Збор подпісаў у Мінску

Завяршаецца збор подпісаў па вылучэнні кандыдатаў у прэзідэнты Беларусі

11
(абноўлена 10:43 19.06.2020)
Па колькасці сабраных подпісаў лідзіруе дзеючы прэзідэнт, паводле слоў Лукашэнкі, за яго сабрана паўтара мільёна, на другім месцы экс-старшыня Белгазпрамбанка Віктар Бабарыка - па дадзеных штаба, за яго падпісаліся 425 тысяч.

МІНСК, 19 чэр - Sputnik. Этап збору подпісаў у падтрымку вылучэння кандыдатаў у прэзідэнты Беларусі завяршаецца ў пятніцу, гэта прадугледжана каляндарным планам падрыхтоўкі і правядзення выбараў прэзідэнта, зацверджаным Цэнтрвыбаркамам Беларусі.

Сёння ж тэрытарыяльныя выбарчыя камісіі павінны завяршыць прыём падпісных лістоў у каардынатараў ініцыятыўных груп прэтэндэнтаў у прэзідэнты.

Напярэдадні стала вядома, што сем з 13 ініцыятыўных груп, якія збіраюць подпісы, ужо пачалі здаваць падпісныя лісты. На раніцу 18 чэрвеня больш за ўсё подпісаў здала група дзеючага кіраўніка дзяржавы Аляксандра Лукашэнкі - 364 тысячы.

"На другім месцы група, якая збірала подпісы ў падтрымку вылучэння Віктара Дзмітрыевіча Бабарыкі - група здала каля 150 тысяч подпісаў", - паведамляла напярэдадні Ярмошына.

Групы Святланы Ціханоўскай, Валерыя Цапкалы, Сяргея Чарэчаня, Андрэя Дзмітрыева, Ганны Канапацкай на раніцу учорашняга дня не здалі ў тэрытарыяльныя камісіі неабходныя для вылучэння 100 тысяч подпісаў.

Тым не менш частка з гэтых кандыдатаў ужо заявіла, што маюць намер пераадолець неабходны бар'ер. У штабе Бабарыкі кажуць, што на раніцу пятніцы за вылучэнне экс-банкіра было сабрана 425 тысяч подпісаў. Прэзідэнт краіны Аляксандр Лукашэнка на мінулым тыдні казаў, што за яго ўжо сабрана каля паўтара мільёна подпісаў.

Пасля таго, як этап збору подпісаў будзе завершаны, камісіі пачнуць праверку падпісных лістоў. Праверцы падлягае не менш за 20% подпісаў. Затым не пазней за 29 чэрвеня раённыя і гарадскія камісіі павінны будуць прадставіць у абласныя і Мінскую гарадскую камісіі пратаколы з колькасцю подпісаў, пакінутых у падтрымку прэтэндэнтаў. Не пазней за 4 ліпеня гэтыя дадзеныя павінны быць перададзены ў ЦВК.

Рэгістрацыя кандыдатаў пройдзе з 5 па 14 ліпеня. Выбары прызначаны на 9 жніўня.

11
Тэги:
Беларусь, Выбары
Тэмы:
Выбары прэзідэнта Беларусі - 2020 (79)
Прэзідэнт Расіі Уладзімір Пуцін

Папраўкі ў Канстытуцыю Расіі ўвойдуць у сілу 4 ліпеня

7
(абноўлена 17:29 03.07.2020)
Расійскі прэзідэнт заклікаў не страціць каштоўныя прапановы, якія не ўвайшлі ў Канстытуцыю.

МІНСК, 3 ліп - Sputnik. Канстытуцыя Расійскай Федэрацыі з унесенымі ў яе папраўкамі ўвойдзе ў сілу 4 ліпеня. Дату вызначыў прэзідэнт РФ Уладзімір Пуцін сваім указам, які быў апублікаваны ў пятніцу на афіцыйным партале прававой інфармацыі.

Галасаванне па папраўках (было прапанавана 206 паправак) да расійскай Канстытуцыі праходзіла з 25 чэрвеня па 1 ліпеня. Сёння кіраўнік ЦВК РФ Эла Памфілава абвясціла канчатковыя дадзеныя плебісцыту: 77,92% тых, хто прагаласаваў падтрымалі змены, супраць выказаліся 21,27%.

"Папраўкі ў Канстытуцыю Расійскай Федэрацыі (...) ўступаюць моц 4 ліпеня 2020 года", - гаворыцца ў тэксце ўказу.
Расійскі прэзідэнт у ходзе сустрэчы з рабочай групай па падрыхтоўцы паправак у Канстытуцыю падкрэсліў, што "людзі сэрцам адчулі, што тое, што было прапанавана самімі грамадзянамі Расіі, рабочай групай, дэпутатамі парламента, запатрабавана і трэба краіне".

Разам з тым ён звярнуў увагу, што ўсе "ўпакаваць" у канстытуцыю немагчыма, але іншыя каштоўныя прапановы ад людзей павінны быць рэалізаваныя.

"Усе спакаваць у канстытуцыю практычна не магчыма, нерэальна, ды і па сутнасьці не трэба, гэта не канстытуцыйны ўзровень. Але прапановы, якія паступілі ад людзей, якія мы не можам ўлічыць ў канстытуцыі і якія ўяўляюць з сябе безумоўную каштоўнасць для грамадства, гэтыя прапановы, без усялякіх сумневаў, павінны быць рэалізаваныя. альбо ў законах, альбо ў падзаконных актаў", - сказаў Пуцін.

"Галоўнае, каб нам нічога не страціць з таго, што людзі напрацавалі і прапанавалі карыснага для краіны", - дадаў прэзідэнт.

7
Тэги:
Канстытуцыя, Расія
Прэзідэнт РФ У. Пуцін і прэзідэнт Беларусі А. Лукашэнкі адкрылі Ржэўскі мемарыял Савецкаму салдату

Пяскоў распавёў, што абмяркоўвалі Пуцін і Лукашэнка ў Ржэве

7
(абноўлена 16:02 03.07.2020)
Раней інфармацыяй аб тэме размовы двух лідараў падзяліліся прэс-сакратар прэзідэнта Беларусі і міністр замежных спраў рэспублікі.

МІНСК, 3 ліп - Sputnik. Прэзідэнт Расіі Уладзімір Пуцін і яго беларускі калега Аляксандр Лукашэнка ў Ржэве мелі магчымасць абмяняцца думкамі па пытаннях двухбаковых адносін, інтэграцыі і міжнародных справах, заявіў прэс-сакратар расейскага лідэра Дзмітрый Пяскоў.

Пуцін і Лукашэнка 30 чэрвеня адкрылі мемарыял Савецкаму салдату пад Ржэвам, усклаўшы кветкі да помніка.
"Прэзідэнты ў Ржэве мелі магчымасць абмяняцца думкамі, сапраўды. Кароткаяе гутарка адбылася, абмеркавалі і двухбаковыя адносіны, і тэмы інтэграцыйныя, і ў цэлым абмяняліся думкамі аб міжнародных справах", - сказаў Пяскоў.
Ужо пасля сустрэчы ў Ржэве кіраўнікі дзвюх дзяржаў абмяняліся пасланнямі.

Аляксандр Лукашэнка павіншаваў свайго расійскага калегу Уладзіміра Пуціна з вынікамі галасавання па папраўках у Канстытуцыю РФ, якое прайшло ў сераду, 1 ліпеня.

"Вынікі рэферэндуму пераканаўча сведчаць аб прызнанні вашых заслуг і здольнасці кансалідаваць нацыю ў такій няпросты і адказны перыяд", - падкрэсліў прэзідэнт Беларусі.

Паводле яго слоў, Беларусь і Расія і далей застануцца стратэгічнымі саюзнікамі, працягнуўшы развіваць супрацоўніцтва па многіх напрамках у інтарэсах двух народаў абедзвюх краін.

А сёння Уладзімір Пуцін павіншаваў прэзідэнта Беларусі з Днём Незалежнасці краіны.

"Упэўнены, што разам мы зможам забяспечыць далейшае нарошчванне расійска-беларускіх сувязяў на ўсіх напрамках, а таксама канструктыўнага ўзаемадзеяння ў рамках Саюзнай дзяржавы, Еўразійскай эканамічнай саюза, АДКБ і СНД. Гэта, несумненна, адпавядае карэнным інтарэсам братніх народаў нашых краін", - прыводзіць прэс-служба словы Пуціна.

У віншаванні адзначаецца, што адносіны паміж Расіяй і Беларуссю развіваюцца ў духу сяброўства і саюзніцтва. Наладжана плённае двухбаковае супрацоўніцтва, каардынацыя намаганняў у знешняй палітыцы і абароне, рэалізуюцца маштабныя сумесныя праекты ў гандлёва-эканамічнай, гуманітарнай, навукова-тэхнічнай і іншых галінах.

7
Тэги:
Дзмітрый Пяскоў, Аляксандр Лукашэнка, Уладзімір Пуцін