МІНСК, 20 жні - Sputnik. Прэм'ер-міністр Літвы Саўлюс Скверняліс сустрэўся з экс-кандыдатам у прэзідэнты Беларусі Святланай Ціханоўскай, якая цяпер знаходзіцца ў Вільні, пра гэта паведаміў ён сам на сваёй старонцы ў Facebook.
Скверняліс і Ціханоўская абмеркавалі цяжкасці, з якімі яна сутыкнулася падчас беларускай выбарчай кампаніі, а таксама праблемы яе асабістай бяспекі і бяспекі яе сям'і.
"Наша краіна заўсёды падтрымлівала людзей Беларусі, якія імкнуцца да свабоды і дэмакратыі. Мы бачым абуджэнне нацыі, мы ўсе разам іх падтрымліваем. Шлях да свабоднага грамадства будзе нялёгкім і запатрабуе вялікай вытрымкі. Упэўнены, яе беларусам хопіць", - заявіў літоўскі прэм'ер.
Акрамя таго, кіраўнік літоўскага ўрада запэўніў Ціханоўскую ў падтрымцы памкненняў беларусаў да правядзення новых выбараў прэзідэнта. "Урад Літвы разам з партнёрамі ў Польшчы, Латвіі і Эстоніі рабіў і робіць усё, каб імкненне да правядзення свабодных і сумленных выбараў у Беларусі ажыццявілася і каб яе дзеці маглі як мага хутчэй абняць свайго бацьку на волі", - падкрэсліў Скверняліс.
Нагадаем, Святлана Ціханоўская пакінула Беларусь ноччу 10 жніўня. З таго моманту экс-кандыдат у прэзідэнты Беларусі знаходзіцца ў Вільні, за гэты час яна паспела запісаць некалькі відэа-зваротаў да беларусаў.
