Каардынацыйны савет лічыць свае дзеянні законнымі

© REUTERS / VASILY FEDOSENKOПрадстаўнікі Каардынацыйнага савета Павел Латушка, Марыя Калеснікава, Вольга Кавалькова, Максім Знак і Сяргей Дылеўскі
Прадстаўнікі Каардынацыйнага савета Павел Латушка, Марыя Калеснікава, Вольга Кавалькова, Максім Знак і Сяргей Дылеўскі - Sputnik Беларусь
Падпісацца
На думку членаў савета, яны не распаўсюджвалі якіх-небудзь заклікаў да захопу дзяржаўнай улады або гвалтоўнага змянення ладу Беларусі.

МІНСК, 20 жні - Sputnik. Каардынацыйны савет не бачыць у сваіх дзеяннях якога-небудзь парушэння закона, пра гэта паведамляецца на сайце структуры.

Генеральны пракурор Беларусі Аляксандр Канюк - Sputnik Беларусь
Генпракурор: па факце стварэння Каардынацыйнага савета заведзена крымінальная справа

Генпракуратура 20 жніўня ўзбудзіла крымінальную справу па факце стварэння Каардынацыйнага савета. На думку кіраўніка ведамства Аляксандра Канюка, яго дзейнасць накіравана на захоп дзяржаўнай улады, а таксама на прычыненне шкоды нацбяспецы.

Аднак у самім савеце запэўніваюць, што ўсе іх мэты і спосабы з'яўляюцца законнымі, заснаванымі на Канстытуцыі Рэспублікі Беларусь.

"Члены Каардынацыйнага савету не распаўсюджвалі заклікі да захопу дзяржаўнай улады, або гвалтоўнага змянення канстытуцыйнага ладу Рэспублікі Беларусь, або здрады дзяржаве, цi ажыццяўленню акта тэрарызму або дыверсіі, або да здзяйснення іншых дзеянняў, накіраваных на прычыненне шкоды нацыянальнай бяспецы Рэспублікі Беларусь", - гаворыцца ў адказе на паведамленне генпракурора.

Прадстаўнікі беларускай апазіцыі, як і шэраг краін свету, да гэтага часу не прызналі вынікі выбараў. Яны стварылі Каардынацыйны савет і заявілі, што яго асноўная функцыя - перадача ўлады і забеспячэнне згоды ў грамадстве. У сваю чаргу прэзідэнт Беларусі Аляксандр Лукашэнка назваў працу савета спробай захопу ўлады.

Стужка навiн
0