Лукашэнка даручыў выправадзіць СМІ, якія клічуць на майданы

Лукашэнка даручыў выправадзіць СМІ, якія "клічуць на майданы"

9
(абноўлена 15:05 23.07.2020)
Кіраўнік дзяржавы патрабуе ад урада рашуча рэагаваць на дэструктыўную інфармацыю ў СМІ.

МІНСК, 23 ліп - Sputnik. Прэзідэнт Беларусі Аляксандр Лукашэнка запатрабаваў высылаць з краіны прадстаўнікоў замежных СМІ, якія парушаюць беларускія законы і "клічуць на майданы", пра гэта ён заявіў сёння на нарадзе з кіраўніцтвам эканамічнага блока краіны.

Падчас нарады прэзідэнт запатрабаваў ад адказных асоб надаваць больш пільную ўвагу працы ў інфармацыйным полі.

"Вядома, мяне здзіўляе ў апошні час работа Адміністрацыі прэзідэнта, прэс-сакратара, ды, думаю, і Наталля Іванаўна (Качанава - Sputnik) магла б на гэта больш пільна паглядзець", - выказаўся кіраўнік дзяржавы, відэа з яго словамі апублікаваў Telegram-канал "Пул Першага".

Лукашэнка адзначыў, што гаворка ідзе не толькі аб інтэрнэт-СМІ, але і пра папяровыя.

"Я сёння ўзяў ўсе газеты, паглядзеў на так званую "Комсомольскую правду" ў Беларусі. Ужо хутка ў жаўцізну ператворыцца. Ці бачыце, кіраўнік іх, седзячы ў Маскве, ці то ў Крамлі, выступіў з заявай, і пачалася тэндэнцыйная падача інфармацыі", - сказаў Лукашэнка.

Кіраўнік дзяржавы прапанаваў журналістам паехаць у поле, дзе ідзе "сапраўднае бітва, барацьба за ўраджай". На яго думку, трэба расказваць пра простых людзей - "рабацяг, якія кормяць краіну".

"Усё ж заўтра пабягуць у крамы, гэтыя пісакі, каб купіць кавалак хлеба сабе, родным, блізкім, дзецям", - заявіў ён.
Лукашэнка патрабуе ад адказных асоб выконваць абавязкі, а не чакаць спецыяльных указанняў "зверху".

"Слухайце, мы гаспадары ў гэтай краіне. Выконвайце свае абавязкі. Не можаце - скажыце, што вы не можаце. Будуць іншыя гэтым займацца", - падкрэсліў ён.

"Ды і ва ўрадзе ў нас, міністэрстве замежных спраў усе сядзяць, чакаюць каманду Прэзідэнта. Што гэта за стаўленне да краіны? BBC, "Свабода", "Свабодная Еўропа" і гэтак далей, стрымы гэтыя... Я ўжо не кажу пра тэндэнцыёзе, яны ж заклікаюць да масавых беспарадкаў. Чаму вы гэта церпіце? Вы ж іх акрэдытавалі тут", - звярнуўся Лукашэнка да кіраўніцтва МЗС.

Прэзідэнт упэўнены, што ў такіх выпадках неабходна прымаць меры, нават нягледзячы на перадвыбарчы перыяд.
"Не трэба чакаць ніякага канца электаральнай кампаніі. Выдварайце адсюль, калі яны не выконваюць нашы законы і клічуць людзей на майданы", - даручыў ён.

Кіраўнік дзяржавы дадаў, што паўтараць ён больш не будзе, нягледзячы на тое, што краіна ў складаным электаральным перыядзе.

"Гэта ж не справа - абраза за абразай. Добра мяне там папэцкалі ўздоўж і папярок. Ужо накінуліся на ні ў чым не вінаватых старшыняў участковых камісій. А ў іх жа сем'і, дзеці", - адзначыў прэзідэнт.

У канцы чэрвеня гэтага года, пасля шэрагу пратэстных акцый у Беларусі, міністр унутраных спраў Юрый Караеў заявіў аб тым, што яны кіруюцца пры дапамозе Telegram-каналаў і анлайн-стрымаў "Радыё Свабода". Пры гэтым кіраўнік МУС заяўляў пра небяспеку падобных акцый, так як яны могуць "зачапіць" выпадковых людзей.

Пасля заявы Караева журналісты пацікавіліся ў кіраўніка МЗС Уладзіміра Макея, ці не будзе "Радыё Свабода" пазбаўленая акрэдытацыі ў Беларусі. На той момант, казаў міністр, такое пытанне не стаяла, аднак "калі журналісты хочуць працаваць у якасці штатных супрацоўнікаў "Радыё Свабода"- гэта адно, але калі яны будуць займацца адначасна іншай дзейнасцю, звязанай з іх працай у нейкіх незалежных Telegram- каналах, то гэта іншае". Таксама ён заклікаў выконваць беларускае заканадаўства.

Усе замежныя СМІ для працы ў Беларусі абавязаныя атрымліваць спецыяльную акрэдытацыю пры МЗС. Без яе журналісцкай дзейнасцю прадстаўнікі замежных выданняў займацца ў рэспубліцы не могуць, за гэта іх могуць прыцягваць да адміністрацыйнай адказнасці.

9
Тэги:
СМІ, Выбары, Аляксандр Лукашэнка
Міністр замежных спраў Уладзімір Макей

Беларусь у адказ на санкцыі прыме меры ў адносінах да замежных СМІ

51
Міністэрства замежных спраў у выпадку, калі заходнія краіны ўвядуць рэстрыкцыі, гатова пайсці на крокі ў адказ у дачыненні да функцыянавання акрэдытаваных у рэспубліцы СМІ.

МІНСК, 18 вер - Sputnik. Беларускі бок у выпадку санкцый з боку Еўрасаюза, прыме адпаведныя крокі ў адказ, заявіў у эфіры тэлеканала СТБ міністр замежных спраў Уладзімір Макей.

Паводле яго слоў, у МЗС Беларусі ведаюць, што 21 верасня міністры замежных спраў краін ЕС будуць абмяркоўваць пытанне аб санкцыях, аб персанальных санкцыях у дачыненні да беларускіх афіцыйных асоб.

"Мы гатовыя да гэтага, мы ніколі не будзем ініцыяваць нейкія дзеянні, накіраваныя на пагаршэнне стасункаў з нашым важным партнёрам - Еўрапейскім саюзам і асобнымі краінамі-членамі", - запэўніў кіраўнік знешнепалітычнага ведамства.

Пры гэтым ён зрабіў акцэнт, што Мінск знаходзіцца ў стане поўнай гатоўнасці, каб "даць адэкватны адказ на падобнага роду разбуральныя дзеянні".

Макей запэўніў, што ў выпадку ўвядзення абмежавальных мер у дачыненні да беларускіх уладаў, афіцыйны Мінск будзе вымушаны прыняць "адпаведныя крокі, звязаныя з ўнутрыпалітычным функцыянаваннем дзяржаў".

"Гэта можа тычыцца і палітычнай сістэмы, і функцыянавання замежных СМІ, акрэдытаваных у Беларусі, і шэрагу іншых крокаў", - растлумачыў кіраўнік МЗС рэспублікі.

51
Тэги:
МЗС Беларусі, Уладзімір Макей, Беларусь
Валадарка - СІЗА №1 Мінска

Паслы ЕС у Мінску заклікалі вызваліць зняволеных па палітычных матывах

6
(абноўлена 17:12 18.09.2020)
Дыпламаты абяцаюць прыносіць на кожную сустрэчу з беларускімі чыноўнікамі спіс грамадзян, якіх яны лічаць палітычнымі вязьнямі.

МІНСК, 18 вер - Sputnik. Еўрапейскія паслы заклікалі ўлады Беларусі вызваліць усіх, хто знаходзіцца пад вартай па палітычных матывах, пра гэта гаворыцца ў паведамленні на афіцыйнай старонцы прадстаўніцтва ЕС у Facebook.

"Мы, кіраўнікі дыпламатычных місій, якія працуюць у Мінску, краін Еўрапейскага саюза, заклікаем улады Беларусі дзейнічаць у адпаведнасці са сваімі міжнароднымі абавязацельствамі і вызваліць усіх, хто знаходзіцца пад вартай па палітычных матывах на працягу апошніх некалькіх месяцаў", - звярнуліся еўрапейскія дыпламаты да беларускіх уладаў.

Пры гэтым яны выказалі салідарнасць з усімі беларускімі палітвязнямі, а менавіта некалькімі дзесяткамі мужчын і жанчын, якія апынуліся пад вартай несправядліва за тое, што адстойвалі дэмакратычныя свабоды.

"З гэтага дня кожны з нас будзе прыносіць копію спісу палітвязняў у Беларусі на кожную сустрэчу з беларускімі чыноўнікамі", - паведамілі дыпламаты.
У прадстаўніцтве Еўрасаюза падкрэслілі, што да мірнага ўрэгулявання крызісу ў рэспубліцы можа прывесці толькі ўсёабдымны нацыянальны дыялог.

Пры гэтым павінны выконвацца асноўныя правы і свабоды беларускага народа, а таксама забяспечвацца дэмакратычныя працэдуры.

6
Тэги:
Мінск, Еўрасаюз
Багач

Багач на парозе: завяршаем гаспадарчую працу і назіраем за надвор’ем

845
(абноўлена 10:03 14.09.2020)
Этнограф Ларыса Мятлеўская распавядае аб народных традыцыях, звязаных са святам ураджаю.

Згодна з беларускім народным календаром сёння святкуецца Малая Прачыстая або Багач — так называюць заключнае свята збору ўраджаю.

На вёсцы ў гэты дзень усе жыхары збіраліся талакой, перш за ўсё рабілі Багач — лубок з зернем, у сярэдзіну якога ўстаўлялася свечка. Кожны вясковец па жменьцы прыносіў зерне новага ўраджаю для Багача. У адну з хат запрашалі святара, а пасля набажэнства лубок з жытам або пшаніцай і запаленай свечкай праносілі па вёсцы і абавязкова вакол статка. У працэсіі ўдзельнічалі усе жыхары вёскі.

Пшеничное поле, архивное фото
© Sputnik / Сергей Венявский
Пшанічнае поле

Потым Багач размяшчалі пад абразамі на покуці хаты тых гаспадароў, якіх грамада ў гэтым годзе абрала лепшымі. Усе гэтыя дзеянні былі скіраваныя на захаванне дабрабыту, ураджайнасці, плоднасці жывёлы і сямейнага ладу.

У народзе гэты дзень лічылі не толькі часам падвядзення вынікам.

Пятровіца – 2018
© Sputnik Альфрэд Мікус
Багач - свята ўраджаю

Менавіта на Багач нашы продкі планавалі будучыя работы, таму і з'явіліся такія прымаўкі:"Багач — бярыся за рагач (саху), ідзі пад авёс араць", "Прыйшоў Багач — кідай рагач, бяры сявеньку і сей памаленьку".

Што рабілі нашы продкі

На Багача сяляне імкнуліся адпачыць ад гаспадарчай працы: хадзілі адзін да аднаго ў госці, ладзілі кірмаш і гулянні, падчас якіх хлопцы выглядалі дзяўчат, а дзяўчаты куплялі чырвоныя хусткі і пацеркі ды чакалі жаніхоў.

Слуцкія паясы-2017
© Sputnik Альфрэд Мікус
Абавязкова на Багач ладзілі кірмашы

Гэта было дарэчы, паколькі ў некаторых мясцінах Беларусі вяселлі ладзіліся пераважна ўвосень, да Каляднага посту.

Гаспадыні да гэтага свята пяклі хлеб і пірагі, а таксама гатавалі розныя стравы з гародніны і мяса. У заходніх раёнах Беларусі на Багача забівалі хатнюю скаціну, а гаспадароў, якія шкадавалі гэта рабіць, перасцерагалі, што "жывёлу воўк парве".

Таксама у гэты дзень назіралі за надвор'ем і паводзінамі жывёл. Напрыклад, калі раніцай туман, то хутка пойдуць дажджы, калі ж дзень ясны, то добрае надвор'е пратрымаецца да канца кастрычніка. Калі пасля Малой Прачыстай хатняя жывёла імкнецца на пашу вельмі рана, то і зіма будзе ранняя.

845
Тэги:
народныя прыкметы, Народныя традыцыі, Багач, Беларусь