Надзвычайны і паўнамоцны пасол, пастаянны прадстаўнік РФ пры Еўрапейскім саюзе Уладзімір Чыжоў

Чыжоў: у Еўрасаюзе не хочуць, каб Мінск яшчэ больш зблізіўся з РФ

7
(абноўлена 10:58 01.10.2020)
Першага кастрычніка пачынаецца саміт краін ЕС. На ім, як чакаецца, будзе абмяркоўвацца шэраг рэзанансных пытанняў: сітуацыя ў Беларусі, здарэнне з блогерам Аляксеем Навальным, крызісныя адносіны з Турцыяй.

Аб ўмяшанні еўрапейскіх краін у справы Мінска і іх дачыненні да былога кандыдата ў беларускія прэзідэнты Святланы Ціханоўскай, аб нестасоўках ў справе Навальнага і рэакцыі на іх Бруселя ў інтэрв'ю карэспандэнту РІА "Новости" Марыі Князевай распавёў пастаянны прадстаўнік РФ пры ЕС Уладзімір Чыжоў.

- Набліжаецца саміт кіраўнікоў дзяржаў ЕС, дзе будзе абмяркоўвацца сітуацыя ў Беларусі. Як вы ацэньваеце пазіцыю Еўрасаюза па Беларусі?

- Крытычна, таму што, уголас заяўляючы пра тое, што ЕС супраць любога знешняга ўмяшання, ён на самай справе займаецца гэтым самым умяшаннем. Еўрапейскія палітыкі ходзяць вакол спадарыні Ціханоўскай, прабачце, як каты вакол смятаны. Калі яны хацелі проста на яе паглядзець - гэта адно, а калі хочуць даць ёй нейкія палітычныя авансы - гэта ўжо іншае.

- Атрымліваецца, чыноўнікі ЕС спрабуюць падцяпліць сітуацыю ў краіне?

- З аднаго боку, падцяпліць, а з другога боку - поўная дэстабілізацыя наўрад ці адпавядае іх інтарэсам. Менш за ўсё ў ЕС хочуць, каб у выніку гэтага крызісу Беларусь яшчэ больш зблізілася з Расіяй. Таму яны кажуць, што лічаць вынікі прэзідэнцкіх выбараў сфальсіфікаванымі, аднак пры гэтым не дзяруць дыпламатычныя адносіны з гэтай краінай.

Акрамя таго, яны не заявілі аб прызнанні спадарыні Ціханоўскай законна абраным прэзідэнтам. А ЗША, да прыкладу, нават не адмаўляюцца ад намеру прызначыць пасла ў Беларусі, у сувязі з чым узнікае пытанне: а ў каго Вашынгтон будзе запытваць агрэман, і каму пасол будзе ўручаць даверчыя граматы?

- У ЕС раней заяўлялі пра тое, што не жадаюць паўтарэння ў Беларусі ўкраінскага майдана...

- Гэта лепш у іх спытаць, чаго б яны хацелі, а чаго б не хацелі. Мы дакладна не хочам, каб у Беларусі паўтарыўся ўкраінскі сцэнар. Гэта я вам магу сказаць з усёй адказнасцю і глыбокай перакананасцю.

- Адносіны з Турцыяй таксама будуць абмяркоўвацца на гэтым саміце?

- Так. З Турцыяй ЕС неабходна вызначацца. Акрамя таго, на вырашэнне гэтага пытаньня аказалася завязана і ўвядзенне новых санкцый па Беларусі.

- А якія ў ЕС ёсць варыянты дзеянняў для таго, каб Турцыя змяніла сваю палітыку ва ўсходнім Міжземнамор'і?

- Яны могуць, да прыкладу, увесці дадатковыя санкцыі ці зрабіць іх увядзенне адтэрмінаваным, могуць паклікаць прэзідэнта Турцыі Рэджэпа Таіп Эрдагана на сустрэчу, могуць стварыць нейкую сумесную марскую аперацыю для абароны інтарэсаў Грэцыі і Кіпра, могуць паспрабаваць фізічна перашкодзіць геолагаразведачным работам Турцыі ў Міжземнамор'і, могуць ануляваць здзелку па міграцыі ад 2016 года і ўзяць парадку 4,5 мільёна бежанцаў, якія, па наяўных дадзеных, знаходзяцца на тэрыторыі Турцыі. А могуць і не зрабіць усяго гэтага.

- Ці магчыма ўзгадненне новых абмежавальных мер ЕС па Беларусі, бо, як паведамляюць крыніцы, гэтаму перашкаджае Кіпр?

- Так, што тычыцца Кіпра - гэта так. Але я не буду гадаць аб магчымасці ўзгаднення санкцый. Дарэчы, на гэтым фоне ў ЕС у чарговы раз разгарнулася дыскусія, якую падагрэла старшыня Еўракамісіі Урсула фон дэр Ляен, пра тое, што пара, маўляў, пераходзіць у пытанні выпрацоўкі шэрагу рашэнняў унутры ЕС ад аднагалоснасці да кваліфікаванай большасці.

Ідэя не новая. У прынцыпе дзеючая дагаворная база, якая ляжыць у аснове ЕС, дапускае гэта. Аднак пакуль вялікага жадання ў кіраўніцтва ЕС усё ж мяняць сістэму галасавання няма. Калі яны зараз паспрабуюць такія адчувальныя пытанні, як санкцыйныя, перавесці на кваліфікаваную большасць, то нам будзе цікава паглядзець.

- Але я так разумею, што ў цяперашняй сітуацыі гэта будзе складана зрабіць - перавесці вырашэнне пытання ўвядзення якіх-небудзь санкцый ЕС ад аднагалоснасці ўсіх краін Саюза на кваліфікаваную большасць?

- Я думаю, што ў вашых развагах ёсць зерне логікі.

- Калі дазволіце, я вярнуся да Турцыі. Ці можа Еўрасаюз рэальна паўплываць на сітуацыю ва ўсходнім Міжземнамор'і?

- Гэта залежыць ад узроўню палітычнай волі. У ЕС 27 краін, і калі некаторыя з іх больш рашуча і, магчыма, больш шчыра выступаюць у абарону сваіх саюзнікаў - Грэцыі і Кіпра - у іх канфлікце з Турцыяй, то іншыя гэта робяць хутчэй фармальна. Вядома, напрыклад, што Германія аддае перавагу выступаць у ролі свайго роду пасярэдніка паміж Грэцыяй і Турцыяй. А вось у Францыі больш прагрэчаская пазіцыя.

- Так ці варта чакаць ад саміту ЕС нейкіх рашэнняў па Турцыі?

- Думаю, гадаць не варта. Бо рашэнняў чакалі і пасля пасяджэння Савета міністраў замежных спраў дзяржаў Еўрасаюза, які прайшоў не так даўно, 21 верасня. Але яны не змаглі іх прыняць. Паглядзім, што будзе на ўзроўні лідараў. Вядома, успышка напружанасці ў Нагорным Карабаху - і асабліва роля Турцыі - дадае вострага падліўкі ў гэтую страву.

- Сталае прадстаўніцтва Расіі пры ЕС раней апублікавала шэраг пытанняў, я б сказала нестыковак, звязаных са справай Аляксея Навальнага. І з таго часу ні на адно з гэтых пытанняў адказу ніадкуль не было. А вы размаўлялі з прадстаўнікамі ЕС па тэме Навальнага? Прапаноўвалі ім адказаць на гэтыя пытанні?

- Вядома. І пакуль нічога. Але мы будзем працягваць гэтую працу. Аднак пакуль што ў асноўным зваротная аргументацыя зводзіцца да спроб прыкрыцца аўтарытэтам германскіх лабараторый, АЗХЗ і нават канцлера ФРГ Ангелы Меркель.

- ЕС хоча, каб Расія правяла расследаванне справы Навальнага. А чаму ЕС не настойвае на тым, каб Германія раскрыла наяўную ў яе інфармацыю па гэтай справе?

- Гэта добрае пытанне. Тут шмат пытанняў, якія дагэтуль застаюцца без адказу. Напрыклад, яшчэ адно: нам кажуць, што Расія павінна ўзаемадзейнічаць з АЗХЗ па гэтай справе, а ў АЗХЗ кажуць, што не маюць дачынення да гэтага і што мы павінны звяртацца да Германіі. Калі я тлумачу ўсе гэтыя нестыкоўкі Еўрасаюзу, то ўпіраюся не тое каб у бетонную, але ў нейкую ватовую сцяну: ніхто мае пытанні не адкідае і довады не абвяргае, але ніякага адказу я таксама не атрымліваю.

- А што ў гэтым кантэксце з "Паўночным патокам - 2"?

- Ёсць спробы прывязаць будаўніцтва гэтага газаправода да справы Навальнага. Але пры ўсім жаданні ніякай сувязі паміж імі мне, напрыклад, знайсці не атрымоўваецца. "Паўночны паток - 2" - гэта праект, які, як вядома, сутыкаецца з перашкодамі. Мы ведаем, хто стварае і ствараў гэтыя перашкоды, і як яны пераадольваліся. Да завяршэння будаўніцтва газаправода засталося зусім крыху.

Я думаю, што не толькі для Германіі, але і для Еўропы гэта пытанне гонару. Еўрасаюз рэгулярна пацвярджае зацікаўленасць у тым, каб прасоўваць сваю стратэгічную аўтаномію. У сферы энергетыкі гэта азначае мець дастаткова сур'ёзную аснову забеспячэння сваёй энергабяспекі, уключаючы, натуральна, атрыманне надзейных паставак энерганосьбітаў па даступных цэнах.

- Як вы глядзіце на перспектывы завяршэння гэтага праекта?

- Я ўпэўнены, што ён будзе дабудаваны і будзе працаваць.

7
Тэги:
Мінск, Еўрасаюз
Усебеларускі народны сход у Мінску

Лукашэнка расказаў, калі пачнецца падрыхтоўка Усебеларускага сходу

6
(абноўлена 14:45 21.10.2020)
У Палацы Незалежнасці сабраўся ўвесь беларускі ўладны істэблішмэнт, каб абмеркаваць тры блокі актуальных пытанняў, куды ўваходзіць эканоміка, палітыка і бяспека.

МІНСК, 21 кас - Sputnik. На Усебеларускім сходзе ў канцы гэтага года будуць вызначаны задачы па развіцці краіны на будучую пяцігодку, распавёў прэзідэнт Беларусі падчас нарады па актуальных пытаннях з чыноўнікамі.

У Палацы Незалежнасці сёння сабраліся прадстаўнікі ўрада, парламента, Вярхоўнага суда, адміністрацыі прэзідэнта, абласцей і горада Мінска, сілавых ведамстваў, міністэрства аховы здароўя.

"Традыцыйна сёння ў нас нарада па актуальных бягучых пытаннях. Тры блока праблем або пытанняў, якія мы павінны разгледзець", - растлумачыў прычыны нарады Аляксандр Лукашэнка, яго цытуе БелТА.

Паводле яго слоў, з дакладам па блоку эканомікі і фінансаў выступіць прэм'ер Раман Галоўчанка. Палітычную павестку асветліць кіраўнік адміністрацыі Юры Сергяенка. Пытанні грамадскай бяспекі стануць прадметам дакладу сакратара Савета бяспекі Валерыя Вакульчыка.

Беларускі лідар адзначыў, што напярэдадні савет міністраў абмяркоўваў перспектывы развіцця краіны на будучы год, а таксама пытанні фарміравання бюджэту. Гэтыя пытанні дэталёва будуць абмяркоўвацца ўжо ў лістападзе.

"А ў снежні, я мяркую, мы вернемся да пытанняў падрыхтоўкі Усебеларускага народнага сходу, дзе вызначым задачы развіцця нашай краіны на пяцігодку. І там разгледзім ўжо глабальныя пытанні развіцця нашай дзяржавы", - сказаў кіраўнік дзяржавы.

Народнае Веча

Чарговы Усебеларускі сход стане ўжо шостым па ліку. Першы сход адбыўся 19-20 кастрычніка 1996 года ў Мінску. Тады ў беларускай сталіцы яшчэ не было вялікіх пляцовак, таму месцам правядзення стаў Палац спорту. На сходзе абмяркоўваліся папраўкі ў Канстытуцыю і правядзенне рэферэндуму, які пасля заклаў аснову дзеючай палітычнай сістэмы.

Папярэдні пяты Усебеларускі сход адбыўся 22-23 чэрвеня 2016 года. На абмеркаванне дэлегатаў выносілася праграма чарговай пяцігодкі на 2016-2020 гады. Галоўнай мэтай тады абвясцілі павышэнне ўзроўню жыцця беларусаў. Усё гэта меркавалася рабіць пры дапамозе інвестыцый, росту занятасці і экспарту.

Шосты Усебеларускі народны сход плануецца правесці ў снежні 2020 года, і на ім, хутчэй за ўсё, будуць абмяркоўвацца чарговыя папраўкі ў Канстытуцыю Беларусі. Мяркуецца, што рэформа можа змяніць баланс размеркавання ўладных паўнамоцтваў у рэспубліцы, але прапановы па папраўках яшчэ збіраюцца па ўсёй краіне.

Чытайце таксама:

6
Тэги:
Усебеларускі народны сход, Аляксандр Лукашэнка
Палац Незалежнасці ў Мінску

У прэзідэнта новы памочнік, а ў Саўміна - кіраўнік апарата

13
(абноўлена 14:44 20.10.2020)
Беларускі лідар у Палацы Незалежнасці сёння прыняў цэлую чараду кадравых рашэнняў, прызначыўшы, у тым ліку, кіраўнікоў мясцовых органаў улады і прадстаўнікоў рэспублікі ў міжнародных арганізацыях.

МІНСК, 20 кас - Sputnik. Аляксандр Лукашэнка прызначыў Леаніда Мартынюка памочнікам прэзідэнта - інспектарам па Магілёўскай вобласці.
Раней новы памочнік кіраўніка дзяржавы працаваў на пасадзе старшыні Бярозаўскага райвыканкама.

Злева направа: Наталля Лапцева, Аляксандр Бахановіч, Наталля Карчэўская
© Photo : Telegram-канал "Пул Первого"

Сёння таксама з'явіўся новы кіраўнік у апарата Савета міністраў - ім стаў Канстанцін Бурак.

Па ўзгадненні з беларускім прэзідэнтам Бярозаўскі райвыканкам узначаліць Сяргей Барташ, а пасаду старшыні Ляхавіцкага райвыканкама заняў Мікалай Мароз.

Прадстаўляць беларускія ўлады ў Арганізацыі па забароне хімічнай зброі па сумяшчальніцтве будзе Андрэй Еўдачэнка. У сваю чаргу Максім Ермаловіч аналагічнай працай будзе займацца пры Міжнароднай марской арганізацыі па сумяшчальніцтве.

Новым намеснікам міністра прыродных рэсурсаў і аховы навакольнага асяроддзя са згоды кіраўніка дзяржавы прызначаны Аляксандр Гарошка.

13
Тэги:
Аляксандр Лукашэнка
Праца памежнікаў у Нацыянальным аэрапорце Мінск

Ужо заўтра: як зменяцца правілы для тых, хто ўязджае ў Беларусь

0
(абноўлена 14:53 21.10.2020)
З чацвярга замежныя грамадзяне і асобы без грамадзянства, якія прыбываюць з "зялёнай зоны", павінны мець пры перасячэнні мяжы арыгінал даведкі з адмоўным тэстам на каронавірус.

МІНСК, 21 кас - Sputnik. Новыя правілы для тых, хто прыбывае ў Беларусь або рухаецца праз краіну транзітам пачнуць дзейнічаць ужо заўтра, 21 кастрычніка. Абноўленыя рэкамендацыі замацаваны ў пастанове Савета Міністраў ад 13 кастрычніка 2020 года.

Што зменіцца для гасцей краіны і тых, хто рухаецца праз яе транзітам, у аглядзе Sputnik.

Калі вы едзеце з "зялёнай" зоны

Даведку з адмоўным вынікам ПЦР-тэсту, выдадзеную не раней за 72 гадзін да перасячэння мяжы, павінны будуць мець пры сабе ўсе, замежныя грамадзяне і асобы без грамадзянства, якія прыбылі з "зялёнай зоны".

Мова даведкі можа быць беларускай, рускай ці англійскай мове, у тэксце павінна ўтрымлівацца прозвішча, імя пасажыра і вынік лабараторнага даследавання на каронавірус.

Тэст на антыцелы (IgM і IgG), а таксама тэст на вылучэнне РНК (мазок) не падыходзяць для перасячэння мяжы. У даведцы абавязкова павінна быць адзначана "палімеразная ланцуговая рэакцыя" (PCR).

Грамадзяне Беларусі, а таксама тыя, хто мае від на жыхарства ў краіне, не абавязаны здаваць тэсты ПЦР незалежна ад таго, прыбываюць яны з "чырвонай" ці з "зялёнай" зон. Аднак у выпадку прыбыцця з чырвонай зоны пасажыры абавязаны выконваць 10-дзённую самаізаляцыю.

Калі вы едзеце з "чырвонай" зоны

Напярэдадні Міністэрства аховы здароўя абнавіла спіс краін "чырвонай зоны", цяпер у ім 132 дзяржавы.

Замежнікі і асобы без грамадзянства абавязаны выканаць дзесяцідзённы рэжым самаізаляцыі па прыбыцці з гэтых краін. У тым ліку, калі ў адной з краін чырвонай зоны яны знаходзіліся транзітам - але даўжэй за 24-ы гадзіны.

У выпадку, калі замежнікі ідуць праз Беларусь транзітам з "чырвонай зоны", ім не абавязкова мець пры сабе даведку з адмоўным вынікам тэста на COVID. Аднак на працягу 24-х гадзін неабходна пакінуць краіну, а пры ўездзе прад'явіць дакумент, які пацвярджае транзіт.

Калі грамадзянін, які прыехаў у Беларусь, не паспеў пакінуць краіну за 24 гадзіны, яму прыйдзецца зрабіць тэст на каронавірус у тэрытарыяльнай арганізацыі аховы здароўя, каб працягнуць падарожжа.

0
Тэги:
Беларусь