ЦВК Беларусі

Вылучэнне кандыдатаў у прэзідэнты стартуе ў Беларусі

27
(абноўлена 10:22 20.06.2020)
Патэнцыйныя кандыдаты павінны падаць у Цэнтральную выбарчую камісію пакет дакументаў да 4 ліпеня.

МІНСК, 20 чэр - Sputnik. Вылучэнне кандыдатаў у прэзідэнты стартуе ў Беларусі ў гэтую суботу згодна з календаром выбарчай кампаніі.

Прэзідэнцкія выбары – 2020 у Беларусі: каляндар выбарчай кампаніі | Інфаграфіка sputnik.by
© Sputnik Беларусь / Інфаграфіка

Першы этап выбарчай кампаніі - збор і падача ў тэрытарыяльныя камісіі подпісаў у падтрымку вылучэнне кандыдатамі - завяршыўся ў Беларусі 19 чэрвеня.

З 20 чэрвеня стартуе наступны этап - вылучэнне кандыдатаў у прэзідэнты. Да 4 ліпеня ўключна патэнцыйныя кандыдаты павінны падаць пакет дакументаў, у які ўваходзяць, апроч іншага, дэкларацыя аб даходах і аўтабіяграфія.
У выпадку адпаведнасці прэтэндэнтаў патрабаванням заканадаўства і пацверджання не менш за 100 тысяч подпісаў, прэтэндэнт будзе зарэгістраваны - уключна да 14 ліпеня.

Да пятніцы пра збор неабходнай колькасці подпісаў заявілі восем прэтэндэнтаў, аднак двое, якія сабралі належную колькасць, з гонкі выбылі. У выніку неабходную колькасць падалі групы Аляксандра Лукашэнкі, Віктара Бабарыкі, Валерыя Цапкалы, Ганны Канапацкой, Андрэя Дзмітрыева і Сяргея Чарэчаня.

Лідар па колькасці сабраных подпісаў - Лукашэнка. На другім месцы ідзе Віктар Бабарыка, аднак з-за затрымання самога палітыка і яго сына ля штаба ўзніклі праблемы з падачай подпісаў у шэрагу раёнаў. Замыкае тройку лідараў па ліку подпісаў Валерый Цапкала.

Выбары прэзідэнта пройдуць у Беларусі 9 жніўня.

27
Тэги:
Беларусь, Выбары
Тэмы:
Выбары прэзідэнта Беларусі - 2020 (217)
Будынак Капітолія

Рэжым НС адмянілі ў Вашынгтоне, павышаныя меры бяспекі захоўваюцца

7
(абноўлена 17:51 25.01.2021)
Частка кардонаў і блокпастоў знята, але тэрыторыя вакол Белага дома па-ранейшаму абгароджана двухмятровым плотам.

МІНСК, 25 сту – Sputnik. Рэжым надзвычайнай сітуацыі, які быў уведзены ў Вашынгтоне перад інаўгурацыяй прэзідэнта Джо Байдэна, адменены.

Раней на падыходах да ўрадавых устаноў была выбудавана сістэма блокпастоў з-за пагрозы паўтарэння масавых беспарадкаў у акрузе сталіцы. На цэнтральных вуліцах працавалі пункты надгляду ФБР, устаноўлены бетонныя загароды, некаторыя вуліцы былі перакрыты.

Цяпер жа дарогі ў цэнтры горада адкрылі для праезду, запрацаваў увесь грамадскі транспарт. Зноў усталявалі палаткі з фаст-фудам, а недалёка ад Белага дома пачаўся гандаль атрыбутыкай з вобразамі Джозэфа Байдэна і Камалы Харыс.

Частка байцоў Нацгвардыі ўжо пакінула горад. Як паведамілі сакрэтныя службы, якіх-небудзь сур'ёзных інцыдэнтаў у дні пасля інаўгурацыі не было.

Аднак тэрыторыя вакол самога Белага дома па-ранейшаму абгароджана высокім плотам. Ачэплены і будынак міністэрства фінансаў і Лафает-сквер.

Інаўгурацыя 46-га прэзідэнта ЗША

Цырымонія інаўгурацыі Джозэфа Байдэна прайшла ў Вашынгтоне 20 студзеня. Па традыцыі яе правялі на прыступках Капітолія.

У сталіцы ЗША ў гэты дзень былі прыняты беспрэцэдэнтныя меры бяспекі. Амаль увесь цэнтр горада быў перакрыты для руху транспарту. Улады асцерагаліся правакацый і аднаўлення мітынгаў прыхільнікамі Трампа.

Да забеспячэння бяспекі ў 30 амерыканскіх штатах былі прыцягнуты падраздзяленні Нацыянальнай гвардыі ЗША, толькі ў Вашынгтон і прыгарады перавялі больш за 25 тысяч байцоў.

Нагадаем, што 6 студзеня ў дзень афіцыйнага зацвярджэння вынікаў прэзідэнцкіх выбараў пасля закліку з боку Дональда Трампа яго прыхільнікі прарваліся ў будынак Капітолія. Падчас беспарадкаў у Вашынгтоне загінулі пяць чалавек, многія атрымалі траўмы. Пасля гэтага ў горадзе быў уведзены рэжым надзвычайнай сітуацыі.

Чытайце таксама:

7
Тэги:
ЗША, Джо Байдэн
Кіраўнік IIHF Рэнэ Фазель, архіўны фотаздымак

Мінск абмяркоўвае з IIHF памер кампенсацыі за адменены ЧС

10
(абноўлена 13:56 25.01.2021)
Сусветны хакейны форум павінен быў прайсці ў траўні-чэрвені 2021-га ў Мінску і Рызе, аднак савет Міжнароднай федэрацыі хакея (IIHF) вырашыў перанесці матчы чэмпіянату з беларускай сталіцы.

МІНСК, 25 сту – Sputnik. Вядуцца перамовы з IIHF па пытаннях кампенсацыі за адменены чэмпіянат свету ў Мінску, паведамілі ў прэс-службе Федэрацыі хакея Беларусі (ФХБ).

"Зараз вядуцца перамовы з удзелам двух бакоў па пытанні кампенсацыі за адменены чэмпіянат свету ў Мінску", - сказалі Sputnik у прэс-службе ФХБ. Там дадалі, што да завяршэння перамоў ніякіх падрабязнасцей паведамляцца не будзе.

Што адбылося?

На мінулым тыдні стала вядома, што з Мінску быў перанесены чэмпіянат свету па хакеі. Гэта першынство павінна было прайсці з 26 траўня па 6 чэрвеня 2021 года ў Беларусі і Латвіі. Раней у Рызе выступілі супраць сумеснага турніру з-за палітычнага становішча ў Беларусі. Дзе ў выніку пройдзе ЧС па хакеі таксама пакуль невядома.

Цяпер турнір пройдзе ў альтэрнатыўным месцы ў тыя ж даты. Аб'ява аб новым месцы будзе зроблена ў бліжэйшыя дні.

Старшыня ФХБ Дзмітрый Баскаў раней заявіў, што беларусы ў сусветным форуме ўдзельнічаць будуць. "Мы вельмі паважаем працу спартсменаў, умеем яе шанаваць. Таму, напэўна, не маем маральнага права дзейнічаць, як нашы апаненты, забіраючы ў спартсменаў мару, а ў балельшчыкаў любімую каманду", - сказаў ён.

Чытайце таксама:

10
Тэги:
Хакей, Мінск, Чэмпіянат свету па хакеі 2021 года