Ганна Канапацкая

Ганна Канапацкая і Сяргей Чарэчань выступілі ў эфіры дзяржаўнага радыё

12
(абноўлена 10:14 22.07.2020)
Кожнаму кандыдату ў прэзідэнты Беларусі дзяржаўнае радыё і тэлебачанне вылучае час на перадвыбарчыя выступы.

МІНСК, 22 ліп - Sputnik. Кандыдаты ў прэзідэнты Беларусі Ганна Канапацкая і Сяргей Чарэчань выступілі ў сераду раніцай у эфіры дзяржаўнага радыё, прадстаўляючы свае перадвыбарчыя праграмы.

Па закону кожнаму кандыдату двойчы вылучаецца па паўгадзіны для выступлення ў эфіры дзяржаўнага радыё і тэлебачання. Першыя выступы кандыдатаў у прэзідэнты Беларусі прайшлі 20 ліпеня.

Выступ Канапацкай

Свой выступ Ганна Канапацкая правяла на дзвюх дзяржаўных мовах: пачала на беларускай, пасля чаго яшчэ раз прадставіла сваю праграму на рускай. Яна падкрэсліла, што наступіў момант, калі беларусы павінны выбраць сваю будучыню, а таксама будучыня дзяцей і ўнукаў.

"Нам неабходна ў першую чаргу спыніць імклівае падзенне нашай краіны ў сацыяльную і эканамічную бездань. Трэба аднавіць тое, што страчана за чвэрць стагоддзя кіравання цяперашняй улады. Страшна, але мы страцілі больш за мільён нашых суграмадзян, апынуліся ў дэмаграфічнай яме, цалкам страцілі свой аўтарытэт у свеце і нават сярод суседзяў", - адзначыла яна.

Канапацкая раскрытыкавала цяперашні стан рэчаў у краіне, назваўшы прамысловасць адсталай, сельскую гаспадарку неэфектыўнай, а знешнія пазыкі велізарным. Яна лічыць, што трэба захаваць і вярнуць людзей, якія з'ехалі ў іншыя краіны, паколькі менавіта яны галоўнае багацце Беларусі.

"Мая праграма - Беларусь для людзей. Я зраблю. Праграма пабудавана на базавых прынцыпах дэмакратычнай еўрапейскай суверэннай сацыяльнай дзяржавы. Дзяржава для народа і для кожнага чалавека, які ў ёй жыве", - патлумачыла кандыдат у прэзідэнты.

Палітык нагадала, што сваю незалежнасць беларусы здабывалі і засцерагалі стагоддзямі. І цяпер яе трэба абараніць. Толькі нацыянальныя інтарэсы павінны быць асновамі знешняй палітыкі краіны.

"Беларусь з'яўляецца неад'емнай часткай еўрапейскай цывілізацыі, таму еўрапейскі шлях нашай краіны - гэта не пытанне геапалітычнага вагання паміж Масквой і Брусэлем, а ўсвядомлены і асэнсаваны ўдзел у еўрапейскіх структурах", - падкрэсліла Ганна Канапацкая.

Яна выступае за рэалізацыю закладзенага ў Канстытуцыі Беларусі імкнення да нейтралітэту і перагляд усiх мiжнародных дамоваў, якія не адпавядаюць нацыянальным інтарэсам краіны. Гэта тычыцца дамовы аб стварэнні Саюзнай дзяржавы, удзелу ў АДКБ, знаходжання расійскіх вайскоўцаў на тэрыторыі Беларусі.

Сярод прыярытэтных задач дзяржавы, на думку палітыка, - даць магчымасць кожнаму чалавеку зарабляць на годнае жыццё, стварыць новыя працоўныя месцы, рэфармаваць і мадэрнізаваць эканоміку, захаваць эфектыўныя прадпрыемствы, развіць тэхнічныя галіны, а таксама стварыць новыя сучасныя высокатэхналагічныя вытворчасці.
"Гэта тое, чым я займуся ў бліжэйшы час", - паабяцала Канапацкая.

Таксама ў якасці прэзідэнта яна плануе правесці сур'ёзныя змены ў сацыяльнай сферы сярод іх - узмацненне сацыяльнага забеспячэння мацярынства і дзяцінства, стварэнне праграм па стымуляванні нараджэння дзяцей, дапамога маладых сем'ям, забеспячэнне дадатковых сацыяльных гарантый сем'ям з дзецьмі, удасканаленне механізму атрымання мацярынскага капіталу. Акрамя таго, кандыдат у прэзідэнты прапануе знізіць ўзрост уступлення ў шлюб для жанчын да 17 гадоў са згоды бацькоў, павялічыць прызыўны ўзрост да 20 гадоў, прыраўняць фактычны шлюб да грамадзянскага, стварыць інстытут сурагатнага мацярынства і правесці пенсійную рэформу.

Канопацкая пералічыла і іншыя пункты сваёй перадвыбарчай праграмы.

"Я выступаю за бяскроўны, цывілізаваны, дэмакратычны пераход улады ў нашай краіне. Для гэтага я прапаную заканадаўча замацаваць абмежаванне адным сямігадовым тэрмінам знаходжання на пасадзе прэзідэнта Беларусі, прадастаўленне сацыяльных гарантый былому кіраўніку дзяржавы і членам яго сям'і з асаблівым механізмам прыцягнення яго да судовай адказнасці пры наяўнасці дастатковых падстаў. За час свайго прэзідэнцтва я буду ініцыяваць рэформы, накіраваныя на змену сістэмы дзяржаўнага кіравання ў форму парламенцка-прэзідэнцкай рэспублікі", - заявіла яна.

Кандыдат у прэзідэнты ў выпадку перамогі на выбарах збіраецца правесці фундаментальную падатковую рэформу, перагледзець крэдытна-фінансавую палітыку краіны, зачыніць неэфектыўныя вытворчасці, замацаваць прыватную ўласнасць на зямлю, прадаставіць ільготы для развіцця малога бізнесу. Яна таксама плануе рэфармаваць судовую сістэму і ўвесці мараторый на смяротнае пакаранне з наступнай яго адменай. Канапацкая абяцае "вярнуць спрадвечныя беларускія дзяржаўныя сімвалы" - герб "Пагоня" і бел-чырвона-белы сцяг.

"Дэмакратычная, сацыяльная, эканамічна развітая, з насельніцтвам, якое расце, Беларусь - гэта галоўная мэта ўсёй маёй палітычнай дзейнасці. Каб яе выканаць, у мяне ёсць усё: воля, сіла, упэўненасць у сваёй праўдзе, прафесійная каманда і час. Мне патрэбна толькі ваша падтрымка. Разам мы зможам пабудаваць шчаслівую і квітнеючую краіну, Беларусь для людзей", - сказала на заканчэнне Ганна Канапацкая.

Што сказаў Чарэчань?

Свой выступ кандыдат у прэзідэнты Беларусі Сяргей Чарэчань пачаў з аповяду пра сябе. Яму 35 гадоў, ён займаецца бізнесам і грамадскай дзейнасцю, у 2018 годзе быў абраны старшынёй партыі "Грамада". Пасля ён прэзентаваў сваю перадвыбарчую праграму "Эвалюцыя улады".

"Я нарадзіўся ў простай сям'і ў горадзе Крычаве, вучыўся ў Магілёве і ў Мінску і самастойна ўсяго дабіўся ў жыцці сам. Стварыў некалькі паспяховых бізнесаў, стаў кансультантам па антыкрызісным кіраванні, распрацоўваю і паспяхова ўкараняю стратэгіі развіцця для прадпрыемстваў. Але мне хочацца шчаслівага жыцця не толькі для сябе і сваіх блізкіх, калегаў і партнёраў, але і для ўсіх грамадзян Беларусі", - так ён патлумачыў сваё рашэнне балатавацца ў прэзідэнты.

Кандыдат прызнаўся, што ўдзел у прэзідэнцкіх выбарах для яго зусім не спантаннае рашэнне. Разам са сваёй камандай палітык прапрацоўваў комплексную праграму пераменаў, якія патрэбныя Беларусі.

"Як паказваюць апытанні, большая частка моладзі хоча з'ехаць з Беларусі, бо не верыць у перамены і шанцы на лепшую будучыню. Мы павінны змяніць гэта і зрабіць Беларусь такой краінай, у якой будзе камфортна жыць і нам, і нашым дзецям. Мы хочам пераменаў. Але мы не хочам цяжкіх узрушэнняў, крывавага супрацьстаяння і рэвалюцый. Мы выступаем за эвалюцыю ўлады, і ў нас ёсць праграма, як гэтая эвалюцыя павінна адбывацца", - заявіў Чарэчань.

У краіне трэба правесці эканамічныя пераўтварэнні. Трэба стварыць эка-сістэму для прадпрымальніцтва і фонды падтрымкі бізнесу. Трэба прыбраць фармальныя ліцэнзіі і працэдуры, якія перашкаджаюць працаваць, скараціць паўнамоцтвы правяраючых.

"Прыватная ініцыятыва павінна стаць галоўным рухавіком эканомікі. Роля дзяржавы трэба мінімізаваць ва ўсіх сферах, каб чыноўнікі не абмяжоўвалі бізнес, а садзейнічалі яго развіццю і стваралі ўмовы для прадпрымальніцкай ініцыятывы", - растлумачыў спікер.

12
Тэги:
Сяргей Чарэчань, Ганна Канапацкая, Беларусь, Выбары
Тэмы:
Выбары прэзідэнта Беларусі - 2020 (217)
Дзяржаўны сакратар Саюзнай дзяржавы Рыгор Рапота

Рапота распавёў аб актывізацыі шэрагу "дарожных карт" і адмене роўмінга

3
(абноўлена 09:30 21.09.2020)
Дзяржсакратар Саюзнай дзяржавы Рыгор Рапота распавёў аб далейшым збліжэнні Беларусі і Расіі і актуалізацыі "дарожных карт".

МІНСК, 21 вер - Sputnik. Міністэрствы сувязі дзвюх дзяржаў плануюць вырашыць пытанне з адменай роўмінгу паміж Беларуссю і Расіяй да канца года, пра гэта напярэдадні ў эфіры тэлеканала "Беларусь-1" заявіў дзяржсакратар Саюзнай дзяржавы Рыгор Рапота.

На пачатку мінулага тыдня ў Сочы адбылася сустрэча паміж прэзідэнтам Беларусі Аляксандрам Лукашэнкам і яго расійскім калегам Уладзімірам Пуціным. Як адзначае дзяржсакратар Саюзнай дзяржавы, пасля размовы лідараў краін па шэрагу напрамкаў намецілася актывізацыя ў збліжэнні двух краін. У прыватнасці, з "мёртвай кропкі" ссунуліся пытанні актуалізацыі дарожных карт.

Аднаўленне інтэграцыі

Па словах Рапоты, пасля падрыхтоўкі дарожных карт утварылася нейкая паўза "ў сілу розных абставінаў".

"Толькі зараз па некаторых дарожным картах прапанавана актывізаваць дзейнасць. У нас плануецца у гэтым месяцы пасяджэнне групы высокага ўзроўню і, магчыма, яно надасць дадатковы імпульс у рабоце над гэтымі дарожнымі картамі", - распавёў дзяржсакратар СД.

Ён адзначыў, што дадзеныя планы па інтэграцыі накіраваны на стварэнне яшчэ больш лепшых умоў для расіян і беларусаў у розных галінах, такіх як медыцынскае забеспячэнне, страхаванне, падаткаабкладанне.

"Дарэчы, вельмі важная сфера дзейнасці (падаткаабкладанне - Sputnik), якая павінна палегчыць працу бізнесу перш за ўсё", - сказаў Рапота.

Зараз Саюзнай дзяржаве прапанавана разгледзець гарманізацыю падатковага заканадаўства. Палітык мяркуе, што ў будучыні на гэтым узровень, магчыма, будуць абмяркоўвацца пытанні падатковых манеўраў па нафце і іншых энерганосьбітах.

"Такім чынам рух ёсць. Наколькі хутка ён дасць вынікі мне зараз казать цяжка, але рух пачаўся і, мне здаецца, дасягнута нейкае паразуменне, як рухацца далей. Вырашаць гэтую праблему (падатковыя манеўры і кошты на энерганосьбіты - Sputnik) у любым выпадку прыйдзецца. Гэта разуменне ёсць і гэта прымушае абодва бакі працаваць", - адзначыў Рапота.

Адмена роўмінга

Сярод мерапрыемстваў па выкананні "дарожных карт" значыцца і адмена роўмінга паміж Беларуссю і Расіяй. Нядаўна бакі абмеркавалі гэтае пытанне па відэаканферэнцыі на нарадзе зацікаўленых ведамстваў.

"Міністэрствы сувязі, якія рэалізуюць гэтую задуму, радуюць нас абяцаннямі у гэтым годзе вырашыць гэтую праблему. Ці атрымацца гэта ў гэтым годзе ці крыху пазней, паглядзім. Але праца вядзецца", - паведаміў Рапота.

Праца па адмене роўмінга на тэрыторыі Саюзнай дзяржавы вядзецца з 2017 года. У снежні 2019-га зацверджана адпаведная "дарожная карта". Згодна з дакументам, плата за ўваходныя званкі ў роўмінгу павінна быць адменена не пазней за верасень 2020 года. Наступная нарада паміж міністэрствамі дзвюх краін па пытанні адмены роўмінга плануецца правесці праз пяць дзён.

3
Тэги:
Саюзная дзяржава, Рыгор Рапота
Міністр замежных спраў Уладзімір Макей

Беларусь у адказ на санкцыі прыме меры ў адносінах да замежных СМІ

51
Міністэрства замежных спраў у выпадку, калі заходнія краіны ўвядуць рэстрыкцыі, гатова пайсці на крокі ў адказ у дачыненні да функцыянавання акрэдытаваных у рэспубліцы СМІ.

МІНСК, 18 вер - Sputnik. Беларускі бок у выпадку санкцый з боку Еўрасаюза, прыме адпаведныя крокі ў адказ, заявіў у эфіры тэлеканала СТБ міністр замежных спраў Уладзімір Макей.

Паводле яго слоў, у МЗС Беларусі ведаюць, што 21 верасня міністры замежных спраў краін ЕС будуць абмяркоўваць пытанне аб санкцыях, аб персанальных санкцыях у дачыненні да беларускіх афіцыйных асоб.

"Мы гатовыя да гэтага, мы ніколі не будзем ініцыяваць нейкія дзеянні, накіраваныя на пагаршэнне стасункаў з нашым важным партнёрам - Еўрапейскім саюзам і асобнымі краінамі-членамі", - запэўніў кіраўнік знешнепалітычнага ведамства.

Пры гэтым ён зрабіў акцэнт, што Мінск знаходзіцца ў стане поўнай гатоўнасці, каб "даць адэкватны адказ на падобнага роду разбуральныя дзеянні".

Макей запэўніў, што ў выпадку ўвядзення абмежавальных мер у дачыненні да беларускіх уладаў, афіцыйны Мінск будзе вымушаны прыняць "адпаведныя крокі, звязаныя з ўнутрыпалітычным функцыянаваннем дзяржаў".

"Гэта можа тычыцца і палітычнай сістэмы, і функцыянавання замежных СМІ, акрэдытаваных у Беларусі, і шэрагу іншых крокаў", - растлумачыў кіраўнік МЗС рэспублікі.

51
Тэги:
МЗС Беларусі, Уладзімір Макей, Беларусь