Знак на мяжы з Літвой

Краіны Балтыі забаранілі ўезд Аляксандру Лукашэнку і шэрагу чыноўнікаў

15
(абноўлена 16:52 31.08.2020)
У спіс асобаў, якія не змогуць уехаць у Літву, Латвію і Эстонію, увайшлі 30 грамадзян Беларусі - у тым ліку кіраўнік рэспублікі.

МІНСК, 31 жні - Sputnik. Латвія забараніла ўезд у краіну 30 беларускім грамадзянам, сярод якіх кіраўнік Беларусі Аляксандр Лукашэнка, паведаміў у панядзелак кіраўнік латвійскага МЗС Эдгарс Рынкевічс.

"Латвія забараняе ўезд 30 беларускім грамадзянам, уключаючы Аляксандра Лукашэнку. Яны адказныя за махлярства на прэзыдэнцкіх выбарах і жорсткасць супраць мірных дэманстрантаў у Беларусі, мы падтрымліваем незалежную і дэмакратычную Беларусь і яе грамадзян", - напісаў ён на сваёй старонцы ў Twitter.

Паведамляецца, што пад санкцыі патрапілі супрацоўнікі адміністрацыі і ўпраўлення па справах беларускага прэзідэнта.

Літва і Эстонія

Пра абмежаванні ў панядзелак заявіла і Эстонія. Пад санкцыі трапілі 30 беларускіх грамадзян, у тым ліку Аляксандр Лукашэнка, - ім забаронены ўезд у краіну тэрмінам на пяць гадоў.

"Пяцігадовая забарона на ўезд у Эстонскую Рэспубліку (дзейнічае з 31 жніўня 2020 года па 30 жніўня 2025 гады) будзе накладзена на Аляксандра Лукашэнку, міністра ўнутраных спраў Беларусі, міністра юстыцыі і генеральнага пракурора, службовых асоб адміністрацыі прэзідэнта, членаў Цэнтральнай выбарчай камісіі Беларусі і праваахоўных органаў", - гаворыцца ў паведамленні МЗС Эстоніі.

У эстонскім ведамстве растлумачылі, што лічаць гэтых людзей вінаватымі ў фальсіфікацыі вынікаў выбараў у Беларусі і ва ўжыванні гвалту супраць мірных дэманстрантаў. Па словах кіраўніка МЗС Урмаса Рейнсалу, сваімі санкцыямі Эстонія паказвае, што вельмі сур'ёзна ставіцца да парушэнняў правоў чалавека ў Беларусі.

Гэты ж спіс будзе дзейнічаць і ў Літве. Мяркуецца, што ён можа быць дапоўнены пазней. Раней улады краіны паведамлялі, што санкцыі з боку Літвы закрануць 118 грамадзян Беларусі.

Пра свой намер увесці санкцыі ў дачыненні да шэрагу службовых асобаў Беларусі краіны Балтыі заяўлялі раней. Паведамлялася, што ў спіс трапяць людзі, якія, на іх думку, "маюць ключавую ролю ў фальсіфікацыі вынікаў выбараў у Беларусі і ва ўжыванні гвалту супраць мірных дэманстрантаў".

Каму забаронены ўезд у краіны Балтыі:

  • Аляксандр Лукашэнка, прэзідэнт Рэспублікі Беларусь,
  • Віктар Лукашэнка, памочнік прэзідэнта Беларусі па нацыянальнай бяспецы, член Савета Бяспекі Беларусі, першы віцэ-прэзідэнт Нацыянальнага алімпійскага камітэта Беларусі,
  • Ігар Сяргеенка, кіраўнік Адміністрацыі прэзідэнта Беларусі,
  • Максім Рыжанкоў, першы намеснік кіраўніка Адміністрацыі прэзідэнта Беларусі,
  • Вольга Чупрыс, намеснік кіраўніка Адміністрацыі прэзідэнта Беларусі,
  • Дзмітрый Круты, намеснік кіраўніка Адміністрацыі прэзідэнта Беларусі,
  • Генадзь Богдан, намеснік Кіраўніка спраў прэзідэнта Беларусі,
  • Лідзія Ярмошына, старшыня ЦВК Беларусі,

  • Вадзім Іпатаў, намеснік старшыні ЦВК, дырэктар Нацыянальнага цэнтра заканадаўства і прававых даследаванняў Беларусі,

  • Алена Дмухайла, сакратар ЦВК Беларусі,

  • Святлана Кацуба, член ЦВК, загадчыца кафедры сацыяльна-гуманітарных і прававых дысцыплін установы адукацыі "Гомельскі дзяржаўны тэхнічны універсітэт імя П.В.Сухога",

  • Ігар Плышэўскі, член ЦВК, начальнік галоўнага ўпраўлення юстыцыі Мінгарвыканкама,

  • Алег Сліжэўскі, член ЦВК, міністр юстыцыі Беларусі,

  • Ірына Целікавец, член ЦВК, начальнік упраўлення натарыята і загсаў Міністэрства юстыцыі Беларусі,

  • Валерый Вакульчык, старшыня КДБ,
  • Іван Церцель, старшыня КДК,
  • Іван Наскевіч, старшыня СК,
  • Аляксандр Канюк, генпракурор,
  • Юрый Караеў, кіраўнік МУС,
  • Генадзь Казакевіч, першы намеснік міністра ўнутраных спраў Беларусі - начальнік крымінальнай міліцыі,
  • Аляксандр Барсукоў, намеснік міністра ўнутраных справаў Беларусі - начальнік міліцыі грамадскай бяспекі,
  • Сяргей Хаменка, намеснік міністра ўнутраных спраў Беларусі,
  • Юры Назарэнка, намеснік міністра ўнутраных спраў Беларусі,
  • Раман Мельнік, начальнік Галоўнага ўпраўлення аховы правапарадку і прафілактыкі МУС,
  • Іван Кубракоў, начальнік ГУУС Мінгарвыканкама,
  • Алег Шаблыка, намеснік начальніка Дэпартамента аховы МУС Рэспублікі Беларусь - начальнік упраўлення сродкаў і сістэм аховы,
  • Андрэй Раўкоў, дзяржсакратар Савета бяспекі Беларусі,
  • Аляксей Волкаў, намеснік старшыні СК,
  • Сяргей Аземша, намеснік старшыні СК,
  • Андрэй Смаль, намеснік старшыні СК.

Чаму санкцыі

Пасля выбараў прэзідэнта, на якіх, паводле дадзеных ЦВК, перамог Аляксандр Лукашэнка, у Беларусі пачаліся пратэстныя акцыі. Першапачаткова людзі былі не згодныя з агучаных вынікам, згодна з якім за дзейнага прэзідэнта прагаласавала больш за 80% выбаршчыкаў. Пасля таго, як першыя акцыі былі жорстка падушаныя, людзі сталі выходзіць на вуліцы яшчэ і з патрабаваньнем спыніць гвалт.

Шэраг краін абвясціў пра непрызнанне вынікаў беларускіх выбараў, некаторыя краіны - удзельніцы ЕС заявілі аб увядзенні кропкавых санкцый у дачыненні да асоб, на іх думку, адказных за фальсіфікацыю вынікаў выбараў і гвалт у паслявыбарныя дні. Аб намеры ўвесці санкцыі заяўлялі і органы ЕС.

15

Пуцін і Байдэн: як рыхтуецца Жэнева да сустрэчы прэзідэнтаў - відэа

8
(абноўлена 13:11 16.06.2021)
Раскосмас паказаў спадарожнікавае фота месца сустрэчы Байдэна і Пуціна ў Жэневе. Напярэдадні сустрэчы там на ўсю моц ідзе падрыхтоўка да перамоў на вышэйшым узроўні.

Раскосмас апублікаваў фота сядзібы ў Швейцарыі, дзе запланаваны перамовы прэзідэнтаў Расіі і ЗША. Фота з космасу зрабіў расійскі спадарожнік дыстанцыйнага зандзіравання Зямлі "Рэсурс-П", паведамілі ў Раскосмасе. На ім бачна віла Ла Гранж на беразе Жэнеўскага возера.

Супрацоўнікі паліцыі і жандармерыі патрулююць вуліцы, многія з якіх заблакіраваны, у той час як Парк Ла Гранж - месца, дзе адбудзецца сустрэча на вышэйшым узроўні - зачынены для публікі.

Першая сустрэча прэзідэнта Расіі Уладзіміра Пуціна і яго амерыканскага калегі Джо Байдэна адбылася 10 сакавіка 2011 года ў Маскве. Прыём праходзіў у перамоўным пакоі расійскага Белага дома. Тады Пуцін займаў пасаду прэм'ер-міністра Расіі, а Байдэн быў на пасадзе віцэ-прэзідэнта ЗША у адміністрацыі Барака Абамы. Падчас сустрэчы палітыкі абмяркоўвалі адносіны паміж дзвюма краінамі, бізнес і тавараабарот. Пуцін адзначаў, што, калі краіны дамовяцца аб увядзенні бязвізавага рэжыму раней, чым з Еўрапейскім саюзам, гэта стане гістарычным крокам у развіцці абедзвюх дзяржаў.

Новая сустрэча лідэраў Расіі і ЗША прызначана на 16 чэрвеня ў Жэневе на віле Ла Гранж. Чакаецца, што Пуцін і Байдэн абмяркуюць стан і перспектывы далейшага развіцця расійска-амерыканскіх адносін, праблематыку стратэгічнай стабільнасці, а таксама актуальныя пытанні міжнароднага парадку.

Чытайце таксама:

8
Тэги:
перамовы, фота, Раскосмас, відэа, прэзідэнт, сустрэча, Жэнева, Джо Байдэн, Уладзімір Пуцін
Канстытуцыя Рэспублікі Беларусь

Канстытуцыйны суд могуць надзяліць правам правяраць законнасць выбараў

9
(абноўлена 12:05 16.06.2021)
Акрамя таго, прапануецца ўпаўнаважыць Канстытуцыйны суд РБ выносіць заключэнне аб легітымнасці працэсу імпічменту прэзідэнта.

МІНСК, 16 чэр – Sputnik. Канстытуцыйны суд Беларусі хочуць надзяліць правам праверкі законнасці вынікаў выбараў і працэсу імпічменту прэзідэнта, заявіла намеснік старшыні Канстытуцыйнага суда, член Канстытуцыйнай камісіі Наталля Карповіч.

"Ёсць канстытуцыйныя падставы і аб'ектыўная неабходнасць вызначыць ролю Канстытуцыйнага суда ў выбарчым працэсе як прэзідэнта, так і парламента", - заявіла Карповіч.

Паводле яе слоў, прапануецца надзяліць Канстытуцыйны суд паўнамоцтвам праверкі канстытуцыйнасці выбараў.

Карповіч таксама паведаміла, што прапануецца ўпаўнаважыць КС выносіць заключэнне аб канстытуцыйнасці працэсу імпічменту прэзідэнта.

Інстытут канстытуцыйнай скаргі

Акрамя таго, па словах Карповіч, прапануецца надзяліць грамадзян краіны правам звярнуцца ў Канстытуцыйны суд для праверкі выканання Канстытуцыі падчас судовага разбору.

"Прапануецца надзяліць Канстытуцыйны суд паўнамоцтвамі па скаргах грамадзян ажыццяўляць праверку канстытуцыйнасці норм законаў, ужытых у канкрэтнай судовай справе, калі вычарпаны ўсе іншыя сродкі судовай абароны", - сказала спікер.

Па словах Карповіч, увядзенне канстытуцыйнай скаргі ў Беларусі ўстанаўлівае прамы доступ грамадзян да канстытуцыйнага правасуддзя.

"Канстытуцыйная скарга з'яўляецца найбольш распаўсюджанай формай абароны канстытуцыйных праў і свабод грамадзян. Усе краіны постсавецкай прасторы і большасць еўрапейскіх дзяржаў маюць інстытут канстытуцыйнай скаргі грамадзян", - адзначыла Карповіч.

Наступнае пасяджэнне Канстытуцыйнай камісіі пройдзе 30 чэрвеня, так як прапановы грамадзян, звязаныя з увядзеннем інстытута прысяжных засядацеляў выклікалі шырокую дыскусію і маюць патрэбу ў дадатковай прапрацоўцы.

7 ліпеня пройдзе абмеркаванне выніковага тэксту змяненняў у Канстытуцыю, а заключнае пасяджэнне Канстытуцыйнай камісіі намечана на 21 ліпеня.

Чытайце таксама:

9
Тэги:
Канстытуцыя, прэзідэнт, легітымнасць, Выбары, законнасць, права, імпічмент, Канстытуцыйны суд РБ
Лячэнне хворых з COVID-19 у рэзервовым шпіталі ў АТЦ Масква

Cабянін назваў сітуацыю з COVID-19 у Маскве драматычнай

0
(абноўлена 13:28 16.06.2021)
За мінулыя суткі ў расійскай сталіцы было выяўлена 5 782 новыя выпадкі COVID-19, памерлі больш за 70 пацыентаў.

МІНСК, 16 чэр - Sputnik. Мэр Масквы Сяргей Сабянін назваў развіццё сітуацыі з каронавірусам у расійскай сталіцы драматычным. Пра гэта ён напісаў у сваім блогу.

"Сітуацыя з каронавірусам працягвае развівацца драматычна", - заявіў Сабянін.

Ён удакладніў, што ў цяперашні час у шпіталях знаходзіцца больш за 12 тысяч чалавек з рознай ступенню цяжкасці хваробы.

"Па захворванню мы ўжо на ўзроўні мінулагодніх пікаў", - канстаціраваў маскоўскі мэр.

Паводле яго слоў, толькі апошнія 24 гадзіны ў Маскве ад каронавіруса памерлі больш за 70 чалавек.

Масавая вакцынацыя

Сабянін заявіў, што трагічных выпадкаў можна было б пазбегнуць, калі б грамадзяне своечасова прышчапіліся ад COVID-19. Разам з тым, ён дадаў, што вакцынацыя - гэта асабістая справа кожнага.

"У Маскоўскім рэгіёне пражывае каля 20 млн чалавек. Масква знаходзіцца на ростанях усіх дарог. Менавіта па нас прыпадаюць самыя страшныя ўдары пандэміі.

Менавіта таму нам у першую чаргу патрэбна надзейная абарона ад небяспечнай хваробы, ад гібелі тысяч масквічоў. Такая абарона ёсць - гэта вакцынацыя", - упэўнены Сабянін.

Паводле яго слоў, больш за 1.8 мільёны масквічоў прышчапіліся ад COVID "адной з лепшых і надзейных вакцын".

"Мы проста абавязаны зрабіць усё, каб у самыя кароткія тэрміны правесці масавую вакцынацыю і спыніць страшную хваробу. Спыніць гібель тысяч людзей", - дадаў Сабянін.

У сувязі з гэтым сёння маскоўскімі ўладамі было прынята рашэнне аб абавязковай вакцынацыі людзей, якія працуюць у сферы паслуг.

"Прашу зразумець правільна і падтрымаць гэта вельмі цяжкае, няпростае, але неабходнае і адказнае рашэнне", - сказаў на заканчэнне Сабянін.

Чытайце таксама:

0
Тэги:
COVID-19, сітуацыя, Масква, Сяргей Сабянін
Тэмы:
Каронавірус COVID-19