Сцягі з сімволікай Еўрасаюза

ЕС занепакоены сітуацыяй у Беларусі напярэдадні прэзідэнцкіх выбараў

10
(абноўлена 09:48 24.07.2020)
Прадстаўнікі Еўрасаюза заклікалі Мінск вызваліць усіх затрыманых палітычных актывістаў і выказалі шкадаванне, што Беларусь своечасова не выслала запрашэнне назіраць за выбарамі ў БДІПЧ АБСЕ.

МІНСК, 24 ліп - Sputnik. Еўрасаюз занепакоены сітуацыяй з невыкананнем асноўных свабод афіцыйным Мінскам у ходзе перадвыбарнай кампаніі, гэтая тэма абмяркоўвалася на пазачарговай сустрэчы высокапастаўленых службовых асоб ЕС і Беларусі ў Брусэлі, гаворыцца ў паведамленні, распаўсюджаным прадстаўніцтвам ЕС у рэспубліцы.

Дэлегацыю ЕС узначальваў выканаўца абавязкаў кіраўніка дырэктара па Усходняй Еўропе і Цэнтральнай Азіі Еўрапейскай службы знешніх дзеянняў Люк Дэвінь, дэлегацыю Беларусі - намеснік міністра замежных спраў Алег Краўчанка.

У першую чаргу, прадметам абмеркавання стала сітуацыя ў галіне правоў чалавека і дэмакратыі напярэдадні выбараў прэзідэнта Беларусі, якія пройдуць 9 жніўня. Прадстаўнікі Еўрасаюза ў чарговы раз выказалі занепакоенасць тым, што ў Беларусі не выконваюцца асноўныя свабоды, а выключэнне кандыдатаў з выбарчага працэсу бачыцца адвольным.

"ЕС заклікаў Беларусь вызваліць усіх адвольна затрыманых палітычных актывістаў і забяспечыць іх доступ да юрыдычнай дапамогі, а таксама справядлівае, бесстаронняе і празрыстае расследаванне ва ўсіх выпадках", - гаворыцца ў паведамленні прадстаўніцтва.

Акрамя таго, Еўрасаюз выказаў шкадаванне, што Мінск загадзя не выслаў запрашэнне ў адрас БДІПЧ АБСЕ для накіравання ў Беларусь назіральнікаў, у выніку чаго арганізацыя адмовілася ад назірання за прэзідэнцкімі выбарамі. Еўропа заклікала Беларусь выконваць міжнародныя выбарчыя стандарты на працягу пакінутай часткі выбарчага працэсу.

Прадстаўнікі ЕС і Беларусі таксама абмеркавалі ход перамоваў аб прыярытэтах партнёрства, назваўшы гэты дакумент важным сродкам умацавання двухбаковага супрацоўніцтва ў рамках Усходняга партнёрства.

Беларусь у чарговы раз заклікалі працягваць цеснае супрацоўніцтве з Групай еўрапейскіх рэгулятараў ў сферы ядзернай бяспекі ў выкананні рэкамендацый, дадзеных па выніках стрэс-тэстаў на Астравецкай АЭС.

"У гэтай сувязі ЕС вітае пагадненне аб правядзенні партнёрскай праверкі Нацыянальнага плана дзеянняў Беларусі з намерам завяршыць гэтую працу да канца гэтага года", - распавялі ў прадстаўніцтве ЕС у Беларусі.

Нагадаем, у дадзены момант у Беларусі праходзіць перадвыбарная кампанія. Выбары прэзідэнта рэспублікі пройдуць 9 жніўня. Кандыдатамі ў прэзідэнты зарэгістравалі пецярых прэтэндэнтаў на пост: Аляксандра Лукашэнку, Святлану Ціханоўскую, Ганну Канапацкую, Андрэя Дзмітрыева і Сяргея Чарэчня. Двум прэтэндэнтам, Віктару Бабарыку і Валерыю Цапкалу, у рэгістрацыі адмовілі.

10
Тэги:
ЕС, Беларусь, Выбары
Тэмы:
Выбары прэзідэнта Беларусі - 2020 (217)
Дзмітрый Пяскоў

У Крамлі не сталі каментаваць інаўгурацыю Лукашэнкі

7
(абноўлена 13:00 23.09.2020)
Прэс-сакратар расійскага лідара не ведае, ці павіншуе прэзідэнт РФ беларускага калегу з інаўгурацыяй.

МІНСК, 23 вер - Sputnik. Прэс-сакратар прэзідэнта Расіі Уладзіміра Пуціна Дзмітрый Пяскоў не стаў каментаваць інаўгурацыю прэзідэнта Беларусі Аляксандра Лукашэнкі, паведамляе РІА "Новости".

У сераду, 23 верасня, у Палацы Незалежнасці ў Мінску адбылася інаўгурацыя абранага прэзідэнта Беларусі Аляксандра Лукашэнкі. Мерапрыемства не анансавалася ў дзяржСМІ, пра яго паведамілі, калі кіраўнік дзяржавы прыняў прысягу.

"Я тут f,zhe ніяк не каментаваць. Бо гэта абсалютна суверэннft, eнутранае рашэнне беларускага кіраўніцтва. Калі яно прынята, значыць, так палічылі мэтазгодным. Я не магу ніяк гэта каментаваць", - сказаў Пяскоў журналістам.

Ён дадаў, што асабіста не "асабіста не размяшчаў інфармацыяй аб гэтым (інаўгурацыі - Sputnik)".

Каментуючы пытанне аб тым, ці запрашалі прэзідэнта РФ Уладзіміра Пуціна на інаўгурацыю Лукашэнкі, Пяскоў адзначыў, што пратаколам не прадугледжана прысутнасць замежных лідараў на цырымоніі інаўгурацыі.

Прэс-сакратар расійскага лідара адзначыў, што не ведае, ці павіншуе прэзідэнт РФ беларускага калегу з інаўгурацыяй.

"Я не магу вам сказаць, звычайна, з інаўгурацыяй, бывае, вядома, у пратакольным парадку нейкія віншаванні, ці можа быць ён вырашыць патэлефанаваць, але ў сапраўдны момант я пакуль не валодаю такой інфармацыяй", - сказаў Пяскоў.

Ён нагадаў, што Пуцін віншаваў Лукашэнку з перамогай на прэзідэнцкіх выбарах.

Пяскоў дадаў, што пакуль Пуцін не плануе здзяйсняць візіт у Мінск.

7
Тэги:
Аляксандр Лукашэнка, Дзмітрый Пяскоў
Лукашэнка ўступіў на пасаду прэзідэнта

Лукашэнка ўступіў на пасаду прэзідэнта

18
(абноўлена 16:27 23.09.2020)
Сёння каля будынка Палаца Незалежнасці назіралася вялікая колькасць тэхнікі, а таксама вайскоўцы з роты ганаровай варты, але прэс-служба прэзідэнта не стала пацвярджаць правядзенне інаўгурацыі.

МІНСК, 23 вер - Sputnik. Аляксандр Лукашэнка ўступіў на пасаду прэзідэнта Беларусі, а сама цырымонія інаўгурацыі зараз праходзіць у Палацы Незалежнасці.

Правядзенне інаўгурацыі трымалася ў таямніцы, а прэс-сакратар кіраўніка дзяржавы Наталля Эйсмант сёння ў каментары РІА "Новости" заявіла, што "бліжэй да часу інаўгурацыі мы вам абавязкова паведамім".

Высокія госці былі запрошаны ў рэзідэнцыю беларускага прэзідэнта ў апошні момант. На цырымоніі прысутнічалі дэпутаты парламента, чыноўнікі, а таксама прадстаўнікі дзяржаўных СМІ і грамадскасці.

Аляксандр Лукашэнка згодна з Канстытуцыяй краіны прынёс прысягу на беларускай мове, пры гэтым ён пакляўся "верна служыць народу Рэспублікі Беларусь, паважаць і ахоўваць правы і свабоды чалавека і грамадзяніна, выконваць і абараняць Канстытуцыю Рэспублікі Беларусь, свята і добрасумленна выконваць ускладзеныя на мяне высокія абавязкі".

Пасля гэтага кіраўнік дзяржавы падпісаў акт аб прынясенні прысягі, услед за гэтым кіраўнік ЦВК Лідзія Ярмошына ўручыла Аляксандру Лукашэнку пасведчанне прэзідэнта Рэспублікі Беларусь.

У Цэнтрвыбаркаме за паўгадзіны да правядзення ўрачыстай цырымоніі паведамілі, што Лідзія Ярмошына адсутнічае на працоўным месцы, але не змаглі пацвердзіць, што яна прымае ўдзел у інаўгурацыі прэзідэнта.

Галоўная электаральная кампанія ў рэспубліцы завяршылася 9 жніўня. Паводле афіцыйных дадзеных за Лукашэнку прагаласавалі 80,1% выбаршчыкаў. Агульная яўка склала 84,28%, прычым датэрмінова прагаласавала больш за 40% беларусаў, якія маюць права голасу.

Пасля абвяшчэння вынікаў у Беларусі пачалі праходзіць акцыі пратэсту грамадзян, якія такім чынам выказваюць сваю нязгоду з вынікамі выбараў прэзідэнта рэспублікі.

18
Тэги:
Аляксандр Лукашэнка, Беларусь
Жыхары Буэнас-Айрэса ў парку

ААН: спад у сусветнай эканоміцы з-за пандэміі COVID перавысіць 4%

0
(абноўлена 15:25 23.09.2020)
Найбольш адчувальным будзе падзенне аб'ёмаў вытворчасці ў развітых краінах, а вось у эканамічным і сацыяльным планах пацерпяць дзяржавы, што развіваюцца.

МІНСК, 23 вер - Sputnik. Спад у сусветнай эканоміцы ў сувязі з пандэміяй каронавіруса перавысіць 4% у бягучым годзе. Такі прагноз утрымліваецца ў дакладзе Канферэнцыі ААН па гандлі і развіцці (ЮНКТАД).

Аналітыкі прыводзяць у дакладзе і іншыя важнейшыя паказчыкі: унутраная актыўнасць зніжана практычна паўсюдна, гэта не можа не адбівацца на эканоміцы.

"Сусветнs гандаль у бягучым годзе скароціцца прыкладна на адну пятую, прамыя замежныя інвестыцыі - да 40%, а грашовыя пераклады - больш чым на 100 мільярдаў долараў", - перакананыя спецыялісты ЮНКТАД ААН.

На думку экспертаў, найбольш адчувальным будзе падзенне аб'ёмаў вытворчасці ў развітых краінах. А вось у эканамічным і сацыяльным планах пацерпяць краіны, якія развіваюцца з высокім узроўнем "нефармальнай эканомікі", у якіх асноўнымі крыніцамі замежных сродкаў з'яўляюцца сыравінныя рэсурсы і турызм.

ААН прагназуе, што ў такіх краінах 90-120 мільёнаў чалавек сутыкнуцца з крайняй галечай, а каля яшчэ 300 мільёнаў - з праблемай "адсутнасці харчовай бяспекі".

Устойлівае аднаўленне сусветнай эканомікі пасля пандэміі магчыма толькі ў выпадку цеснага ўзаемадзеяння краін, перакананыя эксперты: павінна быць ажыццёўлена мэтанакіраваная бюджэтная экспансія пад кіраўніцтвам дзяржаў з развітой эканомікай.

0
Тэги:
ААН, каронавірус
Тэмы:
Каронавірус COVID-19