўнікальнага помніка сусветнай цывілізацыі будзе гарантаваны для ўсіх жадаючых, уключаючы замежных грамадзян", а таксама паабяцаў, што захаванасць хрысціянскіх святынь, якія там знаходзяцца, будзе забяспечана.

Нагадаем, 10 лiпеня Дзяржсавет Турцыі - вышэйшы адміністрацыйны суд краіны - ануляваў рашэнне ад 1934 года, згодна з якім сабор Святой Сафіі ператварылі ў музей. Адразу пасля гэтага Рэджэп Таіп Эрдаган паведаміў аб падпісанні ўказа, паводле якога сабор ператвораць у мячэць і пачнуць там мусульманскія набажэнствы. Першыя службы пройдуць там 24 ліпеня.

3
Тэги:
Турцыя, Расія
Абітурыенты здаюць ЦТ

Сталі вядомыя вынікі ЦТ па біялогіі

0
(абноўлена 17:26 13.07.2020)
У цэлым абітурыенты здалі тэсціраванне па біялогіі лепш, чым у мінулым годзе - максімальны бал атрымалі 55 чалавек.

МІНСК, 13 ліп - Sputnik. Вынікі цэнтралізаванага тэсціравання (ЦТ) па біялогіі сталі вядомыя ў панядзелак.

Вынікі цэнтралізаванага тэсціравання пачалі з'явіцца на мінулым тыдні. На сёння вядомыя балы па рускай і беларускай мовах, грамадазнаўстве і матэматыцы.

У панядзелак сталі вядомыя і вынікі ЦТ па біялогіі. Першымі свае балы даведаліся абітурыенты, падпісаныя на смс-рассылку, затым дадзеныя загружаюцца на сайт Рэспубліканскага інстытута кантролю ведаў (РІКВ).

Па дадзеных РІКВ, максімальны бал на біялогіі ў гэтым годзе набралі 55 абітурыентаў - больш, чым у 2019-м. Ніводнага бала не атрымалі трое ўдзельнікаў тэсціравання.

З зарэгістраваных 20,8 тысяч абітурыентаў на тэсціраванне з'явіліся каля 19,4 тысяч чалавек.

У бліжэйшыя дні, як чакаецца, стануць вядомыя вынікі ЦТ па замежных мовах.

0
Тэги:
ЦТ, Уступная кампанія, Беларусь