Святлана Ціханоўская на прэс-канферэнцыі

Святлана Ціханоўская запісала новы відэазварот

67
(абноўлена 13:09 14.08.2020)
На прэзідэнцкіх выбарах Ціханоўская заняла другое месца, пазней яна заявіла аб тым, што не прызнае вынікі і падала скаргу ў ЦВК.

МІНСК, 14 жні - Sputnik. Кандыдат у прэзідэнты Беларусі Святлана Ціханоўская запісала чарговы відэазварот, у якім падзякавала ўсім сваім выбаршчыкам і заклікала мірнымі спосабамі адстаяць свае галасы.

"Для мяне і, думаю, для кожнага ў нашай краіне чалавечае жыццё - самае каштоўнае. Нам трэба спыніць гвалт на вуліцах беларускіх гарадоў. Заклікаю ўлады спыніць гэта, і пайсці на дыялог", - сказала Ціханоўская.

Яна таксама нагадала, што з самага пачатку кампаніі заклікала толькі да мірных і законных спосабаў адстойвання сваіх галасоў. Між тым, паводле яе слоў, "мірны выхад людзей на вуліцу ўлада ператварыла ў крывавую бойню". Яна прызналася, што з болем глядзіць на тое, што адбываецца ў нашай краіне ў апошнія дні.

Яна таксама падзякавала супрацоўнікам, "якія адмовіліся выконваць злачынныя загады супраць сваіх грамадзян", работнікам прадпрыемстваў, якія не пабаяліся і аб'явілі забастоўкі.

Ціханоўская таксама прапанавала сваім выбаршчыкам падпісаць петыцыю, і такім чынам пацвердзіць, што яны галасавалі за яе.

Прэзідэнцкія выбары ў Беларусі адбыліся 9 жніўня. Паводле дадзеных ЦВК, перамогу на выбарах у першым туры атрымаў прэзідэнт Беларусі Аляксандр Лукашэнка. Ціханоўская заявіла, што не прызнае вынікі, паколькі агучаныя аб'яднаным штабам звесткі аб выніках галасавання на асобных участках казалі пра адваротнае - там Ціханоўская набірала істотна больш за 50%. Кандыдат падала скаргу ў ЦВК. У аўторак стала вядома, што Ціханоўская пакінула краіну і знаходзіцца ў Літве. У аб'яднаным штабе кандыдата паведамілі, што яе вывезлі беларускія ўлады.

Незадаволеныя агучанымі вынікамі людзі з вечара 9 жніўня выходзяць на вуліцы. Да 13 жніўня акцыі жорстка падаўляліся сілавікамі - у дачыненні да пратэстуючых ўжывалі слезацечны газ, вадамёты, светлашумавыя гранаты, гумовыя кулі. Па стане на раніцу чацвярга колькасць затрыманых дасягнула 6,7 тысячы чалавек, вечарам гэтага ж дня іх пачалі адпускаць з мінскага ЦІП і турмы ў Жодзіне.

67
Тэги:
Святлана Ціханоўская, Беларусь, Выбары
Тэмы:
Выбары прэзідэнта Беларусі - 2020 (222)
МЗС Беларусі

МЗС адказала на заклік "Вялікай сямёркі" правесці новыя выбары ў Беларусі

8
(абноўлена 17:59 06.05.2021)
Па словах афіцыйнага прадстаўніка ведамства, у сваім афіцыйным паведамленні краіны G7 выкарыстоўвалі ў дачыненні да сітуацыі ў краіне "стандартны набор заезджаных клішэ".

МІНСК, 6 тра - Sputnik. Беларусь сама будзе вырашаць, калі і якія электаральныя кампаніі праводзіць, заявіў у чацвер афіцыйны прадстаўнік міністэрства замежных спраў рэспублікі Анатоль Глаз.

Сустрэча G7 ў Лондане

Напярэдадні ў Лондане адбылася сустрэча міністраў замежных спраў краін "Вялікай сямёркі" (G7) пад старшынствам Злучанага Каралеўства. У ёй бралі ўдзел кіраўнікі МЗС Вялікабрытаніі, Германіі, Італіі, Канады, ЗША, Францыі, Японіі, у сустрэчы ўдзельнічаў вярхоўны прадстаўнік ЕС па замежных справах і палітыцы бяспекі.

На сустрэчы міністры прынялі камюніке, у якім, у тым ліку, заклікаюць улады Беларусі адпусціць палітвязняў і правесці новыя выбары пры міжнародным назіранні.

Набор заезджаных клішэ

"Што тычыцца абзаца, якога "удастоілася" Беларусь. Гэта стандартны набор заезджаных клішэ. Такія мантры фактычна без змен вандруюць з пляцоўкі на пляцоўку, дэманструючы, на жаль, глыбокае неразуменне і нежаданне разумець сітуацыю ў нашай краіне іх аўтарамі, антыбеларускую ангажаванасць іх ініцыятараў" , - растлумачыў Глаз.

Паводле яго слоў, у Беларусі самі будуць вырашаць, калі і якія электаральныя кампаніі праводзіць. Для гэтага краіне не патрэбныя "ніякія заклікі, пануканні або ўказанні звонку".

Ён адзначыў, што любое ўмяшанне ва ўнутраныя справы суверэнных дзяржаў супярэчыць асноватворным нормам і прынцыпам міжнароднага права.

"Усе выбары ў нашай краіне праходзілі пад міжнародным назіраннем. Ну, а калі нейкія міжнародныя структуры не змаглі арганізаваць сваю працу, маючы наша запрашэнне, то не трэба спрабаваць перакласці віну", - падкрэсліў Глаз.

Чытайце таксама:

8
Тэги:
ведамства, краіна, Беларусь, Выбары, МЗС
Надзвычайны і паўнамоцны пасол Беларусі Уладзімір Сямашка

Дарожныя карты па інтэграцыі Мінск і Масква могуць узгадніць да канца года

12
(абноўлена 12:43 06.05.2021)
З 28 дарожных карт па адзінай эканамічнай палітыцы дзве застаюцца пакуль не ўзгодненымі урадамі дзвюх дзяржаў.

МІНСК, 6 тра - Sputnik. Канчаткова завяршыць працу над астатнімі двума дарожнымі картамі ў галіне збліжэння супрацоўніцтва Беларусі і Расіі бакі спадзяюцца да заканчэння 2021 года. Пра гэта распавёў пасол Беларусі ў Маскве Уладзімір Сямашка.

Па словах беларускага дыпламата, працэс узгаднення дакументаў "можа завяршыцца да сярэдзіны восені".

"Сёння мы можам канстатаваць, што дастаткова блізкія да таго, каб сапраўды стварыць гэтую эканамічную платформу Саюзнай дзяржавы з 28 дарожных карт або, як іх цяпер называюць па-іншаму, праграм. 26 ужо падпісаны, узгоднены на ўзроўні міністраў і Расіі, і Беларусі. Мы цяпер працуем над астатнімі праграмамі. Я думаю, што ўвосень, дзе-небудзь у верасні-кастрычніку, павінны быць падпісаны гэтыя дарожныя карты", - растлумачыў Уладзімір Сямашка.

Да ліку найбольш складаных адносяць узгадненне нарматыўных дакументаў у галіне падатковага і мытнага заканадаўства. Іх канчатковая ўніфікацыя і афармленне могуць заняць 2-2,5 гады. Следам адбудзецца фарміраванне прававой базы на ўзроўні праграм Саюзнай дзяржавы.

Ініцыятыва па інтэграцыі заканадаўства Беларусі і Расіі была прапанавана кіраўнікамі дзяржаў у 2019 годзе. Была сфарміравана міжурадавая група, якая падрыхтавала праект дарожных карт па розных пытаннях. Гэта кампрамісныя рашэнні па такіх напрамках, як, да прыкладу, пастаўкі нафты і газу, мытнае і падатковае рэгуляванне. У красавіку бягучага года Аляксандр Лукашэнка заявіў, што бакам засталося дапрацаваць дзве-тры "сур'ёзныя праграмы эканамічнага характару".

Чытайце таксама:

12
Тэги:
дзяржава, Палітыка, Масква, Мінск, Інтэграцыя, дарожныя карты
Тэмы:
Саюзная дзяржава Беларусі і Расіі