Будынак МЗС Беларусі

МЗС: Мінск расчараваны рашэннем БДІПЧ АБСЕ не назіраць за выбарамі

11
(абноўлена 08:54 16.07.2020)
Беларусь застаецца адкрытай для міжнароднага назірання і гатова стварыць усе неабходныя ўмовы для эфектыўнай працы замежных назіральнікаў.

МІНСК, 16 ліп - Sputnik. Рашэнне БДІПЧ АБСЕ не назіраць за прэзідэнцкімі выбарамі ў Беларусі расчаравала і стала нечаканасцю, заявіў у сераду начальнік упраўлення інфармацыі і лічбавай дыпламатыі - прэс-сакратар МЗС Анатоль Глаз.

Паводле паведамлення ведамства, сёння МЗС накіравала запрашэнні на выбары ў адрас Бюро па дэмакратычных інстытутах і правах чалавека АБСЕ, СНД і Шанхайскай арганізацыі супрацоўніцтва.

"Гэта нашы традыцыйныя партнёры па назіранні за выбарамі. Мы ні на крок не адступаем ад сваіх запэўненняў і абавязацельстваў, у тым ліку ў рамках АБСЕ. Яшчэ раз падкрэслю, што Беларусь ніколі не праводзіла выбары без назірання. І ў гэты раз мы першапачаткова мелі цвёрды намер запрасіць назіральнікаў БДІПЧ АБСЕ пасля рэгістрацыі кандыдатаў. Пра гэта неаднаразова гаварылася публічна, гэтая пазіцыя даводзілася да нашых заходніх партнёраў, а таксама да кіраўніцтва Бюро і асабіста да І.Гісладацір", - адзначыў Глаз.

Чакаецца, што ў бліжэйшыя дні Нацыянальным сходам будуць накіраваны запрашэнні на адрас парламенцкіх структур, сярод якіх Парламенцкі сход Саюза Беларусі і Расіі, Міжпарламенцкая асамблея СНД, Парламенцкая асамблея АБСЕ і Парламенцкая Асамблея Савета Еўропы.

У МЗС адзначылі, што сітуацыя з распаўсюджваннем каронавіруснай інфекцыі ўнесла свае карэктывы ў шматлікія сферы, у тым ліку ў практыку БДІПЧ па назіранні за выбарамі. Такая сітуацыя склалася ўпершыню.

"Мы ўважліва аналізавалі досвед іншых краін-удзельніц, у якіх адбыліся выбары ў апошнія месяцы. У цяперашніх асаблівых умовах у большасці, калі не ва ўсіх выпадках, БДІПЧ разгортвала спецыяльныя назіральныя місіі, якія складаюцца з некалькіх экспертаў. Таму зразумела, і ў нас міжнародным назіральнікам, як і іншым удзельнікам выбарчага працэсу, неабходна будзе прытрымлівацца пэўных мер эпідэміялагічнай засцярогі, якія былі намі распрацаваны сумесна з Міністэрствам аховы здароўя і ЦВК, адпаведных рэкамендацый СААЗ", - падкрэсліў Глаз.

Ён дадаў, што Беларусь была і застаецца адкрытай для міжнароднага назірання і гатова стварыць усе неабходныя ўмовы для эфектыўнай працы замежных назіральнікаў на будучых выбарах.

Нагадаем, раней у сераду стала вядома, што Бюро АБСЕ па дэмакратычных інстытутах і правах чалавека не плануе накіроўваць у Беларусь назіральнікаў на маючыя адбыцца прэзідэнцкія выбары. Прычынай для такога рашэння стала адсутнасць запрашэння назіраць за выбарамі з беларускага боку.

11
Тэги:
АБСЕ, Выбары, Беларусь
Тэмы:
Выбары прэзідэнта Беларусі - 2020 (217)
Дзмітрый Пяскоў

У Крамлі не сталі каментаваць інаўгурацыю Лукашэнкі

7
(абноўлена 13:00 23.09.2020)
Прэс-сакратар расійскага лідара не ведае, ці павіншуе прэзідэнт РФ беларускага калегу з інаўгурацыяй.

МІНСК, 23 вер - Sputnik. Прэс-сакратар прэзідэнта Расіі Уладзіміра Пуціна Дзмітрый Пяскоў не стаў каментаваць інаўгурацыю прэзідэнта Беларусі Аляксандра Лукашэнкі, паведамляе РІА "Новости".

У сераду, 23 верасня, у Палацы Незалежнасці ў Мінску адбылася інаўгурацыя абранага прэзідэнта Беларусі Аляксандра Лукашэнкі. Мерапрыемства не анансавалася ў дзяржСМІ, пра яго паведамілі, калі кіраўнік дзяржавы прыняў прысягу.

"Я тут f,zhe ніяк не каментаваць. Бо гэта абсалютна суверэннft, eнутранае рашэнне беларускага кіраўніцтва. Калі яно прынята, значыць, так палічылі мэтазгодным. Я не магу ніяк гэта каментаваць", - сказаў Пяскоў журналістам.

Ён дадаў, што асабіста не "асабіста не размяшчаў інфармацыяй аб гэтым (інаўгурацыі - Sputnik)".

Каментуючы пытанне аб тым, ці запрашалі прэзідэнта РФ Уладзіміра Пуціна на інаўгурацыю Лукашэнкі, Пяскоў адзначыў, што пратаколам не прадугледжана прысутнасць замежных лідараў на цырымоніі інаўгурацыі.

Прэс-сакратар расійскага лідара адзначыў, што не ведае, ці павіншуе прэзідэнт РФ беларускага калегу з інаўгурацыяй.

"Я не магу вам сказаць, звычайна, з інаўгурацыяй, бывае, вядома, у пратакольным парадку нейкія віншаванні, ці можа быць ён вырашыць патэлефанаваць, але ў сапраўдны момант я пакуль не валодаю такой інфармацыяй", - сказаў Пяскоў.

Ён нагадаў, што Пуцін віншаваў Лукашэнку з перамогай на прэзідэнцкіх выбарах.

Пяскоў дадаў, што пакуль Пуцін не плануе здзяйсняць візіт у Мінск.

7
Тэги:
Аляксандр Лукашэнка, Дзмітрый Пяскоў
Плошча дзяржаўнага герба і сцяга ў Мінску

Лукашэнка ўступіў на пасаду прэзідэнта

17
(абноўлена 12:12 23.09.2020)
Сёння каля будынка Палаца Незалежнасці назіралася вялікая колькасць тэхнікі, а таксама вайскоўцы з роты ганаровай варты, але прэс-служба прэзідэнта не стала пацвярджаць правядзенне інаўгурацыі.

МІНСК, 23 вер - Sputnik. Аляксандр Лукашэнка ўступіў на пасаду прэзідэнта Беларусі, а сама цырымонія інаўгурацыі зараз праходзіць у Палацы Незалежнасці.

Правядзенне інаўгурацыі трымалася ў таямніцы, а прэс-сакратар кіраўніка дзяржавы Наталля Эйсмант сёння ў каментары РІА "Новости" заявіла, што "бліжэй да часу інаўгурацыі мы вам абавязкова паведамім".

Высокія госці былі запрошаны ў рэзідэнцыю беларускага прэзідэнта ў апошні момант. На цырымоніі прысутнічалі дэпутаты парламента, чыноўнікі, а таксама прадстаўнікі дзяржаўных СМІ і грамадскасці.

Аляксандр Лукашэнка згодна з Канстытуцыяй краіны прынёс прысягу на беларускай мове, пры гэтым ён пакляўся "верна служыць народу Рэспублікі Беларусь, паважаць і ахоўваць правы і свабоды чалавека і грамадзяніна, выконваць і абараняць Канстытуцыю Рэспублікі Беларусь, свята і добрасумленна выконваць ускладзеныя на мяне высокія абавязкі".

Пасля гэтага кіраўнік дзяржавы падпісаў акт аб прынясенні прысягі, услед за гэтым кіраўнік ЦВК Лідзія Ярмошына ўручыла Аляксандру Лукашэнку пасведчанне прэзідэнта Рэспублікі Беларусь.

У Цэнтрвыбаркаме за паўгадзіны да правядзення ўрачыстай цырымоніі паведамілі, што Лідзія Ярмошына адсутнічае на працоўным месцы, але не змаглі пацвердзіць, што яна прымае ўдзел у інаўгурацыі прэзідэнта.

Галоўная электаральная кампанія ў рэспубліцы завяршылася 9 жніўня. Паводле афіцыйных дадзеных за Лукашэнку прагаласавалі 80,1% выбаршчыкаў. Агульная яўка склала 84,28%, прычым датэрмінова прагаласавала больш за 40% беларусаў, якія маюць права голасу.

Пасля абвяшчэння вынікаў у Беларусі пачалі праходзіць акцыі пратэсту грамадзян, якія такім чынам выказваюць сваю нязгоду з вынікамі выбараў прэзідэнта рэспублікі.

17
Тэги:
Аляксандр Лукашэнка, Беларусь
Урачы ў ахоўных касцюмах

Мінздароўя назвала новыя лічбы: за суткі тых, хто захварэў стала больш на 253

0
(абноўлена 14:58 23.09.2020)
Паправіліся і выпісаныя 73 564 пацыента, за мінулыя 24 гадзіны іх стала больш на 178.

МІНСК, 23 вер - Sputnik. Колькасць хворых на каронавірус у Беларусі перавысіла 76,3 тысячы чалавек, паведамілі ў прэс-службе Міністэрства аховы здароўя рэспублікі ў сераду.

Па дадзеных профільнага ведамства, на дадзены момант у краіне зарэгістраваныя 76 357 чалавек са станоўчым тэстам на COVID-19. За суткі іх стала больш на 253.

"На 23 верасня паправіліся і выпісаныя 73 564 пацыента, у якіх раней быў пацверджаны дыягназ COVID-19", - паведамілі ў Міністэрстве аховы здароўя.
Такім чынам, колькасць тых, хто паправіўся, за мінулыя 24 гадзіны ўзрасла на 178. Усяго праведзена больш за 1 мільёна 759 тысяч тэстаў на каронавірус.

"За ўвесь перыяд распаўсюджвання інфекцыі на тэрыторыі краіны памерлі 796 пацыентаў з шэрагам хранічных захворванняў з выяўленай каронавіруснай інфекцыяй", - удакладнілі ў Міністэрстве аховы здароўя.

Колькасць смяротных выпадкаў напярэдадні была менш на пяць.

0
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19