Місія СНД атрымала запрашэнне назіраць за выбарамі ў Беларусі

© SputnikСцягі СНД
Сцягі СНД - Sputnik Беларусь
Падпісацца
Акрэдытацыяй міжнародных назіральнікаў на прэзідэнцкіх выбарах будзе займацца Цэнтрвыбаркам да 6 жніўня бягучага года.

МІНСК, 20 ліп - Sputnik. Назіральнікі ад МПА СНД запрошаны да ўдзелу ў маніторынгу выбараў прэзідэнта Беларусі, паведамілі ў прэс-службе Выканкама Садружнасці.

Кандыдат у прэзідэнты Беларусі Святлана Ціханоўская - Sputnik Беларусь
Ціханоўская і Дзмітрыеў упершыню выступілі ў эфіры дзяржаўнага радыё

"На адрас Міжпарламенцкай Асамблеі дзяржаў-удзельніц Садружнасці Незалежных Дзяржаў паступіў ліст з Нацыянальнага сходу Рэспублікі Беларусь з запрашэннем міжнародных назіральнікаў ад МПА СНД да ўдзелу ў маніторынгу падрыхтоўкі і правядзення выбараў прэзідэнта Рэспублікі Беларусь, прызначаных на 9 жніўня 2020 года", - гаворыцца ў афіцыйным паведамленні.

Цяпер нацыянальным парлментам краін СНД трэба дэлегаваць прадстаўнікоў у склад маніторынгавай групы. Назіральнікі ад місіі СНД будзе сачыць за ходам выбарчай кампаніі з 7 па 10 жніўня.

"Міжнародныя назіральнікі наведаюць выбарчыя ўчасткі, ацэняць іх аснашчанасць інфармацыйнымі матэрыяламі, будуць весці маніторынг галасавання і падвядзення вынікаў", - удакладнілі ў прэс-службе Выканкама СНД.

ЦВК зарэгістраваў кандыдатамі ў прэзідэнты пецярых прэтэндэнтаў. Экс-банкіру Віктару Бабарыку і былому кіраўніку ПВТ Валерыю Цапкалу ў рэгістрацыі было адмоўлена.

У выбарчыя бюлетэні патрапяць імёны Аляксандра Лукашэнкі, Ганны Конапацкой, Сяргея Чарэчня, Андрэя Дзмітрыева і Святланы Ціханоўскай. Галасаванне на выбарах кіраўніка дзяржавы адбудзецца 9 жніўня.

Стужка навiн
0