Супрацоўнікі завода МАЗ далучыліся да забастоўкі

Лукашэнка выказаўся пра мітынгі на прадпрыемствах

52
(абноўлена 12:29 14.08.2020)
Прэзідэнт сабраў нараду, прысвечаную актуальным пытанням функцыянавання і павышэння эфектыўнасці будаўнічай галіны

МІНСК, 14 жні - Sputnik. Прэзідэнт Беларусі Аляксандр Лукашэнка пракаментаваў мітынгі працоўных калектываў, якія ў гэтыя дні праходзяць на розных прадпрыемствах краіны.

Людзі, незадаволеныя агучанымі вынікамі галасавання і сілавым разгонам акцый пратэсту, выходзяць да прахадных сваіх прадпрыемстваў і патрабуюць сумленных выбараў і спынення гвалту. Напярэдадні такі мітынг прайшоў на БелАЗе, сёння людзі выйшлі на "Гродна-Азот" і жлобінскі БМЗ.

"Для пачатку я, пакуль жывы і не за мяжой, як тут некаторыя нашы паважаныя "свядомыя" раскручваюць: прэзідэнт пакінуў краіну і знаходзіцца за мяжой. Сёння 14-ы дзень, мы з вамі сустракаемся для таго, каб абмеркаваць працу будаўнічай галіны", - сказаў Лукашэнка на пачатку нарады, прысвечанай актуальным пытанням функцыянавання і павышэння эфектыўнасці будаўнічай галіны, перадае БелТА.

Вяртаючыся да будзённых пытанняў, Лукашэнка адзначыў пазітыўныя вынікі працы галіны ў першым паўгоддзі гэтага года: прырост склаў амаль 106% да ўзроўню 2019-га.

"Найважнейшым прыярытэтам дзяржаўнай палітыкі ў галіне заўсёды з'яўлялася жыллёвае будаўніцтва. Як рэгіёнамі вырашаецца задача па ліквідацыі чаргі сярод шматдзетных сем'яў? Якія меры прыняты па развіцці рынку арэнднага жылля, павелічэнні долі дамоў, збудаваных за кошт сродкаў ведамстваў і прадпрыемстваў? Што зроблена для таго, каб будаваць больш малапавярховага, індывідуальнага жылля?", - пазначыў ён круг пытанняў, якія трэба будзе абмеркаваць на нарадзе прэзідэнт.

На яго думку, цяпер у краіне спрабуюць разгайдаць працоўныя калектывы.

"Наша пазіцыя адназначная: мы ў цяжкія часы пандэміі нікога не нахілялі, не прымушалі. І тут таксама мы нікога не павінны трымаць. Калі людзі хочуць працаваць - калі ласка. Вось праца, прыходзьце, працуйце. Калі чалавек не хоча працаваць, мы ж яго на аркане не зацягнем", - сказаў Лукашэнка.

Пры гэтым ён нагадаў, што спыненне працы на шэрагу прадпрыемстваў можа апынуцца на руку канкурэнтам, у якасці прыкладу прывёў Беларуськалій.

"Калі яны забастуюць на два дні, то канкурэнты - расіяне і канадцы - перахрысццяцца. І хуценька на рынак паставяць тое, што яны хочуць паставіць", - сказаў Лукашэнка.

Аналагічная сітуацыя, на яго думку, можа скласціся і на рынку машынабудавання - праблемы са збытам могуць абвастрыцца для МТЗ, МАЗа і іншых прадпрыемстваў галіны.

"Дзеля бога. Вы сёння не вырабіце 10 трактароў, не паставіце на рынак, заўтра немцы прыедуць з амерыканцамі, прывязуць сваю тэхніку расіяне. Таксама перахрысцяцца", - сказаў Лукашэнка.

Паводле яго слоў, прыпыненне прадпрыемстваў можа прывесці да страты рынкаў.

"Калі мы спынімся, ніколі не раскруціць сваю вытворчасць. Ніколі! Нас яшчэ ў гэтае балота і падштурхнуць. Людзям трэба гэта растлумачыць: хочаце - бастуйце, хочаце працаваць - працуйце", - сказаў ён.

На фоне мітынгаў на розных прадпрыемствах краіны міністэрства будаўніцтва і архітэктуры апублікавала паведамленне, у якім гаворыцца, што будаўнічыя арганізацыі Беларусі працягваюць працу.

52
Тэги:
акцыі пратэстаў, Аляксандр Лукашэнка, Беларусь
Тэмы:
Пратэсты пасля выбараў у Беларусі (265)

Якім прагназуецца падаражанне тавараў і паслуг ў 2021 годзе ў Беларусі

33
(абноўлена 20:50 14.05.2021)
Міністэрства антыманапольнага рэгулявання і гандлю (МАРГ) агучыла прагноз па росце цэн на тавары і паслугі ў 2021 годзе. Глядзіце ў інфаграфіцы Sputnik, па якіх пазіцыях і ў якім памеры чакаецца падаражанне.
Прагноз павышэння рэгуляваных коштаў – 2021 у Беларусі
© Sputnik

МАРГ апублікаваў так званы "тарыфны сшытак", у якім адлюстраваны прыкладныя тэрміны росту рэгуляваных дзяржавай коштаў. У прыватнасці, гэта датычыцца праезду ў транспарце, квіткоў на цягнікі, чакаецца і чарговае "пацяжэнне" жыровак.

Згодна з прагнозам ведамства, падаражэць павінна адукацыя (як вышэйшая, так і сярэдне-спецыяльная), мабільная сувязь, электрасувязь, інтэрнэт, паслугі пошты, тытунёвая прадукцыя, алкаголь і шэраг іншых пазіцый.

Міністэрства пры гэтым удакладняе, што рашэнне па змяненні рэгуляваных цэн будзе прымацца, у прыватнасці, зыходзячы з эканамічнай сітуацыі ў краіне, інфляцыі і даходаў беларусаў.

33
Тэги:
інфаграфіка, цэны, прагноз, МАРГ, Беларусь, паслуга, тавар, падаражанне
Гарады свету. Осла

Лукашэнка: Нарвегія - найбуйнейшы партнёр Беларусі ў Паўночнай Еўропе

8
(абноўлена 12:23 17.05.2021)
Беларускі лідэр з задавальненнем адзначыў, што ўзровень двухбаковага гандлю паміж дзвюма краінамі вытрымаў выпрабаванне пандэміяй каронавіруса.

МІНСК, 17 тра - Sputnik. Прэзідэнт Беларусі Аляксандр Лукашэнка накіраваў каралю Нарвегіі Харальду V і ўсім нарвежцам віншаванні з Днём Канстытуцыі.

Беларускі лідэр назваў Нарвегію найбуйнейшым гандлёва-эканамічным партнёрам нашай дзяржавы ў Паўночнай Еўропе і адзначыў, што "дасягнуты высокі ўзровень двухбаковага гандлю вытрымаў выпрабаванне" пандэміяй каронавіруса.

Афіцыйны Мінск зацікаўлены ў "прагматычным дыялогу" з Нарвегіяй на прынцыпах узаемнай павагі". Беларускія ўлады разлічваюць на "захаванне канструктыўнага супрацоўніцтва ў розных галінах і сумесную працу на міжнародных пляцоўках".

Лукашэнка таксама падкрэсліў, што Осла будзе годна выконваць абавязкі непастаяннага члена Савета Бяспекі ААН.

Беларускі лідэр пажадаў каралю Нарвегіі добрага здароўя і новых здзяйсненняў, а жыхарам Каралеўства - міру і згоды.

Галоўнае нацыянальнае свята Нарвегіі - Дзень Канстытуцыі - традыцыйна адзначаецца 17 траўня. У гэты ж дзень святкуецца дзень незалежнасці Каралеўства. Сёння ў нарвежцаў афіцыйны выхадны дзень.

Канстытуцыя Нарвегіі была абвешчаная 207 гадоў таму - ў 1814 годзе. У гэты ж дзень была абвешчаная незалежнасць Каралеўства. Адзначаць гэтую дату ў Нарвегіі пачалі толькі ў 1836 годзе. Пачынаючы ад 1906 году каралеўская сям'я выходзіць на балкон свайго палаца ў Осла і вітае публіку, у краіне праходзяць святочныя шэсці і парады.

Чытайце таксама:

8
Тэги:
пандэмія, гандаль, Беларусь, Нарвегія, Аляксандр Лукашэнка
Чарговая партыя гуманітарнай дапамогі прыбыла ў Беларусь з Кітая

Ваенны ІЛ-76 вылецеў у Кітай за вакцынай ад каронавіруса

2
(абноўлена 14:45 17.05.2021)
Беларускія ваенныя лётчыкі, пераадолеўшы пяць гадзінных паясоў, вернуцца на аэрадром у Мачулішчах з 14 тонамі гуманітарнага грузу.

МІНСК, 17 тра - Sputnik. З аэрадрома Мачулішчы ў Кітай вылецеў ваенна-транспартны самалёт Іл-76МД, паведамілі ў прэс-службе беларускага абароннага ведамства.

Ваенны самалёт вылецеў "па маршруце Мачулішчы - Пекін - Мачулішчы для дастаўкі ад дружалюбнага народа Кітая гуманітарнай дапамогі - кітайскай вакцыны ад каронавіруса".

Беларускія ваенныя лётчыкі не першы раз ажыццяўляюць палёт па гэтаму маршруту. У лютым мінулага года менавіта Беларусь першай аказала гуманітарную дапамогу кітайскаму боку для барацьбы з каронавірусной інфекцыяй.

У Мінабароны адзначылі, што агульная працягласць маршруту ваеннага транспартнікі складзе 13 600 кіламетраў. За 20 гадзін палёту экіпаж перасячэ 5 гадзінных паясоў у кожны бок.

Самалёт з гуманітарным грузам вагой у 14 тон вернецца ў Беларусь заўтра.

2