Дом урада

Сустрэча з кандыдатамі ў ЦВК прайшла пры ўдзеле дзяржсакратара Савета бяспекі

12
(абноўлена 11:08 30.07.2020)
Таксама на сустрэчы ў ЦВК прысутнічала кіраўнік Савета рэспублікі Наталля Качанава ў якасці даверанай асобы дзеючага прэзідэнта Аляксандра Лукашэнкі.

МІНСК, 30 ліп - Sputnik. Тэрміновая сустрэча з кандыдатамі ў прэзідэнты прайшла ў ЦВК пры ўдзеле сакратара Савета бяспекі Андрэя Раўкова, паведамляе карэспандэнт Sputnik.

"Кандыдатам даведзена інфармацыя аб тым, як праводзіць масавыя мерапрыемствы", - паведаміў Раўкоў журналістам, выйшаўшы з будынку? дзе прайшло пасяджэнне ЦВК.

Напярэдадні кандыдаты паведамілі пра тое, што іх выклікаюць у чацвер раніцай на тэрміновае пасяджэнне ЦВК Беларусі. За некалькі хвілін да прызначанага часу ў Дом ураду прыбыў Сяргей Чарэчань, Святлана Ціханоўская, Ганна Канапацкая, Андрэй Дзмітрыеў. Усе яны заявілі, што не ведаюць, у сувязі з чым яны былі тэрмінова запрошаныя ў ЦВК.

Андрэй Раўкоў па выніках пасяджэння паведаміў журналістам, што масавыя мерапрыемствы, звязаныя з выбарамі, забараняцца не будуць.

"Яны будуць праводзіцца з падвышанымі мерамі бяспекі", - сказаў Раўкоў.

Пікеты адмяняць не будуць

Таксама на дадзенай сустрэчы ЦВК прысутнічала кіраўнік Савета рэспублікі Наталля Качанава ў якасці даверанай асобы дзеючага прэзідэнта Аляксандра Лукашэнкі.

"Нас запрасілі, каб папярэдзіць пра тое, што мы павінны забяспечыць бяспеку людзей, з якімі мы сустракаемся ў разгар выбарчай гонкі", - сказала Качанава журналістам.

Кандыдат у прэзідэнты Сяргей Чарэчань таксама завіў журналістам, што "асноўная мэта сустрэчы ў ЦВК - папярэдзіць пра магчымыя правакацыі падчас выбараў".

Паводле яго слоў, Раўкоў папярэдзіў, што такія правакацыі могуць быць падчас масавых мерапрыемстваў і мітынгаў. Кандыдат дадаў, што Сакратар Савета бяспекі паведаміў: "былі затрыманыя баевікі, такіх баевікоў, хутчэй за ўсё, на тэрыторыі Беларусі яшчэ шмат. Плюс рыхтуюцца групоўкі, якія плануюць уехаць на тэрыторыю Беларусі да 9 жніўня".

Ганна Канапацкая распавяла журналістам, што на сустрэчы ў ЦВК было заяўлена: "не будуць ушчэмленыя ні правы грамадзян, ні правы кандыдатаў пры правядзенні пікетаў". Паводле яе слоў, на масавых мерапрыемствах будуць устаноўлены дадатковыя агароджы, рамкі і будзе праводзіцца дагляд грамадзян.

Яшчэ адзін кандыдат - Святлана Ціханоўская - паведаміла журналістам, што па выніках сустрэчы ў ЦВК яны не будуць адмяняць раней запланаваныя масавыя мерапрыемствы.

"Пікет (па ўсёй бачнасці маецца на ўвазе запланаванае на сёння мерапрыемства ў Мінску - Sputnik) адбудзецца, адказнасць па мерах бяспекі ўзяла на сябе дзяржава", - сказала Ціханоўская журналістам, выйшаўшы з ЦВК.

Павышаныя меры бяспекі

Кандыдат у прэзідэнты Андрэй Дзмітрыеў распавёў, што Раўкоў паведаміў аб магчымым фарміраванні "груповак баявікоў" пад Невелем і Псковам.

"Сёння пра ўзмацненне межаў Раўкоў не казаў", - сказаў Дзмітрыеў. І дадаў, што дзяржсакратар Савета бяспекі заявіў, што ў "выпадку пагрозы могуць адключаць інтэрнэт".

"На думку Савета бяспекі, дзеянні баевікоў могуць быць накіраваны на масавыя мерапрыемствы", - сказаў Дзмітрыеў.

Пры гэтым ён паведаміў, што задаваў пытанне Раўкову, ці ёсць у затрыманых зброя, на што той даў адмоўны адказ.

З чаго ўсё пачалося

У сераду інфармацыйнае агенства БелТА паведаміла пра затрыманне супрацоўнікамі праваахоўных органаў Беларусі пад Мінскам "32 баевікоў замежнай прыватнай вайсковай кампаніі". Пазней з'явілася інфармацыя пра затрыманне яшчэ аднаго чалавека.

Прэзідэнт Беларусі Аляксандр Лукашэнка ў гэты ж дзень правёў нараду, на якой даручыў звярнуць увагу на правядзенне масавых мерапрыемстваў у краіне.

12
Тэги:
ЦВК Рэспублікі Беларусь, Беларусь, Выбары
Тэмы:
Выбары прэзідэнта Беларусі - 2020 (222)
Пасол Расіі ў Беларусі Яўген Лук'янаў

Пасол Лук'янаў: Беларусь і Расія павінны абараняць свае гістарычныя перамогі

2
(абноўлена 13:38 12.06.2021)
Кіраўнік расійскай дыпмісіі прыняў удзел у цырымоніі размяшчэння ў крыпце Усіхсвяцкага храма ў Мінску капсулы з зямлёй з месцаў гібелі беларусаў у Крымскай вайне.

МІНСК, 12 чэр – Sputnik. Надзвычайны і паўнамоцны пасол Расіі ў Беларусі Яўген Лук'янаў заявіў пра важнасць захавання гістарычнай праўды.

"Мы павінны ведаць і памятаць нашу гісторыю, і да таго часу, пакуль мы яе памятаем, у нас ёсць будучыня", - падкрэсліў пасол на цырымоніі ва Усіхсвяцкім храме ў Мінску.

Кіраўнік расійскай дыпмісіі ў Мінску сёння прыняў удзел у цырымоніі размяшчэння ў крыпце Усіхсвяцкага храма капсулы з зямлёй беларусаў, якія загінулі ў час Крымскай вайны 1853-1856 гадоў.

"Тое, што гэта падзея супала з Днём Расіі, лішні раз пацвярджае пераемнасць гісторыі", - сказаў ён.

Расійскі дыпламат таксама адзначыў, што дзве краіны - Беларусь і Расія - павінны ўмець абараняць гістарычную памяць.

"Мы павінны абараняць нашу гістарычную памяць, нашу праўду, не замоўчваць нашы паражэнні, выпраўляць іх і нікому не дазваляць запляміць або замараць, або так скажам, "зафоташопіць" нашы перамогі", - падкрэсліў пасол.

Сцяг над Рэйхстагам быў чырвонага колеру, і толькі палітычныя дальтонікі не могуць гэта разглядзець, падкрэсліў дыпламат. "Мы, і расіяне, і беларусы, ад гэтага захворвання не пакутуем", сказаў пасол.

Падалтарная Крыпта, у якой знаходзяцца астанкі воінаў, беларусаў, якія загінулі ў бітвах трох войнаў - Айчыннай 1812, Першай сусветнай і Вялікай Айчыннай вайны 1941-1945 гадоў, не мае аналагаў у свеце. Першыя астанкі воінаў былі пахаваны тут у 2010 годзе. З сённяшняга дня ў ёй будзе знаходзіцца зямля з Севастопаля, дзе ў 1853-1856 годзе загінулі беларусы, якія ваявалі ў тых бітвах. Напярэдадні яе даставілі з гэтага гераічнага горада. Як растлумачылі Sputnik ва Усіхсвяцкім храме, цяпер царква будзе маліцца за гэтых воінаў "вякі вечныя".

У мерапрыемстве, акрамя прадстаўнікоў расійскага пасольства, прынялі ўдзел ветэраны, а таксама беларусы Крыма.

Чытайце таксама:

2
Тэги:
Крымская вайна, беларусы, Мінск, Усіхсвяцкі храм, дыпмісія, кіраўнік, перамога, Расія, Беларусь, Яўген Лук'янаў, пасол
Тэмы:
Саюзная дзяржава Беларусі і Расіі
Прэзідэнты Аляксандр Лукашэнка і Уладзімір Пуцін

Загартаваныя адносіны: Лукашэнка павіншаваў Пуціна і расіян з Днём Расіі

24
(абноўлена 10:48 12.06.2021)
Беларускі лідэр перакананы, што ў адносінах дзвюх краін будуць адкрывацца новыя перспектыўныя напрамкі супрацоўніцтва з улікам узаемных інтарэсаў.

МІНСК, 12 чэр – Sputnik. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў прэзідэнта Расіі Уладзіміра Пуціна і ўсіх расіян з Днём Расіі, цытуе дзяржагенства БЕЛТА прэс-службу беларускага лідэра.

У сваім віншаванні беларускі лідэр назваў Расійскую Федэрацыю "вялікай краінай з унікальнай гісторыяй і бясцэннай культурнай спадчынай".

"Эканамічны патэнцыял, які расце, прарыўныя ідэі ў навукова-тэхнічнай сферы, маштабныя сацыяльныя праекты якасна пераўтвараюць цяперашняе аблічча Расіі, умацоўваючы яе аўтарытэт на міжнароднай арэне", - сказана ў віншаванні.

Прэзідэнт Беларусі таксама выказаў упэўненасць, што беларуска-расійскія адносіны, "загартаваныя ў супрацьстаянні сучасным пагрозам", будуць прырастаць новымі перспектыўнымі напрамкамі супрацоўніцтва ў інтарэсах абедзвюх краін і народаў.

Віншаванні ад прэзідэнта Беларусі накіраваны таксама прэм'ер-міністру Расіі Міхаілу Мішусціну, старшыні Савета Федэрацыі Валянціне Мацвіенка, старшыні Дзярждумы Вячаславу Валодзіну.

Дзень Расіі - гісторыя свята

Дэкларацыя аб дзяржаўным суверэнітэце Расіі, у якой было абвешчана вяршэнства Канстытуцыі Расіі і яе законаў, была прынята 12 чэрвеня 1990 года.

11 чэрвеня 1992 года Вярхоўны савет РФ выдаў пастанову аб прысваенні даце 12 чэрвеня статусу святочнага непрацоўнага дня, у Кодэкс законаў аб працы РФ былі ўнесены адпаведныя змены.

Указам прэзідэнта Расіі Барыса Ельцына ад 2 чэрвеня 1994 года Дзень прыняцця Дэкларацыі аб дзяржаўным суверэнітэце РСФСР быў абвешчаны дзяржаўным святам.

Афіцыйная назва "Дзень Расіі" замацавалася за святам ў 2002 годзе, калі ў сілу ўступіў новы Працоўны кодэкс РФ, у якім былі прапісаны новыя святочныя і выхадныя дні.

Чытайце таксама:

24
Тэги:
інтарэс, супрацоўніцтва, Дзень Расіі, расіяне, Уладзімір Пуцін, Аляксандр Лукашэнка, Адносіны
Тэмы:
Саюзная дзяржава Беларусі і Расіі