Будынак МЗС у Варшаве

МЗС Польшчы: ніякіх дыскусій аб пагранічных зрухах не вядзецца

10
(абноўлена 12:31 28.08.2020)
У ведамстве выказалі "здзіўленне, расчараванне і занепакоенасць з нагоды заяў прэзідэнта Аляксандра Лукашэнкі і яго бліжэйшага атачэння".

МІНСК, 28 жні - Sputnik. У Польшчы не вядуць ніякіх дыскусій аб пагранічных або геапалітычных зрухах, пра гэта заявілі ў МЗС краіны паслу Беларусі Уладзіміру Чушаву.

Беларускага пасла выклікалі ў польскае МЗС напярэдадні з-за заяваў беларускіх уладаў аб жаданні Варшавы далучыць Гродзенскую вобласць - "у сувязі з неаднаразовымі неабгрунтаванымі абвінавачваннямі". У той жа дзень у МЗС Беларусі выклікалі часовага паверанага ў справах Польшчы ў Беларусі Марціна Вайцяхоўскага, яму быў заяўлены "рашучы пратэст у сувязі з відавочнымі спробамі польскага боку прама ўмешвацца ва ўнутраныя справы Рэспублікі Беларусь".

Як паведаміў намеснік міністра замежных спраў Польшчы Марцін Пшыдач па выніках гутаркі з беларускім паслом Уладзімірам Чушавым, польскі бок выказаў такім чынам сваё "здзіўленне, расчараванне і занепакоенасць з нагоды заяў прэзідэнта Аляксандра Лукашэнкі і яго бліжэйшага атачэння".
Пшыдач запэўніў, што ў Польшчы не вядуць ніякіх дыскусій аб пагранічных або геапалітычных зрухах.

"На наш погляд, гэта спроба запалохаць беларускае грамадства нейкім уяўным вонкавым ворагам", - цытуе намесніка міністра polskieradio.pl.

Марцін Пшыдач дадаў таксама, што Польшча неаднаразова падкрэслівала прызнанне суверэнітэту, незалежнасці і недатыкальнасці межаў Беларусі.
Намеснік міністра замежных спраў Польшчы ў гутарцы з беларускім дыпламатам таксама выказаў абурэнне ў сувязі з затрымкай на польска-беларускай мяжы гуманітарнай дапамогі, якую перадаў прафсаюз "Салідарнасць".

З чаго ўсё пачалося

У ходзе нарады ў чацвер прэзідэнт Беларусі Аляксандр Лукашэнка заявіў пра сваю ўпэўненасьць у тым, што Польшча мае план далучыць Гродзенскую вобласць.

"Вы бачыце гэтыя заявы пра тое, што калі Беларусь распадзецца, то Гродзенская вобласць адыдзе Польшчы. Яны пра гэта ўжо ў адкрытую кажуць, спяць і бачаць. Нічога ў іх у гэтым плане не атрымаецца, гэта я ведаю дакладна", - сказаў Лукашэнка.

Нагадаем, у канцылярыі прэзідэнта Польшчы заяўлялі, што краіна не прэтэндуе на беларускія тэрыторыі і не мае намеру парушаць яе тэрытарыяльную цэласнасць: Польшча выступае за вяршэнства міжнароднага права ў адносінах паміж дзяржавамі, а "падмуркам гэтага права з'яўляецца ўмова суверэннасці і тэрытарыяльнай цэласнасці краін".

10
Тэги:
Беларусь, Польшча
Латвійскі сцяг

Латвія апублікавала "чорны спіс" беларускіх чыноўнікаў

17
(абноўлена 16:14 25.09.2020)
Прыбалтыйскія краіны ў ходзе кансультацый прадставілі свае санкцыйныя спісы, куды ўвайшлі службовыя асобы з Беларусі.

МІНСК, 25 вер - Sputnik. Міністэрства замежных спраў Латвіі апублікавала "чорны спіс", куды ўключыла 101 службовую асобу з Беларусі, якія маюць дачыненне да гвалту і рэпрэсій у адрас жыхароў рэспублікі.

"Беларускія ўлады не змянілі сваіх адносінаў да мірных пратэстаў. Па-ранейшаму непрапарцыйна ўжываецца сіла, ажыццяўляецца блакіроўка сайтаў незалежных СМІ, узбуджаюцца крымінальныя справы і канфіскуюцца носьбіты дадзеных", - сказана ў паведамленні МЗС.

У санкцыйны спіс, які быў сфармаваны ў ходзе кансультацый паміж трыма краінамі Балтыі (Латвія, Літва і Эстонія), увайшлі кіраўнікі і вышэйшыя службовыя асобы з адміністрацыі прэзідэнта, сілавых структур рэспублікі і іншых устаноў. Людзям з гэтага спісу будзе забаронены ўезд у Латвію, Літву і Эстонію.

Кіраўнік МЗС Латвіі Эдгар Рынкевіч звярнуў увагу, што спіс можа быць пашыраны.

Разам з Рыгай свой спіс прадставілі і эстонцы. Афіцыйны Талін пашырыў свой санкцыйных спіс, уключыўшы ў яго яшчэ 98 чалавек. Раней, нагадаем, у яго ўваходзілі 30 службовых асоб.

Раней кіраўнік МУС Літвы Рыта Тамашунене падпісала загад, які забараняе ўезд у краіну 30 грамадзянам Беларусі, уключаючы прэзідэнта Аляксандра Лукашэнку.

Чытайце таксама:

17
Тэги:
санкцыі, Беларусь, Латвія
Лідар страйкама МТЗ Cергей Дылеўскі

Член Каардынацыйнага савета апазіцыі заклікаў захаваць сяброўства з Расіяй

9
(абноўлена 11:21 25.09.2020)
Прэзідэнта Расіі Уладзіміра Пуціна ён назваў чалавекам з "жалезабетоннай хваткай" і дасведчаным кіраўніком.

МІНСК, 25 вер - Sputnik. Член Каардынацыйнага савета беларускай апазіцыі і лідар страйкама МТЗ Сяргей Дылеўскі заклікаў падтрымліваць сяброўскія адносіны з Расіяй.

Паводле яго слоў, беларусы асцерагаюцца далучэння да Расіі, бо лічаць, што Беларусь павінна быць суверэннай дзяржавай, але з Масквой неабходна падтрымліваць сяброўскія адносіны.

"Ёсць у людзей такія настроі - нейкія апасенні, што Расія можа ўварвацца на тэрыторыю Беларусі. І я таксама лічу, што далучэнне да Расіі - гэта было б дрэнна, мы павінны быць суверэннай дзяржавай. (...) Мы ўсе разумеем, што ў нас 75 -80% эканамічных сувязяў менавіта з Расіяй. Спроба гэта абрэзаць - усё роўна, што нажом папілаваць сабе нагу. Застацца інвалідам проста", - распавёў Дылеўскі у інтэрв'ю РІА "Новости".

Чалавек з жалезабетоннай хваткай

Член КС распавёў і пра сваё стаўленне да прэзідэнта Расіі Уладзіміра Пуціна. Ён назваў яго вельмі моцным чалавекам і сказаў, што паважае яго як палітыка.

"Мая асабістая думка: Пуцін - вельмі моцны лідар. (...) На мой погляд, ён усё ж вельмі дасведчаны кіраўнік, сапраўды моцны палітык. Трымаць увесь свет у цуглях, мець велізарную вагу ў сусветнай палітыцы, эканоміцы, кіруючы такой велізарнай краінай - значыць, гэта чалавек з жалезабетоннай хваткай", - сказаў Дылеўскі.

Цяжкія ўмовы ў СІЗА

Дылеўскі правёў пад арыштам 25 сутак па артыкуле аб парушэнні ўсталяванага парадку правядзення масавых мерапрыемстваў. Член Каардынацыйнага савета быў выпушчаны з СІЗА 18 верасня. Ён назваў умовы ўтрымання ў ізалятары цяжкімі, але адзначыў, што гвалт да яго не ўжываўся.

"Гвалту ніякага не было. У той жа час умовы там былі цяжкія: знаходзіцца там непрыемна. Здавалася, што ў камеры да мяне жылі гадамі бамжы - пах вельмі моцны. Ежу там ужываць проста немагчыма", - распавёў Дылеўскі.

Ён адзначыў, што супрацоўнікі СІЗА як у Мінску, так і ў Жодзіне, у большасці сваёй ставіліся да яго нармальна. Што тычыцца настрояў супрацоўнікаў, то член КС адзначыў - былі як заўзятыя прыхільнікі дзейнай улады, так і тыя, хто "проста робяць сваю працу".

Праца ў КС працягнецца

Што тычыцца Каардынацыйнага савета, то Дылеўскі мае намер працягваць сваю працу ў ім. Але прафесійным палітыкам ён станавіцца не мае намеру.

"Я разумею, што гэта патрэбная для краіны структура ў дадзены момант. Яна патрэбна людзям, спыняцца і выходзіць са складу савета я не лічу патрэбным. Больш за тое, я лічу дзеянні савета абсалютна законнымі", - сказаў Дылеўскі.

Пры гэтым ён дадаў, што ў будучыні можа і выйсці з КС, калі зразумее, што "зрабіў усё, што змог".

Кіраўнік страйкама

Пасля выхаду ў СІЗА, як удакладніў Дылеўскі, ён не выходзіў на акцыі пратэсту, бо быў заняты на працы (працуе ў тэрмічным цэху). Ён мае намер працягваць дзейнаць і як кіраўнік страйкама на сваім прадпрыемстве.

"Я павінен заставацца на прадпрыемстве, каб там працягваць весці нейкую дзейнасць, каб не губляць кантакт з людзьмі. У рамках каардынацыйнага савета, у рамках завода як кіраўнік страйкаму", - сказаў Дылеўскі.

Паводле яго слоў, кіраўніцтва завода ставіцца да яго грамадскай дзейнасці нармальна, галоўнае - выконваць сваю асноўную працу.

Нагадаем, прадстаўнікі апазіцыі Беларусі, не згодныя з вынікамі прэзідэнцкіх выбараў, раней абвясцілі аб стварэнні Каардынацыйнага савета па транзіту ўлады, першапачаткова ў прэзідыуме было сем чалавек. Амаль усе члены прэзідыума КС апазіцыі арыштаваныя або знаходзяцца за мяжой, за выключэннем нобелеўскага лаўрэата па літаратуры Святланы Алексіевіч.

Генпракуратура Беларусі ў сувязі са стварэннем савета распачала справу па крымінальным артыкуле пра заклікі да захопу ўлады. Падазраванымі па гэтай справе праходзяць два члены прэзідыума КС - Марыя Калеснікава і Максім Знак, яны заключаны пад варту.

9
Тэги:
Расія, Апазіцыя, Беларусь

Робаты-прыбіральшчыкі на варце каронавіруса - відэа

0
(абноўлена 12:17 25.09.2020)
За ўборку на лонданскім вакзале ўзяліся робаты. З дапамогай ультрафіялету і мыючых сродкаў яны знішчаюць 99,9% вірусаў і бактэрый - уключаючы COVID-19. Глядзіце на відэа, як робаты спраўляюцца з задачай.

Робаты-прыбіральшчыкі спрабуюць дапамагчы спыніць распаўсюджванне каронавіруса. Новыя "супрацоўнікі" з'явіліся на лонданскім чыгуначным вакзале. Яны дэзінфікуюць паверхні з дапамогай ультрафіялету.

Такі спосаб дэзінфекцыі зніжае рызыку заражэння каронавірусам. За лічаныя хвіліны такі робат можа забіць больш за 99% усіх вірусаў і бактэрый - уключаючы COVID-19.

Робаты нястомныя: яны могуць працаваць 24 гадзіны ў суткі, сем дзён на тыдзень і аўтаматычна падзаражацца, для іх працы патрабуецца мінімальнае ўмяшанне чалавека.

Робаты ўжо не ў першы раз з моманту пачатку пандэміі прыходзяць на дапамогу. Дзесьці робат прымаў заказ замест афіцыянта, захоўваючы сацыяльную дыстанцыю. А дзесьці робаты дыстанцыйна вымяралі тэмпературу.

Галоўнае, каб робаты пакінулі працу і для чалавека. Напрыклад, на вакзале Лондана, пакуль робат дэзінфікуе падлогі, людзі працягваюць апрацоўваць дзвярныя ручкі. А значыць, захоўваюць працу. Бо ўсе задачы, з якімі спраўляецца чалавек, робат не выканае.

Глядзіце на відэа, як праходзіць вельмі сучасная дэзінфекцыя на вакзале Лондана.

0
Тэги:
каронавірус