На галасаванні па папраўках былі выяўлены лічаныя парушэнні - ЦВК РФ

На галасаванні па папраўках былі выяўлены лічаныя парушэнні - ЦВК РФ

6
(абноўлена 16:21 09.07.2020)
Паводле ацэнкі прэзідэнта Расіі Уладзіміра Пуціна, падчас галасавання па папраўках у Канстытуцыю Расіі былі забяспечаны дэмакратычныя працэдуры.

МІНСК, 9 ліп - Sputnik. Дэмакратычныя працэдуры падчас галасавання па папраўках у Канстытуцыю Расіі былі забяспечаны ў поўным аб'ёме, заявіў прэзідэнт РФ Уладзімір Пуцін падчас відэасустрэчы з кіраўніком расійскага Цэнтрвыбаркама Элай Памфілавай.

"Што тычыцца забеспячэння дэмакратычных працэдур - гэта было зроблена таксама на самым высокім узроўні. І я хачу таксама Вам за гэта падзякаваць, вялікі Вам дзякуй", - сказаў Пуцін Памфілавай.

Па ацэнцы Пуціна, галасаванне было арганізавана па-сучаснаму якасна і на высокім узроўні, у людзей была магчымасць адкрыта выказаць сваю пазіцыю па папраўках у канстытуцыю.

"І ў вышэйшай ступені дэмакратычна усё было арганізавана. Наколькі я разумею, з мінімальнай колькасцю парушэнняў", - адзначыў прэзідэнт.

Рэкордна нізкая колькасць парушэнняў

Кіраўнік расійскага ЦВК пацвердзіла, што парушэнняў, зафіксаваных падчас галасавання па папраўках у Канстытуцыю, было няшмат - крыху больш за 30, гэта стала адным з самых нізкіх паказчыкаў.

"Як вынік, у нас па выніках беспрэцэдэнтна нізкая, ніколі не было такой нізкай колькасці парушэнняў, 33 усяго парушэнні, якія мы лічым, мы іх выявілі і прадухілілі своечасова", - сказала Памфілава.

З больш за 600 тысяч зваротаў было адабрана ўсяго 120, якія можна было расцаніць як магчымае парушэнне, прымус да галасавання. Усе яны, паводле слоў кіраўніка ЦВК РФ, накіраваныя кіраўнікам рэгіёну або праваахоўнікам.

"Гэта такі вынік, за які, Уладзімір Уладзіміравіч, не сорамна", - сказала Памфілава.

Галасаванне ў 2-3 дні

На сустрэчы з Пуціным Памфілава таксама распавяла пра абмеркаванне, якое цяпер ідзе, на тэму магчымасці галасавання на выбарах на працягу 2-3 дзён.

Гэты варыянт прадумваецца з аглядкай на розную эпідэміялагічную сітуацыю ў розных рэгіёнах Расіі. Варыянт галасавання ў некалькі дзён мог бы забяспечыць бяспеку людзей у цяперашняй сітуацыі, лічаць у ЦВК.

"Мы таксама зараз абмяркоўваем, можа быць два ці тры дні, можа быць яшчэ нейкія меры, якія ў цяперашняй сітуацыі забяспечваюць поўную бяспеку і даюць дадатковыя магчымасці людзям прагаласаваць", - сказаў Памфілава.

13 верасня ў Расіі пройдзе адзіны дзень галасавання. Прэзідэнт РФ Уладзімір Пуцін і кіраўнік ЦВК Эла Памфілава дамовіліся быць "на сувязі" пры падрыхтоўцы правядзення гэтага адзінага дня.

На пытанне Пуціна ці патрэбна нейкая дапамога ў гэтай кампаніі, Памфілава сказала, што ЦВК пакуль спраўляецца.
Галасаванне па папраўках у Канстытуцыю прайшло ў Расіі з 25 па 1 ліпеня, па выніках апрацоўкі 100% пратаколаў за прыняцце змяненняў прагаласавалі 77,92% расіян, супраць - 21,27%. Яўка, згодна з прадстаўленым у інфармцэнтры ЦВК дадзеных, склала 67,97%.

6
Тэги:
Расія, Канстытуцыя
Палац Незалежнасці ў Мінску

У прэзідэнта новы памочнік, а ў Саўміна - кіраўнік апарата

9
(абноўлена 14:44 20.10.2020)
Беларускі лідар у Палацы Незалежнасці сёння прыняў цэлую чараду кадравых рашэнняў, прызначыўшы, у тым ліку, кіраўнікоў мясцовых органаў улады і прадстаўнікоў рэспублікі ў міжнародных арганізацыях.

МІНСК, 20 кас - Sputnik. Аляксандр Лукашэнка прызначыў Леаніда Мартынюка памочнікам прэзідэнта - інспектарам па Магілёўскай вобласці.
Раней новы памочнік кіраўніка дзяржавы працаваў на пасадзе старшыні Бярозаўскага райвыканкама.

Злева направа: Наталля Лапцева, Аляксандр Бахановіч, Наталля Карчэўская
© Photo : Telegram-канал "Пул Первого"

Сёння таксама з'явіўся новы кіраўнік у апарата Савета міністраў - ім стаў Канстанцін Бурак.

Па ўзгадненні з беларускім прэзідэнтам Бярозаўскі райвыканкам узначаліць Сяргей Барташ, а пасаду старшыні Ляхавіцкага райвыканкама заняў Мікалай Мароз.

Прадстаўляць беларускія ўлады ў Арганізацыі па забароне хімічнай зброі па сумяшчальніцтве будзе Андрэй Еўдачэнка. У сваю чаргу Максім Ермаловіч аналагічнай працай будзе займацца пры Міжнароднай марской арганізацыі па сумяшчальніцтве.

Новым намеснікам міністра прыродных рэсурсаў і аховы навакольнага асяроддзя са згоды кіраўніка дзяржавы прызначаны Аляксандр Гарошка.

9
Тэги:
Аляксандр Лукашэнка
Журналіст падчас Марша гордасці ў Мінску

СПЧ РФ: затрыманні журналістаў ідуць насуперак з разуменнем свабоды слова

3
(абноўлена 12:56 20.10.2020)
Савет па правах чалавека пры прэзідэнце РФ (СПЧ) лічыць памылкай затрымліваць прадстаўнікоў СМІ падчас пратэстных акцый.

МІНСК, 20 кас - Sputnik. Кіраўнік Савета па правах чалавека пры прэзідэнце РФ (СПЧ) Валерый Фадзееў у інтэрвію інфармацыйнаму агенцтву РІА "Новости" выказаўся аб мерах у дачыненні да журналістаў, прынятых беларускімі ўладамі падчас мітынгаў. З журналістамі неабходна супрацоўнічаць, "тлумачыць і паказваць, што адбываецца", лічыць Фадзееў.

"Безумоўна (затрыманні журналістаў ідуць насуперак з разуменнем свабоды слова). Калі ў людзей ёсць смартфоны, распаўсюджванне такой інфармацыі спыніць немагчыма. Гэта проста памылка кіраўнікоў Беларусі", - заявіў кіраўнік Савета па правах чалавека.

Затрыманні журналістаў у Беларусі

З пачатку пратэстных акцый па дадзеных Беларускай асацыяцыі журналістаў у краіне затрымалі больш за 300 прадстаўнікоў СМІ (у тым ліку замежных). Выпадкаў жа парушэнняў у дачыненні да рэпарцёраў зафіксавана больш за 400, уключаючы затрыманні, штрафы, канфіскацыю прафесійнай тэхнікі.

У поствыбарчы перыяд прадстаўнікі СМІ таксама сутыкнуліся са зменамі ва ўмовах працы. На пачатку кастрычніка МЗС Беларусі ануляваў усе акрэдытацыі замежных журналістаў, у сувязі з чым супрацоўнікам СМІ неабходна перарэгістравацца. Цяпер за асвятленне пратэстных акцый неакрэдытаваных спецыялістаў могуць аштрафаваць ці заключыць пад варту на тэрмін да 15 сутак.

Ускладнена праца не толькі замежных СМІ, беларускія рэпарцёры таксама сутыкаюцца з цяжкасцямі падчас асвятлення акцый. Апошні на сённяшні дзень суд прайшоў 19 кастрычніка: некаторым журналістам, затрыманым на суботнім студэнцкім маршы, далі па 13 і 15 сутак. У іх ліку быў і карэспандэнт РІА "Новости", аднак яго адпусцілі пасля праверкі дакументаў.

Абмеркаванне сітуацыі на вышэйшым узроўні

Адміністрацыйныя працэсы з удзелам журналістаў стаяць на парадку дня з самага пачатку пратэстных акцый у Беларусі. Галоўны рэдактар RT і МІА "Россия сегодня" Маргарыта Сіманьян асабіста абмяркоўвала з прэзідэнтам Беларусі Аляксандрам Лукашэнкам гвалтоўныя меры з боку сілавых структур у дачыненні да журналістаў.

Раней выказаліся ў дачыненні абмежаванняў працы СМІ і ў Нью-Ёрку: няўрадавы "Камітэт абароны журналістаў" са штаб-кватэрай у Амерыцы заклікаў не ўмешвацца ў працу калегаў.

Таксама затрыманні абмяркоўваліся на ўзроўні міністэрстваў: выступіў са зваротам кіраўнік МЗС РФ Сяргей Лаўроў, выказаўся пасол Расіі Дзмітрый Мезенцаў, нямецкае знешнепалітычнае ведамства пракаментавала сваю пазіцыю на сустрэчы з беларускім паслом Дзянісам Сідарэнкам.

3
Тэги:
журналістыка, СМІ
Прэм'ер-міністр РФ М. Мішусцін прыняў удзел у пасяджэнні міжнароднага дыскусійнага клуба Валдай

Мішусцін: стратэгію развіцця ЕАЭС прадставяць на адабрэнне прэзідэнтам

11
(абноўлена 17:32 20.10.2020)
Каронавірус разбіў ілюзіі тых, хто лічыў сябе непаражальнымі; толькі сумеснымі намаганнямі свет можа супрацьстаяць пагрозе, заявіў прэм'ер-міністр РФ.

МІНСК, 20 кас - Sputnik. Праект стратэгіі развіцця Еўразійскага эканамічнага саюза (ЕАЭС) вынесуць на разгляд прэзідэнтаў, адпаведную заяву зрабіў прэм'ер-міністр РФ Міхаіл Мішусцін у аўторак на пасяджэнні дыскусійнага клуба "Валдай".

"ЕАЭС дапамог краінам усвядоміць стратэгіі развіцця, аб'яднаць іх у стратэгію развіцця ЕАЭС. Праект гэтай стратэгіі сёння ў нас гатовы, мы яго горача абмяркоўвалі некалькі месяцаў, будзем выносіць яго на вышэйшы савет, каб прэзідэнты ўхвалілі", - заявіў кіраўнік расійскага Кабінета міністраў.

Пандэмія каронавіруса "згуртавала краіны" саюза, лічыць Мішусцін.

Ён нагадаў, што галоўнымі ў ЕАЭС з'яўляюцца чатыры свабоды - руху тавараў, паслуг, капіталу і працоўнай сілы. "Лічбавая платформа ЕАЭС - над ёй працуе Еўразійскі банк развіцця - павінна даць такую свабоду", - упэўнены прэм'ер-міністр РФ. У якасці прыкладу ён прывёў распрацоўку мабільнага прыкладання для свабоднага руху працоўнай сілы, каб любы жыхар саюза мог свабодна працаўладкавацца.

Пра ўпэўненасць і пэўнасці

"На сёння нам неабходна больш пэўнасці. Гэта добрае англійскае слова certainty. Пэўнасць, якая дасць нам упэўненасць у заўтрашнім дні, [дасць] нашым дзецям упэўненасць у тым, што ўсё будзе добра", - сказаў ён, адказваючы на пытанне ўдзельніка паседжання з КНР.

Прэм'ер выказаў надзею на тое, што дзякуючы "добра пастаўленым" лідарамі дзвюх краін стратэгічным задачам РФ і Кітай жывуць "у добрай пэўнасці".

Як адзначыў Мішусцін, урад Расіі зараз працуе ў фармаце стратэгічнага планавання. "Для нас асноўнае мэтапакладанне, усе асноўныя стратэгіі, якія былі паказаны прэзідэнтам у адпаведным нашым указе аб нацыянальных мэтах развіцця, - гэта такая ключавая мэта, - падкрэсліў прэм'ер. - Яны, дарэчы, усе карэлююцца з Мэтамі ўстойлівага развіцця ААН, што таксама вельмі важна. Мы, імкнучыся да гэтага, дэкампазіруем адпаведныя мэты ў праграмы работы дзяржаўных інстытутаў, федэральных органаў выканаўчай улады, дзяржаўных кампаній, нацыянальных праектаў".

Аб пандэміі і вакцыне ад каронавіруса

Каронавірус разбіў ілюзіі тых, хто лічыў сябе непаражальнымі; толькі сумеснымі намаганнямі свет можа супрацьстаяць пагрозе, заявіў прэм'ер-міністр РФ.

Паводле яго слоў, міжнародным фактарам па барацьбе з каронавірусам можа стаць новая вакцына, якую ўдалося стварыць у Расіі.

"Мы гатовыя аказаць дапамогу, падзяліцца любым вопытам, які напрацавалі за гэты час, і заўсёды адкрытыя для дыялогу нягледзячы на палітычныя, культурныя, або любыя іншыя адрозненні. Гэта наша прынцыповая пазіцыя", - заявіў Мішусцін.

Ён таксама адзначыў, што ўсе рашэнні, якія прымаў кабінет міністраў РФ падчас пандэміі, падпарадкоўваліся адной задачы - выратаваць жыцці людзей.
"Мы дапамагалі тым, хто больш за ўсё пацярпеў у гэтай сітуацыі. Гэта і самі людзі, і бізнес, і цэлыя галіны эканомікі", - пракаментаваў кіраўнік Кабінета міністраў. Пандэмія запатрабавала сур'ёзных выдаткаў бюджэту, але іншага спосабу падтрымаць эканоміку і людзей не было, дадаў ён.

"Цяпер барацьбу з каронавірусам мы вядзем сістэмна, без рыўкоў і шокаў. Ва ўрада ёсць разуменне таго, што трэба рабіць у эканоміцы, у ахове здароўя, у іншых ключавых сферах, ёсць магчымасці, каб дзейнічаць на апярэджанне", - заявіў Мішусцін.

11
Тэги:
Міхаіл Мішусцін, ЕАЭС