Сцягі Еўрасаюза ў Берліне

Пасол ЕС занепакоены сітуацыяй вакол Бабарыкі і Ціханоўскай

11
(абноўлена 15:11 17.06.2020)
Еўрасаюз заклікае ўлады Беларусі забяспечыць у рамках кампаніі па выбарах прэзідэнта краіны ўмовы для палітычнай канкурэнцыі.

МІНСК, 17 чэр - Sputnik. Пасол Еўрасаюза ў Беларусі Дзірк Шубель выказаў занепакоенасць у сувязі з сітуацыяй вакол прэтэндэнта на пасаду прэзідэнта Віктара Бабарыкі.

Праваахоўныя органы раней затрымалі каардынатара ініцыятыўнай групы Віктара Бабарыкі па Магілёўскай вобласці Уладзіміра Дударава. Таксама паведамлялася аб затрыманні яго сяброўкі Святланы Купрэевай. Акрамя таго, у рамках "справы Белгазпрамбанка" быў затрыманы шэраг былых калег Бабарыкі.

"Беларусь уступае ў прэзідэнцкую выбарчую кампанію 2020 года, і асабліва важна, каб асноўныя правы і свабоды цалкам выконваліся. Крытычна важна, каб беларускія ўлады стварылі ўмовы для істотнага і канкурэнтнага палітычнага спаборніцтва", - пракаментаваў Шубель.

Прадстаўнік Еўрасаюза выказаў занепакоенасць у сувязі з сітуацыяй вакол Віктара Бабарыкі. Таксама Шубель заклікаў да празрыстага расследавання гэтых спраў і расследаванні інцыдэнту аб тэлефоннай пагрозе, аб якой заявіла напярэдадні прэтэндэнтка на пасаду прэзідэнта Святлана Ціханоўская.

Заклікаў дыпламат і вызваліць затрыманых падчас пікетаў актывістаў і выказаў занепакоенасць інфармацыяй пра дрэнныя ўмовы іх утрымання.

Да выбараў менш за два месяцы

Цяпер выбарчая кампанія знаходзіцца на стадыі збору подпісаў: да 19 чэрвеня прэтэндэнты ў прэзідэнты павінны здаць не менш за 100 тысяч подпісаў у падтрымку свайго вылучэння.

Затым, да 14 ліпеня, ЦВК зарэгіструе кандыдатаў у прэзідэнты, у якіх пацвердзіцца належная колькасць подпісаў і якія будуць адпавядаць патрабаванням заканадаўства.

Выбары прэзідэнта пройдуць у Беларусі 9 жніўня.

11
Тэги:
Еўрасаюз, Беларусь, Выбары
Тэмы:
Выбары прэзідэнта Беларусі - 2020 (79)
Прэзідэнт Расіі Уладзімір Пуцін

Папраўкі ў Канстытуцыю Расіі ўвойдуць у сілу 4 ліпеня

6
(абноўлена 17:29 03.07.2020)
Расійскі прэзідэнт заклікаў не страціць каштоўныя прапановы, якія не ўвайшлі ў Канстытуцыю.

МІНСК, 3 ліп - Sputnik. Канстытуцыя Расійскай Федэрацыі з унесенымі ў яе папраўкамі ўвойдзе ў сілу 4 ліпеня. Дату вызначыў прэзідэнт РФ Уладзімір Пуцін сваім указам, які быў апублікаваны ў пятніцу на афіцыйным партале прававой інфармацыі.

Галасаванне па папраўках (было прапанавана 206 паправак) да расійскай Канстытуцыі праходзіла з 25 чэрвеня па 1 ліпеня. Сёння кіраўнік ЦВК РФ Эла Памфілава абвясціла канчатковыя дадзеныя плебісцыту: 77,92% тых, хто прагаласаваў падтрымалі змены, супраць выказаліся 21,27%.

"Папраўкі ў Канстытуцыю Расійскай Федэрацыі (...) ўступаюць моц 4 ліпеня 2020 года", - гаворыцца ў тэксце ўказу.
Расійскі прэзідэнт у ходзе сустрэчы з рабочай групай па падрыхтоўцы паправак у Канстытуцыю падкрэсліў, што "людзі сэрцам адчулі, што тое, што было прапанавана самімі грамадзянамі Расіі, рабочай групай, дэпутатамі парламента, запатрабавана і трэба краіне".

Разам з тым ён звярнуў увагу, што ўсе "ўпакаваць" у канстытуцыю немагчыма, але іншыя каштоўныя прапановы ад людзей павінны быць рэалізаваныя.

"Усе спакаваць у канстытуцыю практычна не магчыма, нерэальна, ды і па сутнасьці не трэба, гэта не канстытуцыйны ўзровень. Але прапановы, якія паступілі ад людзей, якія мы не можам ўлічыць ў канстытуцыі і якія ўяўляюць з сябе безумоўную каштоўнасць для грамадства, гэтыя прапановы, без усялякіх сумневаў, павінны быць рэалізаваныя. альбо ў законах, альбо ў падзаконных актаў", - сказаў Пуцін.

"Галоўнае, каб нам нічога не страціць з таго, што людзі напрацавалі і прапанавалі карыснага для краіны", - дадаў прэзідэнт.

6
Тэги:
Канстытуцыя, Расія
Прэзідэнт РФ У. Пуцін і прэзідэнт Беларусі А. Лукашэнкі адкрылі Ржэўскі мемарыял Савецкаму салдату

Пяскоў распавёў, што абмяркоўвалі Пуцін і Лукашэнка ў Ржэве

6
(абноўлена 16:02 03.07.2020)
Раней інфармацыяй аб тэме размовы двух лідараў падзяліліся прэс-сакратар прэзідэнта Беларусі і міністр замежных спраў рэспублікі.

МІНСК, 3 ліп - Sputnik. Прэзідэнт Расіі Уладзімір Пуцін і яго беларускі калега Аляксандр Лукашэнка ў Ржэве мелі магчымасць абмяняцца думкамі па пытаннях двухбаковых адносін, інтэграцыі і міжнародных справах, заявіў прэс-сакратар расейскага лідэра Дзмітрый Пяскоў.

Пуцін і Лукашэнка 30 чэрвеня адкрылі мемарыял Савецкаму салдату пад Ржэвам, усклаўшы кветкі да помніка.
"Прэзідэнты ў Ржэве мелі магчымасць абмяняцца думкамі, сапраўды. Кароткаяе гутарка адбылася, абмеркавалі і двухбаковыя адносіны, і тэмы інтэграцыйныя, і ў цэлым абмяняліся думкамі аб міжнародных справах", - сказаў Пяскоў.
Ужо пасля сустрэчы ў Ржэве кіраўнікі дзвюх дзяржаў абмяняліся пасланнямі.

Аляксандр Лукашэнка павіншаваў свайго расійскага калегу Уладзіміра Пуціна з вынікамі галасавання па папраўках у Канстытуцыю РФ, якое прайшло ў сераду, 1 ліпеня.

"Вынікі рэферэндуму пераканаўча сведчаць аб прызнанні вашых заслуг і здольнасці кансалідаваць нацыю ў такій няпросты і адказны перыяд", - падкрэсліў прэзідэнт Беларусі.

Паводле яго слоў, Беларусь і Расія і далей застануцца стратэгічнымі саюзнікамі, працягнуўшы развіваць супрацоўніцтва па многіх напрамках у інтарэсах двух народаў абедзвюх краін.

А сёння Уладзімір Пуцін павіншаваў прэзідэнта Беларусі з Днём Незалежнасці краіны.

"Упэўнены, што разам мы зможам забяспечыць далейшае нарошчванне расійска-беларускіх сувязяў на ўсіх напрамках, а таксама канструктыўнага ўзаемадзеяння ў рамках Саюзнай дзяржавы, Еўразійскай эканамічнай саюза, АДКБ і СНД. Гэта, несумненна, адпавядае карэнным інтарэсам братніх народаў нашых краін", - прыводзіць прэс-служба словы Пуціна.

У віншаванні адзначаецца, што адносіны паміж Расіяй і Беларуссю развіваюцца ў духу сяброўства і саюзніцтва. Наладжана плённае двухбаковае супрацоўніцтва, каардынацыя намаганняў у знешняй палітыцы і абароне, рэалізуюцца маштабныя сумесныя праекты ў гандлёва-эканамічнай, гуманітарнай, навукова-тэхнічнай і іншых галінах.

6
Тэги:
Дзмітрый Пяскоў, Аляксандр Лукашэнка, Уладзімір Пуцін