Прэзідэнт РФ Уладзімір Пуцін

Пуцін пракаментаваў падзеі ў Беларусі

50
(абноўлена 15:53 27.08.2020)
Расія па адносінах да таго, што адбываецца ў Беларусі паводзіць сябе больш стрымана, чым еўрапейскія краіны і ЗША, лічыць Уладзімір Пуцін.

МІНСК, 27 жні - Sputnik. Расія ў адносінах да падзеяў у Беларусі паводзіць сябе больш стрымана і нейтральна, чым ЕС і ЗША, мяркуе прэзідэнт РФ Уладзімір Пуцін.

"На мой погляд, мы паводзім сябе значна больш стрымана і нейтральна ў адносінах да падзеяў у Беларусі, чым многія іншыя краіны, і еўрапейскія, і амерыканцы", - сказаў ён у інтэрв'ю на канале "Расія 1".

Пры гэтым Пуцін нагадаў, што Расія мае з Беларуссю цесную кааперацыю і роднасныя сувязі.

"Нам, безумоўна, не абыякава, што там адбываецца. Гэта вельмі блізкая, можа быць, самая блізкая нам краіна", - сказаў ён.

Расія гатова аказаць дапамогу

Па словах Пуціна, Расія зыходзіць з таго, што ўсе праблемы ў Беларусі будуць вырашацца мірным шляхам.

"Мы зыходзім з таго, што ўсе праблемы, якія маюць месца сёння ў Беларусі, будуць вырашацца мірным шляхам", - сказаў ён.

Тым не менш, Расія па просьбе Аляксандра Лукашэнкі сфармавала рэзерв з супрацоўнікаў праваахоўных органаў, але пакуль ён не будзе выкарыстаны, адзначыў Пуцін.

Ён падкрэсліў, што рэзерв не будзе выкарыстаны да таго часу, пакуль сітуацыя не будзе выходзіць з-пад кантролю, пакуль экстрэмісцкія, паводле яго слоў, элементы не пяройдуць межаў і не пачнуць да разбою.

"Ён (рэзерв супрацоўнікаў праваахоўных органаў) не будзе выкарыстаны да таго часу, пакуль сітуацыя не будзе выходзіць з-пад кантролю і калі экстрэмісцкія, я хачу гэта падкрэсліць, элементы (...), прыкрываючыся палітычнымі лозунгамі, не пяройдуць пэўных межаў, не пачнуць проста да разбою, не пачнуць падпальваць машыны, дамы, банкі, спрабаваць захопліваць адміністрацыйныя будынкі і гэтак далей", - сказаў прэзідэнт Расіі.

Ён нагадаў, што Расія мае абавязацельствы перад Беларуссю ў сферы бяспекі.

"Няма неабходнасці нешта хаваць, там ёсць адпаведныя артыкулы, якія кажуць пра тое, што ўсе дзяржавы-члены гэтых арганізацый, у тым ліку Саюзнай дзяржавы, а там усяго толькі дзве дзяржавы-ўдзельніка - Расія і Беларусь, павінны аказваць адзін аднаму дапамогу і ў абароне суверэнітэту, знешніх межаў і ў абароне стабільнасці. Там так і напісана", - сказаў Пуцін.

Таму калі Лукашэнка паставіў адпаведнае пытанне, Пуцін, паводле яго слоў, сказаў, што "Расія выканае ўсе свае абавязацельствы".

Аб дзеяннях беларускіх сілавікоў

Ён таксама пракаментаваў дзеянні беларускіх сілавікоў. На думку Пуціна, праваахоўныя органы Беларусі, дзе пасля выбараў прэзідэнта праходзяць акцыі пратэсту, паводзяць сябе досыць стрымана.

"Калі ўжо быць аб'ектыўным, я думаю, што праваахоўныя органы Беларусі паводзяць сябе досыць стрымана, нягледзячы ні на што", - сказаў Пуцін.

Пры гэтым, на думку Пуціна, улады Беларусі павінны лічыцца з вулічнымі пратэстамі ў краіне.

"Мы зыходзім з таго, што ўсім удзельнікам гэтага працэсу хопіць здаровага сэнсу спакойна, без крайнасцяў знайсці выхад. Вядома, калі людзі выйшлі на вуліцу, трэба з гэтым лічыцца, чуць гэта, рэагаваць", - сказаў Пуцін.

Пра затрыманых перад выбарамі расіян

Расійскі прэзідэнт таксама пракаментаваў затрыманне расіян перад выбарамі ў Беларусі. На яго думку, гэта была сумесная аперацыя ўкраінскіх і амерыканскіх спецслужбаў.

Раней Генпракуратура РФ паведаміла, што 32 расіяніна вярнуліся ў Расію, адзін з затрыманых, у якога акрамя расійскага ёсць таксама беларускае грамадзянства, застаўся ў рэспубліцы.

"Цяпер гэта відавочна. Гэта акцыя спецслужбаў. Гэтых людзей, пра якіх вы сказалі, наўгад выкарыстоўвалі для таго, каб перанесці на тэрыторыю Беларусі, паставіць перад імі зусім легальныя мэты, яны павінны былі, як ім сказалі, выехаць у трэція краіны, там, ў Лацінскую Амерыку, на Блізкі Усход, проста для абсалютна легальнай працы. На самай справе іх зацягнулі на тэрыторыю Беларусі і прадставілі ў якасці магчымай ударнай сілы для разгойдвання сітуацыі ў ходзе перадвыбарнай кампаніі", - сказаў Пуцін.

На яго думку, расіян "проста завабілі туды, перацягнулі праз мяжу".

50
Тэги:
Уладзімір Пуцін, Беларусь, Расія
Тэмы:
Пратэсты пасля выбараў у Беларусі (145)
Сцягі краін-удзельніц саміту ЕС у Брусэлі

У ЕС абмеркавалі санкцыі супраць Беларусі, а апазіцыя падтрымала "план Маршала"

11
Ціханоўская заявіла, што чакае магчымасці апынуцца ў роднай краіне, але гатовая вярнуцца толькі пры ўмове, што ўлады і апазіцыя пачнуць перамовы.

МІНСК, 21 вер - Sputnik. Міністры замежных спраў 27 краін Еўрасаюза не ўзгаднілі санкцыйны спіс афіцыйных асоб Беларусі на пасяджэнні ў панядзелак.

Сустрэча міністраў замежных спраў ЕС і членаў Еўрапарламента прайшла ў Брусэлі ў панядзелак. На парадку дня - абмеркаванне дадатковых індывідуальных санкцый супраць беларускіх чыноўнікаў за парушэнні, якія, як лічаць у ЕС, былі дапушчаныя падчас прэзідэнцкіх выбараў 9 жніўня, а таксама за ўжыванне сілы супраць удзельнікаў акцый пратэсту ў Беларусі.

Кіраўнік еўрадыпламатыі Жозэп Барэль перад пачаткам сустрэчы паведаміў, што размова таксама закране падтрымку грамадзянскай супольнасці ў рэспубліцы і перагляд стасункаў з дзеючай уладай.

Па выніках сустрэчы спіс зацверджаны не быў, пытанне перададзены лідарам ЕС, паведамляюць РІА "Новости" са спасылкай на ўласныя крыніцы.

Прыняцце рашэння адкладзена як мінімум да бліжэйшага пасяджэння Савета ЕС.

Ціханоўская: вярнуся ў Беларусь, калі пачнуцца перамовы

Экс-кандыдат у прэзідэнты Беларусі Святлана Ціханоўская заклікала лідараў ЕС не фінансаваць беларускія ўлады і не прызнаваць Аляксандра Лукашэнку легітымным прэзідэнтам.

"Не падтрымлівайце рэжым фінансамі, не прызнавайце Лукашэнку легітымным лідарам і разглядайце каардынацыйны савет як легітымны орган народа Беларусі па вядзенні дыялога з уладай", - падкрэсліла Ціханоўская.

Яна таксама заявіла, што чакае магчымасці апынуцца ў роднай краіне, але гатовая вярнуцца пры ўмове, што ўлады і апазіцыя пачнуць перамовы.

"Я чакаю не дачакаюся таго моманту, калі я змагу заехаць у Беларусь з надзеяй, што ў нас вось-вось усё атрымаецца. Я абавязкова прыеду, калі пачнуцца перамовы, калі адпусцяць усіх палітзняволеных і я змагу адчуць сябе ў бяспецы разам са сваімі дзецьмі" , - сказала яна.

Кавалькова - пра фінансавую дапамогу ЕС

Прадстаўнік беларускай апазіцыі Вольга Кавалькова, выступаючы перад дэпутатамі Еўрапарламента, заклікала да дыялогу грамадства і ўлады ў Беларусі пры пасярэдніцтве ЕС, ЗША і Расіі.

"Мы просім вас (...) патрабаваць дыялогу паміж беларускім грамадствам і былым прэзідэнтам пры пасярэдніцтве ЕС, ЗША і Расіі", - сказала Кавалькова.

У выпадку забеспячэння прадметнага дыялогу, дадала яна, "ЕС павінен аказаць значную фінансавую падтрымку новаму дэмакратычнаму ўраду Беларусі".

Латушка пракаментаваў "план Маршала"

Член Каардынацыйнага савета Павел Латушка заявіў, што апазіцыя ў Беларусі падтрымлівае распрацоўку "плана Маршала" для аднаўлення эканомікі рэспублікі, але яго павінна падтрымаць ўся Еўропа, а таксама ЗША, Канада і Вялікабрытанія.

"Мы вітаем распрацоўку "плана Маршала" для Беларусі, але яго павінны падтрымаць ўся Еўропа і краіны-партнёры, у тым ліку ЗША, і Канада, і Вялікабрытанія", - сказаў Латушка.

Ён паведаміў таксама, што ў цяперашні час каардынацыйны савет распрацоўвае антыкрызісную праграму.

"Савет прадставіць антыкрызісную праграму для нашай краіны, якая будзе ажыццяўляцца адначасова з рэформай дзяржаўнага кіравання і мясцовага самакіравання", - сказаў Латушка і дадаў, што Беларусь, на яго думку, "знаходзіцца на краі эканамічнай прорвы".

Нагадаем, пра намер распрацаваць "план Маршала" для аднаўлення беларускай эканомікі раней заявіў прэм'ер-міністр Польшчы Матэуш Маравецкі.

11
Тэги:
Апазіцыя, Еўрасаюз, Беларусь
Отец Марии Колесниковой и ее адвокат Людмила Казак

Суд разглядае скаргу на арышт Марыі Калеснікавай

8
(абноўлена 14:51 21.09.2020)
Калеснікава, якую абвінавачваюць у закліках да змены ўлады, удзельнічае ў судзе, што праходзіць за зачыненымі дзвярыма, па скайпе з жодзінскага СІЗА.

МІНСК, 21 вер - Sputnik. Мінскі гарадскі суд пачаў разгляд скаргі абароны сябра прэзідыума Каардынацыйнага савета Марыі Калеснікавай на прымяненне да яе меры ўтрымання ў выглядзе заключэння пад варту, перадае карэспандэнт Sputnik.

На пасяджэнне суда 21 верасня прыйшло некалькі дзясяткаў чалавек, у тым ліку і паслы шэрагу краін Еўрасаюза, а таксама дыпламаты прадстаўніцтва ЕС у Мінску і бацька палітыка Аляксандр Калеснікаў.

Разгляд скаргі праходзіць за зачыненымі дзвярыма. На судовым пасяджэнні прысутнічаюць акрамя суддзі толькі адвакаты Калеснікавай і пракурор. Сама Марыя Калеснікава ўдзельнічае паседжанні па скайпе.

Генеральная пракуратура 19 жніўня ўзбудзіла крымінальную справу па факце стварэння Каардынацыйнага савета (КС). Гаворка ідзе пра заклікі да захопу ўлады. Па гэтай справе акрамя Калеснікавай затрыманыя яшчэ два члена прэзідыума Каардынацыйнага савета - адвакаты Максім Знак і Ілля Салей.

Калі пачаўся суд, дыпламаты засталіся чакаць заканчэння разгляду скаргі перад дзвярыма залы судовых пасяджэнняў на чацвёртым паверсе Мінгарсуда. Яшчэ да пачатку пасяджэння бацька Калеснікавай падзякаваў еўрапейскім дыпламатам за тое, што яны прыйшлі на суд. Пры гэтым ён паведаміў, што яму зараз паступае шмат званкоў з Еўропы.

"Падтрымліваюць, тэлефануе шмат сяброў з Германіі. Гэта вельмі важная падтрымка для нас, для Марыі, гэта вельмі прыемна", - сказаў бацька палітыка.

На заседание суда по жалобе Марии Колесниковой пришло несколько десятков человек
© Sputnik / Анна Нефедова
На пасяджэнне суда па скарзе Марыі Калеснікавай прыйшло некалькі дзясяткаў чалавек

Паводле яго слоў, мэр аднаго з гарадоў Германіі ўжо паабяцаў "звярнуцца ў Бундэстаг, каб паўплываць на сітуацыю". Як распавёў Sputnik Аляксандр Калеснікаў, у яго яшчэ не было спаткання з Марыяй.

"Я ведаю толькі тое, што з'яўляецца ў інтэрнэце, што распавядае адвакат. Пакуль спатканняў з ёй мне не даюць", - сказаў Калеснікаў.

Судовае рашэнне па скарзе на арышт Калеснікавай будзе абвешчана публічна, як чакаецца, сёння.

8
Тэги:
Апазіцыя, суд, Марыя Калеснікава
Які сёння дзень: 22 верасня 2020 года

Які сёння дзень: 22 верасня 2020 года

0
(абноўлена 09:53 21.09.2020)
Гэты дзень з'яўляецца дзвесце шэсцьдзесят шостым па грыгарыянскім календары, да канца года застаецца 100 дзён.

Сёння адзначаецца сусветны дзень без аўтамабіля. Якія яшчэ падзеі адбыліся 22 верасня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 22 верасня

  • У 1919 годзе Цэнтральная беларуская рада Віленшчыны і Гродзеншчыны арганізавала ў Вільні настаўніцкія курсы для падрыхтоўкі настаўнікаў беларускіх школ
  • У 1943 годзе ў Мінску быў забіты Кубэ, кіраўнік акупацыйнай адміністрацыі Генеральнай акругі "Беларусь".
  • У 1949 годзе СССР правёў першае выпрабаванне ядзернай зброі.
  • У 1999 годзе Беларусь усталявала дыпламатычныя адносіны з М'янмай.

Хто нарадзіўся 22 верасня

  • 1903 год: Хвядос Шынклер, беларускі пісьменнік.
  • 1925: Алесь Траяноўскі, беларускі пісьменнік, перакладчык, крытык, публіцыст.

Таксама сёння нарадзіліся італьянскі оперны спявак Андрэа Бачэлі і бразільскі футбаліст Ранальда.

22 верасня ў народным календары

У праваслаўнай царкве сёння шануюць праведных Акіма і Ганну – бацькоў Панны Марыі. Ім моляцца аб вылячэнні ад бясплоддзя.

22 верасня — дзень восеньскага раўнадзенства. Пасля гэтага дня ноч паступова становіцца даўжэй за дзень. У гэты дзень маладая гаспадыня, як правіла, частавала радню смачнымі пірагамі: лічылася, што гэта забяспечыць дабрабыт на ўвесь год.

Падыйшла пара нарыхтоўваць дровы – пакуль не пайшлі яшчэ моцныя дажджы і дрэва не адсырэла. У гэты час надэходзіць другое "бабіна лета" – трэба спяшацца, каб закончыць усе гаспадарчыя справы ў час.

Назіралі за прыродай: калі ў паветры лётае павуцінне, надвор'е будзе добрым, але зіма – халоднай. Калі раптам выпаў снег – ураджаю не будзе. Калі пладовыя дрэвы яшчэ не скінулі лісце – у бліжэйшыя тыдні будзе цёпла.

0
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей